老馮茶居 (荃灣千色匯II)

营业中

休息中

已經係第二次嚟，第一次星期六下午嚟好多人等位，所以冇食。今次星期日晚上光顧，唔駛等位，直接可以入坐。點心店地方較大，坐得舒服，有2人枱，4人卡位，4人圓枱，6人圓枱，各取所需。室內裝修懷舊，枱椅杯碟清潔度滿意，服務態度良好。點心方面，牛腩腸粉，沙嗲豬大腸，薑汁燉鮮奶，流沙芋泥包，較為特別。今次點了流沙芋泥包，叉燒腸粉，金牌炸芋角，咖哩蒸魷魚，薑蔥牛柏葉，五柳炸雲吞，黑椒牛仔骨，薑汁燉鮮奶，大至上滿意，只係牛柏葉唔夠淋，薑汁燉鮮奶唔夠滑，唔夠薑。總結茶位每人$6，冇加一，點心價錢不貴，晚上去坐得舒服，一試可再試。

地方有小小難搵，喺千色店出口果個凹凸位。店內裝潢幾有特色，以本地懷舊主題為主。座位整體比較迫，同埋需要搭枱。用餐時間只是一小時，而且不可以加單。食物cp值高，平靚正。 流心芋泥包超超超好味。足料得嚟包又好軟熟。蒸豬大腸份量大亦冇異味，亦係必食之選！ 蒸飯完砵蒸，非常又粒粒分明，唔係一般蒸飯可以媲美。炸嘢就一般啲，感覺太油。整體嚟講性價比好高，價錢平水滾茶靚，點心質素拍得住添好運。因為唔可以加單，大家要注意啊

喜歡食點心，搬咗嚟荃灣後時不時都會光顧老馮，係時候寫下食評。1. 蟹子燒賣皇：足料，味道唔錯　★★★★2. 蝦餃：爽脆好味　★★★★3. 蒸鳳爪：每次都有啲失望，鳳爪係靚貨，汁嘅味道唔係唔好但有時太鹹，最大問題係蒸得唔夠耐，連入面舊麵根都未入味，但因為我中意食鳳爪，所以每次都會比機會佢　★★4. 蒸排骨：少肉多肥多骨，又係蒸得唔夠耐，咬唔開　★5. 糯米雞：足料味道正常　★★★6. 雞札：味道正常，但無芋頭，我亦唔食豬皮同豬肚　★★★7.  煎蘿蔔糕：好味，臘味香，亦煎得脆，如果蝦米可以浸耐少少就 perfect　★★★★★8.  鮮蝦腐皮卷：夠香口　★★★★9. 牛肉腸：皮有啲厚，味道普通　★★★10. 梅菜肉餅飯：肉餅有種奇怪嘅味道，可能係我自己唔習慣　★★11. 叉燒包：足料，味道OK　★★★會繼續幫襯，希望鳳爪有改善，我真係好中意食！

今日做隻早起的鳥兒，諗緊食咩早餐之際見到時，見到難得無人等位，咁就一於入去飲個靚早茶啦🫖店舖用懷舊擺設同環境做主題，好有舊香港既風味，可以懷愐過去🤣🤣連餐具都係用舊式雞公碗，而家市面都比較少見到～1️⃣ 🍛 蝦醬蒸腩仔飯 （$38）外面酒樓多數係比較常見既排骨飯、滑雞飯等，比較少見呢款既蒸飯🤩。蒸飯一上枱時已聞到好香蝦醬味，腩肉亦都醃得好入味。蒸飯吸左蝦醬腩肉既香味，而且唔會蒸得太濕，口感味道都值得推介🤤2️⃣🍖 家鄉砵仔排骨（$26）本身以為只係普通既豆豉蒸排骨，但黎到係無豆豉的🤣🤣食得出用南乳醃過，味道特別，又夠香口👍🏻而且有芋頭粒係底同排骨一齊蒸，吸收埋精華好好味🤤
3️⃣🫔蠔皇鮮竹卷 （$25）
鮮竹卷好足料，食到有粒粒蝦肉，仲有紅蘿蔔絲等等既材料，蝦肉蒸完都仲係好彈牙😍4️⃣ 🍰 古法千層糕 （$26）千層糕既餡料好豐富，由佢分層見到餡料仲厚過佢白色果層包皮😳而且見到有大大粒既鹹蛋黃碎同埋糖冬瓜茸，鐘意食千層糕既必試🤩🫖茶芥 每位 $12

好耐冇寫食評諗住嚟呢度食個悠閒嘅下午茶點知食到嚇死我咁濟建議樓面個後生女唔想做可以唔好做或非常建議老闆再次培育員工利申 為表中立呢件事發生唔係我身上 我只係旁觀者但點解我會留意源於佢miu嘴miu舌既態度放menu 掉到台面最遠既角落轉身走呢啲行為同執碗碟執餐具掉野 產生非常大嘅噪音 我坐側邊 會成個人彈起嗰隻總之一入去見到佢就好似得罪佢咁非常非常大既怨氣我相信 去過既人都知我講咩我點完餐有一對中年夫婦入黎 話要一碟菜侍應女仔原封不動企係點餐機大聲嗌雖然佢應該都係想問清楚要邊款菜嗰對夫婦亦因為佢企得太遠 聽唔清楚 要求重複侍應女仔極大聲 成間餐廳都聽到既聲量 企係點餐機度重複我都係因為佢呢個聲量嚇一嚇 心諗洗唔洗咁嗰對夫婦 嚇一嚇 即刻答「生菜啊，哇 洗唔洗咁惡啊 咁大聲做咩啊」聲音有收小 唔係鬧佢既態度但個女仔仲唔收仲行近企係側邊講：「哇！咁都要鬧啊？你聽唔到咪講大聲啲囉！有咩問題啊？」（夫婦坐住向上望住佢）夫婦：「咁你聽唔到係應該行埋嚟，唔係咁大聲好似鬧人咁樣」個女仔：「咁你聽唔到我大聲啲有咩問題啊？講你又聽唔到，講大聲啲又我唔岩，咁你想點？」夫婦：「你都仲要咁嘅態度喎，你係咪做生

一個人，想飲茶，除左去酒樓之外，仲可以去茶居或者點心鋪。老馮茶居之前經過元朗店已經見到門口大排長龍，荃灣開左分店無咁多人，自己一個，就排下啦。以為一個人唔洗搭枱，點知都係要同另一個人搭，不過張台都大又用膠板隔住就由佢啦。入坐前朋友仔已經同我講左幾年前食過，味道一般，咁我一個人又想飲茶無所謂啦。叫左壺鐵觀音同三個點心，茶幾香幾好飲既。牛肉球同金錢肚都係即叫即蒸，熱辣辣上枱，溫度足夠，但味道尚可。XO蘿蔔糕都幾惹味，不過一個人食左幾粒已夠覺得好漏，下次都係同屋企人一齊飲茶叫多幾款開心Share好啲🤣🤣

老馮有驚喜呀！最好食的是「蔥花腸」簡單野，最難做而老馮的腸粉做得好好朋友直情話…. 下次要來外賣呢個腸粉好有舊式風味其次係薑汁糕佢個質地做得好弱糯呢個做得咁好相信佢既年糕應該都會好唔錯仲有呢間茶居竟然沒有加一我地5個人去食食到要打包都係$66 一個人抵到難以置信不過佢啲位….. 超勁迫坐得好唔舒服.🔻.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant

今日一家人去排下呢一間老馮！真係每次經過都好多人排隊，本身以為佢新開，所以好多人會以試新餐廳所以好奇，點知開咗一段時間，午餐晚餐都有人喺出面排隊！去到等咗大概20分鐘，就有得入座，不過講到明只有60分鐘既用餐時間，而且冇得加單，第一轉落單，就需要叫晒所有嘢食。我地都叫左好多飲荼必叫，同埋寫住推介既點心：鳳爪🌟🌟🌟🌟個味道唔錯，係個汁略嫌甜咗啲，但係墊底既”麵筋”幾好食！蝦餃🌟🌟🌟🌟皮薄，蝦都爽！性價比算高！馬拉糕🌟🌟🌟🌟佢好鬆軟，同埋個味道都好香，好值得推介大寫試，不過要趁熱食！ XO醬炒蘿蔔糕🌟🌟🌟🌟呢個原來係新鮮炸起，每一粒都好脆！但裏面又好鬆軟！個XO醬好香，但係略嫌蘿蔔糕無乜XO醬味。牛腩腸粉🌟🌟🌟未叫嘅時候，以為佢點放牛腩入去腸粉入面，點知原來只係放係面。所以有啲失望，但係牛腩係唔錯，牛腩汁亦好入味。燒賣🌟🌟🌟🌟呢個唔錯，鮮蝦好爽，值得叫。牛仔骨🌟🌟呢個係老奉推介，不過個人覺得一般，正常味。鯪魚球🌟🌟🌟都係正常味道，略嫌覺得冇乜鯪魚味。牛肉球🌟🌟🌟🌟呢個做得好舊式既做法！落左多梳打粉，個味道好夠食，如果想食返以前飲茶的味道，呢個一定唔可以錯過！總括嚟講，嘢食都幾唔錯，價錢相宜

上星期來和媽媽飲茶，等了45分鐘才有位，但味道不錯今次1540來職員說不搭枱要等，等了10分鐘後職員說都是有機會搭枱，但我看店內有二張大枱是吉的，疫情相信沒人喜歡搭枱吧，這間食物鏈需好，但職員的態度和做事方法太家長式，永遠不會再來光顧

一向都好中意食點心😍荃灣呢間平日下午茶都有人食～一於試一試！蝦餃✨ $33 燒賣✨$28 4/5😋呢啲必食點心都做得唔錯🤤蝦都好彈牙、香，皮都唔算厚～調味都啱啱好！不過兩樣都偏健康，比較乾同少咗啲油香～推介👉🏻流沙芋泥包 $20 4.5/5😋包好軟熟又好香😍餡料真係流沙！芋泥係真材實料冇化學芋頭味！仲食到啲粒粒！甜度都啱啱好🤤唯一缺點係食完有飽足感🤣可以一試👉🏻魷香肉餅飯 $35 4/5😋$35份量都好多！魷魚味唔算好重～但食到嘅時候好香😍配飯一流！即使個飯最後先到，好飽都忍唔住食晒！好似牛肉腸就唔太推介，好似放咗牛肉球入去咁🤣腐皮卷平時食開係好多料嘅～但呢度淨係得蝦，味道同口感都冇咁豐富！其他蘿蔔糕炸雲吞嗰啲就正正常常點心嘅味道～不過都係好食嘅！🤤整體嚟講啲點心都比較偏健康🤣會乾身少少同埋少啲油！另一面睇就係少咗啲油香同埋口感～不過叫咗10樣嘢每人都係$140！真係好抵😍

今日難得和朋友飲早茶，當然搵間特色些啦平時過來飲茶不用排隊食物即叫即蒸，都好新鮮，多些素食更加好，本人比較喜歡食芋角和肉餅飯，牛栢葉其他點心就一般啦閙市中有間老古典茶居都幾特別

第一次到荃灣千色薈老馮茶居飲早茶，見到店鋪主要係港式懷舊經典格局，茶杯同碟蓋左公雞樣，唔使等好耐就可以入座，職員服務態度幾好，只係環境細小，今日叫左以下食物:金牌炸芋角（$18） 外表幾脆口，餡料有芋頭和豬肉，同算幾入味，但食落去偏鹹沙爹豬大腸（$27）豬大腸清理得幾乾淨，有少少肥膏連住，加上黑椒和沙爹味幾濃烈，成個豬大腸咬落味道幾好，只係醬料落得重手左d老馮鮮蝦餃（$33）有四粒鮮蝦餃，個皮外表稍厚，但食落去蝦味夠，蝦肉結實又多汁，成個蝦餃非常完美老馮流沙芋泥包（$20）芋泥包外表紫色好吸引，入面芋泥流沙相當豐富，又唔會過甜，必食！食左四個點心，加埋$5茶芥，共$103,食物質素唔算突出，但一個人來飲茶都算ok

裝修同元朗差太遠啦，可能地方問題，服務普普通通差不多茶餐廳level鮮蝦鳳皮卷（$26）4分- 外貌無普通茶樓，扁D ，其實只有兩隻蝦，跟個名一致，當然喜歡平時酒樓的豐滿，就吾啱食- 外皮系脆吾硬，應該系現炸沙嗲豬大腸（$27）3分- 沙嗲吾香- 豬大腸有全肥亦有清走曬肥羔，任君選擇- 好”淋”,古法千層糕（$26）2分- 有蛋黃但吾香- 喜歡甜香應該吾高興- 層數做得有好厚有薄，吾均勻鳳爪排骨飯（$35）3分- 飯粒粒分明，加埋鼓油真系幾香- 排骨咁價錢算好多，好”淋”好滑，但可惜雞爪得2隻腳趾，咁大缽我喜歡起碼一隻嘍

重要嘢講咗先：只可以落單一次， 同埋得一個鐘時間進食。（原諒我冇睇到OpenRice就直接去食，職員又冇講搞到有啲反感。 繁忙時間指嘅唔知係幾時……）蝦餃、燒賣、腸粉都好食，尤其我最鍾意佢個燒賣， 瘦肉佔嘅比例多，見到肉絲。 腸粉都唔錯，皮稍厚但我都OK接受到， 因為皮真係有米味， 同埋餡料都多。 上點心一般都要三個字左右， 咁啱我呢次佢有漏單嘅情況……

隔左太耐冇食點心有啲掛住🤣去到都唔少人等緊位 都等咗幾個字先入得 店舖主打懷舊風味 裝修都十分有特色 有懷舊嘅公雞碗筷 別具心思▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀老馮金沙米皇腸🌟($32)外面係厚薄均勻既腸粉 包住脆米網春卷 入面既蝦🦐都好彈牙 口感好豐富 要趁熱食先食到脆卜卜既口感😛❀咖哩蒸魷魚🦑🌟($28)份量都多 🦑厚身不韌 咖喱味香濃 仲有面筋索汁😆❀鮮蝦腐皮卷（$26）新鮮炸起 正常水準 入面真係得蝦 口感單薄 建議可加入其他材料🚁🚁🚁🚁🚁（可skip)❀老馮鮮蝦餃($33)好乾 同叮叮點心差唔多既感覺 大把茶樓整得好食過佢❀古法千層糕（$26）見係傳統特色點心又未食過 叫黎試下 主要有咸蛋黃同椰絲 但個糕體太乾 幾失望😞❀鵪鶉蛋燒賣（$28）實不相暪 可能唐記仲好食啲又平啲 瘦豬肉吾夠香兼無乜味 都係偏乾🚁🚁🙌🏻茶芥每位十元要求人齊入座 繁忙時段用餐一小時同不可加單 略嫌有啲太趕，冇咗休閒飲茶嘅感覺 加上無咩特別 所以應該都吾會再排隊食佢