老地方 (已結業)

收工，朋友帶去小店首嘗馳名豬頸肉～舖頭幾闊落，坐得舒服嗌左咖哩豬頸肉撈丁同棉花糖多士～咖哩豬頸肉撈丁($28)一上枱賣相麻麻，咖哩好「杰」，豬頸肉皮脆，肉不老，豬頸肉口感不錯，但撈上咖哩就麻麻，咖哩太過味濃，令豬頸肉有點咸，公仔面略厭份量少，面質麻麻，易斷太腍，28蚊有d貴～棉花糖多士($15)話說呢道甜品係每日限定，所以叫黎一試一上枱賣相挺不錯，都係略厭貴，棉花糖烘得剛好，軟軟的，惟朱古力醬過多，加上忌廉同棉花糖，味道過甜，薄多士中和不到過多甜味～ 若厚多士會好d，口感較強之餘，中和過甜味道～

走入大埔街坊小店食，但食物就麻麻地，價錢唔係特別平店內出名豬頸肉，就要個燒豬頸肉湯河試試，豬頸肉無咩特色之處，同平時出街食嘅都差不多，外皮脆另外再要個鮮茄雞扒撈面，有番茄肉，但茄汁相對比較多，似食茄汁撈面再飲杯青蘋果綠茶，呢個係一個伏，飲落味道似藥水味，藥水味都比較重，難飲

蕃茄燒豬頸肉撈麵😁😁 $33鮮茄肉酸酸甜甜幾開胃 都有幾多醬汁 豬頸肉似係小店即招牌 燒得乾身 肉嫩夠咸香 不過頭位有小小韌 麵可選米粉米線河粉油麵公仔麵烏冬... 👩選了拉麵 略嫌少許過淰身 若能有彈性些會更好 整體貴錢平平地 食得滋味 小店質素唔錯 可以再encore😆

求其諗住搵間茶記既填下肚就夠，於時隨便既情況下試下呢間…座位都幾闊落既。唔會覺得逼！ 餐牌款色類同；嗌左-*咖喱豬頸肉飯*個汁較稀唔太辣！-鑊仔泡菜豬頸肉炒飯。。啱哂我，好惹味！但我食量唔大，但佢兜鑊仔真係幾大兜，叫男友幫手消滅都消唔哂。配料都好足 （泡菜，豬頸肉粒，扎肉粒。。）啖啖入口都好足料！！另外我連同杯荔枝沙冰。。中和下啲濃味既野。都幾開胃而且價錢都好大眾化！呢*鑊*真係好好既選擇！！^^

之前未結婚..老公仍住大埔中心時..我常常都來..貪它選擇多..再次重來..已經是新裝修了(可能不是新..只是我太久沒來)我點了..太陽蛋咖喱豬頸肉撈公仔麵..都說過我是蛋痴啦..什麼加蛋我都喜歡..蛋黃液撈飯撈麵點麵包都好好吃..呵~這裡的咖喱很特別..有煮到很淋身的紅蘿蔔..瞇眼吃你會以為是薯仔..^^咖喱香豬頸肉爽加雞蛋撈公仔麵..啖啖充滿醬汁..很好吃..很輕易會令你不自覺吃光..其實很危險(肥>~<)老公點了..青咖喱肥牛湯河..估不到..快餐廳類型的這裡..竟然都會配件青檸給你榨汁..哈..先喝淡湯..好辣呀..我根本吃不下..好彩是老公點的..哈..老公說辣得很清新..夏天吃咖喱都完全沒膩感..青檸功勞不少..我平時都可吃叮點辣的..這個我真吃不到..怕辣的不要試了..這裡不能要求坐得好(摺櫈吧)..不能要求好招呼(阿姐好忙.說話沒尾音的^^)..只求好味道就算了^^好味道就會令你再來啦.. 

The gravy was a bit sweet with a very light tomato flavor though I cannot see it . The cartilage with 1/2 size mahjong meat was tender enough. Just a bit fat around the pork. However, I could see a layer of oil floated over gravy which was more than enough for mixing with rice! So, I think it is better to request less gravy or the gravy placed on separate container.

住大埔食店唔多，其中老地方係我地一直以來長期捧場既食店。兩個人，經常叫豬頸肉獲仔炒飯，馬拉棧炒通菜(推介)，當日推介既小食，樣樣都好味道，最緊要價錢合理，泰式鳳爪沙律大概每次都會叫，“老”水雞翼都係我最愛。另外蕃茄豬頸肉飯，或者轉辣肉碎都一流。小店有呢種食物水準真係算不錯，店內有電視睇，食下野傾下計可以慢慢食~~蕃茄辣肉碎飯

真係唔食尤字可，一食就把鬼火呢間老地方我由細幫襯到大，由佢未轉大鋪之前一直幫襯我鐘意食佢地既蝦醬豬頸肉炒飯，因為有獲氣又夠味，而且好大碟同埋佢地既泰式鳳爪都好好味，雖然我唔食得辣，但去親都叫黎食朋友入黎大埔我都實帶佢地黎呢度食話說情人節當晚行完街，諗住去食飯，適逄年初四，我諗佢地都係岩岩開市１，２日上幾個月開始，我已經發現佢地放左Ｄ紙係度，叫人自己寫低食乜再交比樓面我都好迎合佢地意思，知佢地人手唔夠，街坊生意都唔想成日麻煩佢地今日情人節，無訂意大利大餐，帶另一半黎試你地Ｄ食物坐出面，個陣個場都唔算多人丫我地睇中左個ＳＥＴ，但想轉Ｄ野，咁唔知得唔得既情況下，就入去搵左個短頭髮既樓面阿姐佢行出黎我就問，　呢個餐可唔可以轉野？佢答　：唔得，　你想轉咩野？我已經覺得奇奇怪怪，唔得，你又問我想轉咩野我答佢我想轉呢兩個菜既配料點知佢就爆我　：　唔得呀！阿姐你咁煩你散嗌啦！你快手Ｄ啦仲將張落單紙拿埋一舊，好似想打我咁我嚇到ｏ左咀，乜都冇轉就落左個ｓｅｔ過年流流你地唔係咁做生意下，唔轉得你咪同我講唔轉得囉，你又要問我係個大肚婆，你唔洗咁樣同人講野下，嚇到我都呆左，ｄ野都食唔落１ｄ正常既做生意態度都冇，

今日,無咩特別想食,就落街食啦!今次係小妹第二次去.第一次在夜晚食,食後感還可以,所以今次就食多一次.今次係食下午茶,點咗個番茄雞翼米線+凍檸水(走甜)賣相k,正常一碗米線.溫度:超熱,熱親條脷.味道:有用新鮮番茄...正,炸雞翼夠熱,應該係即炸...超正,米線正常,但美中不足係炸雞翼放在米線面,隻雞翼底部被湯浸淋咗少少,如果另上就更好.今餐合共$30.00,價錢ok,食物質素亦可,有下次.

都有一段時間無黎幫襯喇，始終無變最好食係炒菜同火鍋，其他真係有待改善呀 ﹗清炒生菜，今晚唔知咩事，最初叫菜芯賣晒，跟住叫白菜仔又賣晒，最後唯有叫生菜啦。啲菜特喇好賣，咪因為真係炒得唔錯，每次必叫炒菜食。正常係會用炸蒜炒既，但想清清地食原味，所以咪清炒只落鹽囉。碟菜熱騰騰上枱，出晒煙，見到又聞到好有鑊氣，生菜新鮮爽口又多汁，好味道。芥辣炸雞翼，從來未試過，所以咪好奇叫黎試試囉。同我想像中差天共地呀 ﹗只不過係炸滷水雞翼上面嘖啲沙律醬同青芥辣乍，吓？﹗好失望，只係食到甜味同炸雞翼味道，雞翼乾硬無肉汁，差 ﹗肥牛烏冬火鍋配冬陰功湯，都係咖喱湯底辣好多。有豆腐、鮮冬菇、金菇、蘿蔔、豆腐卜同大量生菜作配菜，另加最平宜嗰隻肥牛 4 片囉。其實我覺得幾健康架，多菜少肉喎 ﹗普通街買即食烏冬，因為全部野一齊煮，所以緊記要食烏冬先，平價烏冬好易熔架，滾起就要食，唔係轉頭就腍到變粉又黐低。以五十蚊價錢黎講，真係超值。

自己一個人食飯諗住求求其其, 呢間老地方以前成日黎食宵夜都覺得ok, 不過真係好耐無黎食過。一坐底睇份menu 覺得d 野貴左好多, 無計啦依家乜都貴, 間間都加左價是旦叫左個 33蚊出前一丁餐, 佢話係出前一丁, 另外有個餐差不多平d, 但就唔係用出前一丁, 咁我想食咪俾多少少錢囉碗麵黎到我一睇已覺得唔多似出前一丁, 食落更覺得唔多似 係定唔係各位有興趣可以自己去試下咖喱魷魚麵魷魚無味, 唯一好係幾爽口, 個麵唔好食, 湯又麻麻唔會再幫襯

飲到醉醺醺，都唔知仲咩走黎食宵夜，好似我未食晚飯，都唔記得同邊兩個朋友黎食喇，總之就係好醉啦 ﹗但對食物既味道同質數依然要求甚高。酸辣無骨泰式鳳爪，口感軟腍腍、腍劈劈，不爽不彈牙，味道較寡，不酸不辣，溫度屬室溫，要夠凍先好食架。蒜蓉炒菜芯，朋友仔話食到有燶味，我又唔多覺喎，食落好香口，仲好有鑊氣，依種味道係正常炒菜味黎架喎。見到係用金銀蒜加乾蔥頭炒既，所以味道特別香濃，但我都係鍾意清炒淨係落鹽，食其鮮嫰原味更正。滷水併盤，就算我飲醉左，都覺幾咸吓，有雞中翼、大腸、雞蛋同雞腎，全部同一味道係偏咸，滷水汁唔多掂，不香不甜。下面仲有一皮菜墊底，但大家都無食到。冬陰功肥牛烏冬火鍋，係依度樣樣出品都麻麻，唯獨火鍋又平又抵食，味道都唔錯，約 HKD60，配料多，湯底好味，除冬陰功外，咖哩都唔錯。要加倍留意烏冬，因為係平價貨，好快會腍到黐埋一舊，或變到勁粉口又腍劈劈，有什菜什菇蘿蔔豆腐卜等做配菜，都好好味。

是日雀局完結，男孩子要吃飽的就到了這一間，我的第一次財政問題使我省下一毛幾角，沒有點火鍋!踏進店內人山人海人海人山的，眼見小店有一人火鍋，感覺就很快餐店服務方面其實就 .......眼見有人追單，阿姐一句 整緊喇，米催啦使我都不敢催，可是一追以下，阿姐回覆 依家幫你炒同行五個朋友的都到齊都要吃完了，你醒就別老實嘛五香肉丁炒河，貫徹此店其他食評中的 好鬼濕何止，好鬼油我一向愛好五香肉丁，亦好油可是 ...沒有五香肉丁味、沒有香的油味飽肚是飽肚的 .......我呢，下次要去就試試火鍋

出品不過不失啦，價錢大眾化，港式食肆、港味都尚可以、算合格既 ~ 火煱同小食都幾好，但炒粉麵飯都平平或差 ~咖喱滑牛烏東煱，今次勁辣，連我都食到滿頭汗、一滴滴，勁刺激，牛肉又嫩又滑好味，仲有豆腐卜滑豆腐、生菜蘿蔔、金菇冬菇都一樣好味。如果可以用靚啲既烏東就更好喇，浸得耐太林又粉又熔，無彈牲，搞到要成日留意住時間，要食左烏東先 ﹗沙嗲牛肉炒公仔麵，差差差，味道一般、偏甜，公仔麵好多油、林劈劈 ~咖喱牛肉炒公仔麵，味道好過沙嗲炒公仔麵少少啦，都有啲啲辣味，但麵同樣又林又多油，我炒好佢百倍 ﹗咖喱牛肉炒飯，味道一般，但夠晒辣，不過好鬼濕呀 ﹗都話炒飯唔好用汁咯，要用粉咯，例如沙嗲粉、咖喱粉、黃薑粉咁，咁樣先會又香又乾身，唉。。。差 ﹗咖喱牛肉飯，嘩 ~ 超甜，勁多汁，好似撈湯咁，味道一般 ﹗冬陰功肥牛烏東火煱，我至愛，多料、份量夠、湯夠濃夠辣夠酸、明火熱辣辣。兩個烏東底、五六片肥牛、仲有豆腐卜滑豆腐、生菜蘿蔔、金菇冬菇。夠兩個人食，我咁大食剛好 ﹗沙嗲牛肉炒飯，好濕呀，用沙嗲粉代替汁應該會好啲，炒功無偷懶啦，啲飯一粒粒無黏埋一舊舊，味道偏甜，OK 啦 ~星洲炒米，味道可以、似豉油炒米、無咩咖

補完習,約左亞b食老地方叫了肥牛火war面同蜜糖雞翼火war面味道依舊,建議大家食沙爹否則真係無咩味食烏冬會好過食拉面,因為拉面煮得耐會溶雞翼炸得好,再加埋蜜糖,唔會太甜同個雞翼都幾夾可以一試