老二花廳 (已結業)

今日去左旺角樓上café , 佢係喺一棟唐樓入面, 所以要留心少少要先搵到! 入面係港式懷舊佈置, 岩哂鐘意懷舊風格嘅人!南瓜濃湯我地今次叫左2個set, 附送餐湯或沙律, 我地兩個都揀左餐湯南瓜濃湯, 的確幾重南瓜味, 唔會太咸, 飲落仲有少少南瓜蓉, 幾特別!菠菜煙三文魚闊條麵主食方面, 叫左菠菜煙三文魚闊條麵, 繼上次喺街坊café試完綠色嘅河粉後, 今次又試下綠色嘅闊條麵 (兩者個樣都非常似XD) 不過味道就好唔同, 今次係用黃紅椒加上幼竹荀煮嘅闊條麵, 油味唔會太重, 反而幾重黃紅椒味, 三文魚煮得岩岩好, 唔會太乾, 仲有三文魚嘅鮮味!海鮮帶子扁意粉呢碟海鮮帶子扁意粉個賣相亦都好似炒河, 但味道就幾有驚吉, 係蕃茄底加上彩色樣同海鮮煮成, 食起上來酸酸地幾惹味, 蝦同帶子嘅份量就唔多, 只有各2粒, 但都幾彈牙爽口!Green Tea latte飲品方面叫左綠茶鮮奶同柚子蜜, Green tea latte有好靚嘅心形拉花! 綠茶味好濃, 相反奶味就顯得無咁突出, 如果鐘意綠茶嘅朋友一定要試下! 柚子蜜就係普通無特別 (平時自己都沖到果隻haha)藍莓芝士蛋糕跟餐甜品方面我

天天相見嘅好姊妹好同事， 今年各有各發展方向，相繼離巢。 剛剛好冇見一個月， 要約餐飯見下面傾下近況。今次又年紀小小嘅 90後負責book地方， 佢喺旺角嘅山東街唐一樓， 老實講見到啲樓梯就唔開胃， 但去到門口同入到室內 ，真係令我大開眼界。具有特色嘅門口， 同殘舊嘅唐樓好配合， 今日好大雨，我哋去到大約六點半， 按門鐘負責人話七點先開門， 小妹妹就話可唔可以通融畀我哋入去坐， 店主都畀我哋入去。室內嘅環境更加令我哋o嘴， 室內係走懷舊風， 有一啲擺設可能都老過我， 座位同裝修都非常之特別，坐到入去都覺得好舒服，有阿飛正傳嘅感覺。講番食物， 叫咗三杯飲品 ，都有唔同嘅評價。冇玫瑰花味嘅玫瑰鮮奶咖啡🤣😅oreo夾心曲奇奶昔👍正常味嘅桂圓茶， 最特別就係呢個舊鐵杯。黑松露海蝦意大利飯整個飯都好creamy， 黑松露加一啲香草， 蝦都好新鮮，唔錯。加大嘅黑松露醬配薯條， 個醬係沙律醬加黑松露醬 ，酸酸地， 唔太特別。魷魚圈， 食落去嘅魷魚唔新鮮，粉漿同魷魚一咬就分開。整間餐廳氣氛同裝修唔錯， 燈光偏暗， 適合三五知己傾計， 食物就一般。

最近係港女界都掀起一股cafe熱潮 身為港女嘅我點可以唔去朝聖一下 呢間老二花廳地點位於旺角 非常方便 但係喺唐二樓要行樓梯 店舖內嘅裝修擺設都非常特色 連枱枱櫈櫈都係舊有嘅傢俬 用嚟影相呃like真係一流食物嘅選擇唔多 主食都只有三款 我哋四個人就三款都叫曬 嘢飲反而選擇幾多而且質素唔差卡邦尼意粉肉 芝士分量十足 隨便夾起已經有拉絲效果 味道有少少嘅奶香 意粉軟硬適中不過份量較少肉醬寬條麵 上枱時寬條麵完全被肉醬同芝士包圍 但撈均咗之後冇芝士味 有點失望 感覺似普通嘅肉醬闊條麵大蝦黑松露意大利飯 反而有點驚喜 醬汁調教得濃淡適中 不過賣相麻麻 而且大蝦係用上沙律用嘅凍蝦 有點唔夾脆脆雞翼 外皮被炸得夠脆 入面冇乜味 較為失色黑松露薯條 朋友之前喺度食過話當時嘅醬汁係忌廉汁溝黑松露醬 但依家嘅醬汁係沙律醬溝黑松露 只有酸味 有點失望

林立旺角的cafe有許多，合我心意的寥寥可數，食物要有質素和心思、裝潢不必瑰麗但要有特色、坐位要舒適不能太擠迫、境觀要開揚最好有陽光照射。。。老二花廳便是其中一間我滿意的cafe餐廳。是晚來到，燈光昏暗，首先映入眼簾的是四周牆上壁畫，趣怪的人物表情嚴肅，與頭大身小的身材比例相映成趣。一室懷舊氣息，擺放著老舊收音機、舊式電視、電話、風扇、衣車機等，充滿玩味，被七八十年代的情懷包圍著。餐牌設計也別出心裁，店名logo很有老牌子style，四邊更有生龍活虎字樣，趣味十足。晚市套餐有七款選擇，包括沙律或餐湯、主菜及甜品，價錢因主菜而異，更奉送一杯價值$36之飲品。先送上南瓜濃湯，以懷舊碗子盛載別有一番風味。南瓜味清甜濃郁，溫度夠熱，深得我心！😋黑松露海蝦意大利飯賣相甚佳，飯粒渾圓飽滿帶韌勁，配料豐富有海蝦、洋蔥、青紅椒，黑松露味稍弱，但整體仍不錯。湯及主菜皆有水準，自然對甜品亦有一定期望。可惜Tiramisu芝士及咖啡味均弱，只有面層可可粉帶起味道，有點可惜。餐飲點了杯薑汁暖暖胃，薑味自然帶微辣，溫和不刺激，喝得到是鮮榨的，為這頓晚餐畫上完滿句號。總括無論食物、環境、服務均令人滿意，是值得推薦

系朋友推薦下黎左呢間特色cafe ，果然冇令我失望呀！ 下午六點左右去到呢間 cafe ，佢開放時間系 6：00 ，所以我地去到時 總未有其他客人，可以任揀位^^ cafe牆身有五同人物既大頭照，感覺好特別 好復古feel, cafe 既擺設有 五六十年代既香港擺設，環境舒適，配合埋燈光 ，最適合同朋友相聚 傾下計 享受下 我同fd 兩個人叫左八隻蜜糖雞翼，我地食時 都總熱騰騰架，雞翼外皮夠脆，啖啖食落都有 蜜糖味，甜味岩岩好 五會太甜膩，雞肉整體都叫嫩 ，好味 呢個肉醬意粉有驚喜，肉醬味道好濃郁，雖然芝士味偏淡，但勝在 個麵食落沾滿曬 肉醬味 而且入口五淋 兩杯蜜桃味綠茶 就差左少少，因為蜜桃味淡到冇甘制 ... 但一路吹水一路飲下 ，最後都有飲曬既

happy gathering👍😋今晚約咗朋友去旺角一間位於唐樓既cafe😉如果唔係search過食評。平時真係好少會留意唐樓既cafe 或者其他店舖😛😛上到去既感覺係好懷舊feel😍然後睇下menu...salad ..main course...dessert..coffee..水果茶👍👍☕☕🍸🍸🍹🍹食物款式多。而且價錢合理👍😘而我最like 既係。唔會有用餐限時👍👍😉😉可以同friends吹水。坐下都唔怕比人收哂D碗筷。趕你走。good good good😉😉👍👍👍👍👍

旺角一向都出名多野食,商場, 女人街, 洗衣街,西洋菜街...競爭激烈! 但有邊個會諗倒麥花臣格黎唐樓有間隱世文青餐廳, 仲要有格調兼坐得舒服!餐廳裝修好有藝術感, 係另類塗雅風格. 佢既金正恩, 卡斯特羅牆畫, 有種詼諧感, 店主亦保留左舊式唐樓既懷舊家具擺設, 好有個性! 加埋燈光暗暗, 氣氛好有格調. 連D食客都散發住淡淡既文青感, 所以好多食客都係淨係飲野傾計, 當日叫左沙律, 黑松露薯條, 黑松露海蝦意大利飯. 同埋果茶. 沙律菜算新鮮, 個味酸酸夠清爽. 意大利飯有少少拉絲芝士, 味道絕唔係金寶湯煮出黎, 薯條係普通港式茶記波浪薯條, 黑松露醬係意料中既味道, 不過不失, 勝在份量大. 果茶幾好飲, 偏甜但裡面既生果夠爽有咬口, 証明真係即叫即沖, 唔係放到淋晒既平價生果. 誠意可加! 老二花廳食物味道好多旺角既文青餐廳好食, 而且價錢實惠好多, 裝修極之有特式! 可惜係OPENRICE 好似冇乜人評過呢間餐廳, 我覺得佢值得更加多笑臉 (當然亦都私心地希望唔好太多人知, 唔係到時要排隊等位了)

一入到去老二花廳，已經即刻覺得呢度好適合文青黎打卡，因為呢度裝修有少少懷舊，好有花樣年華嘅感覺。呢度裝修除左好岩文青影相之外，每一個位置都幾有私隱度，所以都好適合三五知己黎傾計。至於食物，呢度作為一間咖啡店黎講，款式算係幾多（淨係雞翼都有三種唔同味道），而且質素亦都唔差，價錢仲要唔貴！今次我地就點左幾款唔同嘅雞翼同腸拼盤，兩樣都好好食，絕對有平日去餐廳食嘅水準。另外我自己都點左杯菠蘿梳打同花茶，都係唔錯！我自己就十分推介杯菠蘿梳打，好fresh！完全唔係出面街嗰d用糖水溝出黎！

朋友介紹有趣小店, 在山東街街角, 差一點就找不到, 還是靠同事帶路, 才在樓下見到小小的店門一上樓就見畫作, 大頭的小龍哥, water be my friend 還有其他大頭人在小店內恭迎小店內部全是五六十年代老香港擺設, 有些在小時候也見過實物, 透露了年紀了 ,  opps充分運用了舊唐樓的大露台空間, 下午時份上來如果有陽光照射, 應該很有氣氛食物選擇反而較平凡, 跟一般的西餐廳大同小異沙律餐湯正常水準小食拼盤不錯, 薯條是粗粗的那種, 雞翼調味也不賴, 意外地還有炸洋蔥圈及魷魚圈主菜的芝士肉醬寬條麵及黑松露海蝦意大利飯以這個價格而言, 都算水準之上反而這個法式香草羊架, 未知是否解凍時處理不足, 沒啥味道甜品也帶來驚喜, 分別的藍莓芝士蛋糕, 意大利芝士蛋糕以及最出色的溶岩朱古力蛋糕配雪糕, 非常好味飲品...也可以吧, 始終不是專業 coffee shop, 也不能期待太高

我喜歡在ig及openrice 裡找美食，也喜歡在ig及openrice 分享美食及我的日常。今次找來了一家很懷舊，環境很好，食物及飲品質素高的"老二花廳"，你睇黑松露炸薯條同蜜汁雞翼好好食呀， 我哋臨走時也叫多一次蜜汁雞翼啊～好掛住呢隻甜蜜香脆可口味道😋😋意粉同意大利飯都ok, 沙律好新鮮，飲料都不得了，環境仲~~哈哈🤣🤣🤣我很喜歡這家餐廳，真心喜歡呢間“老二花廳” ，無論坐邊個位都覺得好自在，我最愛蜜糖雞翼 好食到不得了。環境非常舒適，而且餐廳一座滿客人就不再接客，絕不接受搭枱服務，我like👍🏻❤❤有性格。

1. Retro dining environment which is like a typical apartment in 70s Hong Kong2. Salty waffle has plenty of delicious bacon and cheese sauce on top3. Banana milkshake is thick yet so smooth and has a strong banana flavour4. Two layers of cream on the banana milkshake: fresh cream underneath banana cream5. Generous portion in terms of afternoon tea

早兩日weekend熱到人都癲，聽文青朋友話有間cafe幾得意，咁啱又晌旺角，就一於上去避靜成涼。棟大廈都幾殘舊，應有六七十樓齡或以上，要港女行上去都有啲驚驚。😰門口好懷舊，牆身就見大頭李小龍，一推門就好似進入另一世界咁，幾過癮。Ice Latte 幾好飲，高質嘅，唔會好似某啲MK樓上cafe hea 我。右邊有貌似Saddam嘅Castro伴我，左邊有拉登，後面仲有金仔。嘢食就麻麻，簡單的雞翼薯條都未夠好，雞翼蜜糖太多，攪到好流，薯條直情唔得，唔脆又un，都係飲返嘢算。

懷舊既裝潢真係好得意，最得意係懷舊得黎，夾雜住現代人物既牆身畫！同班朋友一齊坐係度，靜靜地食下野傾下偈真係一個唔錯既地方！環境好舒服，個個食客都好休閒咁係度過日神！如果你為求搵個地方同朋友聚下，又鍾意懷舊既事物，呢度絕對係個好地方。如果你為求食餐好既，呢度只能夠提供一般cafe既食物質素，食物普遍黎講係四個字可以形容既「正正常常」。一句講晒，重氣氛多過重食物質素既小地方。整體價錢偏貴，但就慢慢坐都唔會俾人趕走。而且值得一提係呢度幾乾淨，連洗手間都好鬼乾淨，紙巾係用有質素既品牌，都唔係間間餐廳做到。

一入到黎呢度，個裝修同環境都好復古，望真啲佢既電器係真係細個見到果啲！好有童年回憶！而且呢度既環境好岩影女神打卡相，不過影相既話可能有少少暗。講番野食，一個set有湯，花茶同意粉，今日既例湯係南瓜湯。由於本人非常喜歡食南瓜，呢個南瓜湯飲上去好粉，好正。而個意粉就芝士濃左少少，但味道都ok。整體黎講就覺得係食氣氛，同埋呢間鋪既枱唔多，所以都幾靜，岩哂靜靜地同朋友傾心事。

尼間樓上唐樓開既花廳非常有搞鬼同復古門口已經有個超搞笑李小龍插畫店裡既插畫人物全部都有名同畫到大頭身細搞笑衣著吸引不少人來打卡因為驚人多下午茶時間來了進店內發現沒有客人 環境好靜燈光偏暗似裝修復古下午茶☕️價錢好抵包埋飲品$36樓下的 其他就加差價咁我就揀左個《蜜糖雞翼配薯條🍟》$52薯條超多 蜜糖雞翼有4隻 超抵食 薯條多到食吾晒雞翼好香蜜糖味同炸得好香口不會濃仲保持到肉既嫩口薯條似係茶說果種吾會濃同不太脆 剛剛好的另外點左個《老二咸味窩夫》$72窩夫好硬好難食到又不脆口 食落口感好膠但足料多煙肉同芝士 不過就吾抵食最後單點左個《青醬素菜扁意粉》$86雖然就比較貴但味道超正意粉煮得合好有口感，落左好多忌廉，好好味好多醬 ，而素菜偏少主要都係燈籠椒、菇同洋蔥。尼杯老二驚喜《薑汁鮮奶咖啡》$48拉花吾靚 薑汁味不算多 比較普通整體食物一般 環境特別岩同朋友聚腳