翡翠拉麵小籠包

营业中

休息中

今次個食評又係介紹麵😀就係依間 翡翠拉麵小籠包星期六多人所以都等咗~30分鐘先食到餐牌都幾多想食嘅嘢咁就叫咗個2人餐- 有青瓜雞絲粉皮、小籠包、上湯浸時蔬(菠菜)、櫻花蝦炒飯、咕嚕雞球、飲品2杯另外再叫咗個花雕醉雞、上海排骨拉麵同清燉雞湯拉麵有得揀要唔要蔥 同洗唔洗切麵 再揀麵款式(粗幼之分)前菜-青瓜雞絲粉皮+花雕醉雞：咕嚕雞球：味道一般般 勝在舊雞大舊👍🏻唔係得出面一層好厚嘅麪粉脆皮而入面冇肉地嗰種小籠包:比較唔出色 皮唔夠薄 入面舊肉又細同埋唔知係我嗰舊咁啱食之前已經爆皮定本身係咁 超乾 一滴湯汁都冇😟所以麻麻地清燉雞湯拉麵:我依個揀咗 走蔥 切麵 三角麵個麵都好多吓一上菜已經聞到好香蛋味 證明真係新鮮手拉麵😍先講湯底真係真材實料嘅燉雞湯有鮮甜嘅雞味 (一定要好多雞嘅精華😆）所以一啲都唔鹹👍🏻至於啲雞可能因為真係用咗黎燉湯長時間煲住有少少’鞋’但係都多肉同淋嘅啲麵如果未落湯好腍(好似麵團咁)一舊 好難夾但係一落湯就即刻散開而且食落好好咬口兼滑身似好重蛋味嘅幼身刀削麵好味好味😋等咁耐都係值得嘅而且價錢都算抵 $6xx/4人服務都好 服務員有笑容 有禮貌 做野快手👍🏻拉麵一定要試 但

旺角東MTR嘅MoKo差不多最高個層食野地方寧舍Cozy, 搭𨋢直上都唔會等好耐. 今晚朋友推B車, 自然食頂樓嘅翡翠拉麵小籠包啦, 兩個大人嗌幾款小食加個麵應該夠了.•麻醬青瓜拌粉皮 (HKD50)濃濃花生味嘅麻醬每片粉皮都沾好多, 大量青瓜絲大大減低肥膩感, 粉皮口感軟腍腍薄薄的.•四川口水雞 (HKD72)雖然唔係雞脾但都啖啖肉, 選用嘅雞好肥美, 加上四川辣味完全係衝擊我地嘅味蕾, 花生碎都好惹味仲可以點粉皮食添.•上海小籠包 (HKD38)一籠四粒小籠包皮薄爆湯汁,係Li度一向水準之作.•上海生煎包 (HKD40)生煎嘅肉餡咬開肉汁滿滿, 包底香脆, 麵皮腍身, 推介推介!•蘿蔔絲酥餅 (HKD38)比一般茶樓大件好多, 酥皮顏色天然, 內有好多白蘿蔔絲, 熱辣辣又夠醎香.•四川酸辣湯拉麵 (HKD64)拉麵麵質腍身但唔糊, 條條分明, 酸辣湯味道剌激, 好好味呢！

天氣凍總會令人想食番啲熱嘢，而我嚟到呢間翡翠拉麵小籠包度食嘢就係為嘅就係食佢熱辣辣嘅小籠包 我哋叫咗碗擔擔麵，小籠包同埋銀絲卷擔擔麵個湯聞落去幾香花生味，個湯飲落去幾有層次感，又香又辣 但係就酸咗啲，我估佢落醋落得重咗 至於小籠包， 我一擺落口一咬啲湯汁就必曬出嚟 皮薄同埋啲肉好嫩滑而且好香肉汁味，好食銀絲卷啱啱炸起，外層香脆內內裏軟熟，點埋啲練奶一齊食簡直係絕配 ,不過要留個包底下張吸油紙會痴實晒個包，有啲難搣走

星期日想在Moko飮茶幾乎是不可能的任務，無人一早來攞籌，分分鐘等到下午茶先有位。我一個人帶住個豆丁，飲茶這個機會不屬於我們的，好彩轉角遇到這間店，小老闆又話好，立即入去了。本來想點個麵和一些小食，但見到有兒童餐做試食價，小老闆又仲意，就點一個兒童餐、一個紅燒牛𦟌麵和一個窩貼。首先到的是兒童餐，我地一見忍唔住大叫好可愛喔!以為餐牌上的造型照才會有笑哈哈在包上，原來是真的！小老闆話可愛到唔捨得食，但基於好奇，還是動手了。兩個包的造型可愛，但其實我地唔知裏面有乜。先開白色包，原來是饅頭，軟熟小甜，小朋友容易食。黃色包是豆沙包，包薄豆沙多又不太甜，是不錯的甜點。同場有春卷，粟米和炒飯：春卷脆脆的、粟米又甜，其實小朋友真的可以自己食一個餐。炒飯有不少蔬菜粒，勉強算是均衡飲食。成餐飯小朋友食得好開心！

1月1日諗住去翡翠拉麵小籠包開下年啦。驚多人，一早打左電話☎️去預訂。去到，個接待姐姐竟然叫我地坐吧台！ excuse me? 我預留左位，你叫我坐吧枱？ 仲要其他台喺唔full的！ 我嬲到話我唔坐，而且留左位。 個呀姐態度惡劣咁叫左我地去近門口的高枱坐。 但我又見到有啲四正啲既枱上面有reservation的牌，我都有reserved伽啵！點解又咁對待呀！ 唉！ 感覺太差。不過1月1日費是太燥。 到叫野食啦，每樣野不過不失，但個雞湯難飲！雞肉好柴！ 服務態度惡劣過小店，野食又普通，個成本去左租金only!

約了好朋友吃飯～🍴去左翡翠拉麵小籠包🍜一打開個menu, 俾佢個2人套餐優惠吸引左😂匯豐信用卡💳有折扣優惠！😆😆可以揀一樣前菜～ 我選擇左雞絲粉皮，麻醬好香，粉皮闊身的，好滑，份量岩岩好，幾中意呢個👍🏽第二樣揀左呢樣菜式，肉絲配薄餅。略嫌呢個薄餅硬左少少，個肉絲味道幾特別，感覺上有陣海鮮醬既味道，蔥絲爽口～第三樣揀上湯浸時蔬，個湯好清甜，菠菜無菜青味，味道適中，，配上咸蛋黃，清得黎又香蛋黃香，我最中意呢款菜，簡單得黎又好味！😋😋😋雪菜肉絲炒年糕，呢個略微遜色，淡味，年糕有點硬，😑小籠湯包😋😋裡面既湯汁鮮甜，肉質鮮，唔錯！埋單共$374個人黎講覺得幾抵食👍🏽

食咗咁多次翡翠拉麵小籠包先知道原來佢哋有做下午茶！雖然portion 細少少，但係喺唔太肚餓情況下一人份量都夠食！每一間分店感覺上都坐得幾舒適，服務水準都幾好，有禮貌唔會黑面！每次通常都會叫擔擔面，因為我鍾意佢個湯底，辣辣地又有濃濃既花生香🥜酥炸排骨亦係另一個選擇，即叫即炸，外面個皮吹卜卜，入面嘅肉質鮮嫩跟餐仲送餐飲熱或凍豆漿一大杯👍🏻仲有我至愛嘅豆沙鍋餅，雖然四各位嘅豆沙唔多但係裏面豆沙餡多到瀉，好新鮮好好味😋

翡翠都算係連鎖店，今日去左moko分店，感覺餐牌選擇少左好多。2個人食今日都肚餓，所以都叫多左幾款。但所有野都麻麻地。覺得唔值呢個價，可能同區小店水準更好。糖醋青衣柳 太甜擔擔麵得個辣字，無麻醬既香味，失望。紅油抄手又淋又爛芝士小龍包皮太厚餡太咸

嚟呢度除咗小籠包，其他四川、北京，上海餸都值得試一試。仲有現場師傅表演拉麵，可惜掛住食無影相⋯⋯花雕醉雞＄72；用碗倒裝上，花雕入味，雞嫩，份量多。鎮江肴肉$58；層次分明，豬手肉量夠且佈置均勻，唔會一口魚膠。京燒蝦球$128；蝦隻大件夾彈，量唔多，調味平衡。四川擔擔拉麵$58；麵條如果可以剪多吓會更易進食，汁濃，唔算太辣。上海小籠包(四隻)$38；皮厚度中等，但肉汁同餡量都夠，鮮味足。酒釀丸子$32；糖水偏甜，酒糟味滲晒入小丸子。檸檬薏米水$20；去濕之選。熱桂圓雪梨茶$18；冬天飲夠晒滋潤。

今日叫左四個lunch set share 餸包一碗飯同一杯羅漢果茶賽磅蟹 🦀 食落好軟滑，加埋少少醋，送飯一流回鍋肉🍖- 好入味，d 肉唔鞋口炒四季豆- 叫返碟蔬菜中和下宮保雞丁🐔- 食落無想像中的咁辣，配埋腰果送飯都唔錯食得呢間點會唔叫小籠包，皮可以再薄d，入面可以再多汁d

旺角Moko新開咗翡翠拉麵小籠包新裝修，環境雅緻開揚！好鐘意呢個牆身設計，吃飯都放鬆D！午市仲有小菜套餐今日我哋四個人去吃左4個小菜，再另加小籠包！每位都是$88 加10%! 乾扁四季豆- 非常非常足料，美味！宮保雞丁- 香香甜甜，少少辣，好開胃瑤柱賽螃蟹- 我的至愛！唔會太油，好滑，香口！回鍋肉- 超級送飯男仕至愛！加咗小籠包保持到一貫水準，爆汁，熱辣辣！正每個套餐包白飯一碗以及自家製羅漢果茶一杯！好有愛喔很簡單溫馨的午餐，為下午工作打打氣

不論是鼎太豐，或是翡翠拉麵，都是我的心水餐廳，今日行完花墟，肚子有點餓，便上新世紀廣場搵搵野食，原來這裡有間翡翠拉麵，想也不想便攞飛等位，由於到達的時間尚早，未到晚飯時間，五分鐘不到便能入座。點的菜式都是小龍包、砂鍋雞和上海粗炒。小龍包有四個，上枱熱辣辣，還噴著煙，小龍包皮薄多汁，吃的時候要十分小心，不然會燙傷嘴巴；砂鍋雞的雞煮得嫩嫩，湯清甜又好飲；而上海粗炒略為油膩，但味道很好，夠鑊氣。吃完整餐飯，成個人感到十分滿足。

今日 team lunch, 搭咗一個站去到旺角新世紀搵食。 其他餐廳都要排隊，但呢間唔使，所以入咗呢度食。我地七個人先叫咗個六人餐。前菜有雞絲粉皮同埋鎮江肴肉。個人覺得粉皮嘅芝麻醬多得滯。四喜烤麩個豉油味重咗少少。所有前菜都細細碟。小籠包都夠 juicy, 生煎包就乾咗啲。主菜嘅清炒蝦仁一樣細細碟，好淡口。 宮保雞丁就偏辣。上海粗炒好大碟，但都唔夠食，要叫多個四川擔擔麵。甜品係豆沙鍋餅， 唔算甜，不過炸得唔夠香口。總結： 食物分量偏少，味道一般，每個人要夾城140蚊，性價比唔高。 不過都叫坐得舒服。

某天很想吃上海菜，剛好經過旺角東，原來MOKO也開了翡翠拉麵小籠包，於是就去醫下肚餓。一去到門口已經有人排隊，還好等了5分鐘就可以進去。本來以為翡翠拉麵小籠包這個成熟的品牌已經被貪新忘舊的香港人遺忘，點知原來還有很多fans。MOKO店都算幾大，裡面的裝修不太“翡翠拉麵小籠包”style, 反而有d似muji café, 而且還有bar counter 食拉麵，如果一兩個人坐果到都幾過癮。 前菜點了雞絲粉皮、鎮江肴肉，主菜點了京蔥爆牛肉、四川擔擔拉麵、上海小籠包，最後甜品選了薑茶湯丸、酒釀丸子。上菜速度很快，食物的分量不過不失，不過食物的溫度好像不夠熱，有進步的空間。

朋友介紹話呢度啲松子魚好食特登和太座來試 點知中伏魚的份量和質感都可以但係一放落口 只得一種味道就係茄汁 望清楚 個汁根本就係用茄汁溝稀小小 完全冇調味 而且茄汁分量好重 好似大贈送 成支落哂咁上下仲話正宗上海菜 我覺得係舊式快餐店蒸法囉另外食左個搵麵 正常啲但我想 不會再來了