而打淥滷汁拌粉 (青衣城2) (已結業)

每次行過呢間係青衣城的小小食店， 我都總會給那滷水汁香味吸引住， 那種香味真的會令人停下腳步細看究竟，但可惜店內沒有正式的進食座位，所以一直未有機會光顧。這天，我亦一如以往一樣途經呢間小小的滷水店， 但今次我終於停下來買了一碗滷水小食來嚐一嚐， 果然， 滷水的香味因*八角*呢種香料而變得非常香同惹味。 滷水小食很入味，加上一份拌粉，除了份量足以填飽肚子。這間小吃店的食物很惹味！如果有機會要買外賣食， 呢間小店值得一試！

有時真係熱到無咩為口食嘢,但係又肚餓,咁最好就係食拌麵喇! 去開青衣, 青衣城2期有一間主打台灣廟口正宗鹽水雞滷汁拌麵,起初俾佢個名"而打淥" (讀完笑咗一吓）嘅霓虹燈牌吸引咗! 見到又一直有人買,行近D聞落又幾香,好啦就外賣來試吓啦！ 🔮我點咗個佢個”半壁江山” 滷味餐 $108（4人份）半隻鹽水雞醬香雞珍片滷爽口蓮藕片滷汁杏飽菇 （店員好好俾我換走鵪鶉蛋） 鹽水雞🐔雞皮爽滑,雞肉雖然唔係好嫩滑,但係一D都唔“鞋”口,而且仲醃得好入味!仲要無骨,咸香微辣好惹味呀！ 個杏飽菇🍄和雞腎更有小驚喜, 先是個菇吸哂D滷汁,好正🤤! 雞腎入味又爽口彈牙,突然想拎支啤酒來,送酒呀！蓮藕應該浸過冰水,真係好爽脆,而味道就清淡一D! 🔮麻辣拌麵 加$16 番到屋企打開份量俾我想像中多,雖然食物賣相並不討好,D鹵味撈埋一堆 （為咗影相,我盡量排番好D),但係食不可以貌相, 真心食物有驚喜喎! 反而拌麵就夠為遜色😶,只係得麻辣味! 其實店家仲有好多唔同嘅食物,我覺得我下次去開青衣應該都會買番盒來食嘅！so far覺得都幾抵食,因為份量唔少,而且有種台灣路邊攤嘅味道.天氣咁熱, 唔想食熱嘢,又想解吓台灣思

青衣城係我返工放工必經轉車站，成日見依間而打淥滷汁拌粉排哂隊，今日的起心肝排隊試一試！誠意推介：招牌伍拼依個伍拼不得了！份量超多、內有金錢肚、雞胗片、蘿蔔、貢丸、滷豆干。店家的濃汁超入味，味道平衡，帶點甜。蘿蔔超冧掛汁，豆干及貢丸口感彈牙，金錢肚爽口不會過分煙韌，撈飯食簡直一流，我仲忍唔住加左滷鳥蛋，超級好味！CP值超高！特別要提，店家超級有台灣風，備有多款菜式任君選擇，總有一款岩你既！店家好好設有少量座位，比你即刻品嘗美食！

真係好耐無飛，好掛住台灣嘅小食‼️台灣小食其實除咗鹽酥雞同珍珠奶茶🧋佢哋嘅滷水都好出色😋今次就同朋友去咗青衣嘅而打淥滷汁拌粉試吓。店舖主要做外賣，只有少量吧枱做堂食。餐廳嘅設計好特別，好似車仔檔咁。因為想試多啲款式，我哋就每人散點左一啲加熱滷味餸菜再配蔥油鹵汁拌粿條。粿條嘅質感有啲似上海麵，幾掛汁同彈牙👍🏻餸菜方面我哋點咗爽脆嘅滷蓮藕片、夠入味又軟腍嘅古早滷大腸、煙韌嘅醬香雞胗片、台式滷鴨血、台灣甜不辣、台灣大貢丸、貓耳朵、煙韌老豆干同滷汁杏鮑菇。佢哋嘅滷水汁除咗香料嘅味道仲帶有甜味。下次可以試埋佢哋嘅涼拌同台式麻辣燙。

今日約左朋友去青衣睇戲，去戲院拎完飛，見仲有少少時間，就落左去睇下有咩食。見到有間果名好特別的台灣小店。拎埋食埋都唔洗半個鐘，快！靚！正！ ⦁午市拌粉2號餐配料可以自由配搭，我揀左滷蓮藕片、甜不辣等配料。而麵底揀左滷汁拌粿條，粿條口感好似上海粗麵，但比上海粗麵更加煙韌。整體黎講都幾飽肚。 ⦁午市車站便當朋友揀左古早爌肉碗飯，兩大片厚厚的五花肉，滷得好入味，肉又唔會乾到黏牙，值得一讚！而滷鳥蛋（即鵪鶉蛋）係必點，一份都幾多粒，抵食！另外，追加的紅油涼拌萵筍份量有點少，但紅油夠晒辣，正！ ⦁蘋果西打⦁可樂

今天下雨☔，就只想在商場裏尋覓一些美食，不用擔心新鞋子被雨水浸濕，就是這樣天氣裡面的小確幸。聽說青衣城，有台灣小吃，有麻辣也有滷水，簡直就是我的菜，於是下班就過來了，位置很好找，地鐵站一出來就看到了。店面小小的，主要是外賣為主，拿到外賣可以先吃兩口，然後再拿回家慢慢享受。 半壁江山廟口鹽水雞 半隻酱香雞胗片一份爽口蓮藕片 一份滷鵪鶉蛋 四顆麻辣味道剛剛好，雞肉入味之餘又有營養，配有蓮藕，青瓜，味道清新。而打淥滷汁拌粉青衣青敬路33號青衣城2期1樓181號舖

青衣有間幾特別既台式滷水店，係地鐵站隔離，都幾方便，平時行過見到都幾吸引，今日有機會就試下。叫左個熱食既招牌台式滷味，叫左三個餸，分別係蘿蔔、大腸頭同埋豬手。佢既滷水野係勁入味，叫左啲蘿蔔都feel到佢好入味，食落真係連中間都入哂味，咬落塊都好林。而大腸頭係最正，又係入哂味，滷到都幾林，唔會好韌，好小有咁入味既大腸頭。豬手又係勁入味，全部都係滷足哂時間，又林又入味，全部都好好食。另一個叫左個涼拌辣滷味，麻辣手撕雞同埋台灣甜不辣。佢個底有啲菜同埋青瓜，類似鹽水雞咁，手撕雞幾好味，有d孜然粉同埋辣粉溝埋，幾開胃。甜不辣就唔夠煙韌，味道夠，但如果煙韌多啲就更加好食。佢既滷味係出色，絕對滷得夠時間，夠哂入味，外賣自取又幾方便，又食到台灣既味道，份量都唔小，都唔錯。

係青衣比而打淥嘅黃燈籠吸引住好掛住台灣嘅風土人情唯有嘆台灣美食回味～希望快啲可以飛返轉台灣啦！係鹽水雞同滷味之間爭扎咗陣最後揀咗滷味。●招牌五拼○ $98兩份 招牌金錢肚👍🏽👍🏽👍🏽兩份 醬香雞腎片👍🏽👍🏽一份 秘製蘿蔔👍🏽👍🏽👍🏽兩粒 台灣貢丸👍🏽兩件 煙韌滷豆乾👍🏽金錢肚最驚喜！爽口彈牙仲好入味比外表睇落更正 值得做主角蘿蔔睇顏色都知入味無渣 唔會太淋 口感唔錯雞腎貢丸豆乾都唔差雖然唔突出 但絕對喺神助攻成個拼盤配搭啱啱好👍🏽

看到商場裡有間裝潢頗有特色的小店就被“而打淥” 三字吸引過去原來是賣台式滷水 便當 拌麵 •食物飲品全都充滿台灣風味點了個優惠組合 ⭐️路邊攤串串鍋❤️麻辣鵪鶉蛋❤️秘製蘿蔔❤️台灣大貢丸❤️台灣大花枝丸❤️台灣甜不辣❤️低纖海帶結⭐️厚切腩肉⭐️麥仔茶•滷汁調得剛好不過濃不過鹹 帶有台灣的風味貢丸 甜不辣 厚切腩肉 口感都很不錯追加的台灣製造飲品 麥仔茶 🧃🧃🧃麥茶味裡散出微微可可味 屬微甜 推薦大家試試❤️❤️•難得小店充滿台灣滷水食物特色而且價錢合理 款式接近三十多款下次再來試試這裡的拌麵🤭😋

今天下午在青衣城影藝戲院看了一部電影，不想做飯，路過這家，因之前試過其滷味，一味死鹹，難吃，不欲再嚐，就試試鹽水雞吧。要説的是幾位年輕員工做事散漫，態度惡劣，好像沒受過基本教育。點了半隻鹽水雞，加了一份雞胗、一份蘿蔔，回家發現蘿蔔沒給，失望透頂。味道方面，鹽水雞跟台灣的相差甚遠，肉柴，唯一可取的是雞皮算爽，但這個別的餐廳一般都能做到。建議諸君買了外帶後仔細檢查，若有遺漏務必馬上跟店員提出，以保權益。

今日嚟到青衣城做野，見到間辣野嘅台灣野，有滷味、麻辣麻辣燙、鹽水雞，淨係門口已經好吸引 超似台灣街頭小食店！即刻行去睇下咩玩法！每個item十都有好多野揀，好吸引，睇到我花多眼亂，最後決定叫左麻辣既手撕雞拼盤，同麻辣燙返屋企食╰(*´︶`*)╯手撕雞拼盤包左涼拌手撕雞一份，玉米筍一份，花椰菜一份，滷豆乾兩件，因為個人想野辣野，仲加左麻辣😋拎返到屋企打開就一大陣麻香，足料，又夠辣，撈飯一流麻辣燙叫咗豬耳，麻辣大腸，麻辣拌麵返到屋企仲熱辣辣，一樣有麻辣既香味，仲有好多大腸同埋注意，啲大腸又大又肥，厚身，仲有少少彈牙嘅感覺，好正。豬耳係有滷水汁煮，非常之爽脆，加埋個杯麵啱啱好，個重點係辣得來好過癮，唔知其他舖頭，話辣但係一啲辣味都冇👍🏼

～而打淥 台灣風味～放工路過見到個名咁得意，望下原來係一間滷水店，買個外賣先🙌🏻三拼醬香雞中翅、滷蓮藕片、滷豆干～滷汁香味濃郁，帶有八角花椒嘅香氣，雞肉肉質嫩滑。雖然得兩隻，一個人自私食啱晒😆豆乾和蓮藕片都好入味，豆腐入口濕潤，蓮藕爽脆。整體都唔錯！麻辣素菜四拼通藕片、秘製蘿蔔、貓耳朵雲耳、唐生菜🥬～滷過嘅食材再加上佢哋嘅秘製麻辣汁，唔會太辣，屬於小辣，另外帶少少甜味，口感刺激又惹味。返屋企一路煲劇一路食😄零舍開心！

天氣咁熱，一定要搵返個涼拌滷味，冰透心涼。聽講青衣呢個美食沙漠，有一間好好食嘅台式滷味，我即刻揸車過去買個外賣先。呢間餐廳裝修非常有特色，係台灣夜市嘅霓虹燈，突然覺得好有台灣嘅感覺。我就叫咗個涼拌四人餐 - 牛璧江山4人餐($108)，入邊有:。廟口鹽水雞 半隻。醬香雞胗片 一份。爽口蓮藕片一份。滷套鳥蛋 四顆鹽水雞帶出雞味，凍食一流，雞胗片爽口彈牙，薄切嘅蓮藕片新鮮清爽，而鵪鶉蛋更是香滑細嫩。細心的店員會幫你剪細，加上蒽花，香菜，青瓜粒、白芝麻、蒜泥，秘製滷水汁同埋秘製麻辣醬，撈埋一齊，加上凍嘅食材，流口水！

就是會走訪不同地方，開心發掘新事物，新美食。今日怱忙間到了青衣城，餓餓地又唔想食飯，再加上思鄉病發，想念我所愛的台灣。 就當掃街吧，旅行常點選的食物，台灣我的老故鄉。想念人，事，景，食。就在此【而打淥滷汁拌粉】一解鄉愁 點選了數種美食：奪命鳳爪（應該叫凈爪，加台灣啤酒，就是一絕），高麗菜（sorry太爽脆，非我愛的淋加甜，失色），杏包菇（滷汁令菇菌味道更出色，看看其色澤，就知店家用心），花枝丸（真心好味，彈牙，加上入味滷汁，🥰），甜不辣（正常，但太細餘啦，唔夠呀！），台南粿（愛它有咬口，配上微辣，一條一條地品嚐，就不想忘了鄉情） 快餐水準，Good。

今日收工趕去青衣城睇戲，去到仲有小小時間未開場，又有d肚餓，見到呢間幾特別，廟口兩個字又的而且確令我心癢癢，想起台灣夜市。決定嚟個速食。餐牌大致分為三大類: 台式加熱滷味，台式麻辣燙同台式涼拌，每款都有幾多配料可選，加上裝修佈置，真係有幾分站立台灣街頭夜市，面對花多眼亂，琳琅滿目嘅小食，一時間唔知食咩好嘅感覺。最後，我地揀左滷水汁嘅要高麗菜($12)、杏鮑菇($16)、花枝丸($16)、甜不辣($16 )再配埋蒸煮麵($14)。另外涼拌簡單d，剩係揀左奪命鳳爪($16)、配台南粿($16 )。 兩款相比，滷水汁嘅味真係比較濃味，由餸菜到麵，味道都較濃郁。值得讚嘅係，汁料伴得非常均勻，每啖都食到一樣嘅濃味。而麵質，蒸煮麵似阿波羅食果d即食撈麵，鬈鬈、較軟身嘅麵條較索汁料，入口較香濃；而台南粿，麵身似烏冬，刀削麵嘅麵條，比較硬身、有口感。配菜方便，高麗菜夠爽脆；花枝丸、杏鮑菇同甜不辣都非常入味，每啖都食到濃郁嘅滷水汁味。而奪命鳳爪則非常爽彈，有嚼勁。整體而言，兩個人大約$100，能食到多款餸料，加上麵底份量非常大份，足以飽腹滿足。