老點點心竹筒飯 (已結業)

家中的電腦壞掉了，去買旺角買完電腦直接去食晚餐我們大概6點半左右到達，裡面已經半滿了茶介 $3/位, 沒有加一服務費點心這每天都有不同款的燉湯星期日燉湯- 川貝雪梨海底椰真材實料，而且原汁原味喝起來很滋潤班蘭馬拉糕班蘭味濃, 馬拉糕夠鬆軟So yummy鮮上肉炸響鈴腸腸粉裡面包的有自家炸響鈴跟蝦口感特別，可沾上醬油來吃食起來也不會感到太油膩芝心脆炸蝦丸剛炸出來，超燙口的蝦丸很彈牙裡面是包著流心芝士，讚！！吾係老點小漢堡賣相相當可愛裡面夾的是炸蝦餅，還加了芥辣很惹味，推薦！冬荀普通鮮蝦餃 用上可愛的小木盒子盛著，一盒兩粒內裏是滿滿的蝦肉, 實淨彈牙蝦仁相當鮮味咸香黑魚子燒賣面層放了少許帶點咸香的黑魚子賣相也馬上升級不少可愛四色小甜點(可散叫)包括咖啡，芒果、香蕉、和焦糖蛋四種口味每款味道都做得不錯，我個人最愛咖啡焦糖蛋這兩款整體點心都頗有驚喜的，找一天會去二訪的

本身不太好點心的我,這天朋友說想試試這間開了無耐的新派點心"老點",她說這間是"滾得棧"集團的,因我也去過滾得棧,對他們的食物有信心,所以就去試試看啦!! 我們大概6點半左右到,可能時間尚早,所以不用等位,店內座位有點迫,但店員的服務,態度和食品質數都非常好,以後去開旺角又多一個"開飯"熱點這個燉湯好"老火",本身我好鍾意飲湯,朋友知我好欣賞,索性成個讓比我這個響鈴腸和小漢堡簡直正爆,必食之選另外這個蝦膠釀玉子豆腐味道清甜,點心本來有點油膩,吃了這個再飲啖茶剛好清清喉嚨!!

頗喜歡食中式點心的小妹，這次相約了友人同到旺角的老點以點心作晚餐。其實早前也曾與食友到訪過一次，那次的印象滿不錯的，只是座位有點迫，點心的款式是比較創新那種，價錢也不算貴。.(這是二訪的照片，小漢堡同響鈴腸無得輸).大紅色黑字的老點招牌很易認到，這天約7點去到，店子座位不多，店內仍未爆滿，過了一會已開始有人在外排隊。.店子推出的夏日優惠，每星期一至五都有$1~$5的點心供應，手快有手慢無。.老點每週都有供應不同的老火湯，星期一到星期日款款不同，像蜜瓜鮮海底椰燉唐排、猴頭菇圓肉燉豬骨、川貝海底椰蘋果花燉上肉，很滋潤呢。店方還打趣的稱之為進擊的星期燉湯。碰巧當天係星期二，供應的燉湯係淮山節瓜燉上肉，每盅 $45。感覺這燉湯滿足料的，看到不少節瓜和梅花肉(上肉)，這湯飲落不過油，就是老火湯的味道，滿鮮甜的。對於不是常有老火湯喝的人，這裡的確實不錯，而這一盅，小妹便和友人分著喝。.鮮上肉響鈴腸 $26這是小妹其中一道很回味的點心，以透薄的腸粉皮包著平常火鍋用的響鈴和鮮豬肉，夾起沾些豉油，腸粉皮和響鈴吸收了豉油，咬落軟綿中帶有脆身的質感，真係好好味，小妹大定推薦。.碧綠帶子腸 $26這裡的手拉腸

起身好肚餓，一於去食點心，近近地決定食餐貴dd既老點。之前黎過，今次食d新野。佢地d野食基本上係唔洗等，但都keep到好味，無果種整起好耐既感覺。d食物名有幾個都幾爆架！食物方面我重點講幾個：唔知係味響應民運，竟然有民意义腸！每舊入面都有一大舊义燒，唔係酒樓果d得幾粒。向西嫩雞竹筒飯係怕唔飽而叫，話哂呢度廿幾蚊一個點心，係咁食都好貴，真係無叫錯，睇落細細個，但係不極都仲有，d飯多到大隻仔呀q都食唔哂...蝦春卷，慣左點沙律醬食，但呢個唔點都好好食，d蝦打得好到位，唔會太淋太多粉，仲好嫩口添個鳳爪最出色既地方係，佢唔似酒樓果d炆到淋哂，仲keep到爽爽的口感，好味道！最後要講個清酒雲吞雞，好難食！d清酒好酒精味，一d都唔香，搞到d雞苦哂，我地食左舊都無食喇，可能唔岩口味啦。（我地見隔離對內地情侶連d清酒都飲哂先走，以為好好味先叫）美中不足係坐得有d迫，不過香港地...又旺角...冇計

今日同媽媽出去旺角食野。於是試一試新派既老點點心,飲下茶食個包！叫左六樣點心: 1香草蝦春卷，2蝦餃, 3xo醬鳯爪,4 鮮竹卷, 5 斑蘭馬拉榚, 6 清酒雲吞雞春卷好食,好脆唔油熱辣辣!食左兩條先記得影！本身麻麻喜歡食馬拉糕，而且綠色既!但媽媽食左話幾好食,便試小小啦!唔錯喎味道清香,鬆軟又唔甜!到鳯爪啦,呢個普通，無特別正常去酒樓食既味道。然後食鮮竹卷呢個好好食,正蝦夠爽同彈牙!蝦餃大大隻，漲卜卜。皮薄好食最後係呢個雲吞雞!好有酒香！清甜! 推介！！食飽飽埋單都係＄135 ！抵啊！下次都樂意老點！

見朋友推介，有時間便去試試，果然冇介紹錯。星期日燉湯- 川貝海底椰蘋果好足料！我一飲落都因好夠味曾經懷疑佢加味精，但中午到晚上都沒有特別口喝及頭痛，証明真的真材實料。男友一向不好湯渣，但不斷讚其瘦肉美味差不多全清，奇景呀！黑松露水晶球，晶瑩剔透，真正皮薄餡靚。一口咬落透出淡淡的松露香，加上清淸地的餡料，正呀依個馬拉糕都唔洗多介紹了，真係好香又鬆軟，又唔會太甜。有D似warm 咗嘅pandan cake響羚腸，清新好味，有油炸鬼嘅香脆但少左份油膩感麥心小煎堆。好味小甜點。有驚喜一間價格相宜又味道好的小店，值得不時到訪試試新小點！繼續努力呀👍

5 分為滿分環境： 3 - 同其他食評講一樣， 近到可以牽手。 張椅子太矮， 檯太高。 坐得好唔舒服。服務 ： 4 - 上菜快， 收吉碟快，有禮貌價錢 ： 4.5 - 價錢合理食物 : 適合香港人口味， 唔係太鹹。 I like it!芝心脆炸蝦丸， hkd28 - 3 件新鮮炸起，裏面芝士濃郁。 有鮮蝦味 及 彈牙。 咬開， 芝士嘅比例太好。 愛食芝士之人必點。鮮上肉響鈴腸， hkd26 - 6件新鮮炸起多層腐皮卷， 再包上腸粉。 口感一滑一脆， 好正炸饅頭， hkd18, 3件炸得徹底。 再加上煉奶， 香港傳統點心班蘭馬拉糕， hkd20 per piece好香班蘭味， 但顏色太似變形俠醫。 不過條利無變綠色， 大家都知我講咩架啦鹹香黑魚子燒賣， hkd19, 2 件豬肉新鮮， 如果蝦再爽口D 就prefect. 口感so so清酒雲吞雞， hkd28這個太好食， 因為清酒經過加熱。 已經無晒酒精， 只係留下清酒嘅清香。雲吞皮薄好食， 雞塊就滑一滑。 配呢個湯真係好正。 全晚之最最後， 芒果布丁 及 石榴布丁， hkd 9 per one驚喜之作， 芒果味香濃。 無一味死甜但個石榴

呢間旺角既點心鋪都好多人,7點半黎等左十分鐘先有位,入面環境都算企理,店員做野算快,價錢平,食物制作精美我地一行4人點左班蘭糕 以馬拉糕既形象但係班蘭味,幾得意竹筒雞飯 一般滑雞飯既感覺燒賣 夠大粒落足料,每客有兩粒蝦餃 同燒賣一樣, 蝦好新鮮,我鍾意煎堆 都係好大舊,好香黑白芝麻味,入面既質感鬆脆香口咸水角 咸水角做得吾錯,出面皮夠薄,咬落去好快就感覺到咸豬肉同肉汁全部都吾錯,值得一試

星期6, 下午2:00pm, 人流唔算多, 有幾張飛係排緊, 剛好門外有排隊用既位, 坐陣睇下點心紙, 好快入座.由於個個都揀好點心, 一入座就上茶, 下單, 好快仲上埋點心, 而隔離位都見佢食左4-5碟, 極速30分鐘離場.我相信係好食, 但係比起茶樓, 呢度有少少似快餐式既飲茶.我同友人點了7款食物, 大約食了1小時, 食飽冇留太耐就結帳.- 鮮上肉響玲腸 (6件) ($26) : 腸粉卷住香脆響玲, 好有創意, 比炸兩更脆口, 因為較輕身, 食落都唔怕膩.而且讓入鮮豬肉增加彈牙咬口, 好好味.- 燒汁雞粒串燒球 (4件 ) ($20) :綠色的炸燸米丸冇咩特別, 似厚身煎堆, 由於太厚身, 雞粒好少, 又冇汁, 好乾身. 味道麻麻.- 夏日限定: 冰梅豬手竹筒飯 ($24) : 竹筒飯好香, 白米溝紅米好健康, 但連白米粒較硬身, 本人幾中意, 但友人就不喜歡.冰梅豬手入味軟淋, 膠質重痴咀, 幾好味, 分量多點就更好.- 戚風班蘭馬孻糕 (蒸) ($20) :一上枱熱辣辣, 班蘭味淡淡清香, 超級鬆軟.將西式戚風班蘭蛋糕與中式馬孻糕結合, 有特色又好食. 讚- 冬筍普通鮮蝦餃 

食老點 無老點錯！成日行去旺角東火車站時經過嘅哩一排食肆見間間都米芝蓮咁款已經好想試咁啱今晚同男朋友夜麻麻肚餓就諗起可以去下飲夜茶唔係講笑，真係有人夜晚飲茶食一盅兩件環境古色古香，勝在夠闊落係個廁所同人共用污糟咗啲講返啲野食，精緻點心喺譚點食過，但哩度果啲又係新款嚟，好清新，個竹筒飯好正，應該係全港獨家，手板咁長嘅竹筒，雖然係有啲小，飯量唔多，但竹筒裡面啲雞好滑，飯好香好特別同埋樣樣野細細碟咁好引人食慾大起，麥提莎擂沙湯圓（唔記得exactly個名），但真係好好味好香！味道又好，試咗好幾款推薦野食小事一樁：有個食客撞到我地倒瀉咗杯茶整濕晒，影響咗少少心情，如果佢即時免我茶芥我會再開懷啲但我同男朋友都話會帶屋企人覆倬囉嘻嘻

終於有機會一試這家點心！鋪子細細，坐位不多！！十一點左右來到，見只有一枱客，而且看來它們應該是剛開門，所以比較少人，到中午時間，開始越來越多人！媽媽都未試過，覺得好新鮮！！～鮮上肉響鈴腸～咬落脆卜卜，最外皮是腸粉皮包住，內裡就是響鈴卷住豬肉，響鈴炸得乾身一點不覺得油膩，好吃！～和風魚子海皇餃～這個像蝦餃，但比較大隻，皮薄！～白肉鑲玉子豆腐～普通野，有點鹹～雞粒串燒球～似咸水角，咬下好脆，正！～嫰雞竹筒飯～飯有點硬，用上紅米，頗健康，味道一般！！總括整體不錯，雖然食物款式不多，但食物質素不錯，下次要再來試下其他

見到呢度既食評咁好當然想來試試看，實在令人太失望，首先座位好逼都不要緊，但不能容忍既係服務員的態度。首先當然試試斑斕馬拉糕，但完全無斑斕味，而且又不鬆軟，好似濕左好耐咁。然後就想說說竹筒飯，雞無咩肉又不入味，啲飯係紅米飯，但少少汁都無好乾。叉燒腸粉我覺得啲粉太厚了吧小漢堡真係一啖食左，幾特別最後就係個梅酒豬手，第一次食豬手有"蘇"味都算幾失敗，不會再來

與好友約6:30PM左右到達, 鋪內已坐滿客人, 幸好鋪外未見人龍. 點心種類不算多, 點了較出名的點心試試.班蘭馬拉糕– 自從吃過新加坡bengawasolo 的斑蘭蛋糕後, 有點愛上了斑蘭的食物. 這籠班蘭馬拉糕就是傳統黃糖馬拉糕的變奏吧~ 好綠!! 色素都幾勁啊! 幸而班蘭味濃, 糕夠鬆軟, yummy鬼馬腸粉?? 唔記得呢款叫咩名, 但在其他茶樓吃過, 是這樣稱呼的. 腸粉包著蝦和脆腐皮, 咬下去一脆一軟, 好好味~蝦餃– 以印有老點點心的籠去盛著兩粒蝦餃, 突顯它的矜貴~~~ 正常size的蝦餃, 內裏是滿滿的蝦肉, 實淨彈牙, 很爽, 沾少少辣醬更可口.鮮竹卷- 平時響茶樓好少食的一款點心. 這裏以湯浸著, 還有很多西芹粒, 喝完不會有口乾的感覺, 味精不重, OK啊~芝麻糕- 芝麻味不算突出, 糕的質地顯得不夠軟稔, 由於不太黏, 夾起來不會與隔離個件 '拖手仔'.整體來說, 食物很好, 但店鋪面積小, 站在生意人立場, 當然想食客吃完即走; 但站在客人立場, 其實想坐多一會兒也不能. 當你把枱上最後一口食物吃光, 即意味著你要立即結帳離開嚕...

一開始聽到呢個名真係笑出，見到ＯＰＥＮＲＩＣＥ不少好評，於是決定去會一會老點。第一次去都搵左陣，大熱天下找老點，不得不佩服自己，為左食，你可以去到幾盡？最期待呢個班蘭馬拉糕，偏偏令我最失望！食唔出班蘭味，無咩特別，好普通！一口漢堡，真係一啖可以食哂，呢個唔錯。呢度比稻香既響鈴腸粉好食好多。黑松露燒賣，同普通燒賣無分別。牛肉球呢個好似叫黃金卷既糕點最得我心，值得推介！呢個丸子入面係雞肉，外層黏黏的，好食。呢個飯個名好特別，有「向西」呢兩個字，但其實味道麻麻。食物素質尚可，不過環境同服務態度真係有待改善！之後推介俾朋友，朋友去左試，都話D員工態度麻麻，想加單叫佢地拎張點心紙，等半個鐘都無！特別係有一個年輕既男員工，工作散慢，叫佢拎張紙既時候，態度好差，又黑面！！！令人好失望，希望員工質素可以有所改善。

老點雖然叫老點，但系D野食非常有新意，配搭好多都系第一次見。係就係叫點心，但用既食材就完全唔係走傳統路線。中菜竟然有小漢堡賣，而且味道都幾好。斑蘭馬拉糕係馬拉糕無錯，但係竟然係綠色既。加左斑蘭個感覺好清新，好新鮮。竹筒飯係就係幾好食又夠射色，不過就細桶左小小，整體黎講間野都OK，值得返去多一次。