老馮茶居 (荃灣千色匯II)

老冯茶居主打港式怀旧点心，装修走怀旧风格，好有老茶楼嘅味道，喺荃湾区人气都几高。今次专程嚟试吓，多款点心味道属中上，整体表现稳阵，虽然未至于惊艳，但价钱亲民，性价比不错～🔥 必试推介
✔ 古法千层糕 $28
怀旧甜品之一，层次分明，中间仲有蛋黄夹心，唔会太甜，口感几得意。
✔ XO酱萝卜糕 $32
煎到外层香脆，内里软糯，XO酱味唔会太咸，够惹味。
✔ 蟹子烧卖王 $36
蟹籽舖面卖相几吸引，虾肉弹牙，属正常水准，唔错嘅选择。
✔ 金沙米皇肠 $40
类似炸两肠粉，但入面系炸虾，炸得酥脆无油腻感，算系今次嘅小惊喜～
✔ 鲜虾腐皮卷 $30
炸得香脆，虾肉份量十足，一咬爆馅。💡 总结
整体味道中规中矩，胜在价钱实惠、环境有特色，aa唔想排大队嘅话建议避开繁忙时间～…查看更多

人气高企嘅点心专门店，荃湾系比较少点心专门店嘅地方，但系唔明点解四位以上会拣喺呢啲地方唔拣酒楼？唔系会更加松动吗？企系门口听到有街坊话比极都比唔到5人枱佢。其实个度地方比较适合1-4人内。个人觉得唔系特别平，正常价位。等了大约半个钟入座。位置之间比较窄，装修系特别嘅，有点怀旧嘅特色，叫了叉烧肠粉、牛肉、流沙芋头包、烧卖、凤爪，肠粉皮系好薄味道唔错，牛肉都好重牛味，烧卖略嫌佢有啲碱水味，虾饺皮有少少厚，但味道都可以。流沙芋头包系几特别，味道唔差。其实个人觉得酒楼嘅点心应该俾佢更出色吧！繁忙时间还要限时一个钟。个人觉得如果要排队就唔会再考虑了。…查看更多

同两个中学同学好耐冇见，于是约埋放工一齐饮茶，而家几点心都好创新，味道好好，推介！🌼流沙芋泥包超正！大推，好香芋头味，咬落去热辣辣，流心啲浆涌出嚟🤤🌼五柳炸云吞一样有水准，咬落去好香口，云吞嘅馅都好足料🌼老冯鲜虾肠啲肠粉皮好嫩滑，识落唔会黐口，鲜虾弹牙爽口🌼豉汁蒸凤爪凤爪好入味，仲要大大只好多肉，食完之后好满足haha…查看更多

因为好耐都无食点心 见呢间设计怀旧 晚市可以饮茶就试下金牌炸芋角芋角外层酥脆 入面有满满的芋泥 满足蜜汁叉烧肠肠粉粉皮滑溜 叉烧亦非常足料 啖啖都满口叉烧老冯鲜虾饺虾饺皮唔厚 大大粒而包满老冯流沙芋泥包无谂过小店都做到 流沙的效果 有惊喜！坦白讲 做到流心 好难系塞满芋泥但包依然有香浓的芋头味姜汁桂圆红枣糕姜汁唔浓 反似有啲似椰汁糕 普普通通总结价钱： 4/5两个人另叫了 鱿香肉饼饭 （无影相）都系200令蚊 价钱唔贵食物： 3.5/5 虽未至惊艳 但食物全部都好足料 流沙芋泥包亦非常推荐 服务： 3/5 麻麻地 出面无人 但有啲食物未食完已经打算执走希望服务态度有待改善 但价钱唔贵 放工可以过下饮茶口瘾…查看更多

落荃湾，因为近 地铁又近千色店，天桥可以去到。可能都系地方细，所以都等咗差唔多七八个字....开茶叫咗香片，算系咁啦，第二巡都仲有味。 (畀起有啲其他嘅茶居，第二巡已经唔多 好饮)今日虾饺正正常，起码每个 D 皮不会太厚，三十零蚊都食得过。鸭脚扎 有惊喜 ，好食， 附加嘅柚皮 都唔错； 反观鸡扎平时几好食今日啲鸡就太普通了。虾酱蒸腩仔饭 就真系回复返水准， 虽然冇当初咁香，但系都算系中上。红枣糕你就当 okay 啦。 而家换咗咕噜(guru)排队 ， 秩序好咗好多 ，招呼就 要睇 伙记𠮶日心情啦。…查看更多