老娘麵館 (已結業)

我個人頗喜歡川味中的麻辣香，行去果頭舊鋪配完眼鏡梗係順道食埋晚飯先返歸啦少行過黎依邊，無理由食茶記架行經見係川味麵店，望完貼喺門外嘅餐牌就吸引左我拉埋男友入去試啦，肥腸麵牛肉麵蒜泥白肉加多支豆漿。咁叫法梗係影完相就兩碗餸混成雙拼啦無諗過佢係用拉麵做麵底:)因為自己未食過姐，所以好驚喜下，夠煙韌彈牙，牙罅疏易藏肉絲,但都不減對食牛肉麵嘅喜愛:)麻辣嘅香味太吸引我啦，依度嘅食品價格相宜，我食開住家飯，對味精頗為敏感，依間唔多覺有，確實令我好欣賞，我攞眼鏡果日一定會再過黎幫襯。…查看更多

一碗麵$32係香港黎講真係算平，而且唔係下午茶價，一於試下。小食我地叫左尖椒皮蛋同口水雞，皮蛋好香好Q彈，而且好開胃，口水雞就普通，雞肥左少少，好油。之後就到麵食，我要左個肥腸酸辣粉，嗌左小辣，唔會好辣，酸辣粉黎講佢既湯底清左少少，酸味比較重，亦唔麻，不過勝在份量好多，$32，抵！朋友要左個花菇嫩雞麵，友人話湯底太淡，要係咁落辣醬。總括黎講，平平地食得飽飽呢間一定滿足到你，重口味人士建議嗌酸辣粉要中辣或以上。…查看更多

同媽媽逛完太子再行去深水埗時，聞到從店內傳出陣陣的酸辣香氣，我們決定在這食午餐～山城口水雞，雞皮滑不溜口，雞肉嫩滑，秘製醬料(胡辣椒 / 麻油 / 香蔥等)滲入雞肉中，味道酸中帶麻辣，香口惹味。底托的涼拌青瓜也不馬虎，清涼爽脆，平衡整體的油膩感，回味無窮！地道涼麵（大），麵條柔軟又富有嚼勁，每條麵條也沾滿秘製醬料及胡麻醬汁，麻香味濃，再加上香脆花生，口感層次絕佳！白菜餃子，手造白菜餃皮薄餡多，餡料飽滿，粒粒充滿白菜的鮮味，清湯底略帶鹹味，味道濃淡得宜。同時，$份量十足，$36/10隻好抵食～涼拌海帶，清爽開胃，鹹鮮中帶辛辣。這個味道比較辣，最後要外帶回家給嗜辣的哥哥吃～吃罷這餐，四川香辣味不但暖胃，還可嚐到該店用心製作的獨特滋味，價錢又大眾化，我同媽媽都大感滿足～…查看更多

叫咗個紅油抄手湯麵套餐。麵質好，五大粒抄手，皮滑溜但餡料又不會過多，剛剛好。其實拌麵應該更惹味，不過我怕太辣，有湯感覺保險啲。涼拌青瓜好好味，香、辣、醋味完美結合！當日午市得老闆一個人，煮嘢、傳菜、收拾、洗碗、收錢一腳踢，忙到七彩，仍然難得保持禮貌同笑容，耐心解答客人問題，讚！…查看更多

來這裡已經三四次啦，今日中午試試新推出的涼麵。涼麵（大）本人唔係很食得辣，所以叫小辣。味道清新，麵條煙韌，唯獨今次花生噥咗D。涼拌青瓜值得一試！青瓜爽脆，關鍵係醬汁好味！酸甜辣爽口。這間地方不大的店鋪可以一試。老闆娘熱情 服務不錯 即叫即做。…查看更多

今日又喺附近搵吓有咩好食呢間老娘麵館我每次經過都有少少衝動想入去食因為佢個門面招牌同佈置都幾靚門口唔係向住大埔道行入去要用佢側門舖頭細細唔算大，只係放到6張枱坐到十幾人卡位或圓枱都係坐到4個人度! 再多D人就要分開枱坐啦裡面裝修平平, 放咗兩把特色吊扇同燈籠仔我都唔記得咗呢間係一間四川特式既麵店!好在佢有一款雲吞麵係唔辣, 啱佢哋兩個小朋友食餐牌設計得好靚, 唔似自家小店!款式唔多一眼睇哂! 不過如果好食既真係幾款就已經足夠我梗係要嗌佢既招牌麵 - 老娘牛肉麵!! 睇吓有幾好食老娘麵未到, 先嚟咗呢碟蒜泥白肉!佢既辣好正宗, 一陣陣四川感覺返番嚟!不過覺得肉有少少唔入味!老娘牛肉麵嚟咗啦!賣相一般! 不過食落去D麵都幾正有少少似超巿買嗰隻「生麵」麵質幾彈牙幾好哨! 但係肉就真係麻麻哋, 好似五香肉丁咁既樣雖然食落唔係五香肉丁味, 但係真係太少囉, 咬落去都有少少UN呢碗雲吞係叫俾佢哋兩個小朋友食既因為得呢一款唔係辣既!好唔好食就唔知, 因為自己冇食過不過小朋友就食極唔停仲話好好食跟住有少少唔係好夠飽所以叫埋老娘第二推介既肥腸酸辣薯粉但係我覺得.....好普通, 豬腸唔夠入味, 冇哨頭, 又唔夠肥美 haha...可能自己鍾意食番傳統車仔麵既豬腸啦…查看更多

搵地方食晏見到店名叫老娘，覺得有趣，就試佢老娘叫左過中辣抄手撈麵再加木耳中辣得好平民，唔太辣，抄手正常成碗面=紅油抄手＋麵再自己撈味道冇乜驚喜驚喜在佢個麵好好食，煮得啱啱好，質地好煙韌木耳好似無乜味，可能撈麵重蒜頭味兩樣野加可樂加埋60幾蚊合理價…查看更多

今日忽然想食點辣的…路過《老娘》，有開門，又見有新嘢，當然要試下啦！！叫了個「老娘煎餅」（新）同「口水雞」，煎餅ok，但記得要 趁熱食。雞的辣會慢慢 參透出來…之後又想試下水餃，見「青椒水餃」好特別，便叫了一客雙併試下（安全吖！不怕全軍覆沒…）。可能用圓青椒關係，味不是太出。有比較下，韭菜水餃就好dd。兩種水餃咬開兩者都有肉汁，唔錯！清湯有杞子同附送的生菜很爽脆都是驚喜女店長會為客人換暖水，在下雨面又冷的 耶穌受難日前夕，有窩心之感！！店很好，你可以講食到幾辣，佢係會做到。我喜歡小店，正正就是這種人情味同親切！…查看更多

呢一晚我地去附近既動物診所接返隻小狗途中經過呢間「老娘麵館」咦?好似有D香味飄出黎wor台式既牛肉麵一向我都係我地2公婆唔會抗拒既食品之一見佢近近地一於試下喇呢間店一d都唔大, 樓面仲一眼望哂不過...都係冇咩人......其實望下個價錢牌都知係走平民既路線心入面都唔會有好高既expectation我地每人叫左一個麵同埋一個口水雞小食個口水雞比我想像中靚仔靚仔意思係唔會fing幾舊肉出黎hea你排得整整齊齊, 望落吸引食落去, 辣味唔重但味道好濃雞肉都好軟同好滑又唔錯bor呢個好喇, 至於個主菜 - 牛肉麵咦.......點解..d牛肉....變左肉丁既?食落, 都有d似食緊五香肉丁.........orz個麵質感唔錯既, 可惜鹼水味比夠重另外由於我叫清湯... 個湯都.....真係好清下..........整體黎講, 好食算唔上, 但又未至於好難食睇埋價錢, 自然會冇異議…查看更多

好辣的我走過此小店, 找個藉口去支持一下, 午飯吃過但晚飯未到, 當做下午茶吧 小小的揀左肥腸酸辣粉, 試你功力有幾深, 揀個大辣, 點知出黎得個酸字, 同連鎖米線店比小辣都不如; 酸辣粉又唔夠爽口, 大腸份量尚好, 但太硬太大舊, 變左無咬口, 好浪費 …查看更多

某次偶爾發現的小店，今日終於有時間去一試。雖然不大，但是夠乾淨。點了牛肉肥腸麵，人不多，不用五分鐘就有得食。聞落去好香，點了小辣，一試，好香好夠味，是四川的辣味，牛肉入味，肥腸整得好乾淨。總之好好味！下次會再去試其他款。當晚餐食，36蚊，唔算貴，會多多幫襯試埋其他。…查看更多

偶然經過這麵館，探頭見一家人在努力準備食材，心裡已加了分。我點了口水雞及酸辣粉，不是四川人的我評價是: 雞很有雞味，酱汁很香; 酸辣粉味道也很到位，舌頭大滿足! 下次會試四川牛肉麵!…查看更多

今天，與友人一同來到老娘面館食晏。面館細細的，但睇落都好乾淨，第一印象不錯的:)然後我與友人分別點了一碗紅燒牛肉面､老娘抄手､清湯抄手湯面及口水雞。牛肉面看樣子辣得很。。。但多吃幾口後又覺得Ok，面身亦很爽口彈牙，牛肉炆得好「淋」好入味，不錯的。招牌老娘抄手都是辣的，醬料聽說是老闆秘制的，連不吃辣的朋友都讚好，不過食到最後就覺得有DD咸。。。今餐最值得推介的是口水雞！！！:chops雞肉本身都好嫰，凍得來又無雪味，加埋d辣醬更加調出雞肉本身的鮮甜，這個很好吃總結今餐是很不錯的，小小的店有咁的水準的確令人驚喜～～…查看更多

老娘抄手撈麵及山城口水雞（小食），兩個都好好食！個麵硬度適中，個雞好滑溜。仲漫漫的見冒汗，我怕辡，所以只點了小辡。唯一可惜的是，地方較小。洗手間要用地下商場。但或許枱少，好讓大㕑能好好發輝。請留意，因為是一碗碗做，所以要耐心等待。等食也是一種享受吖 …查看更多

工作關係來到這邊工作，午後時找食店就被這家老娘麵館吸引了！食店位於太子與深水步之間,地方不算大,只放到6張桌子。沒有水吧，全店就只有廚師跟兩位伙記，其中一位應該是老板吧～雖然來的時候只剩我一人未進食，但結果也要等10分鐘食物才來.... 有點耐吧！感覺伙記好生手，換了批新客人後落錯單聲音都有不少。終於都等到了～我點了老娘牛肉肥腸雙拼麵(HK$36)，雖然是牛肉，但其實是薄薄的牛腩，而肥腸都預先把內裡的肥膏拔走，無咁惡劣感！麵質是四川拉麵，不是很彈牙那種，但我覺得很好味，也把湯底的香辣（我點了少辣）吸收去！加涼拌青瓜，好大的一碟，(HK$36)青瓜好新鮮脆口，醬汁略嫌有點不夠，不過麻辣味也滿香的！…查看更多