翡翠拉麵小籠包

营业中

休息中

晚上一家人到了德福分店吃晚飯，來到這裏必點的是小籠包，小籠包照舊皮薄咸靚，一咬下去很多汁流出來。點了醋更加好吃！另外叫了一個醉雞。醉雞也很入味，有很濃厚的酒味。我們都很喜歡吃。雞肉很滑，有很多塊，很抵吃。另外叫了兩個湯面，一個是炸排骨湯麵，炸排骨很脆，很可口，非常適合重口味人士！而清湯麵就可取得一個平衡，不會太濃味。最後叫了一個酸辣湯麵，未道像辣味的碗仔翅，湯內的料很充足，味道酸酸辣辣的，很開胃。

上星期六突然想食小籠包，諗起好耐無去翡翠，於是就去光顧德福分店。佢由二期搬去一期已一段日子。當日我18:00前到達，5使等位。但坐到18:30就 full house。入座時，帶位講明用餐時間係1小時15分鐘。咁我既目的係食食食，5係吹水，加上佢地上菜快，時間係足夠既~一坐低，員工已好勤快問飲普洱定烏龍。每人一個茶包，位位茶錢 $6而家匯豐信用卡有優惠，星期六 (5係假期) 有個 $298 既2人餐。我地3條就叫咗呢個餐+散叫2樣野。套餐有1款前菜、2款小菜、2款主食、1款點心：前菜：雞絲粉皮。。。花生醬好香濃小菜：椒鹽小黃魚、紅燒獅子頭。。。呢2款都不錯，入味主食：擔擔麵、嫩雞煨麵。。。2個都5得。前者食5返以前既花生及香辣味。後者d雞粒切到1mm 立方體，大啖d都5知自己已食咗點心：小籠包。。。肉味5夠，所以湯汁5鮮散叫咗1個3色水餃 (泡菜、豆、芝士) + 1碟蘿蔔絲酥餅。前者 ($48) 只見其色，不知其味，5得。後者 ($38) 夠熱夠鬆化，掂!員工全部都很勤快，讚!

簡單嚟講，都係想食個小籠包。就決定試下呢間。環境算是乾淨，位與位都唔算好迫。價錢算中等偏上，而茶芥每位$6再加一服務費。食物都算可以，唔算太差。呢啲地方預左一半食環境，一半食食物。服務都唔差，都算叫到有人應，啲態度都不錯。食物種類都唔係話好多，拉麵選擇就多啲。其他都唔算多。

自從翡翠由二期搬一期，都仲未吃過！初一都沒什麼餐廳開門，看到翡翠竟然有開，就二話不說走進去了！先點了上海小籠包，不過掛住食冇影到！小籠包皮不夠薄，但味道剛好，尚算ok！四川酸辣湯麵很久前在二期吃過，沒什麼味道，所以一直沒有再去！不知道是不是換了大廚，今次感覺特別好吃！夠酸、夠辣！實在惹味！而麵條粗幼適中，每一啖連湯一起渴下去，好味得一口接一口！之後再來上海粗炒我最愛就是那些椰菜，炒得夠香！整碟也不算太油，味道剛好，也算合格吧

年三十晚未食午餐就話可以收工。去公司附近食少少野先。突然想食上海野😎小籠包ㄧ定要叫啦，ㄧ黎到仲要即食,趁熱食,皮薄到ㄧ夾就穿左,d湯汁流哂出黎入面粒肉仲好味。正擔擔麵好香花生味又有少少辣，麵質唔會太林但d湯汁食左半碗已經有少少漏,唔會飮得哂成碗😶😶。上菜前職員問d麵要唔要剪,原來係要架,因為真係好長😂😂原盅雲吞雞。好足料喎。3件雞肉3粒雲吞.,但太咸喇我平時已經食得好咸架啦，不過真係咸到驚。食到最後唔夠飽再食多次小籠包😂😂真係幾好味

同屋企食飯，揀左間上海菜，岩晒爸媽口味。我地三個人叫左必食的小籠包，味道不錯，但皮比想像中硬，如果能軟一點就好了。不過，因為我爸喜歡食小籠包，所以都有叫左兩籠。我就想試下個蘿蔔酥，入面有一條條既蘿蔔絲，外脆內軟，唔錯唔錯。主食方面，就叫左個擔擔麵同雪菜麵，加埋抄手。擔擔麵辣度偏高，鍾意食辣既人，好適合，夠晒惹味。加上抄手都係辣，所以雪菜麵就岩岩好中和返啦。最後，都叫左個媽咪中意既八寶飯做完結，餡料好夠，而且好有咬口。有桂花糖作伴，唔會太甜呀。

2位有10檯客，佢唔入，等半個鐘先肯入2位( 無其他數目的客人了。)，但3位一攞飛，立即入得。我睇到超嬲，你有4個位，可以入2次2位客啦，死要2位等等等等等......你公司應該按時間先後入客啦，下次要等都唔再幫襯，可怕

叫左兩籠小籠包，保持到水準，又夠熱又夠多汁！紅油抄手都唔錯！但稍微略嫌個皮有啲冧同散。排骨啲肉太實同厚，拉面面質👍又要每位茶錢又要加一。越黎越貴，性價比一般！

今天心血來潮想吃小龍包，於是去了一間＂印象中0k的連鎖式的店舖＂小龍包：有肉汁，皮和肉質都各樣可以，又不是太過出色。。中規中矩排骨拉麵：我選了刀削麵底～～排骨可以，但面太＂林＂，可能放在太耐，沒人手送餐。因為我下單時（12:43），店員已說要15-20分鐘，但1:15分才送到我面前（好彩我放假唔趕時間）。。。值得表揚是有位樓面的女員工，見到我望錶，之後好醒目來看下我張單有咩未到，之後同我說，仲有2-3分鐘。。再過了5分鐘，她看到隔離台，1:02分下單，仲早到過我（同樣排骨面，但面底不同）她問出菜員，刀削面呢，出菜員說未得。。但不夠1分鐘，有責任的女樓面員工，親自送到給我。。一間被評級好的餐廳，除了食物質素，仲要店內的員工服務也佔不少分數

記得＂德福＂這一間［翡翠拉麵小籠包］去年夏天裝修重開後，一直只供應正餐，就算是下午茶時間，也沒有下午茶餐供應，在當今世道的餐飲業來說算得上是＂傲氣＂的。去年底，偶而有一天下午經過該店門口，看到貼出了一張亮麗的海報，名為［海派風尚 午後愜意時光 AFTERNOON TEA］，著實吸引了我，直到今年元旦後的一天，我才有空間在下午茶時段幫襯了一次，領略了＂海派＂茶餐之風味。名為＂海派風尚＂的下午茶 HK$ 58 /set，另收加一。食物共有４種，包括［上海小籠包］一籠一隻；［玉桂蘋果春卷］一條分二半；［紅酒葡萄丸］五粒；［迷你八寶飯］一個。４款食物顏色搭配鮮艷亮麗，就一個茶餐來說，－ set 有４種完全不同口味的享受，夠晒豐富多彩了。跟餐送咖啡或奶茶一杯，我選了熱奶茶，茶奶混合，口感順滑，是夠純正的港式奶茶。先說［上海小籠包］，一向是這家餐廳的長線主打點心，味道認真好味，只不過出現在茶餐裡的小籠包，顯得更加矜貴，一籠一隻，以精品的姿態亮相。再說［玉桂蘋果春卷］，外表普通，內餡卻很出色，用玉桂加蘋果，吃到嘴裡香氣襲人，少甜，突出的是蘋果的自然甜味和玉桂的香味。這種搭配原本是做＂西式蘋果批＂

翡翠拉麵小籠包香煎牛肉餅牛肉餅餡料份量可以接受但喺香口方面就仲有進步空間😓麻醬青瓜拌粉皮粉皮都算透薄煙韌青瓜絲夠幼如果麻醬再多小小濃味啲就更佳😎乾煸四季豆四季豆幾爽口但味道比較淡如果想食得清啲都係個唔錯嘅選擇😁

8點幾喺德福搵食，又想食小籠包就黎到呢間試下喇！第一樣就緊係要食小籠包啦，佢小籠包都有好多色揀架，就叫左個最普通既！黎到熱辣辣，點啲醋，咬入口都有汁，但唔算多！肉汁都叫做香甜！不過不失啦宮廷醬茄子，冷盤黎既！佢茄子煮到軟軟地，岩岩好，好有茄子既味道！加上佢香香濃濃既汁醬，味道唔錯架！喜歡茄子的朋友唔好錯過！不過都幾油！冬天食可能有啲凍凍地～感覺可能會爭啲🤣雞絲粉皮，又係冷盤，五十幾蚊但比較細碟！粉皮都爽厚！但啲青瓜絲同雞絲真係少得可憐.....完全食唔到雞咁🤧青瓜絲又好幼...總之剩係覺得自己食緊粉皮同麻醬..很唔抵食最後上個排骨拉麵，拉麵唔算大，炸排骨分上！唔知係咪食開其他鋪頭啲麵都起碼有條菜，見佢得個麵，好空虛，個湯底又無咩特別！個排骨就唔錯既，都算鬆軟香口！不過就咁食真係好空虛好dry.....整體都係普普通通，偏貴同細碟.....味道唔係差既！但啲用料唔係好夠喉姐

搬舖前態度差，話唔齊人唔俾等位，從此我就無再幫襯。今晚家人做冬，不知情的家人提議食呢間，好啦去啦，發現野食少咗，份量少咗（酸辣湯真係減得好過份，原本用個擔擔麵碗裝嘅），雞湯煨麵～well…即係我知，menu圖片只供參考，但佢嚟到真係認唔出囉…），仲要仲要…限時1個鐘零15分鐘要離開，但炒個年糕都炒45分鐘唔催都唔拎黎。樣樣野都咸到好似成包鹽倒落去咁，炒年糕直情咸到苦。垃圾得緊要，食咗幾百蚊之後…一齊去第二間再食過…

12月8號晚六點多，不太多客人，但滿座，但食物令人失望。小籠包、煎鍋貼上檯時點心皮竟然是乾乾的，好像在厨房擺咗好耐好耐一樣。酸菜魚拉麵咸度超勁，真係咸到無倫，之後，食其他食物已無晒味覺。拉麵上碗時，仍是一舊舊未散開，都唔知是滾水唔滾，抑或未淥熟。素炒飯啲鹽粒都未散開，太差了。

心血來潮想食"冰火餐", 咩叫"冰火餐"?!  咪就係呢2個組合囉!醉豬手 - 爽口彈牙既豬皮, 肉質唔嚡, 而用既花雕酒亦相當入到豬手中, 食之前習慣先呷一口酒, 酒味香濃, 凍豬手食落又凍又爽, 一碟豬手份量都唔少, 仲要有皮有肉, 好對眼!酸辣湯麵 - 一大碗份量夠晒多, 足夠二人分享, 一人食晒會非常飽!  酸辣湯底比較杰身, 質感似散叫一客酸辣湯, 味道偏酸且辣, 食完全身都熱晒, 鼻水都流出來, 愈食愈過癮!  湯料包括木耳絲, 豬紅絲, 豆腐絲, 荀絲等, 口感層次豐富左!  麵條軟硬度頗合心意, 配上香䓤粒更加香!呢個由我自創既冰火組合簡直無得輸, 食得我相當滿足!