老掌櫃東北菜館 (已搬遷) 新店位置

晏3點先食完晏就.book左8點半食呢間中菜館由於時間關係唔想太子轉車再係荔景轉車所以直接到旺角朗豪坊個邊行去奧海城個邊地鐵朗豪坊出口急急腳甘行到去大約10分鐘左右⌚️行到門口已經好古色古香，店鋪入面都系好靚，好似反反去麗江古城 (雲南)一樣🙊我地2人叫左3樣已經好飽，本身想叫個菜都叫唔落😂A03 肉三鮮 (豬肉，韭菜，蝦仁) 轉煎餃 $47不過不失，皮再薄啲就更好E06片皮鴨半隻 $158（預先訂左）個皮厚度岩岩好，我自己接受到，因為去其他地方食啲皮係就係好薄，但係會好易爛，肉質好嫩，鴨皮香脆，配埋醬汁好好味，醬汁唔夠仲可以添加😝D06豆腐粉條燒帶魚 $88見個圖幾好,又帶麵食就order左呢個送但聞落去好香，食落去無咩味，覺得幾淡帶魚覺得有少少苦，唔知系味甘既🙈所以覺得麻麻地🔸上野食上得好快🔸服務員有禮貌, 不論加醬定安排座位個陣🔹張枱好迫，如果再叫多樣送真係擺唔落🔹不接受信用卡，只接受現金，八達通

依間餐廳好有老店感覺，環境不錯，好多人食！水煮魚，口水雞同酸辣湯係必點嫁！依度嘅午餐好抵食，仲要好好食！四十幾蚊一个餐，望下碗飯幾大碗，碟餸幾大碟，女仔真係未必食得曬！口水雞好滑，啲醬令佢好入味，配埋入面嘅青瓜絲，真係好好食！水煮魚辣得黎好好食，好多料，好多魚同配料（芽菜，菜，薯粉，木耳），真係好抵食！酸辣湯都係重點！十幾蚊一碗，真係好飲過幾十蚊果啲！多料，夠味，夠熱！幾個人一齊食仲好，因為啲餸可以分享一齊食，平平地食幾個高質餸，絕對要去食！

這間東北菜館舖位細細，而且用盡所有空間去擺放餐卓，服務員要在非常狹窄的通道幫客人落單傳菜，但是客人一些都不介意在這擠迫的環境用餐，當晚坐無虛設，我們一行六人，可以點多個菜式試試，餸菜很快就上枱，先來的是冷盤，雞絲粉皮，簡單的配搭，口味清新，醬汁不是太稠杰跟著是醉雞，充滿酒香，酒還帶少少的甜味，雞皮爽滑，雞肉嫩滑麻醬冷麵，醬汁帶濃濃的芝麻香，麵質有彈性，這個醬汁跟雞絲粉皮不同，這款濃厚很多跟著是片皮甲鴨，一隻只不過298元，一碟是半隻份量，好抵食啊！皮脆肉嫩就是最好的形容詞！豆角炒茄子，好普通的家常菜，但出乎意外的好味道，有鑊氣，清炒就可以帶出蔬菜的鮮甜味家常餅，香脆不油膩店舖不收加一，不收信用卡，價錢比起一般的京滬飯店低，如不介意用餐環境擠迫，沒有殷勤的服務，真是值得一試。

係好食嫁，但有d失望約朋友晏就係到食，朋友提醒一定要12點15前去搵位，因為食飯時間就要等好耐，真係未到12點30，就已經有好多人今次叫左水煮魚，魚香茄子，同片皮鴨魚香茄子，係將茄子爆爆佢，先加肉粒炒，雖然有d油，但配飯一流呀水煮魚，其實只係水煮魚柳，但個底會有菜同薯粉，一味兩食片皮鴨，鴨係無問題，但最重要既係塊皮，今次吾知係吾等隻鴨，但尼到既皮已硬，食得辛苦，但係好味食既期待冬天去食，佢既羊腩煲呀

是日晚餐招呼了遠道而來的馬來西亞朋友，再次回顧這東北菜。我們忘記了留座，7時左右到達餐館，門外已經有20多人在輪候，我們等了大約約半小時，哈，這天十分幸運我們一入座傾盆大雨地灑。我們共5人點了8道菜不想件飯的話，個人建議點個炒土豆絲，夠口感又飽肚，只是不停地吃忘記了拍照。還有片皮鴨超超超超級好吃大家都好滿意是日晚餐，人均消費$125，晚餐來說真是不錯。小提示，不想walk in等候太久，可以先預約留座！

突然好想食醉雞，原本想去就腳既X太瘋食，但被反對說咁細碟唔夠食，下旨再搵搵。嬲嬲地揀間唔就腳既等朋友放棄轉餐廳，點知竟然贊成要試試…幸運地真係好食！尋日先bk位，6點個輪已full係意料中事，第二輪要8半才可入座。阿姐教路留定半隻片皮鴨穩陣實有得食。8點已餓到不行，搏一搏早d行去睇下俾唔俾入，去到見到起碼10人等緊已心知不妙，因有食力奇經驗bk左都要拎飛，所以問下阿姐bk左位洗唔洗拎飛，阿姐見有bk又有枱執緊竟然放我地早15mins入去食！so nice! 有時客仔就係咁簡單，少少著數已超滿足！拿拿臨order一早諗定既菜式拍黄瓜$42味道非常普通，唔係浸得好入味，唔夠酸。醉雞$68上枱已覺得好大碟，仲要成係隻雞脾，由於本人比較奇怪鍾意食鞋雞肉，對於唔係雞胸好失望但d雞肉真係好滑，加上啖啖酒香食到唔停口！四季豆$66入去時見到每枱都有點，本身都鍾意食呢味菜，可惜不算驚豔，只屬中等之作，勝在無目測咁咸，因為所以咸味都係由肉碎而來，而家好在唔會好似出面有d餐廳咁碟底成兜油。半隻片皮鴨$158呢味真係好抵好抵食，係晏晝一個燒鴨飯都5,6十蚊既時候，呢碟野只係百幾蚊！仲有有姿勢有實際，當然唔係

午餐。水煮魚配菜飯可選不同的菜式，簡單直接在紙上圈起即可每次也點水煮魚，這家店不論是口水雞還是菠蘿咕嚕肉都是份量很足，夠你地飯吃光光。食材也是跟平常外邊的店一樣是用龍俐魚，配上芽菜青瓜蕃薯粉，還是很不錯。雖然已經點中辣，但感覺上等同傷心酸辣粉的bb辣，嘗不出辣來。老實說，調味料確實不如傷心酸辣粉那家惹果香濃，但試問50元的一個水煮魚餐，還有哪家有這等份量，這等質素。於大角咀工作的朋友，一定要來這家。不過有機會滿滿的都是人哦。

朋友曾經吃過這家餐廳，知道我十分愛吃東北菜式，便在我生日時相約來慶祝。我們點了不少菜式，有半隻片皮鴨，水煮魚片，清炒萵荀，小雞燉磨菇，口水雞和紅油抄手，宏觀其他客人的桌上都沒有我們這麼多餸菜，而我們的確低估了每一道菜的份量。先來一客口水雞，花椒八角這些香料令到整道菜增添不少香味，醬汁非常惹味，而且微辣令我們都十分開胃，是絕佳的前菜。紅油抄手用上鮮肉製成，餡料飽滿，紅油的味道香香辣辣，也是一道滋味無窮的菜式。半隻片皮鴨的份量其實很多，廚師片出來的不只是鴨皮，還有厚厚的鴨肉，與大蔥，青瓜一同包著吃，口感豐富，鴨皮的油份亦恰到好處，沒有過多肥膏。只是麵皮的份量不多，不太夠包裹鴨肉，但就這樣吃也不錯，非常香口的一道菜。終於到主角水煮魚片上場，我也是為它而來。這裡的水煮魚片簡直超值，除了魚片夠多，大盤內還盛載著不少粉條吸收湯汁，還有木耳和包心菜，全部都吸收了香料和辣汁的味道，花椒令舌頭麻痺，越吃越是刺激。魚片很嫩滑，由於蔬菜都在盤底，所以也吸了不少油份，建議用清水燙一下，減少辣油的份量。小雞燉蘑菇也是一個不錯的菜式。這是一個東北名菜，雞肉被切到大細適中，煮得十分滑，亦能保持肉味。粉條亦能吸收醬汁

慶生月，食不停，又相約一大班朋友去食食食，今日揀左想食好耐既東北菜，聽聞成日都排長龍，我地人多就訂左位先，但去到都要等一陣先入到座； 店內環境都好鬼東北FEEL，好地道既感覺。齊人坐底就叫野食，餐牌好多地道既東北菜，乜都想試，我地訂枱果陣就預留左片皮鴨，紅燒大元碲，嘻嘻！先黎涼菜，麻辣海哲＋麻辣牛肉，海哲好爽口，麻辣唔算好勁，但都好鬼香，至鍾意麻麻麻！麻辣牛肉其實係牛𦟌，味道剛剛好，好彩唔太咸，牛𦟌有口感。正！雞絲粉皮，麻醬汁好香，粉皮厚度適中，雞絲都好多，好抵食。醉雞做法就跟平時食果D有不同，酒唔算太香，偏甜，有點怪。口水雞反而有驚喜，辣度剛好又不搶雞味，超讚！主角片皮鴨出場，肉質嫩，唔肥，就咀食都唔覺得好油，食到唔停口，必叫！紅燒大元碲，超有驚喜，真係至少有8-10人去食先好叫，大大隻元碲，上枱已經好吸引，一切開，已經流晒口水，元碲肥瘦適中，味道一流，食落唔肥膩，讚讚讚 ！炸黃魚都好出色，好香口，唔乾身，仲好有魚味。水煮桂花魚就遜色左少少，唔夠水煮味道，冇左食麻辣樂趣，但配料又做得好好味！羊肉餃 肉質好豐富，味道好好，正 ！整體黎講超出水準，好好食，會再黎幫襯試其他野！

由大角咀站行10分鐘左右過來，都唔算易搵；舖頭門面頗有特色，入內以深色木為主，古色古香😊叫左兩個涼菜，麻醬蒜泥茄子，茄子加麻醬比較少見，十多件，大小剛好入口，有少少帶甜，滿口醬汁，喜歡辛辣的朋友可能嫌唔夠重口味醉雞，讚！全部雞比肉，酒味香雞滑！4個人食每人都有兩件，過到口癮！半隻烤鴨，提早叫定既，頗多肉汁，鴨皮香餅皮偏厚少少，個人中意薄啲既配菜唔多，呢度唔提供糖；鴨皮色澤幾靚，食落唔錯水煮龍利柳，放上檯已經好香，但略嫌少少唔夠鹹仲叫左個炸醬麵，還好，乾濕適中最尾埋單$448，每人$112，個個食到好飽，會再返來試其他菜😁

朋友gathering我就提議黎老掌櫃食飯。六點就到左，餐廳入面已經有兩台客。入到去，個環境好古色古香，朋友都覺得幾有feel 唔錯。哩個京式炸醬麵最快到！一上台就聞到肉醬既香氣，好似好吸引咁 (都可能因為肚餓)撈勻左所有配料之後就食啦成件事係幾fresh，因為有青瓜係到。但係肉醬既味就唔太出。重點黎啦，哩個麵既敗筆係麵煮得太軟，我同朋友都唔中意麵既質地。四季豆就個個都讚不絕口，覺得好食炒得入味，啲肉碎幾香口，如果再少油啲就更好啦北京填鴨係我既至愛！我食得最多鴨片得唔錯，唔會有太多脂肪，啱曬怕食肥膏既我餅皮都整到好薄，少少煙韌，配上青瓜條、京蔥同個醬，冇得輸水煮牛肉好紅好多辣椒，但未算係超級辣，接受到。牛肉係嫩滑既，份量仲好多、全部都幾大塊添！入面有薯粉、芽菜、娃娃菜哩啲配料，都唔錯。唔單止牛肉份量多，水煮牛肉哩道菜既份量都比想像中足料最後就係甜品啦！拔絲地瓜！！好中意食甜品同蕃薯既我，可能我期望太大，所以失望啦⋯上到台果陣啲糖已經凝固左，完全冇得拉絲。店員話將佢放落凍水會好食啲，我地天真左真係放入凍水到，浸左一分鐘唔夠。夾黎食果陣已經覺得中伏，舊地瓜軟左，完全冇味，我煲條蕃薯食仲好食

一大班閨蜜約我食生日飯，仲去食我最喜歡的片皮鴨最後佢哋話呢間出名，所以就帶我去呢間食啦！首先就梗係要整返隻片皮鴨先啦，塊皮就熱辣辣，啲鴨雖然切得唔薄，但帶少少肉都幾好味我最愛的涼拌青瓜粉皮吖，份量都幾多下架，個醬汁拌埋粉皮都幾好食呢個有少少麻辣味，都唔錯東北農家炒飯，味道一般，d米都幾特別，配料都多我最喜愛食嘅四季豆，味道正常，普普通通呢個估唔到佢份量都好少，味道都係好一般魚香茄子，我本人對茄子都係好一般，所以⋯回鍋肉，有少少辣，都炒得幾惹味餐牌總括來講，間餐廳價錢都算平，食物份量都多，環境坐位比較迫！

兩個人食，食三樣野已經好飽，今日食咗片皮鴨（半隻），蔥爆牛肉，擔擔麵，片皮鴨半隻份量好多同好多肉👍🏻，蔥爆牛肉個味有小小似乾炒牛河🤔，擔擔麵味道唔錯，對於唔食辣既人都適合👍🏻，值得再試😋

黎到大角咀, 今次揀左老掌櫃東北菜館, 目的係想食下辣野, 刺激味蕾! 當天是 HAPPY FRIDAY, 7 點鐘去到已見門外排著十數人, 店內座無虛席。幸好朋友早已訂枱, 所以不用等位便可即時安排入座! 店內的空間不大, 大家都坐得比較 CLOSE, 想靜靜地邊吃邊聊天就難 D 喇! 不過要填飽你個肚就一定無問題! 餐牌上的食品款式繁多, 我們 4 位女子一時興起共點了 9 道菜式, 好像有點誇張!首先上的是北京填鴨 ($158 半隻), 想食呢道菜必須要在訂枱時說明, 鴨肉嫩滑而不油膩, 每一片鴨都有薄薄的皮連肉, 配上蔥絲, 青瓜條, 再沾上填鴨醬, 將暖暖的餅皮包裹一併吃, 讚! 每道北京填鴨可選一鴨兩食, 鴨身另加$50 可多一道茄子/洋蔥炒鴨! 我們選了茄子炒鴨, 鴨肉炒得肉嫩且惹味, 配白飯一絕!之後上酸辣湯 ($52), 由於桌上位置不多, 我們立即分到碗子裡, 剛好分到 4 碗滿滿的。入口酸辣適中, 很開胃, 不消一會便喝光 (因為要快點清空碗子, 才能吃其他菜式)水煮牛肉 ($98), 色澤紅噹噹很大的一窩,窩面上舖滿乾辣椒及蒜蓉, 牛肉份量很多, 肉質夠嫩且容易

一客口水雞跟菜飯、一客素三鮮餃子（饀料係白菜仔＋甘筍＋木耳＋冬菇）同兩杯酸梅汁，呢兩個午餐足夠兩個女生些牙食。口水雞比想像大份，唔係雞皮多過雞肉，層皮薄薄地夠爽，皮下脂肪失蹤，有啲雞件仲有少少軟骨。肉夠入味，唔鞋口，配埋個麻辣醬汁真係超級好送飯。麻辣醬汁冇冚咗雞味，佢唔勁辣，會令你個咀有少少麻，越食越想食。雞件下面喺一堆非常幼身嘅青瓜絲，同雞肉一齊食真係好夾，如果冇咗呢堆青bb，成碟雞會失色。食到最尾，開始攞紙巾出嚟抹鼻水，呢個時候飲一啖酸梅汁，成個人即刻爽晒！食到咁上下，個素三鮮餃子先現身。由於碟雞濃味，顯得餃子份外清新，全靠佢中和返味蕾，一濃一淡呢個組合好搭配。餃子皮唔厚，饀料亦豐富，不過鍾意阿純出品多啲。諗起阿媽鍾意食雞，呢度絕不可走雞，不過現場坐得迫，肥師奶見到會實會扁咀，買外賣返去就 win win。