老二花廳 (已結業)

老二花廳藏身於旺角某一楝唐樓之內，步行到山東街，見到有度白色鉄閘，上面貼咗張花廳貼紙，之後沿樓梯直上2層就會見到，花廳係隱敝啲㗎🤣 甫進去，地方都算大，話曬都係唐樓格局嘛！裝修懷舊，牆壁有趣壁畫及放置於花廳嘅懷舊擺設十分吸睛，仲有份親切感 ，係打卡留影嘅好地方📷打完卡影完相梗係要醫醫肚，佢哋有套餐或者散叫，味道同賣相都令人滿意，而且套餐仲有搭配甜品，份量同味道都不遜色，另外飲品亦真材實料，點壺果茶更加可添加一次水，令你同友人可慢慢歎，傾吓計，享受一下當刻的懷舊感覚，自我陶醉一番👍🏽

見到OPENRICE好多食評既介紹,咁我就同個buddy去試下啦真係估唔到食落係咁中伏嫁!!!!搵左好耐先搵到呢間餐廳既門牌, 一個好殘好舊的唐樓既二樓見到呢間餐廳. 餐廳門口有一班旁邊武館既人, 有Ｄ似黑社會既Feel. 入到去成間野都黑漆漆靠枱燈照明都幾有feel. 有好多國既瘋子都換上可愛既造型,都係因為咁我地先被吸引到上黎.Ｍenu上都係好普通既cafe野食, 全程沒有什麼service,可能人手不足而且現場既唯一一個女STAFF都係發緊夢咁.  我地叫左２個SET, 味道就真係可以用劣食黎形容, 咁樣影已經係可以呃到人.首先俾我地既餐具同埋碟係完全未洗乾淨! 我地用把刀既時候係仲見到之前既人食過咩. 枱面係會有蟻陪我地食飯既. 頭盤既沙律真係好特別, 未試過食沙律醬配沙律菜呀!個南瓜湯係罐頭就expected!! 到左個main.... 羊架本身食既位已經小仲要有一半以上既位置係肥膏!冇肉味仲要係唔熟. 薯角個心係凍既... 意粉既紅汁就好似細細個去舊式冰室或者茶記食個Ｄ紅色螢光汁一樣. 個2件甜品更加唔好提, 應該係雪左有幾年... 連我咁鐘意TIRAMISU都覺得呢件野好

餐廳位於旺角舊式唐樓，位置不算易找。廳內裝飾以懷舊為主，舊式傢俱、電器，彷彿讓你穿越到昔日年代。牆壁以一些熟識的政治人物頭像，以Q版形式呈現眼前，頗有趣味。卡邦尼煙肉意粉( $148)芝士味濃，份量適中蜜糖雞翼(4隻$42 / 8隻$66)外皮香脆，蜜糖甜甜的，頗滋味炸薯條配黑松露醬($62)份量多，粗薯條外脆內軟，黑松露醬味濃，十分惹味。 另叫了兩杯水果沙冰，雖然可喝出是以濃縮果汁製成，但以這不過不失的價錢來說，我對老二花廳食物大致上都很滿意，這裝修佈置，文青朋友不妨到此一遊。

又搵到忙裡偷閒的時間，即刻搵下邊到有正嘅cafe去下一search就俾呢間餐廳的名吸引咗！3點開門，我地準時上到去第一枱客。到3:30已經滿坐了！研究了餐牌一陣，都幾多野食！點了一個下午茶餐，加一個推薦的意粉，一共2杯飲品。去親cafe 必叫rose latte 我太愛玫瑰味嘅野了！要試出最好飲的rose latte在哪裡我攪得唔夠匀，飲到底有d果醬嘅野喺到。士多啤梨朱古力咖啡冇乜士多啤梨味菠菜煙三文魚扁意粉一上菜，勁香！好吸引！好好食！麵質未係al dente 但也做得不錯！本身想俾5個，但洋蔥太多了！食到最尾只剩低一堆洋蔥蜜糖雞翼併薯條薯條好新鮮好好食！唔太咸，會食上癮灑上雞翼的蜜糖唔夠多，唔夠均勻，有d食唔到蜜糖味！但雞翼本身也好好味了呢到好靚，好彩早來到，可以四圍影下相下次會再去！

係旺角鬧市中，俾我地搵到呢間懷舊咖啡廳淨係睇入邊嘅裝修已經覺得充滿誠意，一絲不苟。無論係門口、地板、枱櫈，連牆燈都覺得好似置身係六七十年代一樣打卡好地方室內環境令人流連忘返嚟到呢度除咗嘢食之外一定係食環境。我哋叫咗兩杯cappuccino 咖啡味香濃香醇，奶泡打得好滑又香👍🏼雞翼薯條新鮮即炸 說了一邊充滿薯下午茶小食一流另外叫咗呢個棉花糖窩夫，熱辣辣嘅窩夫配配埋甜甜嘅棉花糖窩夫熱熱地擺落口唔會太硬打卡

同好姊妹聚會，揀咗一間好有特色啲嘅餐廳，上網見到啲相比佢吸引左去。去到覺得裝修好特別，好有懷舊感，壁畫又好得意，岩哂同閨蜜們去影下靚相，食下野，傾下計～食物嘅種類都幾多，飽肚嘅又有，小食又有，甜品又有，花茶咖啡奶茶都有，任君選擇。我哋就叫咗一個闊條麵，三份小食。係等緊嘢食嘅時候，發現到除咗裝修特別之外佢嘅餐具都非常之特別，真係勁有懷舊感，好似回到過去一樣！食物嘅質素都幾有水準，闊條麵一上枱就聞到陣陣香味，令人流晒口水，味道都好好。其他小食嘅份量都好多，黑松露薯條除咗有醬點之外上面都淋左啲黑松露醬，令到黑松露味更有層次。小食拼盤嘅雞翼都好香口，幾好味。鹹窩夫就比較有特色，再飲埋杯嘢飲真係好飽。最後原來朋友準備咗生日蛋糕同我慶祝(切餅費$50)，好開心可以喺呢度影咗好多靚相，店員都好好人幫忙影合照，過咗個好開心嘅下午。有啲朋友見到啲相之後都問我去咗邊度食嘢，整體來講我都幾鍾意呢間餐廳，所以會再推介比朋友。

為好朋友慶生日,選擇餐廳真係要花點心機呀 ! 比左幾間餐廳好朋友選擇, 她最終選了 。除了比店名吸引外, 係OPENRICE見到餐廳的裝修尤其吸引。地點係旺角, 在旺角站行去大約10分鐘, 地點不是太方便, 上網睇過近足球場, 所以容易搵。餐廳位於舊式唐樓上,增加懷舊味道。上了窄窄的樓梯便到達, 雖然之前已訂枱, 但因為未有客人走, 只有高枱, 不過都沒有問題。餐廳用色較暗, 配合懷舊味道, 彷似進入了舊式屋邨的屋, 你會看到...舊式雪櫃, 大大部電視機, 神枱, 懷舊燈, 枱,椅子。還有一個大露台, 未點餐前我和好朋友們已經瘋狂攝影一番。太多地方可以影啦 !!更不可以錯過牆壁上不同的壁畫, 包保一定謀殺不少相片。餐牌主要西餐為主, 價錢又唔貴喎, 套餐有頭盤,主菜,飲品和甜品。難得黎左花廳當然一人一個餐啦 !1)海鮮帶子扁意粉 $1582) 卡邦尼煙肉扁意粉 $1483) 黑松露海蝦意大利飯 $162由於我地太中意食薯條啦, 當然唔錯黑松露醬配薯條 (仲要加大) $72我們要了南瓜忌廉湯, 南瓜蓉好多, 加上少少酸忌廉帶出南瓜的味道。黑松露醬配薯條加大份, 果真好大份。薯是粗粗的,

朋友介紹我黎呢個餐廳，話啲裝修都幾特別。所以我就去試試喇！都唔會好難搵，但就要行上唐樓先上到去。上到去，都真係幾有特色，懷舊feel.都幾多人黎！靜靜地，傾計坐下都幾適合既！😃叫左個小茶 炸雞翼連埋個醬又真係幾好味喎！！👍再叫左呢個海鮮意粉。都唔錯，都好多餸。叫埋呢個羊架 。味道好味。唔會好大陣“蘇”味。肉質都好好。配埋薯角。正 👍另外仲配餐飲同湯。叫左花茶同士多啤梨朱古力！朱古力好好飲！可能本身鐘意飲甜野，所以好岩我飲！😍😍個湯都唔錯！🙂最後仲包埋個甜品。可以寫字係個碟度，岩哂慶祝生日同紀念日黎 😃😃😙今餐食到好飽！！！😃

好耐之尊已經有聽過一位朋友介紹老二花廳係一間幾得意幾靚既餐廳，今日咁岩約左係旺角食晚飯，我就提議試呢小本經營既餐。去到旺角都用左十五分鐘左右google map餐廳位置，佢係麥花臣球場隔離，大門橫丁個條街。由於佢係d舊大廈既一樓，又無大招牌無signage，都比較難搵，大家要比多d眼力spot下👀唔止餐廳內在行懷舊風，就連門面同本身個座大廈都相當舊😂入到去感覺真係好懷舊，地下用左80年代既黑白格仔磚，擺設都係一d好古董feel既物件。環境唔大，枱既數目亦唔多，但都舒服既。weekday夜晚食客唔多，得4枱左右，大概係位置太偏僻又無招牌畫關係。相信weekend會比較多人。佢d牆都痴左唔同既大頭懷舊人物。最中意係呢隻咁舊款既窗🤣老二花廳有dinner set既，一個set有個湯/salad加main course加飲品同dessert，都包幾多野😋 南瓜湯偏甜，南瓜味就無咩啦，不過都叫香濃既，可能落得太多忌廉所以會咁甜。Truffle fries都幾大碟，除左但truffle source，佢落左少少松露係薯條面 (真係好少😂) 沾到松露既薯條好香。薯條口感都夠脆，唔錯。呢個老大脆趣雞

原來係老二花廳既塗鴉牆。位於山東街一幢舊式大廈入面，行上暗暗黑黑，凝造出懷舊風味。餐廳佈置得很vintage， 有d小木椅，收音機，🗣聽講話係老闆親自搜羅。以為野食會唔好食拉，點知有意外驚喜。窩夫料有粟米火腿配上沙律醬，唔太膩之餘，又夠fresh!窩夫皮脆，甜度適中。窩夫鹹甜交集好適合女生食。💁🏻開頭話朱古力要盡快攪勻，我都唔明佢意思。原來係朱古力洛得非常之足料，👅要我攪勻先冇甘甜，我好鐘意呢杯甘邪惡既野飲。餐廳播住歌，有書俾我地借閱；有vintage 既牆壁同擺設俾我地影相呃like。甘舒適既環境，係幾咁寫意呀🤗。

收到朋友來電，左搵右搵都找不著 雖身處旺角球場之側，但意想不到的難找，舊樓殘舊，一步一驚心，像拍恐怖片，膽小者不宜大門口像那種太平館的格局，入內店主一心一意的經營古時老香港的味道或許清拆在即，地磚窗框是本來早是花樣年華的模樣，如今只是如實如願地反映老房子應有的格局和味道牆上Graffiti的大頭，年代久遠的古董衣車，差了五、六十年代的歌曲，差可成為先言鬼魂聚腳的地方微昏的光線，有心的打造，讓90後看看舊香港的樣子Appetizer 沙律，不過不失，蔬菜和車厘茄也新鮮蕃茄帶子spaghetti，帶子煎得香脆、爽口、彈牙，意粉滿滿的蕃茄味道，開胃夾醒胃，是帶子蕃茄分開處理的緣故黑松露大蝦Risotto，可能近排食得太多risotto，覺得整得好係唔難同理所當然?  米粒放光，挺身而不太硬，口感Creamy，汁也夠濃、黏身，反而蝦不夠鮮，正主兒淪為配角，給risotto 搶了風頭，而且蝦仔好似營養不良，我同朋友大喊食得不過癮蕃茄焗芝士肉醬意粉：都係開胃野，但轉頭巳忘記了模樣黑松露薯條，剛剛炸起，配上黑松露沙拉醬，也是越食越想食，停唔到口既小食，但煮法簡單，不太值得一提

老二花廳聽個名都幾滑稽～入面既裝修同個名一樣🤤全部野都好搞笑又帶點文青～好中意呢啲cafe仔，影下相食下野又一日😆叫左個迷你肉醬扁意粉 Hkd 54 諗住係好普通冇咩驚喜架啦～點知又出乎意料地好食喎😍佢啲意粉唔同出面個啲扁意粉，幼身啲又硬硬地，好有咬口👍🏿芝士肉醬好夠味豬肉好多完全大愛🤤叫左杯薄荷朱古力同榛子朱古力💫跟套都係補番差價～都幾抵飲架！個日中意榛子朱古力多啲，入面有啲一粒粒好女食又唔會好甜🙂薄荷朱古力相反有啲甜...麻麻地～但係入面既環境加晒分啦～推介👍🏿

厭倦了煩鬧既旺角街道，走入老二花廳，完全唔覺自己仲係旺角，一走入去，立即返回八九十年代，餐廳既擺設同裝潢都別具風格。現場好多影相位，著靚d同姐妹黎影相食下tea都係唔錯既選擇！小閣樓雖然有點小熱，但勝在陽光充足，食物品質都好好，窩夫咸食實在少有。叫左一只燒雞，配菜是薯仔同蘿蔔，搭配既醬汁非常夠味，雖然蘿仔同蘿蔔有點不夠熟，但店員好好，立即煮過，服務態度一讚，飲品同樣高質。老二花廳確是一個好適合復古文青悠閒坐下既地方阿！

❤️小分享❤️之前見朋友生日都係度搞🎂今次係我同兩位閨蜜既七週年🍻所以就決定左係呢度慶祝啦🎉起碼睇上去都好特別 同影相好靚📸一開始打去book 我話想係甜品度寫字🖌老闆二話不說叫我wtsapp佢 咁就ok la!📝然後搵間餐廳其實都唔難 係新寶戲院果頭不過佢樓下既門口就好復古啦 嚇到我兩位閨閨好怕怕😰好似啲舊式唐樓咁haha😅我係第一個行上去 個門口真係好鬼靚😍一望已經聞到陣復古味😂一入到去 待應就安排左我地坐張高枱🍽佢啲佈置真係好靚 仲有啲政治人物惡搞畫係牆📋我地分別叫左兩個粉🍝🍝同炸魚薯條！🐟🍟因為見OpenRice有介紹過 特意叫的💛不過講裝修真係唔錯👍食物就一般 但唔錯既👌不過就建議大家下午或下午茶既時間去🕧🕞🕒因為佢連啲燈光都好復古 好暗🕯所以影相都難啲不過今次我就玩菲林 不過就未曬好🤰🏿我諗我下次要搵日 晏就既時間再去一去👍值得一試❤️😋

上網見到有網站介紹餐廳既裝修好吸引到我所以約左朋友係暑假既時候黎當日係大約四點去到上到去得兩枱人有個男仔叫我地隨便坐我地就揀左最開揚最近金生牆既位置坐我地揀左個煙肉芝士長通粉同埋小食拼盤仲有兩杯飲品長通粉感覺細碟左少少好彩味道都唔差小食拼盤就好正啦！全部都炸到好脆口特別係蒜香雞翼真係超好味！要特別讚下佢地冇落好多生粉黎炸唔會食到粉多過食到肉至於飲品我飲果板水蜜桃紅茶起初飲幾好飲但耐左淡晒味啦埋單三百幾都偏貴啦環境同食物我地都好滿意不過服務就真係麻麻地一男一女成日玩電話傾計想落單個男既見到又唔過黎佢叫個女仔過黎仲要叫幾次個女仔先肯放低電話過黎好啦無論落單定每次拎野食比我地佢都係目無表情無笑容講野冇咩禮貌除左環境同食物服務質素都好影響客人仲會唔會返黎因為都好影響心情希望餐廳可以提升下店員既服務質素