老店

放工有啲餓，但又要食晚飯，想食少少嘢攝下肚，原先想去大元街巿買燒賣魚蛋啲小吃，但見到呢道有雞絲翅，就叫左試下，加埋雲吞。

元貝雞絲翅+雲吞

雞絲翅真係好足料，好多元貝，有雞絲同粉絲，好似酒樓食開果啲感覺，幾滑！
雲吞皮好薄，有蝦同豬肉，同平時粉麵店不同，佢屬於小雲吞，有大約4-5隻左右，熱辣辣，好味！
雖然雞絲翅個價錢屬中上，但咁足料，都算抵啦！一般碗仔翅而家都要20 蚊了！
之前仲食過綠豆沙豆腐花，都好滑好正！推介大家一試！