老媽拌麵 (將軍澳中心)

营业中

休息中

知道將軍澳有間老媽拌麵係主打食關廟麵，喺台灣都比較出名，香港就好少見，而且我又未食過，所以嚟試下係咪真係惹味又彈力。 小食叫咗豆乳香香雞同埋滷鴨舌，拌麵系列叫咗私房花雕雞拌麵，而老媽私湯麵系列就叫咗金華火腿干貝雞湯麵，飲品叫咗老媽黑糖珍珠鮮奶茶同埋鮮奶抹茶。 因為每次食台灣嘢我都會諗起鴨舌，所以今次都順理成章叫咗份量，比我想像中多而且每條鴨舌都滷得好入味，而豆乳香香雞係台灣比較地道嘅小食，個雞炸得外脆內軟，點埋佢哋特製嗰個腐乳醬汁可以將個雞鮮味再提升，值得推介。 個花雕雞拌麵果然係惹味又彈力，啲雞醃得好入味而且好嫰，另外有半隻滷蛋好好味，金華火腿干貝雞湯麵就揀選咗台灣幼麵，雖然每條麵都好幼細但係都仍然彈牙，而且個湯底非常鮮美，可能有金華火腿同干貝嘅關係，而雞就依然都係嫰滑，唔錯！兩杯台式飲品同樣好有台灣風味，珍珠奶茶入面啲珍珠好qq而且好多，鮮奶抹茶入面嘅抹茶味就好香濃，撞埋個鮮奶飲又係飲到停唔到口。

近排疫情嚴重 我都少咗出遠街😫於是又要近近地係附近食又要好味😋就嚟咗老媽拌麵 🇹🇼 🍲川味紅燒半筋半腩牛肉麵(粗麵) $78牛肉湯味道濃郁🐂牛筋又淋又入味🥰粗麵吸晒湯汁 正呀！！麻辣老鍋麵(粗麵) $84尋日發現新大陸🪐竟然出咗個老鍋麵 於是就決定試吓味道非常驚喜比牛肉湯更加麻🌶🌶材料豐富有肥牛片🐮響鈴卷、豬肉丸🐷鴨血滷鴨舌 $46鴨舌好滑 超級入味👍🏻炸地瓜條 $24外脆內軟 新鮮熱辣辣最好味推薦推薦 絕對要嗌😋跟餐：熱鮮奶抹茶 $28必嗌🤤個人認為正過 黑糖珍珠奶跟餐：凍洛神花茶 $18跟餐非常抵飲！

今日同好朋友一齊黎到呢度食好西, 一入到黎睇下個餐牌先, 最後叫左以下既野食。【麻辣老鍋麵】最近既天氣忽冷忽熱, 特別係到晚上特別凍, 凍到小編都想要買熱熱既牛肉麵來溫暖一下自己。你知道其實麻辣牛肉麵最帶勁嗎？那香味撲鼻而來, 喝左第一口麻在舌尖卻不會難以下嚥, 又可以嚐到如同麻辣鍋既味道！等小編來為你介紹一下呢度既「 麻辣老鍋麵 」, 在這冷到顫抖的夜晚溫暖你的心。✧✧✧✧✧✧✧✧✧✧【川味紅燒半筋牛肉】口感較恬淡既牛肉麵, 從湯頭就可以感受到其自然既味道, 加入麵條、鮮嫩牛肉塊、富有膠質的牛筋、蔬菜、紅白蘿蔔, 整體清香不膩口。✧✧✧✧✧✧✧✧✧✧【炸大雞排】雞排即叫即炸熱辣辣, 外脆內嫩充滿肉汁, 勁酥脆！✧✧✧✧✧✧✧✧✧✧【澎湖花技丸】花枝丸新鮮炸起, 熱辣辣好好味！✧✧✧✧✧✧✧✧✧✧【洛神花茶】洛神花有抗癌、護肝、助眠、清血管、減脂抗老、降火等功效也是我最愛飲的, 大力推！✧✧✧✧✧✧✧✧✧✧【荔枝緣茶】荔枝加緣茶好清新既感覺。

今次第一次食老媽拌麵，之前太多人幫襯要排長龍嘅緣故，所以一直冇試過。平日星期一至五有套餐供應，可以用優惠價升級有飲品同台式小食。而且依家三月有優惠，全單會有九折。清燉牛肉麵HK $72有關廟刀削麵 (粗麵) 同細麵兩款可以選擇，因為之前未試過刀削麵，所以就揀咗 佢黎試。個湯底係五錯嘅，幾濃味同鮮甜。牛肉有三塊，不過食落就偏乾身同鞋。至於刀削麵，食落個人認為普通，五算好特別。但五知點解食食下覺得有種似食緊通粉嘅味道 😅.鮮奶抹茶HK $35平日套餐 + HK $28鮮奶抹茶有凍同熱選擇。抹茶味係濃味嘅，五會太過偏重奶味，又五會好甜。整體個人認為不過不失。

平時隔一輪都會想飛去台灣食下夜市掃下街咁依家台灣都冇得去就唯有搵啲台灣菜食啦老媽拌麵自己煮就食得多門市都係第一次試今次揀左兩個麵:1.和牛炸醬拌麵有少少似韓式拌飯不過轉做麵底好有新鮮感牛肉熟度岩岩好 同炸醬味都好夾2.花雕雞拌麵酒味好濃 雞都非常入味用啲汁黎拌麵好開胃另外有多隻溏心蛋口感豐富另外嗌左兩份小食同野飲講起夜市味道炸雞扒同甜不辣就當然係必嗌啦香酥之餘都唔會油野飲方面珍珠好煙un 整體幾好嘅見到員工清潔做得好足Menu等等都會一塊一塊清潔依家呢啲細心位真係會好加分👍🏻

今日放工行過見到出咗個新既麵，咁就叫埋老婆一齊試下啦!麻辣老鍋麵呢個新麵有台式墨魚丸、鴨血、響鈴同埋大量肥牛。麻辣味好香但又出奇地唔太辣，平時唔多食到辣既老婆都入到口，香味好夠而且每樣配料都入哂味!特別係有好多片肥牛，食極都仲有，配合埋我今日食幼麵掛湯一流!魷魚圈滷肉飯滷肉量多而半肥瘦，就咁撈飯已經好正，再加埋魷魚圈煙韌既口感令到食落口層次再豐富D，份量亦都好多! 紫菜既香味亦都岩岩好吊到味令到個飯真係色香味俱全!炸大雞扒一如以往咁酥脆同埋大塊，食麵最重要點埋呢個小食，夾埋好正!炸地瓜條自家制既地瓜條真係出面食唔到，粗身而番薯味極濃，質感亦都同食緊番薯冇分別，唔係空心咁樣!黑糖珍珠朱古力&黑糖珍珠奶茶兩款飲品既黑糖味都好濃而我個人覺得朱古力更好飲，因為可可味好夾黑糖，兩樣溝埋一齊飲好滿足!

好耐之前係台灣買過「老媽拌麵」品牌既乾拌麵，印象係好食既高質即食麵，原來已經係香港開左關廟麵專門店。 金華火腿干貝花雕雞湯麵 $88金華火腿同干貝熬煮既湯底好鮮味濃郁，加埋清香既花雕酒令味道更加昇華，個湯好飲到可以飲哂成碗呀！雞脾肉份量夠多，入味但煮得有點老，刀削麵都煮得過火太淋身，令成碗麵減左分私房花雕雞拌麵 $78花雕酒同麻油煮既雞肉好香，雞脾肉份量多，但刀削麵一樣係煮得太淋百頁豆腐 $30滷水百頁豆腐夠入味

老媽拌麵 (將軍澳).半筋半肉牛肉麵.喜歡湯麵的我去台灣食品店基本上都會叫牛肉麵，喜歡它的湯底微辣但又濃味，份量大，牛筋冧！.金華火腿干貝雞湯.金華火腿為整個湯底昇華味道，雞件肉嫩！.香煎葱抓餅.香又薄脆，不油膩！澎湖花枝丸.炸得香口，配上酸汁，好好吃！.滷鴨舌.滷水鴨舌味濃，口痕伴飲品，正！.黑糖珍珠鮮奶.重點不太甜，珍珠有咬口！ 熱凍一樣好飲，另外可以叫鮮奶茶.📌老媽拌麵 (將軍澳)將軍澳唐德街9號將軍澳中心L1樓133號舖.—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#foodblogger#hkfoodblogger#hkgirl #foodporn#老媽拌麵 #laomanoodle #laomanoodlehk #拌麵#老成都擔擔麵 #葱油嫩鷄拌麵 #台灣美食 #taiwanfood

老媽拌麵 (將軍澳).⚜️川味三寶牛肉麵⚜️.冇食一排依然係分量十足，三寶分別係牛肉，牛筋同金錢肚，湯底有點辣但夠惹味！呢到嘅湯麵全部可以揀粗嘅刀削麵或者幼麵！.⚜️金華火腿干貝雞湯幼麵⚜️.媽媽食呢碗表示好清好好食，金華火腿鹹鹹地配上較清嘅湯，配幼麵更搭！.⚜️香煎葱抓餅⚜️.呢個好好食好香，每次黎都想食！.⚜️澎湖花枝丸⚜️.花枝丸炸得外脆內煙韌，香口野始終係好吃(⁎⁍̴̛ᴗ⁍̴̛⁎)—————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.📍 老媽拌麵 (將軍澳)將軍澳唐德街9號將軍澳中心L1樓133號舖.—————————————————————-

老媽拌麵大家應該也不陌生吧？我本人都是她家的食家🙈最喜歡的是他們的刀削麵，在香港開了實體店一段日子，終於來嘗嘗鮮😛🌟和牛炸醬拌麵($78)👉🏻在店裡吃的好處就是人家會預備很多配料, 蘿蔔絲/青瓜絲/木耳絲/豆乾/雞蛋/牛肉都有！平時的我一定不會那麼用心，整碗麵份量真的很足！麵條可選細麵/刀削麵，口感依舊有咬口是我的菜💚🌟老成都擔擔麵（$52）👉🏻可以免費加麵底，同樣是刀削麵。除了有炸醬，更驚喜是有溏心蛋😍。真的好掛念台灣的小食，於是決定回味一下。點了炸雞排($46)和炸花枝丸($32)🐓雞排是鹽酥的，而🦑花枝口感好彈牙！嘴饞的慾望被滿足了❤️。飲料🥤🌟冬瓜檸檬 🌟抹茶鮮奶👉🏻特別推介冬瓜檸檬，兩者味道調和得宜。微甜微香，有台灣風味😋

今日行過將軍澳中心，見到老媽拌麵連A-Lin都推薦，一定要入去食下，因為之前食過，味道真係唔錯 👍店內裝修很有台灣味道，店員很友善，推介新出品：麻辣老窩麵，麵質夠爽彈，麻和辣分味鮮明，辣得有層次，餸方面有，墨魚汁豬肉丸，第一次食，黑色的，有墨魚味又有豬肉味，好配合！和鴨血，牛肉片，炸響鈴，索埋啲汁一齊食，非常滋味🤤朋友叫了清燉牛三寶牛肉麵，試了一啖湯，牛味濃郁，牛展又夠𣺉☺️小食叫了滷水牛筋，炆得煙煙靭靭，又入味，好好食😄再配埋杯黑糖珍珠鮮奶，黑糖香，奶味濃，真係冇得頂😘

老媽拌麵，台灣過江龍！朋友屋企樓下美食太多，我成日去搵佢食飯都會去佢屋企樓下搵食！將軍澳商場既餐廳愈開愈多美食。由其新樓盤加入之後，餐廳非常吸引，間間都好大競爭啊！我比較喜歡台灣菜，對台式美食更加著迷，今晚去左食台式麵食。我叫左金華火腿干貝花鵰雞濃湯粗麵。金華火腿帶出湯底甘甜味道，入口香濃唔油膩，麵質好爽口，粗面口感非常豐富，麵身掛湯力非常高。花鵰雞肉滑溜略帶酒香！套餐飲品叫鮮奶抹茶。奶香濃厚茶味突出甘甜，入口幼滑無茶粉。小食叫左炸大雞排，香脆外層雞肉鮮甜。

近排食飯都唔去得遠，自然去返附近既餐廳，行過見到有9折，咁就直接入去啦!魷魚圈滷肉飯呢個新出既滷肉飯好入味，滷肉份量多而且肥瘦比例適中，接近入口即溶，加埋熱辣辣既飯一齊食好夾，加埋魷魚圈煙韌既口感，真係拍得住拌麵咁高質!川味三寶牛肉幼麵微辣湯底再加牛筋，牛展同牛肚，全部都炆得好淋而牛味亦突出，加埋幼麵亦有掛湯既效果，好有台灣風味。豆乳香香雞冇鹽酥雞咁重口味，炸過既雞肉都唔會太鞋口仲有肉汁，雞粒大細岩岩好一口一粒，惹味又好食!炸地瓜條應該係舖頭自制，因為好粗身而且番薯味勁濃，質感係外脆內綿滑! 香口得黎冇咁肥。洛神花茶同冬瓜檸檬茶都係必飲消滯，鮮甜又唔會太重味，解渴一流。

好耐冇食台灣野喇🤣要食返個台灣既過江龍 叫左都好多野😂黎到要嗌返佢地signature既野先 首先兩碗麵都嗌左刀削麵 好煙韌 口感唔錯🤤比較推薦牛肉麵 啲牛筋幾淋好易入口 湯都好濃味又足料👍另外嗰個花雕雞拌麵幾特別 一定要講個甜不辣好好食🤤外脆內裏夠煙韌 好香口 記得嗌埋野飲🤪個老媽黑糖珍珠鮮奶茶好正的.🐂川味紅燒半筋半牛肉牛肉麵🐓私房花雕雞拌麵🍢酥炸甜不辣👅滷鴨舌🥤老媽黑糖珍珠鮮奶茶🍋冬瓜檸檬

其實我都幾鍾意食台灣野台灣野食通常都有種古色古香嘅感覺見到呢間個名叫「老媽拌麵」感覺上都係啲傳統情懷咁食台灣野就通常都會諗起牛肉麵所次今次就叫咁兩個麵一個湯麵一個拌麵三寶牛肉麵同埋花雕雞拌麵另外叫多咗兩個小食鴨舌同埋甜不辣三寶牛肉麵係指牛肉、牛肚、牛根有兩款麵底可以揀幼麵同粗麵兩款麵唔錯個人鍾意食粗麵好有咬口😆至於花雕雞都好入味淡淡花雕酒香小食方面甜不辣係好薄身果種好似薯片咁不過口感就係魚肉咁另外我幾鍾意飲佢地嘅阿里山高山冷泡茶茶味好清香🍵