老三油渣麵

营业中

休息中

老三從外觀看已知是為打工仔和街坊客解決三餐的地方而不是甚麼高檔的食肆，因此對食店的要求亦應有所調整。午飯時間十分多人，基本是見位插人，環境是比較迫夾，但衞生尚可。油渣麵索價$45並標明只有油渣、蠔油香菇片及白蘿蔔，與自選配搭的三餸麵是同價，因此估計油渣麵是店家的招牌出品。油渣麵的湯底確實咸香，還充滿豬油香氣，豬油渣不但溫熱亦十分鬆脆，但蘿蔔不夠軟腍，如果介意餸菜太少，選其他麵食較好。以價錢而言，鹽焗雞當然不可能用上新鮮雞，但雞算是烹調得相當不錯，咸香味充足之餘，亦十分油滑，絕對是以烹調技巧彌補食材的不足。檸檬茶是跟餐附送，也就不好挑剔。

鹽焗雞飯有水準，雞胸也不老，入味。但環境有啲失望，有飛蚊仔飛黎飛去。要提早少少到，午飯時間好多人排隊，因為鋪面比較細，食完會好趕咁催你離座。餐飲無提供咖啡，有少少唔開心。

12月11日為食一碗傳統油渣麵及醉瓊楼，客家招牌食品，梅菜扣肉及 鹽焗雞，揾食肥華等靚媽，收工後便到此店，食呢三款鎮店名物。最先上枱個碗傳統豬油渣麯，麵底，湯底，和菜甫都相當好味，而豬油渣在熱辣辣脆卜卜情況進食，口感更是一流，但係個籮蔔真係唔得，有渣及唔夠淋，拖低晒此碗麵嘅評分祇得B分。而個梅菜扣肉飯及碟鹽焗雞飯，個外觀賣相非常吸睛，可惜個口感完全無，醉瓊楼呢兩款名物嘅傳統味道，肥華俾個C+評級佢，都係因靚媽話呢兩款食物0K，此店對肥華唻講，食過呢次都後會無期！

話說開咗間新餐廳就到時間就過嚟試我叫咗個鹽焗雞米線，外加一個餸 豬紅，凍檸茶，加咗一包紙巾，埋單$80。份量：雞：五至六件豬紅：算多而且大粒米線：正常份量味道：老實講 雞好”梅”而且冇雞味，啲豬紅勁重胡椒味，基本上成粒好似食胡椒咁湯底偏鹹。最後我選擇辣椒油撈米線。。。唯一讚賞係個辣椒油幾好味。。。其他：環境光猛整潔，員工態度OK，餐具油笠笠總括嚟講，$80呢個質素，可以食其他份量多唔多就見仁見智，凍飲加$10，我諗算係已經貴過出邊～

之前這間店好似東南亞比薩店，從沒進去因爲燈太昏暗。現在這家老三油渣麵 店面整潔，座位合適，特別是燈光明亮，看著菜式舒服。要了豬腳飯和油渣麵味道都不錯。套餐配青菜，分量足夠 青菜嫩，一盤清光。不錯。回下次再去。都是街坊客吧