影片
以上资料只供参考，请与餐厅确认详情
走进上水老陈面档，墙上贴满经典电影海报，营造出怀旧茶餐厅的独特氛围。除了招牌车仔面，还有不少「老陈推介」的美食，每一款都蕴含著师傅的巧手功夫和地道风味。脆炸鱼皮：金黄香脆，入口酥化，瞬间激发鱼皮独有的甘香。三𩠌一面：鱼皮饺皮薄馅靓、鱼腐滑溜绵密、鸡汤萝卜吸满百斤猪骨汤的精华，粗面挂汤力十足，更可免费加牛腩汁，浓郁层次感，令人一试难忘。香煎咸鱼茸肉饼饭：咸鱼茸与手打肉饼完美融合，即叫即煎，焦香四溢，每一口都带著咸鲜的强烈冲击，搭配热腾腾白饭，必食推介。劲爆葱油巨人鸡扒煎蛋饭：超巨鸡扒煎至外脆内嫩，葱油的香气萦绕，一口咬下满满肉汁，加上半熟蛋液流心感，让人欲罢不能。热鸳鸯：咖啡与奶茶比例调配得恰到好处，香醇浓厚，港式经典饮品。总结，餐厅的每款食物都制作用心，价格合理，性价比高。
继续阅读
收工冲入上水揾食，竟然发现呢间怀旧风车仔面档劲有惊喜！铺头细细但装修超盏鬼，墙身贴满旧式广告牌同铁皮信箱，仲播住经典港产歌曲，未食已经影咗十张打卡相📸！店员姨姨好热情推介「今日啲鸡扒好靓啊」，果然无介绍错～头盘 香辣爽脆芫茜鱼皮（$40） 真系一试上瘾！鱼皮炸到卜卜脆，芫茜香，加埋秘制辣油同炸蒜，香辣惹味到手指都舔埋🤤！跟住上场嘅 劲爆葱油巨人鸡扒煎蛋饭（$65） 简直震撼，块鸡扒大过我块面😱，外皮煎到金黄酥脆，咬落肉汁爆出嚟，加埋半熟流心蛋同爆炸级葱油，捞饭食真系停唔到口！车仔面三𩠌（$45） 拣咗酸斋、唐生菜同鸡汤萝卜配幼面，猪骨汤底，酸斋另上唔怕浸汤太耐，萝卜清甜无渣，加$10有 冻西冷奶茶 少甜少冰，茶胆浓滑仲有淡淡炭香，完美还原旧式冰室风味～压轴 销魂川味口水鸡（$38） 辣到头皮发麻又过瘾！鸡肉嫩滑，麻辣酱够特式，麻香后劲仲会喺喉咙度回甘！埋单$198两个人饱到捧住个肚，人均唔使$100食到高质怀旧菜，绝对系上水隐世饭堂！下次一定要试埋佢哋个 酒糟醉鸡 ，隔离枱个酒香飘过嚟搞到我心痒痒啊～📍老陈面档🚩上水新祥街13号地舖🚇上水站A出口行8分钟💸人均消费：$80-$120🌟必食：巨人葱油鸡扒饭、芫茜鱼皮、西冷奶茶#上水扫街王 #怀旧面档争霸战 #芫茜控暴动 #鸡扒大过脸 #车仔面研究所#手机食先 #豉油西冷茶走 #口水鸡挑战赛 #学生饭堂首选
继续阅读
第二次帮衬, 其实都系俾佢既装修布置吸引到.老香港既情怀. 真心最钟意既系舖头好干净, 好小车仔面档系坐得舒服, 地面, 台面仲要系好干净. 一入去就俾佢既报置吸引, 怀旧电影海报, 月同埋好有创意既灯箱标题😂 见到其他食客睇到都会心微笑, 好有创意. 食物种类好多元化, 除咗车仔面仲有其他饭食. 今次试左芫荽麻辣肉饼饭, 个卖相都煎得好甘香好靓,食落去仲要个皮好脆口,芫荽烘嘅我觉得好香,辣味又唔会太重. 份量重要有4 块,叫左小饭既我都食唔哂,价钱实惠. 下次可以再试埋其他饭款
继续阅读
收工既乐趣就系睇下附近有咩正野好食，平时就帮衬茶仔多，因为上水都有唔少茶餐厅既选择，但今日经过呢到原来有间咁盏鬼既面档😂佢系怀旧风装修，入面都set up都feel到好有心，好多details位，而食物种类佢主打系车仔面，但都会有啲饭类既选择。🐒两𩠌一面💰$46👉🏻贡丸👉🏻鱼片头👉🏻幼面🐒老坛花椒金汤酸菜鱼💰$64👉🏻转米线+$3👉🏻热柠水佢地个酸菜鱼劲大碗，本身系配饭既，但系可以转粉面，我本身以为系直接会一碗上，点知原来系个粉会另上，我觉得好sweet系有时啲粉会索左个汤，但我自己系中意多汤既，所以可以俾我慢慢食慢慢加落去就唔会有呢个问题la。🐒灼时菜💰$22🐒酒糟话梅醉鸡💰$38佢地个醉鸡酒程香味好足但又唔会over，而佢既肉质都好滑，夏天食都几开胃，而且个感觉拎黎配饭都好夹
继续阅读
一直都知道上水有间车仔面系好多人推介，今日终于有机会买外卖试吓。我都几钟意呢种装修嘅感觉，怀旧得来又时尚，我哋叫咗三碗车仔面同埋一个猪手加一个油菜返屋企食。第一碗系猪红，萝卜，生菜，其实我都好耐冇食过我认为好食嘅猪红，但我自己本人都系几钟意食嘅，所以今次要试吓。而呢间老陈嘅猪红我真系觉得好味，萝卜鲜嫩得来系好鲜甜嘅。另一款系鱼片头加鱼腐米线，片头同鱼腐都好弹牙，系新鲜好味，加埋佢个猪骨汤成个配搭系正嘅。第三款叫咗墨鱼丸，豆卜同埋猪红，呢碗屋企人都觉得猪红好好味，同埋呢只墨鱼丸我哋都好钟意食，不得不提下我哋猪骨汤再加腩汁咁嘅配搭令到米线特别好味，最后个猪手绝对唔会好油腻嘅感觉，好好味我哋大家都钟意食。
继续阅读