老點點心竹筒飯 (已結業)

難得星期六放假，去咗旺角行街。行行下過咗食飯時間跟住就諗起好耐冇食過點心，於是就諗起老點。去到都幾熱鬧，等咗陣位先有位。上次來冇食過《鮮上肉響腸》$26，今次決定要試試。腸粉皮包住鮮蝦同響鈴，食落有鮮嫩脆上次食咗好味，今次再來《吾係老點小漢堡》$24。細細個漢堡好cute ,咬落去包同蝦肉餅好鬆軟加埋醬汁好夾。接住唔好比佢停《芝心脆炸蝦丸》$28，蝦丸好脆口，一d都唔會太乾硬，加埋中間芝士醬，好有新鮮口感。 最後來個傳統點心《百花壤魚肚》$24，雖然話係傳統點心，實際上好摩登，魚滑和魚肚壤在一齊，魚肚吸收晒魚滑的鮮味，咬落去多汁又有彈牙的口感老點個知不錯，不過可惜係服務質素退步了，需要努力改善

由本身不太喜歡吃點心變到開始喜歡的我上星期又去了老點點心，已經是第三次吃老點了！^_^一間有創意的點心店~今次去了旺角分店，地址很方便大眾！店鋪裝修非常舒服~一打開餐牌看看是什麼"天天不同"，哈哈 那天星期二，是懷舊薑汁糕，只雖$2！當然每人只限一份喔。薑汁糕口感很軟彈 膠質黏感，有點像泰式的糕點，薑味不會太濃太甜，調味得宜！很喜歡這個糕點再來的就是沙參玉竹燉上肉，熱辣辣的湯特別濕潤可口，味道很濃郁，這個湯入面的料也很多，每次去也必點的湯~點了招牌菜"吾係老點小漢堡"，很可愛的小漢堡^_^ 點心有漢堡都是第一次看到。麵包夾著的肉外脆內嫩 ，肉汁豐富，所以一口吃很有滿足感！平時不中式早茶樓點開的棉花雞，今次在老點點了清酒雲吞雞，一樣愛上了！老點的雞特別香滑，還有清清淡淡的酒味，配上濕潤的雲吞皮，真是很撘！最後就是一口忌廉焦糖蛋和回味朱古力小幕絲了，份量剛好，焦黃色的焦糖面配蛋 甜已不膩，朱古力幕絲軟林林的，不太濃，很適合吃完點心後吃！整體來說，是很特色的點心，價錢合理，埋單 $123，下次再試試其他小點！ 

因為新加坡既roommate係19號走，所以想帶佢食下有特式既香港野，最後就選左呢間。我地大約6:50去到，星期四個店舖已經坐左7成人，我地唔洗等位直接入。因為間店比較窄同埋冬天d衫好臃腫，所以入去時候都比較麻煩。我地叫左既野: 肉排竹筒飯 炸芝士蝦丸 迷你漢堡包炸雲吞 肉排竹筒飯⭐️⭐️⭐️ 一 上得好快(1分鐘內)，應該預先整定，熱辣辣，肉排好嫩好滑，差在個個飯冇咩竹香味，如果有埋就更好炸芝士蝦丸⭐️⭐️⭐️⭐️一 熱辣辣新鮮炸出黎，外層夠哂香脆，一咬好多芝士汁爆開，芝士味濃好正迷你漢堡包⭐️⭐️⭐️一 個size同張圖差好遠😂😂你預一口一個，裡面有生菜同炸蝦餅，加埋味道似wasabi既sauce，食落好夾有驚喜炸雲吞⭐️⭐️⭐️一 即炸即上檯，裡面蝦出奇地多汁，一咬開feel到有水，好好味

星期六訓醒，做下小家務已經三點，同老公去飲啖茶hea下先得，走左去旺角既老點，去到雖然唔駛得位，不過都幾多人，我地叫左幾個點心仲有竹筒飯。鮮上肉響玲腸$26，平時打邊爐就話食響玲姐，點心配響玲只係係呢到食過，不過真係好好味，外層腸粉皮夠滑，但係中間個層響玲又夠脆，中間既肉加左蝦，又香又彈牙。咸香黑魚子燒賣$19，一客兩粒，咬落肉味好香，但又唔會有肥肉，感覺健康好多，脆脆既黑魚子，咬落咸咸地，配得好好。百花壤魚肚$24，老公既最愛，佢話個魚肚又香又滑吾係老點小漢堡$24，蝦膠做既漢堡排，炸香左再加沙律菜同蜜糖芥末醬，好惹味，層次又豐富。細細個唔會好飽，仲有空間食其他野。芝心脆炸蝦丸$28，彈牙既蝦丸，包住左芝士，香脆既外層加上彈牙蝦膠，一咬落去仲有芝士流出，好香口，好好味。鮮蝦肉餅竹筒飯$28，蝦膠同肉做成既肉餅，加上紅米飯，咬落個肉餅到，有大量肉汁流出，真係不得了。兩個人如果去酒樓食，又要得位，選擇又比較傳統，所以我都係中意食呢d點心小店。

店名：老點點心竹筒飯地址：旺角染布房街12-14A號依利大廈地下A號舖好味指數：7.4／10價錢：$33可愛四色小甜點（前1）呂宋香芒小布甸（前2）回歸石榴小布甸（前3）3.6北海道奶凍（後）一口忌廉焦糖蛋除了3.6北海道奶凍味道很淡外，其他都是不錯的，當然不能媲美甜品店的。店名：老點點心竹筒飯地址：旺角染布房街12-14A號依利大廈地下A號舖好味指數：8／10價錢：$20燒汁雞粒串燒球一串串的綠色波波吸引了我和友人的眼光。即使我們很飽，最後還是叫了。一串女有四粒味，道有點像咸水角，外皮夠鬆脆，燒汁雞粒亦很惹味。店名：老點點心竹筒飯地址：旺角染布房街12-14A號依利大廈地下A號舖好味指數：8／10價錢：$22聲音白花壤魚肚魚肚一籠有三件，上面壤入蝦膠。魚肚味道非常入味，蝦膠亦非常爽口。不錯！店名：老點點心竹筒飯地址：旺角染布房街12-14A號依利大廈地下A號舖好味指數：7／10價錢：$23鮮蝦肉餅竹筒飯飯是選用紅米+白米,鮮蝦從肉餅味道鮮甜而且非常彈牙爽口。店名：老點點心竹筒飯地址：旺角染布房街12-14A號依利大廈地下A號舖好味指數：7.5／10價錢：$17咸香黑魚子燒賣燒賣跟外面

約了朋友食晚飯，2個人不想吃太多，又想飯後吃甜品，所以來吃點心。老點點心竹筒飯只此一間，還有其他店名老點，是不同的。這裏的點心都有點名氣，因為點心款色都幾特別。來到店是很細間，坐的有點逼，但食物質素很好，味道又不錯，只是坐的不太舒服。這裏喝茶是店內職員加茶，所以只收每位HKD3茶費。這餐2個人吃了HKD135，和高級酒樓差不多收費了。******************************炸菜肉排竹筒飯，HKD23。竹筒飯細細個，炸菜配肉餅，一定香口惹味，2個人食其實每人得細碗飯。吾係老點小漢堡，HKD22。這個漢堡實在做的好吃，細細隻，一口一個，是店內的推介食品之一。炸雲吞，HKD20。炸的香脆，雲吞細細粒，一口一個，不錯。水晶鴛鴦菜餃，HKD20。看上像蝦餃，但其實是有蝦的菜餃，用上蝦餃皮，一樣好吃。戚風班蘭馬拉糕，HKD20。看到顏色幾吸引，但入口沒有什麼班蘭味，但馬拉糕很軟綿，也算不錯。鮮上肉嚮鈴腸，HKD24。這個以嚮鈴做材料，用腸粉包著吃，入口香脆，腸粉又滑口，實在好吃。

諗住係旺角食特色小食, 揀左呢間點心店呢個點心都正常, 但又唔係好特別, D 醬太多啦咸水角內軟外脆, 正!呢個點心見好多人叫所以叫, 但炸到濃左, 層皮一舊咁, 唔得外相好靚, 味道都唔錯, 係個皮太厚整體味道一般, 無想像中咁好食, 試一次就夠

是咁的，半年前有食過，覺得新派得黎，keep到食物質素，味道幾唔錯。今日去既時候，覺得退步左小小。嗱，嘢食都叫左唔少，重點講下啦。蝦餃，鳳爪，山竹牛肉正正常常。值得一讚既係燒汁釀茄子，有好多木魚碎，魚肉又彈牙，整體係幾好味。芝士脆皮蝦丸，真係炸得好脆，唔會太咸，有蝦既鮮味。至於有兩款真係好麻麻，皮蛋牛肉腸粉，變左皮蛋腸粉，雲吞雞既湯太濃酒味，搞到雲吞同雞都只係食到酒味，只可以讚太足料。招牌竹筒飯真係好失望，紅米份量大減，之前好香既竹筒味無哂。不過service好左既，不斷自動加茶，希望加油啦！

蝦子餅和我都喜歡吃點心，趁一個沒有安排甚麼節目而且又下雨的星期六，去試試想試很久的老點。一邊等位，一邊選點心，可參考每月人氣排行榜。點了第二位的鮮上肉響玲腸($26)，腐皮略嫌做得不夠脆。也點了第三位的戚風班蘭馬拉糕($20)，馬拉糕做得非常鬆軟，班蘭味很香，味道不太甜，值得一試。蜜味叉燒包($18)做得不錯。師傅冬筍鮮蝦餃(兩件$19)，一客兩件最適合我們兩口子。咸香黑魚子蒸燒賣(兩件$19)，加了黑魚子卻吃不出甚麼特別的味道。蝦子餅每次吃點心必點的牛肉球($16)。

 「老點」一般而言, 也有「搵笨」的意味; 就傳統中國人的概念來說，那有人會用此作店名!因此，單看招牌已感受到老闆的別樹一格!早已聽聞老點的大名，可惜一直被它門口長長的人龍所嚇退......今天剛好和男友也放早,故便提議提早去晚飯吧!我們6時多已到達，幸運的，門口還未有人龍。第一樣來到的點心是吾係老點小漢堡, 它給我的第一感覺是 -「細」! 但有樣東西叫: 貴精不貴多! 蝦炸得非常香脆，外脆內軟，炸粉的份量剛好，沒有蓋過蝦的鮮味，但同時帶出了香脆感。最想不到的是漢堡內含芥未沙律醬 ，吃下時滲出一陣陣wasabi 的味道，跟炸蝦的感覺非常搭，而且很開胃，這個這漢堡作為前菜，大大提升了我的食慾芝心脆炸蝦丸咬開後，內裏的芝士便湧出來了!香脆的外層配上軟滑的芝士，不得了!雖然吃的時候很有罪惡感，但同時心靈上很滿足!冬筍普通鮮蝦餃用料新鮮，蝦爽口彈牙，而且份量十足，皮薄餡靚，每一口都是滿滿的蝦肉, 但一籠只有2粒，未免有點不夠喉!鮮上肉響鈴腸 ，這算是變奏版的炸兩吧! 腸粉中間包的不是油條，而是打邊爐的響鈴!  響鈴香脆鬆化，中間更包了豬肉及蝦肉，肉質鮮味， 而最外層則鋪上透薄的粉皮, 大大提升

最近做了點心控，去到哪兒都看看有沒有特色點心舖~ 是日就來到旺角的老點~一看點心紙，有很多其他點心舖少見或未見過的點心，有不少都是Fusion點心~因為喉嚨有點不適，眼見是日燉湯是海底椰，一於來一盅潤一潤~ 燉湯果真真材實料，海底椰片不少，雪梨分量更多得滿載燉盅，底下亦塞滿瘦肉等湯料，一個人吃一盅已半飽了  湯水亦夠清潤，很適合乾燥的天氣喝~男友喜歡吃漢堡，所以要了一份~ 兩個迷你漢堡內原來是炸魚柳，外皮夠香脆，魚肉夠實淨，配芥末吃很開胃~手拉白腸粉，很滑溜，但太腍了，沒有咬口~豉汁蒸魚雲夠惹味，但是都是骨得的部位偏多，好像有點不值~砂窩雲吞醉雞有三大粒雲吞，雲吞餡夠實淨，雞件三小件，味道有點像綿花雞，整窩酒香清淡~雖然有不少都是非傳統點心，但味道控制不錯~ 只是桌椅擺得有點擠迫，出入實在不方便~

一個人想食點心做晚餐，選了老點，就在泉章居附近，店舖不大，客人坐得頗為擁擠，每個人桌面範圍小，放食物也會很擠。但食物質素不錯，蝦餃皮極薄，大大隻蝦；灌湯餃是店舖推薦，焉能不嚐? 鮮甜湯底，一堆素翅，賣相很吸引，餃子內有帶子，蝦肉，豬肉等，味道很好，甚至想再來一盅，可惜價錢不便宜打消了念頭。娃娃牛肉球是很少量的娃娃菜加牛肉球，牛肉球沒有吃到難咀嚼的肥豬肉，不錯。比較失望是麥心小煎堆，賣相很美，熱呼呼的煎堆，但我不喜歡麥心，有麥芽黏牙的感覺，可能喜歡麥芽的朋友會喜歡吧。

今次完全撞彩，open rice search $51-100 mk,評分最高就係呢間老點(真係冇老點)，有人係劃單個陣一劃就十樣，然後好痛苦咁先篩淨7樣，最後依依不捨咁話一定要再食。由於真係太靚同太好食，唯有分開咸點同甜點出lol1，臘味竹筒飯。用紅米，糙米，好軟身，熱辣辣，一大舊肥臘肉d油滲晒落飯……必食2，白汁芝士蘑菇批。我有鋪芝士癮，有芝士既野就好食lol唔中肯。不過個噠皮好脆，脆到一咬就飛左忽落地(嗚…3，咸香黑魚子燒賣。足料，真係咬到魚子(拿，要求好低，但酒樓食親都係得兩粒唔知咩橙色子)4，鮮上肉響鈴腸。所有野唔食都要叫呢個，信我！！口感係有蝦係入面既炸兩，d腸皮滑到(￣∇￣) 5，戚風斑蘭馬孻糕。正常斑蘭味加軟綿綿馬孻糕lol6，脆皮麥心小煎堆。麥芽蓮蓉心嫁，甜到冇朋友！！小中伏T_T7 ，四式甜品。好得意，係芒果布丁，tiramisu，桂花牛奶(超正)，同焦糖蛋。必叫之二兩個人食左$180(￣∇￣)

野食ok的～ 食左4樣野：蝦腸，冰梅豬手，漢堡包，灌湯餃，蝦腸吾錯，加返啲蔥食比較好，豬手淡味、爽口，漢堡包無乜味～灌湯餃可以吾試～重點係：(見圖)臨走前見到呀廚房師父食緊煙整點心～幫吾幫襯你自己考慮喇～

中秋節做完gym好肚餓，去附近嘅老點點心醫肚，大概下午2PM，門口已經坐咗7,8個人等枱，呢間老點點心果然多捧場客！由於2人枱，等咗約5分鐘就有枱啦！個人覺得老點點心好啱2個人去食，因為每樣點心都係得2~3件，份量唔多細細件。第一次食老點點心，叫咗佢嘅主打招牌菜－老點小漢堡，外形相當迷你的骰，一啖就食咗佢落肚！漢堡包皮煎過，入面夾住一舊炸到好香口嘅炸蝦，仲有沙津菜同WASABI味道嘅沙津漿，好好味，不過略嫌份量太少，一啖就冇咗。鮮肉響鈴腸粉，就好似炸兩嘅變奏版。個皮做得好出色！個皮好滑好嫩，已經令我好開心，入面響鈴好脆口，好味道！咸香黑魚子燒賣，非常普通，味道唔突出，只係普通嘅燒賣味道。清酒雲吞雞，一打開個迷你煲蓋嘅時候，好大陣清酒味撲鼻，有幾粒雞肉、幾粒雲吞，雲吞包得好扎實，應該係手工整做嘅雲吞，雞肉肉質太冧，冇雞肉，敗筆也。個人好鍾意食馬拉糕，所以見到斑蘭馬拉糕即刻雙眼發光！食落口其實同平時食嘅馬拉糕味道好似，但就聞到好香嘅斑蘭味，可以一試。下次會再幫襯。