影片
以上资料只供参考，请与餐厅确认详情
上星期五晚同朋友去咗上水老陈面档，呢间店装修真系好型格，带住浓浓嘅复古风，坐喺入面有啲似返到旧时代嘅街边面档，但环境又干净企理。虽然系平日晚，但都几乎座无虚席，睇落真系几受欢迎。 🥢咖哩鱿鱼、猪红同白萝卜，米线，猪骨汤再加牛腩汁同辣汁（BB辣）首先，汤底真系几出色，猪骨汤加埋牛腩汁𠮶阵香气，再带少少辣汁嘅微辣👍🏻配料方面，咖哩鱿鱼够入味，弹牙唔韧；猪红滑溜冇腥味；白萝卜吸晒汤汁，无渣清甜；米线煮得啱啱好，爽滑唔会烂😋🥢潮式金钱肚、柱侯牛腩同南乳猪手，幼面，猪骨汤加卤水汁金钱肚煮得好入味，食落仲有少少爽口嘅感觉；柱侯牛腩够腍，牛味浓郁，柱侯汁香味非常突出，完全系𠮶种「煮咗好耐嘅好味牛腩」；南乳猪手啲皮同胶质焖得好腍滑，南乳味浓但唔会过咸，真系一流。幼面亦都煮得好有弹性，挂汤能力唔错，每一啖都食得好滋味。 🥢避风塘风沙鸡翼鸡翼嘅外皮炸得金黄香脆，蒜蓉同辣椒碎铺满成个鸡翼，香口惹味，，入口仲带少少微辣，绝对系必点小食！ 🥢酒糟话梅醉鸡醉鸡切片摆盘好精致，鸡肉嫩滑，充满酒香，清新醒胃。 老陈面档嘅食物真系值得一赞，无论车仔面嘅汤底、配料，定系小食嘅质素，都系有水准之作。份量足够，价钱亦合理，加埋有型嘅复古装修，成个用餐体验都好愉快。
继续阅读
上水新开面档 怀旧与新颖结合 有车仔面 有川菜 Crossover 老坛花椒金汤酸菜鱼 + 转米线 金汤的酸辣口感搭配花椒麻香鱼肉鲜嫩滑口，酸菜酸味能提升整体风味。转米线是个不错的选择，米线能吸收汤汁的精华，吃起来更加入味 如果想食更麻更酸，记得同店员讲声避风塘风沙鸡翼 港式风味 避风塘风格鸡翼以蒜香和辣椒碎为特色，外皮酥脆，内里多汁 非常适合喜欢重口味的人 佐饭佐酒一流销魂川味口水鸡川菜中的经典冷盘，麻辣鲜香，鸡肉嫩滑，搭配花生碎和芝麻
继续阅读
今晚黎左呢间好有旧式香港情怀的老陈面档到食饭，一入到去装修好有特色，一边贴满旧时香港电影嘅海报，一边系以前香港电影戏院的感觉。除咗有车仔面外，仲有唔少饭类小食。三𩠌车仔面包左三样$9的𩠌，其他就可以补差价，叫左酸斋，自家制鲜虾云吞（+$3），柱侯牛腩（+$4），配米粉，可以加腩汁或者沙嗲汁，辣度有BB辣，牛腩好入味，鲜虾云吞大大粒，米粉好爽口。香煎家乡土鱿肉饼饭有四旧，估唔到呢个好有惊喜，煎到外面有啲脆，肉饼腌得好入味，入边啲土鱿好有口感，呢个真系好食，唔怪得见到其他食客都系食佢。👍👍避风塘风沙鸡翼有四只，面头铺满左炸蒜，然后鸡翼好香口入味。总括黎讲，装修好有香港情怀，又性价比高，特别煎肉饼饭真系必食。
继续阅读
之前喺老陈面档食饭已经觉得餐厅好有特色，墙上面挂咗好多怀旧嘅画同装饰，有超越时空去到50年代嘅香港嘅感觉，非常有气氛，唔单止咁，呢间系唯一一间食完想再食嘅面档，连续两个星期都叫咗佢叫外卖，食过返寻味，而且价钱合理，诚意推介俾大家❤️我哋order咗老陈精选推介劲爆葱油巨人鸡扒煎蛋饭 $70鸡扒煎得外脆内嫩，加上香浓嘅葱油，味道超级入味。煎蛋嘅蛋黄流心，搭配白饭，简直系完美！每一口都好有满足感，唔知几多碗饭都食得落。价钱合理，份量十足，真系好适合唔少食客！如果你钟意鸡扒，呢个绝对唔好错过！仲有一杯餐饮冻柠茶，真系好抵。另外叫咗一个三𩠌米线$58米线用咗百斤猪骨汤汤底，真系好味到不得了！百斤猪骨汤底，浓郁又鲜甜，饮一口就感受到猪骨熬出嚟嘅精华。牛柏叶煮到软滑，口感极佳；潮式金钱肚脆口，咬落去好有嚼头；而鲜滑鱼片更加添咗海鲜嘅清新味道。三样𩠌搭配汤底，简直系绝配！米线吸收晒汤汁，食落去超满足，真系一碗唔够，想再来多一碗！如果你钟意米线，呢个必试！小食方面叫咗避风塘风沙鸡翼（4只）$34避风塘风沙鸡翼真系一绝！四只鸡翼炸得金黄酥脆，外面包裹住香脆嘅蒜蓉，味道超级香！唔会太咸，啱啱好。鸡肉嫩滑，食落去好有口感。销魂川味口水鸡（小食）$40销魂川味口水鸡真系好好味！鸡肉煮得刚刚好，嫩滑又多汁，搭配香辣酱汁，味道超级醒神！酱汁入面有花椒、蒜蓉同埋香菜，食落去有种微微麻嘅感觉，真系好过瘾。每一口都令我想再食多一啖！
继续阅读
我叫左3𩠌一面套餐 有陈皮鱼旦 非常普通 猪皮 酸𪗋正正常常但份量小左d 不过唔紧要 食食下发现其中一块猪皮有油膱味 即刻吐左出黎 我同一位年纪大小小既店员女士反应返 佢问我洗唔洗比多份你？你觉得我仲会再食咩 放落口咬左两下即刻吐返出黎 跟住我埋单都有同短头发位女士收银员反应返 佢无任何反应比我 非常失望 好耐之前食过一次觉得无乜特别@但上星期系fb见到有人推介 我㖊日同今日都有去食lunch 今日叫左杯冻柠茶小甜小冰发觉杯茶都苦苦地咁 而且觉得食完个车仔面好口渴 店员咁既反应令我却步 第一次咁嬲要写返个负评
继续阅读