老闆娘雲南米線

营业中

休息中

作為米線控 呢間真係成日聽到人推薦第一次食麻酸湯之後真係返唔到轉頭 次次都係嗌返呢個湯底 但驚麻嘅人可能會覺得陣味太勁 但重麻重口味人士一定會好鍾意到小食方面 雞球真係世一 好新鮮熱辣 次次都必嗌 無一次令我失望 另外菇菇腐皮卷都好推 又係熱辣辣 好juicy 入邊既料好豐富 口感一級正呢間成日都要等好耐 最長個次等咗個半鐘等既時候可以揀定食咩 咁坐低個陣就可以交埋單 上菜都算快 最緊要真係新鮮熱辣辣 如果想食嘅朋友仔 可以夜少少食 有朋友試過8點去就唔洗等

身為米線關注組成員之一既我😂😂緊係要黎老闆娘 試試佢係咪真係咁好食🤩 平日6:45pm去到 都見到有人排緊隊😱😱真係小小癲 ... 因為間鋪屬於街市內 所以等候區好熱 得風扇 夏天去你都咪話唔燥😂😂😂 不過好彩都等左20分鐘就入得😇 入到去餐廳就好夠涼 🥰 即時爽哂 😁 呢間既米線出色係有勁多湯底同小食選擇 😍 我同友人就簡左最受歡迎既炸雞球同豬扒 🥰 等左5分鐘就上左小食先🙂其實我見枱枱都係上左小食先 🥸 個人就唔太中意 因為無湯拌住食 差咁d野咁😂😂 炸雞球 - 新鮮炸 雞肉嫩 👍🏻 炸粉薄 一流🖖炸豬扒 - 粉量多 唔會太厚身 脆卜卜 都好食🤪 麻辣控既我緊係簡埋麻辣酸湯底 中辣 加腩肉 ～ 睇相就知 腩肉既份量都唔少🤪 同夠薄 好味！ 真心湯底個個都各有千秋我地就試左蒙古湯 同麻酸辣 都係中辣先夠爽

好少黎荃灣食野，但發現荃灣都真係幾多好野食今日朋友介紹左黎食呢間係荃灣香車街街市入面既隱世米線店老闆娘雲南米線，位置都幾隱蔽，但好早黎到食晚飯已經有條人龍。可見真係幾受歡迎。黎到朋友介紹下揀左蒙古湯，再揀小食一齊 share , 個湯真係好大碗呀，蒙古湯底又幾特別，其實係孜然湯底，係其他地方好少有呢隻味，飲落夠香濃好有香料味，好有驚喜野菌腐皮卷，酥炸雞球都好抵食，炸得個皮好脆，又大份，食完個麵再食埋炸物真係超飽，抵食

聽過呢間野人人都讚好，終於搵到時間黎拜會下。等左20分鐘到..都幾熱下叫左麻辣湯底，D肉碎幾正，記得帶tissue..炸物好出色😋香港米線關注組長期上榜，果然名不虛傳！係正既。

一時無留意佢係開5:00pm但係一心想食同阿妹等45分鐘都要食，點知5點一嚟到已經排哂長龍🤣真係想試下被譽為香港好食嘅米線，排隊時已經攞紙填食乜，佢個選擇同平時一般嘅米線店唔同，啲餸好特別！我地揀左好多嘢試，排到入去侍應問你會唔會減米線，我好型咁話唔洗，原來碗嘢一嚟度啲料同餸多到爆😂佢個湯底好夠味而且啲餸都好出色，野箘腐皮卷非常好食，仲有真心推介陳皮魚蛋，好香好好味，豬軟骨炆到好淋好入味，其實好多嘢都想試！但真係好爆👍👍👍非浪得虛名

⚠️冒住出po會得罪好多人嘅風險，我都要誠實咁講：老闆娘米線俾人高估得好緊要🤢一直以嚟碌ig都見到身邊朋友吹奏老闆娘，講到非試不可咁，之後又有foodie吹奏老闆娘係全港最好食米線，我同腦細就決定lunch time專程搭巴士去朝聖，睇下佢咩料。閒日lunch time我哋企係街市都等咗超過半個鐘，嚟街市食米線都唔expect有咩服務態度，但店員真係好惡。OK fine，我哋終於排到入座，都係個句街市環境都係劣架啦唔方坐得舒服，逼逼夾夾咁啦，冷氣都夠凍，電視就播住港台電視31。我哋滿心期待食碗米線，叫晒佢招牌嘅餸，包括野菌腐皮卷、酥炸雞球、蝦膠豆卜同魚肉響鈴。憑我影呢張相你都應該睇得出佢碗米線出晒煙夠晒熱，入面有好多肉碎。炸物都係新鮮炸起，但味道真係完全唔驚艷，我哋淨係覺得好！熱！氣！食完脷尖會痛就嚟生痱滋個種🥵除咗食物新鮮滾熱辣，我哋完全唔覺得佢碗米線有咩咁特別，荃灣其他米線都可能完勝😑講真，黃店米線嚟講佢的確唔差，但完全唔值得大家慕名而來排咁耐入去食，仲要態度同環境都幾差，有朋友之後都同我講老闆娘態度認真麻麻，前排仲見到連登有人開po鬧，即刻好欣慰終於有人肯道出真相🥲🍜酸辣湯米線配野

網民排名全港第二既米線個人體驗：1.酸麻辣湯底（大辣）食落係苦味，苦到蓋過左酸同麻辣，好奇怪！辣度大概係譚仔中辣2.野菌腐皮卷個皮係脆既，裡面個陷好怪，同出面個皮超唔夾，食落似廚餘3.環境明顯惡劣，見到廚師咬住支煙係度煮，成個環境充斥住惡臭味，可一不可再酸辣湯底就ok既，但都無話特別出色，全場最出色應該係罐可樂？😂

直以嚟都久仰老闆娘大名，星期一中午十二點半去到，一點入座，店員交待話外賣單較多可能要等耐少少，最後差唔多兩點先有得食，依家諗返都覺得有少少誇張，怕餓嘅真係要打定底先去。招牌雞球拼豆卜蝦膠 $55好友推薦我食蒙古湯底，有肉碎、芽菜等配料，重孜然味，在外面的確無食過依個味道，幾特別。雞肉啖啖肉，炸得乾身香口之餘仲有肉汁，不愧為招牌。豆卜蝦膠同樣卜卜脆唔油膩，用心製作。Overall餸菜款式特別，仲有其他自製嘅產品想試，不過大熱天時要等令人更卻步，都係留待冬天再戰。

1️⃣⭐️小辣麻辣湯米線配3餸 $67 (7.5/10)⭐️Pooh揀咗野菌腐皮卷、奇味排骨、腐皮做配料，腐皮卷果然出色😋排骨吸咗少少湯嘅，仲有極大量腐皮❤️ 不得不講佢地嘅麻辣越食越正😍 麻味比辣味重，好快就食到個嘴麻咗🤣 成個米線本身都好多料，又有肉碎，女仔一定要叫少米😂 2️⃣ 小辣酸辣湯米線配3餸 $57 (7/10)朋友餸個方面要咗招牌酥炸脆雞、雲醬豬軟骨、腐皮🍜 唔怪得咁多人推炸脆雞，脆得黎好juicy🤤食之前點一點湯底有少少果更正👍🏻 酸辣方面做得唔錯，唔會酸到蓋過咗辣味😆

𝒞𝒽𝒾𝓃𝑒𝓈𝑒 𝒻𝒶𝓈𝓉 𝒻𝑜𝑜𝒹 𝒾𝓃 𝒯𝓈𝓊𝑒𝓃 𝒲𝒶𝓃我本身係一個米線控😂。呢間係荃灣好出名食米線嘅舖頭，開既時間唔定，所以去之前要上網𝘤𝘩𝘦𝘤𝘬。睇左今日中午有開，一夠12點即刻去排隊。之前已經食過幾次，好鐘意佢既湯底，但環境就真係麻麻，所以通常會外賣番屋企慢慢品嚐😻今次等左半個鐘有得食啦😁🌟酸辣湯野菌腐皮卷米線（$47）佢既酸辣湯底加左好多肉碎、芽菜，果種酸酸美美得黎唔會死咸好正，又有少少辣既後勁，令人一啖接一啖咁食。米線方面，佢既米線都算彈牙，就算外賣拎到番黎都唔會淋，但今次唔記得左分湯所以可能比米線吸左唔多湯🥲😭。但米線吸左湯既精華更好味😍😘 野菌腐皮卷係佢地即場包黎賣，跟餐有三大條，炸得非常惹味，一咬落去有大量既菇爆出黎，真係必食之選。👍🏻如果可以一條剪開一半會更易入口。🌟蟲草花薑酒配雞肉 （$56）佢嘅蟲草花湯亦係我嘅至愛，唔知係咪剛開舖既原因今次既湯酒味冇咁重。但仍然係一飲就好有自己屋企煲湯果種味道，勁補身。佢既雞件同蟲草花份量都好多，足夠舖滿成碗米線，米線吸收晒𝘥精華好掛湯😋😋😋😋飲埋𝘥湯都冇負擔😙食完米線最驚之後勁口渴，好彩到而家都冇口渴，應該冇落味精掛。😅希望

這個酸辣湯不得了！濃郁帶甜，質地又不會太稠，有一喝再喝的魔力，酸辣愛好者必定要來一試！而配料點上招牌酥炸雞球、魚肉響鈴，全都炸得香脆之餘又不油膩，並以另一小碟盛起上桌，以免浸軟，十分細心！雞球酷似日式炸唐揚，香脆又多肉汁，值得一試！

講起米線 會提起呢間被形容為非食不可嘅米線講起排隊 亦會提起呢間排到天昏地暗有時會等到唔夠時間 迫於無奈轉場嘅米線食唔食到 除咗運氣 耐性都係重要一環🤪🔖 蒜香椒鹽雞翼炸豆腐麻酸辣米線就算出咗名 都仲保持初心 堅持即叫即做以一爐一煲用心去寫每一碗米線 很難得❤️米線軟硬適中 湯底麻感較酸感重 食完嘴會ғᴇᴇʟ到啲啲痺但又轉眼即逝 好鬼過癮超推介佢嘅蒜香椒鹽雞翼 超級好食(ง •̀ɷ•́)ง✨必定要將舊雞翼碌混佢嘅秘製調味粉 超讚!!好感謝朋友們特地都叫咗其他招牌款式等小編都可以試下咩料🤭▪️招牌酥炸雞球 雞球香脆嫩滑 炸粉超薄 好食但鍾意雞翼多啲▪️魚肉腐皮卷原來係老闆嘅得意之作 堅持每日新鮮製造腐皮超脆薄 隱約見到魚肉 秘訣係吸收咗湯後更正▪️酥炸鯪魚球鯪魚都新鮮 但係對比下無咁驚喜

上年已經好想嚟試，嚟過2次都食唔到！一次嚟就係佢星期三休息，摸門釘！另一次就係太多人所以冇等到！今次一支公，又入開嚟荃灣，就再試吓排隊食啦！星期日夜晚7點幾到，排5分鐘就入得！嗌咗4個餸，炸雞球，豆卜蝦滑，雜菌，同埋健康有營，蒙古小辣湯底！再加多罐汽水，盛惠$85！好鍾意呢度啲米線冇韭菜！配料又多，有好多肉碎、芽菜！豆卜蝦滑-呢個勁好味！有豆香，又炸到卜卜趣！炸雞球-唔鞋，但又未去到好有驚喜！健康有營-原來係腐皮同蕃茄，下次唔會再叫！因為個番茄同蒙古湯底唔夾！雜菌-大路嘢！蒙古湯底，有淡淡孜然味，嗌咗小辣，真係食到個嘴都好麻痹，但又好惹味！呢度有冷氣，服務態度幾好，一定會再嚟幫襯！

睇米線group而突登入荃灣食。7點鐘去到，去到要排隊等一陣，大約等5-10分鐘就有得坐低。坐低再等15-20分鐘先有野食。餸嘅種類大多數都係炸野，鍾意食炸野嘅朋友可以黎試下，因為炸嘢款式都幾多選擇同埋幾香口。今次就嗌左雞肉，招牌酥炸雞球，蒜香椒鹽雞翼，反斗蝦膠豆卜，野菌腐皮卷，酸辣湯米線，麻酸辣米線。雞肉幾入味同埋滑，個人覺得唔錯。湯底酸啲，味道比較淡，有啲失望。但欣賞佢逐碗煮，每碗都真係好熱出哂煙。整體黎講米線味道唔特別，不過炸野嘅種類同味道係出色，但如果再考慮價錢同地點嘅因素。除非咁岩路過想食，如果唔係我未必會食。依個價錢同質素都多選擇。

·老闆娘雲南米線🍜半隱世熟食中心3樓米線鋪💛💛💛💛💛•～～～～～～～～～車仔麵既叫法，麵底$47，每款餸加$10·1️⃣雲醬豬軟骨酸辣米線＊一上米線見到大大碗，又嗅到好大陣酸辣味，口味已經不斷分泌出黎雲醬豬軟骨會放埋入去碗米線入面，豬軟骨細細條肉絲個種，唔係大大舊咬開有軟骨個種，味道不錯👍🏽＊酸辣揀左BB辣就算，驚太辣食唔到，結果都滿意唔錯，湯底酸辣味道同啲配料（芽菜、酸菜等等）都夠哂足料，酸辣香口食唔停口😋😋😋(score: 5/5)·2️⃣野菌腐皮卷+反斗蝦膠豆卜＊見出名同好多人推野菌腐皮卷，就即管試下，味道都唔錯，腐皮脆卜卜，入面有好多菇係入面，都幾香，好似響鈴咁食😂浸一浸湯再攞上黎食😌👍🏽👍🏽😆＊反斗蝦膠豆卜係豆卜入面塞左蝦膠，跟住成粒去炸一炸，呢個要小心慢慢咬，因為豆卜都好乾身，一啖放落口一定會整損牙肉😂🙈🙈蝦膠打得幾彈牙，不過嫌一粒仔好少蝦膠，都係浸一浸湯就食喇👍🏽😙(score:4/5)·3️⃣招牌酥炸雞球🍗＊炸雞球熱辣辣炸起，嫌雞球唔夠juicy入味，無咩味，小編認為一般(score:3/5)··其他：＊就咁睇熟食中心同標記都係寫住得2樓，原來跟住尾個幾張圖睇係咁行同上，穿入去入面