影片
芋角真系好少地方有得食，难得有所以叫嚟试下，口感味道属于一般，始终互国系比较难处理嘅。山竹牛肉好食，冇梳打粉味，真系有牛肉味，而且唔系打到烂晒，仲食得到肉粒嘅口感。鱼翅饺又系好少地方食得到，呢间点心店做得唔错，入面啲木耳丝蔬菜丝新鲜爽脆，而且个搅皮唔会太厚。贪得意叫咗呢个芋头流沙包，除咗偏甜之外，其实佢都几好食。虾米肠爽滑，点辣椒酱甜酱麻酱就系好味道。梅菜肉饼饭嘅肉饼冇乜肥肉，加少少豉油啱啱好，唔会好咸。
继续阅读
食物选择已经不多，位置不多张枱又细我哋六个人食咗约半个钟再加单，点心选择不多谂住嗌个蒸饭加点心，点知比较年长女员工好劳气话你最好唔好叫蒸饭要等半个钟，我唔介意等因为我仲会叫点心，该位女员工不断叫你唔好嗌，你叫我唔好嗌我偏偏就叫两个再加点心，最终20分钟已到，可能阻住佢返枱，食紧期间个比较年长女员工已经不停眼超超极不友善，唔会再帮衬食物又普通，赶头赶命咁👎🏻👎🏻👎🏻
继续阅读
大埔｜老冯茶居📌大埔安慈路1号海宝花园地下14号舖一直都系呢一间嘅常客！平时去开荃湾或者元朗𠮶间分店，今次终于有机会试到大埔呢一间！装修一贯怀旧特色三个人连埋茶位都系食咗$164😋叫咗香片，朋友表示好好饮，我觉得系几香嘅茉莉花味，而且好消滞，我哋直头冲哂成壶水饮哂😂！金牌炸芋角$20美味指数：🌕🌕🌕🌕🌕一上台热辣辣，夹开入面仲系出紧烟，外皮超级酥脆，入边嘅芋头馅爆多，连平时好少食芋头嘅朋友都觉得好好食！香煎萝卜糕$23美味指数：🌕🌕🌕🌕🌗萝卜糕唔系超多萝卜丝同馅料𠮶种，但系煎完特别香口！令人想食完一啖又一啖！老冯鲜虾饺$38美味指数：🌕🌕🌕🌕🌗皮薄馅靓完全可以形容呢粒虾饺，入边嘅虾非常弹牙，系鲜虾嘅感觉，而且个皮好滑又唔会太厚，系出色嘅虾饺！鱿香肉饼饭$39美味指数：🌕🌕🌕🌑🌑佢用煲仔装住特别有feel，豉油系必落，为呢个饭添色不少！古法牛肉球$26美味指数：🌕🌕🌕🌑🌑牛肉球大大粒，但系味道就还好的！
继续阅读
初初开业时帮衬过2 -3次，水准都吾错，有好多经典中式点心，见甘耐无食，经外卖平台叫左个凤爪排骨饭一人餐$80除左个饭仲有我最钟意ge芋头包，之前食过包入面系有粒粒芋头，超正！可惜今次个饭就一般般，饭煮得太淋身，完全吾好食(可能因为外卖等耐左ge 关系…)下次都系食返堂食稳阵好多
继续阅读
又入大埔跑步，今次想去食点心，试咗呢间《老冯》，星期六中午12点多到等咗几分钟，原来网上排队平台 有得拎飞，坐低见餐牌有好多点心选择，可惜只得两个胃，唯有下次去荃湾店试啦。🥢金牌鱼翅饺 $35⭐️坊间少有嘅鱼翅饺，不过素翅少得过份，个皮冻咗好硬，完全唔好食。🥢鲍汁柚皮鸭脚扎 $33⭐️鸭脚扎够惹味但唔够腍，一啲骨肉分离嘅状态都无，一字形客＂硬＂。🥢鹌鹑蛋烧卖皇 $33⭐️⭐️⭐️⭐️烧卖𥚃面有猪肉又有虾，所以口感好好好弹牙，加埋鹌鹑蛋蛋香，好味值得推介！🥢沙嗲猪大肠 $33⭐️⭐️⭐️⭐️少少辣但大肠非常入味惹味，好邪恶少食多滋味！🥢金牌炸芋角 $18⭐️⭐️⭐️⭐️芋角外层松化，内里芋蓉好香口感好绵，最重要够热辣辣，阿sir话系佢食过最好味嘅芋角。🥢古法千层糕 $26⭐️⭐️⭐️⭐️入口味道有啲似鸡尾包，然后就食到咸蛋黄味道，口感软糯好好味，好快变冻，建议食到咁上下先落单。二人共消费：$190
继续阅读
您可能会有兴趣的...