翠華餐廳 (已結業)

又寫翠華。希望不再重覆吧。尋晚在數碼港睇完戲，帶了大同來這裡。要了冬蔭功蝦球河，大同要了文昌雞飯。蝦球肥大飽滿，賣相極佳，食味較遜色。冬蔭功湯底，如一幅水墨畫被倒下紅漆。才吃了半碗，已用盡紙巾。連湯也飲光，涕淚縱橫，大快人心。辣得難受，叫了杯凍鴦。發覺咖啡比茶好，而鴛鴦又比咖啡好。仍是辣，但確被美味凍鴦分散了精神。三小時後，雲雲揚手打算叫個鮮油朱補充體力（口水）。一侍應埋黎，「第二round啦喎！隻手舉到咁高，想食咩呀？」不想以「大食」西施示人，雲雲胡亂改叫了綠茶紅豆雪糕（但其實有咩分別？）上來時雪糕已融，一般。小食粉麵以至飲品都有心水，睇黎一段時間難逃翠華此劫。

相隔一個星期, 因為媽咪冇煮飯, 所以昨晚又去食.今次我點了是日晚餐: 蜆肉汁海鮮雜扒, 我要了羅宋湯(因為我唔鐘意飲忌廉白湯!), 但今次個羅宋湯有點失望, 因為比上次爹地飲的稀好多, 唔夠味, 所以飲了幾啖都放棄左. 個牛油豬因為即做熱辣辣, 所以好味. 我見蜆肉汁原來係白汁, 所以轉了要黑椒汁. 海鮮雜扒有一塊好大的龍利柳, 有一粒原隻帶子(有裙邊的), 有一隻連殼的青口和一條日式蟹柳, 旁邊還有兩粒車厘茄和半支金銀粟米, 都好多餸呀. 而所配的天使面都OK, 唔怕太淋.(因為本人一向較愛AL DENTE的意粉多d.爸媽點的檳城炒貴刁, 炒得好, 唔油, 料都唔少.阿妹就叫左出名的咖喱雞飯, 上枱是我問都幾重椰汁味, 但本人唔係好愛椰汁, 所以起初都唔想試, 但最後都有試. 食落去原來椰汁味唔重, 而且真係幾香, 都幾辣, 但辣得來幾香和惹味, 唔似大家樂的只係得個辣字. 而雞係兩三件的大雞件, 其中件雞腿仲超滑, 薯仔都吸晒咖喱汁. 真係幾ok喎.

愈來愈喜歡這間茶餐廳中的名牌. 雖然價錢是比一般的茶餐廳貴左少少, 但如果考慮埋食物的質素和服務, 我覺得其實是抵到爛!前幾日同爸媽去吃晚飯. 我點了三寶河, 有魚旦, 墨魚丸和魚鮫. 湯底是翅骨魚湯, 好濃, 無味精味(本人對味精好 sensitive, 一吃便知重唔重味精)真係飲都得. 魚旦好彈牙, 雖然佢標榜是正宗潮州魚旦, 但我覺得其實似新加坡的魚旦多點, 彈d又嫩d. 我覺得好正. 魚鮫都唔粗製濫造, 魚鮫皮做得好薄, 唔肥膩. 而最令我驚喜的係墨魚丸, 絶非急凍鋪的一般貨式, 似係自己打製. 唔算超彈, 但又絶唔粉, 真係吃裡面混有墨魚粒和馬蹄和蔥, 而且一點都無溝面粉, 真係好正, 可惜只有一粒. 另外, 河粉好靚, 唔會過淋, 又唔似南記那麼容易一夾就斷.媽咪吃牛筋腩河, 事先都無特別吩咐牛腩要淋些, (因為媽咪怕韌, 吃唔到), 但好在牛腩好淋又入味, 好吃過天后的華姐清湯腩. 又係值得推介.我地又點了魚湯浸菜心. 雖然$15日好似有點貴(上湯浸和蠔油同價), 但那碟菜都唔少, 而且菜唔錯. 事前都怕這個季節菜心開始唔靚, 但幸好都冇渣.爸爸就點了是日晚餐: 夏威兒

約左幾次, 終於約到社工姐姐游水。o係黃竹坑游完, 正是宵夜時間, 就近黎左呢間。姐姐叫左俄羅斯牛柳飯, 雲雲就要左魚蛋河, 忌廉咖啡, 見姐姐未食過, 整多個鮮油豬仔包。忌廉啡先上, 好重奶味, 啡味被逼埋牆角, 岩哂雲雲杯茶。唔捨得飲, 攤凍左o添。魚蛋河, 魚蛋「有魚味」(<- 亞記may姐金句), 熱辣辣又彈牙, 同長洲巨型魚蛋有得揮。鮮油豬仔包, 牛油切到鬼咁厚, 一上就兩大磚, 今次又白游了。牛飯食個芡, 麻麻地。無暖水供應, 攞左滾水又想攞冰。當晚一點訓, 五點都未訓著, 杯啡ge威力終於發揮出黎!

今晚收工已經成十二點,好肚餓,只係想快d食野,香港仔咁夜又無咩好食,好啦!諗住近近地又唔駛趕住食,所以就去左翠華,一坐低已經叫左個晚餐,厚豬扒拼煙鴨胸跟薯菜.野箘粟米忌廉湯,凍檸茶.可能因為唔係好多人的關係檸茶好快已經到左,跟住我想大約5分鐘到個主菜同餐包都黎埋,最後到餐湯,因為我喜歡切好晒d野先一次過食,當我切好晒的時候,我發現塊豬扒係唔熟係仲有血同d肉係生,咁我就找人帮我換啦.當時成間舖頭只係得一個收銀員,一個經理,三個侍應生(一個係度入緊d調味料,有2個唔知係邊),嗌左一陣,終於有個經理過黎,佢話帮我整過,ok,我等...等左大約10分鐘,我已經係超級肚餓,換出黎係一碟熟到d邊係燶,個面係乾晒的豬扒,我都算啦...諗住照食,因為真係太肚餓,一咬個面係乾到爆,我真係唔想食,算啦,唔食豬扒食個薯仔,但係連個薯仔都變左薯蓉,平時食果d都唔係咁,成個餐淨係飲左檸茶,餐湯同餐包...同埋唔明d餐廳咁鍾意人地食緊野係度吸塵呀,拖地呀,仲要找個風機向住吹呀.其實我都辛苦左成日想食餐安樂茶飯,但係今晚真係食到背脊骨落.而且後面果2位姐姐仔好嘈.其實我真係好想講,香港仔依間翠華d野真係難食左好多,

午飯時段，翠華人頭湧湧。充當背景音樂的賀年歌，也只能隱隱約約聽到。要能靜心欣賞“好一朵迎春花”之前，就是要繼續博殺。為了速戰速決，也爲了荷包着想，只是點了一個午餐($34)。午餐包括了：羅宋湯：不太濃郁，有點罐頭湯的況味。不過天寒地凍，熱騰騰的番茄湯確實能驅走寒氣。彩虹吞那魚雞扒飯：看名字，頗特別，以爲有魚有雞，卻原來是混了罐頭吞那魚碎和蘿蔔絲的汁加雞扒飯。雞扒是煎香了的雪藏雞髀肉，老實説，除了雪味，沒有什麽味道。整個餐，三十多元，最好吃的是做了配菜的椰菜，有點搞笑。餐茶要了熱奶茶：放得太多奶了，這一杯，委實沒能喝完。不知怎的，離開翠華無耐，肚子有點不舒服....唉，只能嘆一句：搵食艱難。

前陣子下午茶餐的豬軟骨豬仔包好好味, 豬軟骨軟腍入味, 包內又夾有生菜片, 蕃茄, 酸瓜, 又加上惹味的芥末醬, 總之, 豐富又好味.現在, 下午茶轉了menu, 沒有了豬軟骨豬仔包餐. 本來想散叫, 但看餐牌上只有特脆豬扒豬仔包, 沒有豬軟骨, 所以就叫左特脆豬扒豬仔包試試.相比之下, 豬扒豬仔包遜色多了. 一, 包內的配料只有一片生菜和沙律醬;二, 豬扒是炸的, 比較乾又冇味.以致整個包都乾爭爭, 食到好辛苦. 這款包, 無下次了!

心郁郁又會諗下幫襯,睇睇個晚餐,法式羊仔脾,跟天使麵,原本忌廉湯,不過改左羅宋湯,合味味d~最開心都係個熱騰騰ge牛油豬,香滑牛油溶在豬包上,有少少幸福感覺!羊脾稍嫌肥左dd,不過仍然好嫩,面上灑有芝士粉,脆口有咬口!一杯熱檸茶,有成五片,可能見我就坐即刻食感冒葯,加多d維他命C比我?

這間餐廳的食物是非一般的。

那日和友人到翠華午膳,我散叫了一個咖哩什菜飯和啡走少甜,朋友則是午餐A黑椒牛扒意粉、餐湯和凍奶茶,咖哩什菜飯的用料雖多, 但味道稍淡, 有些失望啡走少甜則仍略甜了點~友人之午餐A抵到不得了,整個午餐30多元, 友人說兩件牛扒大大塊,意粉有嚼勁, 羅宋湯濃郁,大食的友人竟都吃不完, 仲唔抵??

突然想起很久沒吃過牛柳絲炒麵，十分掛念。想想什麼地方可吃到，家住南區，想到香港仔的新釗記(不知是否仍在)及較新的翠華。結果直接到翠華，順便看一看新店。七時入座，發覺與去飲宴的七時差不多，很小人，或者是因為閒日，又或者是因為這裏相對較貴。望望餐牌，發覺炒麵只有肉絲炒麵(好似$40)，好不容易才在最後一兩頁找到首爾黑椒牛柳絲炒麵($46)，相當不便宜。這個價錢，在一般茶餐廳而可吃到炒麵加飲品有餘。但還是叫了，再加凍檸茶(味道一般)。當麵來到的時候，賣相如一般的差不多。但當用筷子'撈一撈'後發現有點很不同，就是一點多餘的油都無，十分難得。這個炒麵，側邊是香脆的炸麵，十分可口。中間是有汁'淋'在上面，麵質半'淋'半脆，加上香味不俗的黑淑汁，正是我追尋的味道，吃時十分滿足。吃完後亦沒有殘餘的油留在碟上，與一般之酒樓茶餐廳水準比較，立見高下。牛柳絲味道就一般，反而炒麵還配上一碟飲宴時大小一樣的芥醬拼辣醬。質素很高，但其實份量是過多。整體上，這個炒麵十分好亦十分貴，份量亦不夠，只是一般OL的份量，可能自己口胃，我想兩碟我都吃得下，而我不是食量很大之背。不過我還是會再吃。

(16/11/07)開張左都未黎過。兩點meet唔到下午茶時段。不如試試佢既廚房功夫啦。東南亞星州炒米,做法並不是平時食開的黃色賣相。用豉油皇炒,火腿,肉絲,芽菜,幼幼的米粉,唔錯。蕃茄雜菜天使麵,餐廳級水準,蕃茄味沾滿每條麵,還藏著兩隻大鮮菇,驚喜~紫菜四寶,魚蛋有魚味,而且出奇彈牙爽口!淨雲吞(有十粒)每隻都有完整一隻爽口的....雪蝦,其實都ok。翅骨湯很好味添呀!

雖然行經謝記,不過無入去,反而去左翠華!成點鐘已經人山人海,連隨叫了個魚蛋麵加一杯奶茶,幾夠茶味又夠滑,魚蛋亦有水準,湯底又好味!生麵淥得剛剛好!見到好多人食午餐,加埋飲品都係三十幾蚊,幾抵喎!不過我喜歡食麵!由開張第一日已經踩下場,又食過咖喱羊扒,無骨海南雞飯等等,總括保持水準,方便成日出入香港仔ge我!

今日叫左個午餐Ａ，珍寶什扒飯，珍寶腸得半條，真可惜。不過，豬扒牛扒都唔錯，尤其是牛扒，又林又入味。

今日叫o左個午餐，包括：1)　蕃茄什菌忌廉湯：－－　　什菌有好多我喜歡食o既秀珍菇、金菇，呢個湯好正！2)　香煎龍利柳配吉列蝦飯：－－　　龍利柳不是很新鮮，但煎得香口；吉列蝦就比較好味喇~~~3)　熱奶茶：－－　　可能茶胆太勁，見佢落o左好多奶，都仍然唔夠滑，但我可以接受到呢仲濃度。呢度ＤO野大大碟，雖然一個午餐o黎計，比起同區貴，但價錢同數量成正比，所以，下次可以同Friend share.