影片
港铁油麻地站 A1 出口, 步行约3分钟
继续阅读
开饭介绍
平民川菜馆，提供多款经典川菜如麻婆豆腐、水煮鱼、酸菜鱼等，口味正宗，辣味十足，适合爱辣人士。
继续阅读
以上资料只供参考，请与餐厅确认详情
有关奖赏计划
今次我地带屋企人出去食川菜，呢间老川皇系旺角都开左好耐，我地去左最新果间旗舰店，坐位阔落，全部都系卡位😁金汤酸菜桂花鱼（$268）酸菜鱼佢地呢度有鲈鱼同桂花鱼拣，价钱亦都唔同，我地拣左桂花鱼，价钱会贵过鲈鱼，佢既鱼肉比较厚身，肉质嫩滑，带有鲜味，而个金汤都相对少油，用黎捞饭食非常好食，又唔会怕佢油淋淋🐟干锅肥肠（$108）呢个干锅肥肠整得好惹味，份量都几多，唔会话劲多配料但揾唔到肥肠，同埋有个锅㷫住保持热度值得赞😋小炒黄牛肉（$108）小炒黄牛肉睇落好似好辣，比左都唔少辣椒，但其实我地拣左小辣食落唔觉好辣，个牛肉炒得好香，牛肉亦都唔韧，几嫩🐮干煸四季豆（$78）呢个蔬菜类算系川菜中代表，个味道做得唔错，姜，蒜，辣椒等份量都足够，连埋肉碎粒都几好味👍🏻呢间川菜食物整得几惹味，而且每样𩠌其实可以自己拣辣度，我地同屋企人食就番佢地食小辣都唔觉话会淡味，价钱都唔算贵，由于佢都系卡位，所以一家人4-6个食就岩晒，坐得舒服，岩岩好，人多就可能要分枱😉
继续阅读
因朋友喜欢食川菜，就拣来位于油麻地一间食川菜的聚餐，这店的大部份菜式都可以选辣度，又微辣至大辣，可以照顾到唔同客人的需要。🌶️🍽️👭✨ 爆浆椰汁流心球（$32），外皮炸得金黄酥脆，咬开后椰汁即刻涌出，椰汁味道香甜浓郁，是一份几好的点心炸物。🥥💥✨ 酥炸双皮奶（$32），外皮酥脆满满的芝麻香，内里双皮奶软身滑溜。🥛🫔✨ 孜然羊肉（$106），羊肉每一片切得薄身、肉质嫩滑，炒得够晒镬气，用上了多种不同的调味料—孜然、紫洋葱、芫荽、蒜蓉、小辣椒等，整碟羊肉放在铁板上，闻起上来香气扑鼻，边食时微微的辣带点惹味。🐑🧄🧅✨ 柠檬鲜花椒海鲈鱼（$208），用上酸菜鱼的金汤作为汤底，海鲈鱼肉约一斤重，所以鱼肉的份量都很多，每一片鱼肉鲜嫩，去晒骨，柠檬嘅酸味同鲜花椒味道清新又带点微麻辣的感觉，真是很刺激味蕾的菜式。🐟🍋✨ 四川冰粉（$28），冰粉凉凉的，放上了黑糖、提子干和西瓜粒，食完酸菜鲈鱼后，顿时也一解码解辣的效用。🧊🍉🍇餐厅还设有自助吧，提供酸萝卜和腌味青瓜，都是不妨可食吓的开胃前菜。🥒😋
继续阅读
川北凉粉（必食开胃菜），爽滑到不得了，捞匀啲麻辣汁、蒜蓉同埋花生碎，一啖入口——先系一阵冰凉感，跟住个麻辣后劲慢慢涌上嚟，个喉咙辣辣哋但又忍唔住想食多啖！最正系佢个汁调得啱啱好，麻得嚟唔会太呛喉，仲有少少醋酸味好开胃。朋友唔食得辣都偷食咗两啖，跟住猛饮水个样笑死我！ 麻辣小龙虾特价$68！抵到烂！见到特价，即刻落单！上枱吓亲，份量劲多！虾肉新鲜弹牙，个麻辣酱汁焖到入晒味，啜壳𠮶阵辣汁爆出嚟，爽！最过瘾系啲虾膏，吸落去又香又辣，食到咀角都系汁。抵赞系店家提供手套，唔怕食到成手都系。烧椒牛柏叶，加料版超丰富！本身个烧椒牛柏叶已经够香，我哋贪心加咗肥牛、娃娃菜同青瓜，成个锅变到超级豪华！牛柏叶爽脆冇渣，烧椒嘅焦香味好突出，加咗肥牛之后多咗层油脂香，啲娃娃菜索晒辣汁好入味。最惊喜系青瓜，生脆嘅口感同麻辣味出奇地夹！橙风破浪呢杯嘢饮有橙汁+梳打嘅组合，酸甜清爽仲有气泡感，一啖冲走晒口腔嘅麻辣。最正系佢唔会死甜，饮到尾仲食到粒粒橙肉！赞👍🏻柠檬利宾纳系怀旧口味，利宾纳嘅黑加仑子味本身已经够浓，加埋新鲜柠檬片之后，酸甜度即刻平衡晒。冰凉透心嘅感觉，饮一啖即刻缓解到辣味，仲有少少柠檬皮嘅清香。*呢间铺既辣度唔算太辣，好多菜我简左微辣，我觉得可以叫小辣先够爽*铺头落单要用wechat,无wechat既话都有部平版比大家点野食👍🏻/
继续阅读
今日喺油麻地同屋企人返完教会，就嚟附近试咗呢间 *老川皇川菜，好耐都冇食过咁正宗嘅川菜👍🏻👍🏻👍🏻印象中隔离街都有老川皇分店，而且已经开咗好多年，几年前食过印象深刻，呢间装横新颖啲，座位宽敞都坐得舒服啲！🐸 泡椒田鸡 呢道菜真系够晒刺激！田鸡肉质超嫩滑，啖啖肉，泡椒酸酸辣辣，咬落去劲惹味，辣得嚟又唔会太呛，食到成个人都醒晒！每一啖都食到田鸡嘅鲜甜同泡椒嘅香辣，真系停唔到口。🦐 宫爆虾仁 宫爆虾仁就最啱钟意甜辣味嘅朋友，虾仁爽口弹牙，配埋干辣椒同花生，咬落去层次感好丰富。甜甜辣辣，唔会太重口味，送饭一流！🧈 麻婆豆腐 麻婆豆腐一定要有花椒香同埋麻辣味，豆腐滑到一夹就散，牛肉末炒得入味，成碟菜香辣得嚟又唔会太油腻，食完嘴唇都会有啲麻麻地，好正宗！🥒 凉拌青瓜 （免费任添小食区自取）食完咁多辣嘢，嚟返碟凉拌青瓜真系啱晒，清爽解腻，青瓜爽脆多汁，配埋醋汁，简单但好开胃。
继续阅读
呢一间餐厅好耐之前食过仲系喺楼上舖嘅原来佢已经搬咗落地舖 仲喺同一条街有两间分店今次食觉得比以前更加好食🥰😍-有平板电脑俾你落单或者用WeChat落单出边仲可以有酸辣青瓜同埋酸萝卜俾你refill白萝卜非常之入味 可以中和返唔系好食得辣嘅朋友😂😂麻辣牛腱 以一个小食嚟计佢嘅份量比出边餐厅真系好多钟意食芫荽嘅朋友啱晒你哋上面仲有一大札芫荽牛腱厚度适中 麻辣酱凉拌得非常之好唔会太辣 适合可以食到小辣嘅朋友水煮牛肉 牛肉嘅份量亦都系非常之多 同埋海量芽菜牛肉一啲都唔嚡非常之嫩口👍🏻👍🏻凉拌面夏天嚟讲食佢非常之好透心凉呢个味道唔会太辣 食到有麻酱嘅味道但系又唔会腻嘅感觉干锅肥肠我同朋友次次食亲辣嘢都会叫嘅呢度嘅肥肠唔会炸到干晒但有一啲湿润嘅感觉 亦都唔会锅底下边有好多油
继续阅读