聆渢咖啡廳

营业中

休息中

疫情關係，無得出外旅遊，為減低感染風險，除與人保持社交距離，仲有就喺減少社交接觸，而大棚朋友嘅活動就自疫情都無搞過，至少都喺三幾個相熟友人約埋行吓山。結婚周年，以往都只喺食吓飯，但今年就叫大搞少少，安排咗人生第一個Staycation，偽旅行一下當慶祝。因為都真喺想有啲旅行嘅感覺，所以，專登揀咗遠離市區又有渡假環境嘅「黃金海岸酒店」，其中悠然下午茶住宿計劃（Tea-cation）最啱我心水，包雙人豪華海景房、入住當日嘅主題下午茶、翌日嘅雙人自助早餐，已包稅金，全費$980，感覺真喺好抵。行程亦都度好晒，第一日，先食個豐富嘅早餐，再去行「河背水塘家樂徑」，晌港版嵐山竹林、小瀑布影吓相，下午到酒店享用精緻嘅下午茶，傍晚再看看日落美景（可惜喺沙灘封晒）；翌日，一早落去食完自助早餐後，輕裝上千島湖，之後再返回酒店辦退房，然後食埋個午餐才施施然歸家。對上一次到訪「聆渢咖啡廳」已經喺2013年嘅事喇，對其環境、食物都有好好嘅印象，時隔8年再臨，感覺一樣都好唔錯，地方唔會覺得好殘殘舊舊，室內地方企理整潔，喺疫情關係，餐枱數量嘅編排少咗，間隔嘅距離大咗，一側嘅落地大玻璃對出就喺開揚嘅園林景，加上陽光斜

食物質素差🙅🏻‍♀️🙅🏻‍♀️🙅🏻‍♀️，服務態度差🙅🏻‍♀️🙅🏻‍♀️🙅🏻‍♀️龍蝦亞姐無耐性對客態度差，環境差座戶外好大煙🙅🏻‍♀️龍蝦是水煮返熱硬到呢⋯燒長腳蟹一點都不好食乾真真，壽司啲飯硬既，點心吾好食叮叮點心好食過佢，款式少，甜品吾掂，係個羊架同扇貝正常啲，價錢吾平架8折咗都要400幾，好失望😞浪費金錢同時間，個晚係同老公慶祝生日諗住食餐好既，點知唂鬼氣差到無人有，到尾焗住食碗粉填飽個肚。😞

第一次食黃金海岸酒店嘅自助餐😃海鮮方面冇生蠔同埋龍蝦 有啲失色不過佢嘅麵包蟹同蟹腳好友驚喜😍😍麵包蟹超級多膏😋🦀總共食左超過五個麵包蟹蓋😛😛無限encore😛😛（記得要同佢指明話要蟹蓋🤣）.蟹腳鮮甜多肉🤤😆法式牛油浸阿拉斯加皇后蟹腳廚師不斷即叫即製蟹腳滿滿的牛油香味 百吃不厭🤤🤤.蜆肉比較淡身 不夠鮮甜青口 凍蝦 螺 都正正常常主攻麵包蟹和蟹腳就可以😛.好多人都冇發覺佢有戶外燒烤區出面有鵝肝、扇貝、蝦🦐、雞肉卡巴、燒羊架、雞全翼、八爪魚、牛扒等等全部都係廚師即叫即製😍😃.熟食方面亦都特別推介🌟摩洛哥羊肉煲🌟香煎鱈魚🌟牛油煮阿拉斯加蟹腳酒店烹煮嘅醬汁都非常香濃惹味😋有少少似fine dining 感覺🤣.甜品可以任食各款雪糕😍Häagen-Dazs, Dreyers ,Movenpick仲有即製窩夫 不過比較硬身😟.晚市（晚上 6 時 30 分至 10 時)星期一至五 成人：HK$588用指定信用卡仲有八五折

牛扒比較靭雞肉比較柴，不過雞胸係咁雞翼、腸仔、魚柳正常大蝦、蝦餃正西蘭花都好食燒賣唔得沙律正常，藜麥沙律🥗正有5款芝士包括羊奶芝士吞拿魚同三文魚都唔得鯛魚同希靈魚ok蟹腳幾甜 忌廉蕃茄湯正，偏酸，但鍾意酸同蕃茄嘅朋友仔會like3大1小食lunch buffet，簽恆生卡8折，大人折完$359一位，性價比就見人見智，食11:30-14:30。而家冇得自己裝野食，出到去食物區話俾職員聽要食咩同份量，職員幫你裝。大食妹表示唔敢叫太多，怕醜🤣🤣🤣甜品冇空位試，有movenpick同haagendaz

黃金海岸酒店入面既西餐廳，覺得主要係黎食個景既。溫室咁既設計，採光度足，望出窗出面係泳池景，幾有度假感覺🏖️。疫情關係，閒日lunch冇開自助餐，只有Set Lunch或者 A La Carte。頭盤小龍蝦芒果牛油果沙律，牛油果超生，一D都唔好食，不過擺盤係幾靚既。餐廳既松露忌廉湯好似幾出名，而呢個番茄醬意粉個底，都淋坐個忌廉湯落去，味道尚可啦。羊架係幾味菜式入面最好食既。+$30可以加個甜品，檸檬撻，仲可以寫埋happy birthday上去，無需預定。

有海鮮，不過普普通通，冇乜特別大致上都ok，味道平均價錢方面都可以餐飲無限添飲有茶和咖啡外面有BBQ咁啱想食BBQ住喺附近可以游完水就去食自助餐侍應服務態度ok

以一間4星酒店嘅自助餐來講，呢間自助餐都算係我暫時最差嗰間。唔知點解間餐廳嘅戶外位置係多過室內，我訂枱嗰陣時已經知要坐出邊，但冇所謂嘅都預咗。不過，個戶外座位附近竟然有好多燒烤區，個位勁大煙恭住哂都帶我地過去坐，明明附近仲有好多空位係遠離燒烤區。餐廳個安排真係好差。最後，我要自己要求換位。另外啲嘢食選擇真係好少，凍海鮮基本上得青口、蟹腳、蝦同螺。凍肉就剩係得三文魚同少少火腿。麵包就直頭冇乜，牛油得返一粒，又冇人加番。明明之前見啲人食咖喱都有薄餅，但又唔知點解冇。最好笑係唔知係咪因為疫情關係，所有嘢食係你自己行埋去等個員工筆比你，完全無辦法控制自己要食幾多，後面仲有成村人等緊，個員工淨係會一野筆哂俾你就算。等人筆比你都唔係問題，但一個人要負責幾樣餸，個個都要拎好耐，成埋人喺後面度排隊感覺好差。最驚嚇係佢個飲品吧！完全冇諗過佢嘅飲品選擇係小到咁剩係得茶或咖啡仲要等人拎俾你拎到俾你啲冰都凍哂又溶埋真係連果汁同汽水都冇好似話汽水同埋走要另外加錢但講真呢個價錢我覺得仲衰過食放題四星酒店呢個服務真係好差絕對唔會再去

其實黃金海岸酒店嘅房價都唔平，價錢同尖沙咀五星酒店一樣，但係早餐都做得麻麻地，好似求其整啲嘢食出嚟咁。飲品方面都幾好嘅，除咗果汁之外，有新鮮檸檬茶飲。一定要講嘅係點心真係好難食，啲蝦餃好似小朋友食嗰啲糊仔咁，個皮係溶埋一舊嘅。湯麵個湯底係好似滾水咁，完全冇味嘅，不過啲丸都幾好食。奄列係有廚師整嘅，整左好耐，整咗出嚟個雞但係又老又鞋。煙三文魚一片片切到爛蓉蓉，有啲就冇味，唔係好新鮮，水果切開一粒粒一份份，我唔係咁鍾意咁樣，有啲水果唔鍾意食都要拎埋嚟食。我覺得整體來講都幾差，唔係一間五星級酒店提供嘅食物水準！

早排去左黃金海岸食自助餐由於疫情關係，酒店餐廳改左用好像放題圈紙仔一樣，將你想食的打個「剔」就會有人專人送上，每場台會每人送上人數計算的海鮮拼盤，嗰日去係3月14號，咁餐廳啱啱改咗呢個制度去揀你想食嘅嘢，但係由於太少服務員嘅關係，有好多野都係漏咗同埋遲尼，但係我哋都食到飽嘅，見最後有餐廳經理買單嘅時候都有同我哋道歉，其實佢唔係淨係同我哋呢張枱道歉係幾乎張張枱都有投訴，不過呢一間野我哋都食咗好多次啦質素同埋價錢方面都好平所以我哋都唔會話有啲咩說話囉😘😘希望佢哋會有改善啦😊😊

春節前來到黃金海岸，主要是參與一個自助餐聚餐其實我已來過這家餐廳好幾次，但都是食晚宴，令人最印象深刻的是戶外的BBQ燒烤美食餐廳設於酒店地下一層，地方適中但座位有點窄食物方面以自助午餐來說著實不少，前菜的沙津、煙三文魚火腿等都俱全人氣最盛的就是海鮮，有海蝦、長腳蟹腳及青口等刺身壽司當然也不缺，而且也算新鮮小食類也有很多選擇，比較特別及人氣的是各式蒸點心主菜選擇充足，有來自不同國家的口味，其中咖哩就有4種，迎合不同人士甜品類也有很多，但味道只屬一般，另外還有自取的Häagen-Dazs雪糕以香港的自助午餐來說，此餐廳實屬種類多性價比較高的一家

今晚去食飯，對上一次去係2，3年前，上一次去仲有多小小款式，今次去發覺d野食小左好多，味道又唔見得係好，用左唔洗半個鐘已經試哂所有野618仲要加1服務費完全唔值，唔知點解會值呢個價錢，下次請都唔去，好小食野打評價，但呢間唔想人中伏

食物種類繁多，熱食、冷盤、刺身、甜品齊全。海鮮方面，長腳蟹味道鮮甜，不會過咸，螺肉青口同樣鮮味。熱身種類都多元，有中式有西式有印度式，食物不過不失。甜品種類都算多，pancake同waffle 即叫即整，味道不錯，另外雪糕係haagen dazs，味道約2-3款口味。食物Refill速度快，每次取食物都有足夠份量食物，服務員收取空餐盆速度都快。餐廳面積大有室內同室外空間，環境不錯，不會太過擠逼，如果喜歡室外風景，可以訂枱時request。

好耐冇食過自助餐，聖誕唔知食咩好，最尾揀咗黃金海岸，全家人一齊黎！環境幾好，檯櫈都擺得叫疏，有小小私人時間，成間餐廳面積都頗大，仲有部分係室外，中意自然風嘅人bk位時記得request 啦！嘢食方面，選擇都頗多，冷盤，熱餸，刺身，燒烤，泰式粉麵，都唔洗點排，refill 得又及時！自助餐嘢食好多時大同小異，呢度有個驚喜，d燒烤全部即埸燒，係室外有個頗大嘅燒烤部，海鮮，肉類都有，仲有即燒乳豬！最推介係燒蝦，蝦大隻得黎，肉又彈牙！煎鵝肝，差少少，間唔時一舊煎得過熟！冷盤熱餸不過不失，印尼薄餅有驚喜，又係燒烤部即整即上碟，配咖哩一流！大部分甜品都係得個樣，反而即整嘅pancake，waffle 幾岀色！Ice cream 有Haagen-Darz 同movenpick 揀，雲尼拿，士多啤梨，朱古力！總括黎講，嘢食唔係十分之岀色，但自助餐黎講，都叫多嘢食，環境都幾舒服，服務幾好，可以一試！

星期日同屋企人食 buffet 選擇唔多，因帶住👵🏻👴🏻老人家不愛出市區，唯有向屯門食。黃金海岸係其中一個選擇。又有老人優惠，老豆生日仲加左隻寫字碟🍽$38， 俾老豆吹下🎂都有長腳🦀無限量供應，仲有🦐都幾新鮮，肉質爽脆，但唔記得影📷另外甜品雪糕多選擇Haagen dazs, Dreyer's, 仲有 Movenpick, 我同屋企人，每人至少2杯🤭啲牛有兩條，一條5成熟，一條7成熟，最好就係有選擇，尼個係個讚位👍食物都較基本無咩驚喜咁。但環境尚算乾淨和舒服。食完又可出户外影下相，仲有星期六日係11:30開始食，可早啲到👍

我地下午12點度就去到門口，望入去已經見到入邊好多人，好彩都安排左四人卡位座位俾我哋。不過我覺得枱同枱之間太迫，同隔離枱坐到咁近好似唔係咁習慣。同埋成個場都係好密嘅枱，感覺好似去咗夜市咁。食物都可以，三文魚可以要求要三文魚腩，雪糕有Häagen-Dazs，甜品都幾好食，特別一提係啲芝士都值得食嘅，海鮮有長腳蟹，熟食唔算多。因為價錢要$298，另外+1服務費。個人覺得唔算太抵食，大把酒店lunch buffet，差唔多價錢都已經有生蠔。不過去開黃金海岸玩就順便食埋囉。