翠華餐廳 (已結業)

在香港的第二顿翠华餐厅，味道还是不错，菠萝包卖的太快，服务态度很差，有一位姓唐的服务员点菜不理，点单的时候很不耐烦，其中一份咖喱猪扒饭上的太慢催的时候明显用粤语在抱怨，走的时候翻了我们白眼，我们也不是没有花钱，也没有无理取闹，态度太过分，差评！

今天去中央圖書館，然後再到維多利亞公園采燈會，入去之前，先打定個底。路過看到這店門的包點專櫃，很吸引，所以入內就座了。 再細看常餐，米線餐和雞餐，都是份量十足。對比之下，還是想要包包。芝士煙肉包 Cheese & Bacon Bun　　表面烘烤過的芝士變成啡色點點，包身夾著几塊煙肉。　包身的麥味不重，十分鬆軟。有如小時候，茶餐廳自制麵包的味道～地道港式麵包。　　　食個包，加杯熱奶茶，份量剛剛好。加上餐廳內的裝潢不錯，其實是下午茶的地好方。唯一缺點，就是這一刻有很多嘈吵的遊客！你明嫁啦！原本一個寫意下午茶，就這樣被破壞了。

買了翠華菠蘿包許多年，由6元、8元買到自由行高峯期的11、12元，後來自由行客少咗，價錢回落到8元，近日多了2款新口味。榴櫣菠蘿包賣$14個，都算幾多榴櫣肉，平時食唔到頂住隱可以考慮。紅豆菠蘿包賣$9，有紅豆貴$1，粒粒紅豆夠唔太爛。用紙袋唔好，油透得過，環保但唔實際。

翠華既午餐，盛惠六十蚊左右，真心有啲貴。但質素還可以。是日午餐是黑椒豚肉。叫了紅湯，來的時候，湯內還有薯仔，椰菜等，湯的蕃茄味濃郁，冇乜辣味，但都幾好飲。黑椒豚肉幾大份，其實一般人會覺得好飽，或直接食唔哂。豚肉好食，質地好爽，嫩，完全唔會嚡。醃得都入味，黑椒味唔會很重，只是少少地提味。旁邊有啲粟米感覺上健康啲。熱飲是熱奶茶，以前的奶茶好飲一點，而家差左，唔夠滑，仲有少少澀味。

朋友相約晚餐，點左煎雞排飯 $6x 。-雞煎得幾香，份量大，肉算嫩，唔會煎完又油又乾。-雞皮都煎得香脆。佢既調味都唔錯，幾入味，唔太咸。咬落去脆脆地入口幾好味。-飯唔係隔夜，唔會又乾又硬。有埋飲野，60幾蚊差不多。服務有好大進步空間。

今日同屋企人去銅鑼灣行街，本身想去食韓國野，但屋企人唔想所以出地鐵站見到翠華就諗住食完碗麵就走，但短短半個鐘都無嘅時間我已經見到個侍應鬧過幾個香港客，我真係睇唔過眼，先寫上黎話俾大家知😔首先一入門口已經見到大部分客係內地人，拖哂喼咁，咁銅鑼灣都正常嘅，我都無所謂，就上左二樓坐啦⋯⋯一上到黎就見到幾張空枱，我地兩個人食諗住坐卡位啦，有個帶眼鏡中年侍應即刻一輪咀話卡位要四個人先可以坐，兩個人一定要搭枱😪Fine,我當你多遊客，我地搭枱都唔緊要啦，但你搞亂哂張張枱啲單，我已經有啲嬲嬲地😠咁我諗住我都係食一陣野啫，廢事嗌交，但之後發生嘅野先令我覺得我應該講出黎⋯⋯我地食緊野嗰陣，不斷有人上黎食野，其中有兩個係香港女士，人地上到黎就想揀入少少嘅位坐，點知都未坐低，嗰個中年女侍應就好晦氣咁話嗰兩位女士：「你地坐出黎啦，你地咁肥，我怕你地坐唔落。」全層客都即刻呆哂，人地兩個女士即刻嬲到走左😡之後一直啲內地客入黎都無事，到後來又有一對香港男女上黎，人地今次就想坐出黎，之後個中年女侍應又話：「叫你地坐入去呀，白痴!」😰認真我覺得佢有啲過火，有咩可能咁鬧人，仲要淨係鬧香港人，宜家係咪淨係內地人食野有俾錢，

午餐時間周圍都好多人，難得翠華條人龍唔算長，見午餐都可以就入去坐，好在我一位好快就安排入坐 白湯～偏咸，內裡有紅蘿蔔+芹菜絲叫左雞扒拼薯菜，雞扒細夠得可憐，味道亦一般，反而薯仔味好濃最好係柸熱檸水，夠多檸檬，但真係屬於貴，食完都唔夠飽！

前幾日我就岩岩好系翠華門口度遇到咗以前一齊做嘢嘅同事，覺得真係好有緣咯，大家見有時間就入去翠華食野。翠華都嚟過幾次喇，都唔算陌生。這一次點了雲吞蝦仔面，味道都麻麻吧，材料什麼的都算好多，好足料，蝦仔面的味道都算OK，軟硬程度岩岩好，但係就系覺得唔系好入味咁，分量不過真係幾多下，我食完之後都覺得好飽，雲吞嘅話，都係皮薄餡多喇，夠曬誠意喇。仲有同事嘅軟豬骨我都忍唔住食咗下，反而覺得俾我嘅好食好多，軟豬骨應該系煮咗好耐，入口就覺得很軟喇，無驚會咬不動，下次我都要試翻下軟豬骨，而且豬骨真係好入味咯，無似我嘅麺都寡淡無味。招呼幾好下。

翠華都已經唔記得大概幾時黎過喇，印象中好似都無點變咁，好懷念!點咗以前好中意嘅翠華嘅豬扒包，大細適中喇，塊豬扒好大一塊，相比之下反而覺得塊包小咗啲，哈哈哈哈。豬扒包嘅豬扒煎炸到好金黃樣靚，食起身嘅時候有覺得好似入邊嘅豬扒嚡嘴咗啲，塊包又硬咗啲，唔知系咪舊漏嘢，總體上還可以吧。海南鷄飯反而特別令我回味無窮，可能系同頭先嘅豬扒包對比特別好食吧，海南雞飯入面嘅雞肉特別嘅脆口嫩滑呀，加上醬料好易入味，所以海南雞肉味道好正，就算系雞胸肉都唔會覺得嚡嘴，真系十分正吖，果然無黎錯，夥計有招呼很好，價錢又平。

兩個人去睇戲前食少少野最好就去翠華，好坐又多選擇我地一齊叫海南雞飯我加多幾元改雞脾位雞脾夠油亮，而且肉質鮮美嫩滑油飯十分香口，可惜隰咗少少連埋跟餐的醬油同羗蓉超正如果油飯乾身啲就好配一個青紅蘿白湯，有埋豬骨咬吓可惜個湯偏咸跟餐小食酸青瓜都吾錯朋友果個近雞胸位佢話鞋喎個餐吾包飲品，平均每人七十元水準算不錯，但都幾貴久不久食一次還可以

Came here as every where I went seemed to have long lines and I wanted something quick as I was hungry.Tsui Wah is pretty popular chain of cha chan tengs. However this branch is very colorful and well...looked like I was in a circus tent. They have menu in English and Chinese with no 10% service charge.As it was afternoon tea time, I ordered from their afternoon tea menu that included a drink. I chose a fish ball and fish cake rice noodles for $42.Fish balls were soggy. Seriously. Soggy. Not onl

已經唔記得幾耐無食過翠華啦係銅鑼灣行街見有間翠華，於是就入左去食依然好多人幫襯,甘耐歷史都仲keep到個名氣，認真犀利雲吞魚湯飯湯底好鮮甜，就眼睇個色澤應該係煲左好長時間除左雲吞外仲有黑木耳同青菜。整個湯飯好清甜再加D辣椒醬，一流~！不過價錢方面就真係有D貴，對於茶餐廳黎講

翠華改左menu之後，沙嗲肥牛河已經冇左.... 嗚咁都不得只，佢仲要加左價！！本身已經好ｑ貴架啦，而家仲貴！（９０後按：冇乜事幹我都唔會走去食翠華，性價比真係唔掂囉）不過唔坐都坐低左，就算ｑ數啦照叫侍應姐姐叫我可以試下沙嗲牛腩河，我都唔想諗野喇就ｏｋ啦，再加多個墨魚丸。頂!今次真的中伏鳥...沙嗲湯冇味不得只，個牛腩又超韌！墨魚丸同個河粉粉就正正常常咁啦翠華呀翠華，我由細食到大既翠華係邊呀，你要蝦ｄ遊客都算，保持水準得唔得先？題外話我另一個最愛牛肩扒由８０蚊加到９０蚊，又唔見我份人工加？

出到銅鑼灣唔知食咩好，是但入左翠華度食個lunch! 叫左個海南雞飯，有湯有飯仲有雞。雞很肥美，肉質鮮甜，都幾入味。仲有兩個汁比你揀！個甜醬油都幾正！同雞肉好夾！本人最鍾意食個飯，用雞汁煲成，但又唔會太油或者過濕，粒粒都極有飯香，好評！

10點幾已係第二個早餐了，因為今朝實在太早食早餐，應該係叫半夜才對而家已經係叫做左一半野喇，食左呢餐，應該要今晚先有得再食一個翠華早餐，又帶來苦中的暖，只因在辛苦的工作中，我要食一個暖暖的早餐暖暖的意思是我要食有質素保證不難食，而又坐得舒服牛肉公仔麵又是熱能的好代表了吧，今早食完蛋，而家再食蛋好似不太好，但要用腦既日子不食蛋我會變蠢，呢個...自己都不能解釋滑蛋呀滑蛋，呢度最少都有2隻，但其實不夠滑，個飽有D over左，燶左至於時間既關係，杯飲料飲左一半都要走了整體仍算不錯