老北京 (渣甸中心)

营业中

休息中

在網上尋找正宗京菜，發現這間蔡瀾筆下推薦的老北京！裝潢很有中國味。菜式很多，一時間看得眼花撩亂，本想來一隻片皮鴨，可惜剛好買完，下次來要先預訂！吃北京菜不吃羊肉怎行？本想來一道孜然羊肉，卻被隔壁的羊肉串吸引了！羊肉串用鐵枝穿上，肉粒大塊，入口香嫩而微羶，加入孜然及辣椒粉，香且惹味，家父對此回味無窮！又來一道必點的小籠包，一籠六隻的小籠包，皮薄卻不易穿，入口餡肉鮮香，肉汁豐盈四溢，出色！松鼠桂魚來一道重頭大菜，口感酥脆，酸甜醒胃，醒胃可口，用上大大條桂魚，骨少而多肉，四人幾乎吃不完。蔡瀾推薦的肉餅——大蔥豬肉餡餅肉餡飽滿而多汁，外皮薄薄的煎炸至焦脆，果真出色。最後來一道高力豆沙，外層雪綿鬆軟，以少許豆沙增添風味，如果豆沙餡更多就完美了！等𨋢期間發現午市有半自助餐，下次來試試！

食咗幾年，一直覺得佢做得幾好，今次再去食物質素下降了不少，價格就升左好多。粉皮又粗又硬又痴實哂，牛肉炒得好老，片皮鴨只係例牌唔係半隻。難怪7點幾都坐唔爆，再唔改善好快執笠

最近去咗一間餐廳試咗佢哋嘅中菜，真係有驚喜！食物味道好正，令人回味無窮！首先，佢哋嘅北京烤鴨真係一絕！皮脆肉嫩，外焦內嫩，每一口都帶嚟滿滿嘅烤鴨香氣！配上薄薄嘅餅皮同甜甜嘅醬汁，真係令人嘆為觀止！蔥爆羊肉同水煮羊肉都好出色！蔥爆羊肉嘅羊肉片咬落彈牙，配上香氣四溢嘅蔥段，味道鮮香又開胃！水煮羊肉則係一碗辣辣嘅湯底，羊肉滑嫩，香辣味道刺激味蕾，令人嘆為止步！老北京賽螃蟹係一道經典菜，蛋白炒得嫩滑，賽螃蟹帶嚟嘅鮮甜味道完美融合，好滋味！真係讓人感受到老北京傳統美食嘅獨特魅力！最後，老北京炸醬麵係一道必試嘅招牌菜！麵條彈牙，肉排炸得酥脆，再加上豆鼓醬嘅香濃味道，每一口都好滿足！總括而言，呢間餐廳嘅中菜真係令人驚艷！不論係北京烤鴨、蔥爆羊肉，定係水煮羊肉同賽螃蟹，每一道菜都帶嚟豐富嘅口味同飽滿嘅食慾！如果你鍾意傳統中菜同想感受老北京嘅風味，呢度絕對係一個值得一試嘅地方！老北京 (渣甸中心) (銅鑼灣)地址：銅鑼灣渣甸街50號渣甸中心5樓

老北京 (渣甸中心) (銅鑼灣)銅鑼灣渣甸街50號渣甸中心5樓這家餐廳的北京烤鴨可謂是一絕！很多日本人都幫襯。它的皮烤得金黃酥脆，肉質鮮嫩多汁，每一口都帶有獨特的炭火香氣。搭配著薄脆的餅皮、甜美的醬汁和蔥絲，這道菜絕對能夠帶給你一種無與倫比的享受。接下來是蔥爆羊肉，這道菜呈現出豐富的口感和深厚的風味。羊肉片經過快炒後保持了鮮嫩的質地，搭配著香氣撲鼻的蔥段，使得這道菜的味道更加鮮美，讓人食指大動。水煮羊肉則展現出川菜的獨特風味。湯底以四川辣椒為基礎，配以鮮嫩的羊肉片，每一口都充滿了辣味的刺激和麻辣的風味，給人一種辣而不燥的享受。老北京賽螃蟹是一道具有古老風味的菜品。蛋白炒至嫩滑，搭配蟹肉的鮮甜，完美地融合在一起，帶給你細膩而豐富的口感。最後，老北京炸醬麵以其獨特的麵條和豬排搭配豆鼓醬的組合，呈現出豐富的口感和濃郁的滋味。麵條有彈性，肉排炸至酥脆，再配上醬料的香濃，每一口都充滿了滿足感和美味。

又去試試銅鑼灣的樓上餐廳～今晚同家人一齊食中餐～北京烤鴨（半隻）$258 份量都唔少~ 烤鴨皮嘅脂肪咬落好香 但皮略嫌唔夠脆 餅皮熱辣辣，大約有十二塊 包住鴨肉，配上烤鴨甜醬和蔥絲👍🏻 韮菜豬肉水餃10隻/ 煮 $95 餃子好好食！韮菜好香，餡料份量剛好, 皮少少煙韌~ 正！宮保雞丁 $128 望落顏色好吸引雞肉入味，肉嫩多汁👍🏻 而且份量幾多 酸辣湯麵 $88 酸酸辣辣幾開胃！ 上海粗麵口感唔錯，幾好食👍🏻 有雞肉、木耳絲、豆腐、豆乾、筍絲 份量好大！4 個人share每人都食到一/兩碗 炸芝麻湯圓 $60/6粒 食落有啲似炸煎堆😸 熱辣辣又煙韌，唔錯 埋單發現茶錢每位要$25， 少貴

銅鑼灣真係乜都有得食嘅地方，渣甸街樓上有間食京菜嘅餐廳。京菜我淨係識片皮鴨，梗要食咗先~片皮鴨半隻12塊皮，鴨都幾多喎！一塊皮包兩塊鴨先用得晒！蒸韭菜豬肉餃10隻，即叫即蒸，熱辣辣，層皮厚薄適中大大隻，咬落爆餡爆汁！宮保雞丁超微辣，雞幾好食，好多粒，咬落都幾彈牙似鮮雞。喂然個醬睇落好深色，但食落唔係好重口味咋~酸辣湯麵上海粗麵，雞絲，木耳，豆腐，豆乾，酸筍絲，唔算好辣炸湯圓芝麻炸黑芝麻湯圓。食落幾似煎堆，勁多芝麻仲好香！煎嘅好食過水煮，咬落無咁痴牙，入面又係芝麻，麻蓉，由內到外都係芝麻！

同親戚食飯，嚟到銅鑼灣嘅老北站。坐得舒服，又多嘢食，除咗北京菜之外仲有大把嘢揀。北京烤鴨（半隻）呢隻北京烤鴨嘅皮真係夠脆，肉又嫩又香，完全冇一啲鴨腥味。配埋鴨醬同蔥段，包埋薄皮食，真係一個字，正！酸菜白肉鍋酸菜白肉鍋真係冇得頂！白肉又嫩又滑，酸酸辣辣嘅酸菜味道正好中和咗白肉嘅油膩感，又有得食又有得飲湯！糖醋里脊糖醋里脊嘅醬汁真係調得好好，酸酸甜甜嘅，令人回味無窮。里脊肉又嫩又多汁，配上香脆嘅糖醋醬，愈食愈開胃。大蔥羊肉水餃大蔥羊肉水餃入面嘅羊肉香濃，加埋大蔥嘅清香，一啖咬落去，非常惹味。高力豆沙高力豆沙好滑好綿，甜度又啱啱好，熱辣辣燙口地食最好味！

可能看得太多穿越劇，踏入銅鑼灣的「老北京」飯店，仿佛瞬間被傳送至古老的京城之中，感受到了那份古典中帶著時尚的氛圍。餐館都是以京菜為主，亦有其他中式菜式選擇。種類包羅萬有，方便請客。⊙ 北京烤鴨（半份）烤鴨色澤金黃，皮脆肉嫩，烤得恰到好處。配上熱辣辣的餅皮、烤鴨甜醬和蔥絲，烤鴨的味道更加鮮美。即使單吃亦不會有膩感，厚薄程度剛好。⊙ 酸菜白肉鍋先飲一口湯，湯底酸甜適中，白肉與酸菜的搭配讓人食欲大增，非常開胃。另外，白肉相當滑嫩，而酸菜的酸味剛好能中和豬肉的油膩，使整道菜品的口感更加豐富。⊙ 糖醋里脊糖醋的外皮炸得口感酥脆，酸甜比例剛好。與一般的咕嚕肉不同，里脊肉特別鮮嫩滑口，偏細粒卻能做得入口即溶。喜歡食咕嚕肉的一定要嚐嚐，比較一下。⊙ 大蔥羊肉水餃京餃之中，相信大蔥羊肉水餃應該是較為聞名。老北京的羊肉餡料香而不膩，搭配上大蔥的清香，皮薄餡多，口感嫩滑，食得出與平時的餃子有所不同。⊙ 高力豆沙北京甜點，數一數二出名的不少於高力豆沙。豆沙甜而不膩，加上餐館是新鮮炸出來，熱辣辣軟滑滑口感最好食。老北京不僅環境優雅，菜品也非常出色，就像穿越北京食京菜一樣。

老北京餐廳就坐落喺銅鑼灣，好方便，車多人多，但係我地已經book左位，所以唔駛等。我同朋友一齊叫左，半隻北京烤鴨、乾鍋肥腸、清炒萵笱、東華門羊肉串（6串）、高力豆沙。北京烤鴨（半隻）4.7/5⭐️呢隻烤鴨真係出奇地好食，係我哋今日叫的所有菜式之中最出色的一個。皮脆肉嫩，配上甜麵醬同蔥絲，每一口都有驚喜。一定要試😋乾鍋肥腸4.5/5⭐️乾鍋肥腸做得好出色，肥腸既唔過膩又唔太肥，而且炒得火候剛剛好，雖然膽固醇超標，但真係停唔到口，喂好食😋清炒萵笱4.3/5⭐️清炒萵笱就相對普通啲，不過都幾新鮮，炒得剛好，唔會過軟或者太硬，適合配飯食。東華門羊肉串（6串）4.6/5⭐️東華門羊肉串肉質鮮嫩，燒得火候剛好，上面嘅調料也不會過重或者過淡，相當美味，推介😋高力豆沙（4個)4/5⭐️高力豆沙做得唔錯，好似疏乎厘咁，裡面的豆沙餡甜度適中，不會過甜，唯一美中不足係略油，如果可以吸晒油先出碟就更加好。

餐廳位置十分便利，銅鑼灣地鐵站一出3分鐘路程就到達！咁啱今日想食北京烤鴨，俾我見到呢間 #老北京 ，所以就想入嚟試吓！見到價錢唔算太貴～所以就入嚟品嚐下。🚩北京烤鴨（半隻）肉質非常鮮嫩，皮薄餡靚，當然要配上喜歡的甜醬來吃！極為滋味🚩蒜泥白肉難得非常有層次，而且下面仲有冰涼粉，非常爽口配以蒜泥白肉來吃好夾🚩宮保雞丁辣得非常惹味，炒得非常均勻，越食越開胃。🚩龍井蝦仁醬汁配上醋，令到佢嘅鮮味好突出！同時亦都開胃。🚩上湯津白上湯做得好好，津白十分入味。🌸老北京 (渣甸中心) (銅鑼灣)銅鑼灣渣甸街50號渣甸中心5樓

今日同朋友想食北京菜，所以就去咗呢間位於銅鑼灣嘅老北京，因為呢到係用來自北京的材料炮製，具地道的京式風味。💠北京烤鴨（半隻）💠蒜泥白肉💠宮保雞丁💠龍井蝦仁💠上湯津白💠什錦炒飯💠老北京炒麵💠高力豆沙（4個)我喜歡他們的辣，因為真係難得好惹味🌶️佢地煮出黎風味家常菜，能夠把北京的股味道搬來，實在難得‼️北京烤鴨亦都做得好出色，配以大蔥絲、黃瓜絲、甜麵醬，用薄餅卷著食用🔸好滋味，極具口感♨️高力豆沙的餡料亦都非常足料！熱辣辣甜甜地非常豐富滿足❤️

久久未有同家人出去食晚飯，佢地揀左尼間食北京菜的餐廳頗古色古香，菜式選擇亦夠多，店內位置唔多記得訂位！由於天氣太熱冇乜mood食涮羊肉，唯有下次再試，唔死心叫左東華門羊肉串 媽媽係羊肉愛好者，得到佢認證肉質軟淋但不失彈性，而我都試左幾啖，冇羶味而且調味足夠，烤得脆脆地好香口。北京菜點少得北京烤鴨！片皮鴨最怕食到成口油，尼度嘅皮連住鴨肉，仲唔會有肥羔，大家都食得好滿足！乾鍋肥腸同我哋想像中有少少唔同，肥腸冇乾煸個種脆感，不過洗得夠乾淨亦夠入味，肥腸煮得夠淋，唔錯清炒萵荀正常發揮，食得出蔬菜新鮮口感，炒得爽脆有鑊氣高力豆沙反而有少少失望，炸得有啲太油，不過味道幾好！整體都改觀左我食北京菜嘅感覺，以前食過嘅都勁油膩，尼間同老人家一齊食都啱胃口。

一心補父親節帶爸爸去食北京片皮鴨，叫了半隻試試，一上枱份量少不在話，沒有一件是圓圓的皮，鴨肉是凍的也沒味道，吃落還有點霉，我們一共點了8個菜，2）椒鹽帶魚 3）老醋蜇頭 4）椒鹽里脊 5）螞蟻上樹 6）酸辣湯 7）蔥油餅 8）炸醬麵，也都沒味道，最過分一碗炸醬麵要$98，還有整餐飯都有烏蠅一路陪伴，店員都不理會，爸爸一路食一路說要投訴，我想在openrice寫好了，不想再有人受騙。

前排聽朋友推介，試咗銅鑼灣一間樓上餐廳食北京菜，估唔到幾有驚喜。先嚟萵筍炒木耳，夠哂清新爽口，好健康嘅同時有淡淡嘅麻油香，食得好滋味。東華門羊肉串，比平時食到嘅羊肉串辣，加埋啲孜然粉調味，羊肉好肥美，烤到邊啲位都好香口。不過最令人期待嘅當然係北京烤鴨啦！鴨肉豐腴，鴨皮又脆又香口。包埋青瓜、蔥同醬汁一齊食，就唔會覺得膩。最後試咗炸芝麻湯圓，外面有一粒粒烤脆咗嘅芝麻包住，每啖都聞到好濃芝麻香，而且既煙韌又有口感。餐廳仲有菊花可以飲，好啱擔心夜晚飲茶會瞓唔著嘅人。

好random 想食片皮鴨，朋友即刻搵左間係銅鑼灣的北京菜餐廳，估唔到好多枱客又有公司包房。羊肉串-見到包房的公司order 左好多羊肉串姐都跟機，真心好好食！-羊味唔會太騷，但又唔係完全唔騷，真係知道自己係食緊羊-完全唔韌唔乾身，沾上孜然粉，下次一定再encore 😋片皮鴨半隻-鴨烤得好靚，皮係金黃色的，十分脆口-鴨肉一啲都唔鞋口，咬落juicy干鍋椰菜花-入味，夠鑊氣！有辣椒但只係微微辣，主要係香，十分惹味韮菜豬肉餃 -叫左蒸，有10隻，韮菜好多好足料-餃子皮好滑好薄，欣賞香蕉高力-鬆軟，加上香蕉自帶的蕉甜，沾少少糖已經好好食