老沸爺火鍋 (已結業)

訂左六點半黎到環境都算幾大，D檯都大張基本上二人都係座四人檯的舒適！一座低，店員介紹兩個價錢既分別！我就揀左$188就夠啦，加上佢288送果盤野其實我地都唔岩食哈哈網上睇話麻辣湯唔辣嘛所以我叫左麻辣湯加辣！佢話可以加辣都OK啦蕃茄湯一般般呢到係用Wechat點野食的，都好方便真係要讚,一落單，D野食超級快黎到仲要成晚都無漏單雖然都係同平時得兩個鐘時限但因為佢呢到野食真係黎得好快，所以今次好足夠時間食飽！讚！店員都幾好，收碟又密！食物款式都OK,帆立貝同牛丸又幾好味喎芝士腸就唔好食的菜同什菇呀都可以自已係雪櫃拎飲品款式勁多出面仲有少少熟食，我好鐘意食個烤豆皮，好麻香味之後店員拎張單比我地埋，話埋完仲有30分鐘可以繼續食的跟住食左一陣再過黎報時仲有8分鐘哈哈，真係要好準時離開哈哈！埋單$224一個，都幾抵食

是次係十二人既生日飯，原本諗住開開心心食翻餐，但餐廳既服務同安排都好差，食到成肚氣，以後唔會再去。呢間餐廳計時計到好準，入座起計食兩個鐘，人未齊就最好唔好入住，但門口又冇位比人坐，連位都冇得企，所以最好係樓下行陣先好上去。下單前請準備wechat ，因為係用wechat 掃QR code 自助下單,好似大陸既餐廳咁，但可以放心簡體字會轉繁體字。湯底方面揀左麻辣鴨血，沙嗲，同埋藥膳排骨。藥膳排骨湯真係有藥材味，但沙嗲好淡，冇乜味。每一份食物既份量好少，應該係唔想客人浪費食物，所以可以大膽點多幾份，唔驚食唔哂。食物一般，中規中矩。坐左入房，加上好似唔多夠侍應，通常都要自己行出去揾人問野同換gas。收錢只收現金，食左一個半鐘就差不多入黎收錢，之後就不斷有人會入黎催你快夠鐘，要走了，不斷問你可以未，但重點是沒有人等位，而且有多張空枱。叫佢地幫手清理一下一部分既枱面，收走其中一個鍋，可以比我地擺生日蛋糕都不太願意，只肯收部分放食材用既空碟。最後收完少部份既碟，好皇恩浩蕩咁話，比五分鐘我地點蠟燭加食蛋糕。最後當然食唔切蛋糕，生日歌都唱唔到出左去門口食。真係好多謝老沸爺，我地試左第一次係店舖門口食蛋

新開張抱著試一試任食，食後還需改善，。預約訂坐沒人前一天或當天打來確認，有點懷疑自己的預約有否記下，唯有自己打去確認。去到未入坐前都會詢問介意用 Gas 爐嗎？入坐後侍應會耐心講解價錢同食物下單程序，環境可以，因為新裝，食物以這個價錢已經不錯，唯一不太習慣要用微訊下單，如果沒有微訊先會用下單紙，但最後發現用電話下單都會錯的，送錯食物。。。食物方面，不錯湯底足料，款式尚可，還有很少小食提供，小食味道好味，睇得出用心做的，飲品選擇還多，擺放整齊。總括可以一試，但預約時要提醒顧客新張期內只收現金，還有收錢時不要太緊張，因為我哋無帶夠現金，係到搵錢時竟然有3個侍應輪流等候，好似驚我哋無錢俾咁

今次收咗工嚟銅鑼灣試吓呢間新開張嘅 老沸爺火鍋 🔥 餐廳主打川派台式養生火鍋放題，分別有兩款價錢，有入門版$188同升級版$288，我哋咁為食梗係試下$288嗰隻🤣湯底方面，總共有16款湯底選擇，我哋叫左麻辣鴨血同花膠蟲草雞鴛鴦湯底(+$30)，仲可以任點任食超過150款既火鍋配料，食足2個鐘！因為新開張，餐廳每枱都會免費送一碟貴價既火鍋配料，呢晚就送左美國A級安格斯牛頸脊、鵝腸、大刀黑毛肚、千層肚、彈牙黃喉、牛胸爽、朝汕手打牛肉丸、雲南雪山繡球菌同台灣空運直送水蓮菜，雖然樣樣野分量唔算好多，但總算可以試吓，最鍾意食牛頸脊同手打牛肉丸，因為牛味真係好濃，黎到必試😋 嗰晚仲有b仔雞翼尖食，又整得幾好食喎！如果7點半前離座/9點半後入座仲會可減$20，想食既朋友記得留意下喇🙂

想在銅鑼灣打放題邊爐的話，除了日本的shabushabu，要中式又有主題的就要數老沸爺了。在鵝頸橋的旁的冠景樓，這棟大廈一直都是火鍋店的據點，而新上場的老沸爺也同樣是火鍋店。而其特色是半放題特，而裝潢當然就是以老佛爺為主題了，客人有美食之餘，更有視覺享受。另外設有自助吧，在未吃主菜前可先自己拿點前菜小吃，開胃開胃。半放題的套餐有兩款，分別是$188 $288 ，主要是送的拼料有分別。$288的套餐會多了拼盤（鵝腸，黑毛肚，千層肚，黃喉，牛胸爽和鴨掌）及水蓮菜，而且湯底的選擇更多，共12款，當中4款是$188沒有的，另可加$30選另外四款燉湯。湯底要了花膠蟲草雞。很厚的花膠！想不到店用的花膠會如此的厚身。雖然未算很棯，膠質還未出來，但用料的豐盛卻是很值一讚。這是送的套餐食物必提的是牛牛牛牛牛牛頸脊，肉味濃郁不油膩，但入口柔軟，想再叫也可以加錢叫喔！窩蛋牛肉，滑牛同滑蛋的混合體！好少餐廳會有這個的任吃呢！好滑的牛牛肉！紅酒牛肉也是另一少之又少的火鍋料。雖然酒味不重，但吃出另一種風味來呢！青草牛肉，名稱真可愛呢！本人沒試，因為朋友一口氣就吃光光，但見他吃得一塊不留就知道好美味了。瘋狂牛肉，因

喺網上見到呢間主打台式湯底嘅鋪頭開張，咁有188同288嘅價錢揀， 如果揀雙拼嘅話就要另外加$30。我當日就揀咗麻辣鴨血同埋藥膳排骨，呢兩款嘅湯底都冇令我失望，真係有台式火鍋嘅水準。不過配料就認真唔多得喇！唔使錢嘅肥牛片每碟只係得三片，想食嘅話呢就要預份量嗌多啲啦，而且係肥肉勁多既下價肥牛。同埋脆骨腩唔係脆骨腩，只係普通嘅魚片，水魷魚唔係爽嘅，我未試過呢個質感嘅水魷魚。冇啲乜嘢係會想叫完再食，醉雞冇醉雞味，普通滑雞黎。如果想食網上報道嗰啲筷子牛肉啊特別部位嘅牛肉呢，一係就要揀288，一係就要另外叫幾百蚊一碟。加上個服務都好求其下，因為只可以用WeChat落單，好彩咁岩有WeChat咋，成件事似大陸都算，不過啲枱號係錯晒嘅，有個服務員攞住碟肉問我有無叫，我問佢呢碟係乜嘢肉？佢答我唔到，返去搵張order紙 寫住沙白蜆 就同我講碟肉係蜆黎 ，我真係當堂問返佢點睇都係肉類 點會係貝殼呢？佢後尾攞返去吧枱問，原來係牛肉嚟嘅啲員工都幾唔專業，亂咁講野！不過平心而論，$188 有呢啲湯底算係咁啦，食得飽，開張送果盤野都okay。

我地三人行揀咗288任食，有多款湯底可選， 我哋揀咗鴛鴦鍋麻辣同燉湯，麻辣湯底有啲失色，辣而不麻，偏鹹， 呢個對於鍾意食麻辣嘅我嚟講係有啲失望，另外一個是+30$燉湯湯底不錯，可以先飲燉湯再做湯底餐廳內亦有多款菜，菇，調味料，野飲可任拎野飲有我最鐘意飲既可樂推薦要食花雕雞件，有驚喜，雞肉嫩滑其他食物不過不失值得一提，我地一共order左6次野，係完全冇漏單！！！不過餐廳抽風唔係太好，好大煙，完全望唔到坐對面既朋友

嬲到震！一早訂咗枱6位！仲早左5分鐘到達！朋友入到去拎位，佢比張四人枱我哋，仲只係擺好左五個位。放咗五個位都唔緊要啦 ！基本上第五位坐係條路中間，細細粒嘅我都唔叫肥，雖然唔係比人叫做瘦個種，但嗰個位我一坐落去佢個背脊都已經掂住另一一張枱。仲話要加多個位係我隔離。咁我哋同個女侍應講啦！佢自己入到黎一睇都覺得有問題唔知點安排好，所以就叫咗個男經理出嚟安排排。呢位男經理真係好好笑！間房有三張四人枱，玩完一輪，冇一個張枱嘅位置移動過就話OK啦，四個坐一張四人枱，另外兩位搭隔離枱同另外2位唔識嘅人同枱食，仲話送多個爐比個兩位用。真心覺得好笑，我哋唔通食緊快餐？就連個女侍應都〇左咀。跟住個女侍應就話不如安排出邊嘅枱比我地叫我地跟住個男經理出去睇睇。出到去仲好笑，嗰位男經理畀返一張根本同一入去個張枱相同情況嘅四人枱我哋佢簡直就係精神病最終我地乜都冇食一肚氣咁走咗

約左幾個好朋友去試新嘢😝😝，咁咁個friend 係銅鑼灣附近收9點，咁又咁岩見呢間新嘅養生火鍋9點半後有得平$20，所以我地打電話去book 定9點半，未夠鐘我地去行左陣街先上去食😬😬。佢呢間係任食2小時，其實係銅鑼灣黎講任食2小時真係好少，什至好似無🤔🤔。佢有2個餐嘅選擇，一個係$188，另外一個係$288。2個餐分別有唔同嘅野食，$188個餐會送3款食物，而$288就送5款食物。$288嘅湯底會比較多，另外食物方面都係多dd。但最後我地都係叫左$288個任食，因為多左個牛肩胛同埋叫左花膠湯底😂😂😂。最有趣的佢地係用 wechat 落單，但係我落了好8份嘅牛肩胛無黎到，佢黎左2份咋，其實佢有d fake 囉，cheap 野就好快上，但係d靚野落極 order 都先黎得一碟。有2款牛肉都幾特別嘅就係筷子牛肉同埋瘋狂牛肉，呢2個係唔錯喔😊😊。總括都不過不失啦，牛肩胛真係好好味啊😋😋😋。另外出面d飲品同菜，仲有d餐前小食都係任食嘅☺️☺️☺️。

一行五人，叫左兩個湯底，一個麻辣鴨血，一個花膠雞湯。前者不夠麻又不夠辣，後者味道極淡，好似水咁一啲味都無！麻辣湯愈食愈無味，又無得加辣湯...食食下同普通湯底一樣...有醬料供應，可以自行調配，另外都有啲小菜食下，有椒鹽薯角、麻辣雲耳、青瓜果啲，薯角同雲耳都幾好味。野食選擇方面用wechat scan qr code落單，如需wifi可問店員密碼，但建議可以放密碼係當眼處比客人使用。食物選擇都幾多既，但肉類上菜份量少，一碟牛得2-3塊，五花腩未解凍就上比客人...菜、金菇同埋粟米要自己拎，每一個碗既份量較少，建議可以一碟放多啲，客人就唔洗每次拎幾碗咁。菜算新鮮，但粟米唔夠甜。最特別有得叫鴨血，幾好食！香港其他火鍋店比較少有既配料！肥牛夠肥！幾嫩！有個叫瘋狂牛肉，又幾好食！菜單仲有甜品揀，類似寒天粉果啲，有原味同薄荷味，面頭配料係有啲提子乾、冬瓜糖同山渣餅，食落幾特別，可以一試，建議食原味湯底都要自己拎同自己加，有啲麻煩。上菜有啲慢，同會漏單，同店員講聲都會即刻跟進到。野飲選擇多，同平時食日式放題既選擇差唔多。鋪頭唔算好大，今次5個人坐4人枱都有啲逼逼地...但可以接受。裝修都幾特別既.