翡翠拉麵小籠包 (已結業)

我都知翡翠拉麵小籠包係好旺,但都唔緊要,所以我已經預早小小去等位,下午12點幾到(沙田翡翠拉麵小籠包),首先係搵人幫我寫單,我見到佢地有個同事企係電腦旁邊,我就叫佢啦,相信我叫佢音量都唔算細聲起碼叫O左佢有五次,佢係亳無反應又唔見佢手上有野做緊,終於佢都有一點反應,落單時侯佢俾我感覺係亳無笑容,黑口黑面,極之不耐煩.佢唔想做就咪做,終於我地等到D野食,點不知D野食都唔咪我叫個D,幫我地寫單O個個人一點辦事能力都無.我地食飯D時間係好短,建議大家,如果想食飯都唔好再去呢間,因為一個人出錯,令到我地無時間好好去亨受呢餐飯.個餐飯我地要食得好急,食到好唔開心.O甘我四周圍望.見到佢地D員工身上有名牌,我就想睇O下之前幫我地寫單O個個人叫咩名.但係佢身上前前後後都唔見佢有名牌,唔知佢係咪高級職位或者可能佢係老闆啦? (我唔想講錯其他人,我相信呢個人一定係做高級職位,因為佢穿恤衫,身形矮細,皮膚黑黑,無戴眼鏡,黑口黑面.) 如果去呢間食野,千其咪搵呢個人寫單.

非常同意之前食家的評語。食品係好食！但係D服務好差，印像中女侍應較男的更差。我上星期，下午3時許與家人去到只得2-3枱客，個女侍應隨手大力放下3杯熱茶，我友善地抬頭微笑向她講:唔該，我想要杯凍水。佢居然板起面容，用不滿眼神，側身斜視低角度(屈)着我，用喝問語氣問我:要幾多杯呀，我當堂感受到佢對我不滿，我答1杯佢就轉身離去，全程呢位女侍應就黑起塊面，眼屈屈，同同事就談笑風生，我原本愉快的心情亦變壞，草草食完就離去，額外貼士一毫子都無比，我通常習慣一定最少另比$20貼士，因為我覺得佢嘅服務態度一文不值，我完全唔理解我咁友善嘅食客，只係一個普通要求要杯凍水啫，換來咁差態度，到今日諗返起仲有D怒火。原本一間好食館變成咁，管理層好有責任，見字應立即整頓一吓、教育吓班侍應，顧客是他們的米飯班主，否則遲早好似『大排檔』咁執(粒)收場。

哩間可以算係我最鍾意既上海餐廳了~~我同男友差唔多次次都會食擔擔麵~好香花生味~~麵又彈牙而小籠包皮薄多湯炒年糕都好食~~不過唔係咁值呢個價唯一唔好就係次次都好快收晒我地食完既野~好有趕客feel lor >"<

佢d 野好好味,可惜服務同衛生好差。個waitress派筷子俾我朋友時隻筷子烏糟左,佢竟然"fing" 甩d 烏糟野照派俾我朋友。仲有佢誤導我地,我地要蔥油餅, 佢問要大定細, 咁話要大啦。點知0黎到時完全不是平時食開既,打開menu原來係有蔥油大餅同蔥油餅。但我地又唔知,waitress剩係問我地要大定細,所以完全唔知又2隻不同的。佢又唔肯換, 仲屈番我地轉頭話俾左menu我地睇, 過份。

去過好多次架啦不過佢地唔係樣樣得所以黎到最緊要叫小龍包同排骨麵小龍包唔駛講，多汁排骨麵，嘩，d排骨真係好好味，你唔會係第二間食到架！如果只係選尼兩樣野食，味道我一定比5分！環境一般都嘈服務一般價錢算平絕對唔乾淨！

爸爸偶爾愛吃上海菜,於是父親節便此一趟.6:50攞飛,8:20先有位,但係都預左,因為父親節嘛!點了「薰魚」,「芙蓉花雕蒸蝦球」,「上海炒年糕」,「酸辣湯麵」,「煎鍋貼」,爸爸叫左每罐價值$20的啤酒(好唔抵!)..茶錢每位$2,埋單$293. 值得一讚係侍應們會不斷加茶,不錯!「薰魚」:爸爸至愛,但佢話個魚厚左d,而且甜左d,但我同媽咪都得咁樣似乎好d,其實都幾好味呀!「芙蓉花雕蒸蝦球」:$68;侍應推介;其實係花雕蒸蛋白做底,再加6隻中蝦,賣相幾得,蛋白亦好滑.「上海炒年糕」:我的至愛,不過不失啦..「酸辣湯麵」:唔記得幾錢,淨係記得個湯好唔夠,好似不能蓋過d麵咁..「煎鍋貼」:$22;得3隻,所以冇食,但睇落很豐滿!我地9:30就埋單走人lu,等了1.5小時,但吃了1小時便走了.. 哈哈,不過唔緊要,總算開開心心的一餐!

之前想同爸爸食餐好的上海菜諗住近近地係沙田搵間~!於是上黎openrice睇下大家的意見聽大家分享講到幾好味咁~!環境又幾舒適~!又話服務OK~!就去左翡翠喇~!我地五個人叫左:小籠包(X2)鱔糊炒拉麵担担麵上海粗炒炸銀絲卷醉豬手蘿蔔絲酥酸辣湯豆漿酸梅湯首先~!我想係度講下佢地的服務態度!其實我都幾不滿囉!個度D人成日都好似好趕咁!添水快就係幾快~不過人地D"送"未食完, 仲差一件,佢地D侍應夠膽死真係企係你枱邊等你食完個件,佢就立刻收左你件碟!!! @0@"駛唔駛咁趕呀...我初時都冇留意呀,以為佢企係度唔知做咩啦...點知企左分幾鐘都唔走開,我一夾完件蘿蔔絲酥佢就伸手拎走就碟... =.="仲有,落單個陣個女仔又係咁插嘴!我未講完碟菜名!佢就插嘴入黎介紹條唔知咩鬼魚!!太無禮貌喇!!!我次次未講到兩個字佢就插嘴叫我點佢介紹的個條唔知咩魚!大佬呀!你都俾我講完先丫!搞到我點點下都唔記得左自己原本叫左D咩, 未叫D咩!後來我望到隔離枱叫左佢介紹個條魚...size細都算啦...我估真係唔太好食囉...佢地成枱人碟碟清只係個碟食剩大半條魚...好彩我冇聽佢講咋!嗯...講佢地的食物味道

其實其他分店同總店既翡翠我都有去過, 但今次係第一次黎到沙田呢間同第一次響翡翠食下午茶。可以由於無tea set既關係, 4點幾黎到比其他食店冷清好多, 而侍應既數目都雙應地少。我今次叫左個五香牛肉拉麵($32), 朋友叫左排骨拉麵($38), 照計無乜人上菜應該好快, 但我地等左15分鐘, 先上左過唔熱既五香牛肉拉麵- 湯唔熱牛肉得幾片又薄又硬, 麵份量亦好少一舊舊未煮淋咁；食到一半朋友既排骨拉麵先上, 佢呢個一睇就知熱好多, 朋友話味道都可以。出左門口朋友先同我講埋單要$81, 我地計埋加一都係$77, 比人搵左笨>.<

前幾日復活節假期去了沙田呢間分店食午餐,亦是本人第一次幫襯,兩人叫了小籠包,五香牛肉麵,鍋貼,蘿蔔絲酥餅及南瓜煎餅意見如下:小籠包好味道,夠熱皮薄肉汁多南瓜煎餅脆卜卜很香口,夠熱,不過就唔係好食到南瓜味,豆沙就有好多鍋貼就好普通,冇乜特別其他都ok整體不俗!服務ok,不過d枱就排得密d!都可以再去幫襯

兩個人假日撐枱腳，叫了四道菜。小籠包：每次都例牌叫的。依然皮薄餡靚~ 我還未食厭！上海粗炒：油就油咗少少，不過好好味。每條麵都根根分明，我出面食過有d 炒完都仲係痴埋一齊。同埋佢d 菜有落鑊一齊炒，出面食過有d 菜條係生的。咁成個餸冇炒到過火，有鑊氣，熱辣辣，很好。南瓜鍋餅：超甜同漏！上次食個栗子南瓜酥好味得多囉！今次個鍋餅聞落好大陣滾油味，外面係就係好脆，但個餡撈埋紅豆蓉真係遮蓋晒南瓜味。酸辣湯麵：麵底比阿拉麵館食的好，冇煮到過淋，啱啱好。湯底就…如果想一嚐真正酸辣湯的話，人多不如索性叫個酸辣湯會仲好。因為個麵的湯底得個辣字，冇酸味的，可能麵至係主角不宜湯底過酸呢！所以這個麵只適合我這種又貪心、胃口唔夠大又想飲酸辣湯的人XD服務很好，只係忙d 咁姐！有不停斟水同有求必應，唔會扮睇你唔到咁。

生日過後, 得了病, 一切慶祝活動均告取消. 到了星期五, 告病假, late afternoon才有氣力往沙田吃飯.一行五人, 好像點了十個菜. 事隔太久, 不能盡錄, 只能寫下記憶特別深的...十菜之中, 炒年糕最出色, 高力豆沙最失色(豆沙極少). 其它例牌如獅子頭、雲吞雞、炒鱔糊則不過不失.病中味覺不敏銳, 望各位見諒.

兩個人撐檯腳dinner ~因食飯前已食左個tea 未落格，咁只叫三個小菜…1) 小籠包—好味！皮薄肉汁多，d 肉冇so 味冇肥肉~ 鮮甜！good XD2) 雪菜鹹肉炒年糕—初時都驚漏滯，但最後都食晒！鹹肉都幾甘香，令到個菜都幾惹味。咁落油量唔算過份，可接受。3) 粟子南瓜酥( 一碟兩件) —呢個好好味呀！酥皮熱辣辣夠脆夠鬆化，內餡唔太甜唔太漏~ 好味道！接待、帶位、部長服務都很好。期間不停斟水，落單時仲提我個南瓜酥係甜需唔需要最後上添！=)不過眼見真係職員個個都好忙呀！( 踢晒腳咁)

1月20日同男友及亞媽去沙田, 行左一陣街順便醫肚, 本來想食壽司, 不過吾識點行...所以只搵到"小籠包"。是日正直12點多d, 未有敢多人幫襯, 我地一入內d待應已經好有禮地行過來招呼我地. 我地坐低無耐, 睇左一陣menu, 都吾知食咩好(因次次都係去海港城分店,食來食去都係幾樣例牌菜). 亞待應小姐就好nice敢建議我地試下佢地新出既"蝦球炒拉麵" 於是就順其建議叫左碟. 我地同事亦叫左以下幾樣野: -1) 醉豬手- 從來都吾會揀呢類野食, 一來怕肥,二來怕酒味既食物. 是次order只因見有食家大讚, 所以一試. $42/碟都吾平, 見到實物後都有點兒怕食吾晒...因全是"腳指"仲有全被豬皮cover往...死喇! 不過食落又是兩回事, d腳指一d都吾肥, 仲好似食緊d 墨魚sashimi敢, 好脆口, 好爽..酒味係濃d, 但一定吾會食醉人^_^ 真係吾錯.2) 小籠包- 新鮮即造, 肉汁勁多, 而且好鮮味, 好多時出面街食既小籠包, 一係就d皮好易穿, 一係就d料吾新鮮就算有汁都吾好味. 但佢既小籠包就吾同, juice得黎都好鮮味. 次次去"小籠包", 此是必然之選.3

其實由太古城只此一家嘅時候已經開始捧場，難得o係我住嘅沙田區有分店，梗係要經常幫襯啦！不過都要佢d野好食先得啦！1)小籠包：要數最出色嘅一定係小籠包啦！皮薄餡鮮，塊皮薄得黎又唔知穿，豬肉唔「鞋」口，啖湯夠鮮味。小弟食過其他地方d小籠包，甚至台灣鼎泰豐都要被比下去。翡翠嘅小籠包真係好掂！2)醉豬手：小弟從來都唔鍾意食「腳趾」，但食過醉豬手後就愛上了。豬手d皮好爽口，唔會有太多肥膏黏住。筋亦好爽口，唔韌。d肉唔會一陣豬味。最正係d酒，清香得黎唔太濃，唔怕醉。3)黃金蝦：即係鹹蛋黃炒蝦。鹹蛋黃好香，起晒沙，好似流沙包咁，唔會太「漏」。d蝦唔太大隻，泡油後脆卜卜，一啖一隻，連殼都食埋。唯一要彈嘅就係太貴，六十幾蚊一碟，有時仲好少蝦添。4)乾蔥拉麵：小弟通常都食湯拉麵，不過有次見到隔離枱叫碗麵係冇湯嘅，於是又叫黎試下。見到碗麵好似好少咁(因為冇湯浸起)，原來都夠食。最正係d乾蔥，好香，夾埋d麵一齊食，成個口都充滿蔥嘅香味，同湯麵完全唔同feel。5)擔擔麵：同以前食嘅唔同左，好似冇以前咁好食。以前會落花生碎粒，令到碗麵香口d，而家硬係覺得爭d爭d。6)蘿蔔絲酥餅：d皮好鬆化，入口溶化。d餡唔會一

唔係今日去食, 係元旦日同媽咪溫馨lunch.醉豬手夠入味,又爽口,已經去o左多部分o既骨頭. 平時我好怕d中式豬手,又淋又膩,呢到o既醉豬手仔絕對比醉雞出色. 值得一試.其他菜式都係keep住水準,但係冇咩特別,可以下省百字^_^.呢到都係沙田區水準穩定o既食店.