翠華餐廳 (已結業)

已經好耐無係沙田廣場食野，工作完畢後今次攝影師不停催促我們成班人去翠華，唔講仲以為佢有股份，anyway, 我地就順佢意去左排隊，須知道10個人要食翠華好有難道架嘛! 不過其實呢間翠華真係好大，好多獨立區，好有舊式嘅冰室嘅感覺。呢度仲有啲可以坐到十幾個人嘅獨立區，我係度諗，其實做節如果想慳啲都可以係度(其實睇左餐牌就知一啲都唔慳) 我自己叫左黑椒牛柳絲炒三色螺絲粉，雖然呢個螺絲粉我覺得有啲貴，但係每一次嚟我都好自然會無視個價錢，因為真係好好食。黑椒牛柳絲煮得入味，個汁有充足嘅黑椒味，螺絲粉每一口也能蘸滿黑椒汁，口感不會太淋和太硬，剛剛好。不得不讚這裡的品質監控得很好，否則不會吃每一次味道都能keep得那麼好。另外，我貪心的叫了薑汁芥蘭，其實簡單嘅野能夠煮得好食係難。呢碟菜好食嘅地方係，薑汁和薑蓉都見到，而且芥蘭炒得好吃，爽口入味，假如家母每一日都炒，我真係會因此鍾意左食菜。

下午茶時間，原先想叫飲開一杯幾好飲的「青翠利樂」奇異果飮品，原來已暫停出了，可惜！於是見到有杯叫「黃金夢」（雪糕加橙味梳打）於是試下~ 「黃金夢$27」個名好靚！原來係疑似芬達汽水，上面加上芒果雪糕！哈！感覺好似麥記的新地樂！冰好多！飮落無乜特別！當普通飲品還可以，但感覺不算係特飲！如下面改為沙冰會係不錯！「奶油豬$17」叫咗多奶，但不見得多奶！（越來越古寒！煉奶越來越少！）包也鬆脆！味道還可以！但相比以前翠華最早期大大個勁脆、煉奶多到滴出哩的奶油豬質數差得遠！

周日早起，滿心歡喜去翠華食早餐，坐了許久都沒有人招呼，連杯水都無。點了菠蘿油，熱奶茶，以為好快到，十分鐘後無野來，忍不住催了兩次，才哪侍應拿菠蘿包入廚房菠蘿油-個包既切口好淺，塊牛油好薄。失望，希望下次有改善啦！

擒曰收工，返到沙田買嘢，經過沙田廣場翠華，又見有啲肚餓，咪行埋去諗住買個包食吓囉，一望個麵包櫃，嘩~！！叉燒包要成$10，咁鬼貴㗎，係就係好似好大個，但一睇就知，係發烤過度啦，唔買！啲墨西哥奶皇又係發烤過大，大到好醜樣，（其實吞拿魚包都係發烤過大㗎！）但無奈，我又好鐘意食奶皇餡，咪買一個，咁啱酥皮旦撻剛出爐，我又要一個，一路行一路食個酥皮旦撻，！有無攪錯呀啲酥皮又薄又韌，一啲都唔鬆脆，個旦，又唔香又唔甜，點攪㗎！再食個奶皇包，個面咸咸哋，但太油膩，食到成囗都係油，再咬入個餡度，嘩！咩嚟㗎！咁流pat pat嘅嘢，一啲奶皇味都無，究竟佢哋知唔知奶皇係點整㗎，唔掂，以後唔再幫襯！

太耐無食翠華嘅早餐了今日行過沙田廣場呢一間諗住食下啦點知order 早餐A 由以前的鮑魚絲火腿絲通粉餐轉左個叫做「經典早餐」嘅火腿粟米通粉老實講，湯底沒有了從前的濃雞湯我已經好失望SIZE仲細左一倍真係難過到不得了係物價飛漲? 抑或係翠華上左巿之後變得更刻薄呢?個餐包....唔熱嘅........但明明見佢係個熱櫃度拎出嚟.....我覺得好奇怪個蛋都仲叫滑蛋嘅...只係個太陽蛋煎熟左其實味道仲係OK 但係沒有了鮑魚絲好似仿彿令整個通粉失色

一路都想試翠華的樽仔奶茶今日行街行到肚餓, 又見到原來沙田廣場開左間翠華所以就入去試下等左一陣好快有位一睇MENU下午茶竟然得三個餐揀..........全部都係$35 up魚蛋河冇乜特別加$8轉香檳奶茶, 都幾好飲, 係正常的冰鎮奶茶味個魚柳脆豬幾好味, 夠脆, 同埋(應該係)千島醬, 呢個值得再食不過d扁薯條就冇乜味..p.s. 唔知點解d相up極都係rotate左...得個包果張係正常orientation...

每每經過翠華門外，總有點兒被櫃內款式多多的麵包所吸引，好奇為什麼日間堆積如山的麵包，很早就被一掃而空，論價格它們不算便宜，究竟是名副其實的美味？抑或是限量生產的招徠？又可能是兩個原因拼湊而成的效果？今次好奇地品嚐了菠蘿包，滿足一下個人的好奇心。菠蘿包售價六個大洋，份量正常，表面呈金黃色，包身比較挺身，凹凸的面層十分香脆，咬下即時脆裂四散，麵包質感尚算鬆軟滑溜，帶點麵粉香味，甜度適中和有嚼口。個人覺得菠蘿包的味道是不錯的，可惜它缺乏令人留下深刻印象的味道。

這篇是我第一篇食評...但想不到是為了抒發不滿而不是食左好味既野來分享!那天是星期一夜晚, 我同男友放工之後諗左好耐食咩好....平時星期六日都會成日去翠華食, 貪佢就算排好長龍都可以好快有位, d野又好味.咁星期一晚去自然更加少人等位,所以好快就入左去啦!!坐低之後見到個場不是太旺, d waiter都可以大家企係度傾計一坐低之後正常枱面已經有本menu的, 但那天唔知點解冇俾到我們咁我就舉手叫個waiter拎本menu俾我們啦, 叫完之後佢哦左聲就行開左佢有哦到, 咁即係佢聽到啦!!但我等左5分鐘都未見有menu來.... 諗諗下其實大家都已經清楚想食咩, 就唔要menu直接叫餐了我們要左個是日晚餐同一碗魚蛋河...野食係好快來到....這是翠華的一大特色我叫的魚蛋河一來就已經乾晒水, 得個碗底有湯.... 不過都唔緊要啦....我即刻舉手叫waiter俾碗湯我啦, 點知....等左好耐....連最後碗入面d湯都冇埋咁滯... 忍不住再叫過第二個拎個女人即刻用對講機講話我張枱要碗湯啦, 我諗開機叫實有人會拎掛??點知....男友份晚餐都食左一半都仲未來!! 我見到個著白色恤衫的男人

每個周末經過此地想食早餐既時候都會被長長既人龍嚇退。今次終於「的起心肝」，七點幾一起身就出發先至勉強可以唔駛排隊都有得入。其實平時喺中環等既商業區都會去食翠華，今次只係好想試吓究竟佢喺住宅區既食物會唔會有別有一番風味呢？是日叫左早餐B。侍應好快手，唔駛3分鐘就野食，保持一貫翠華「唔駛慢、最緊要快」既風格。由於落左少少鮮奶既緣故，炒蛋非常爽滑，質素拍得住佐敦果間著名既「牛奶公司」。牛油豬仔方面，麵包烘得剛剛夠火喉，以致入口鬆脆之餘亦唔會over咗有熱氣既感覺，激讚！沙嗲牛麵方面，牛肉一如以往非常之腍、非常之易入口。牛肉有少少沙嗲味之餘，又唔會覺得太鹹同埋因為鬆肉粉令到肉既纖維盡失既情況出現。至於麵方面，老實講一般茶記質素啦，不過公仔麵又可以expect D乜呢？絕對收貨…茶走既茶味剛剛恰到好處，唔會有煲得太耐或者唔夠濃既情況出現，溝埋煉奶落去甜味剛剛好，呢到睇得出翠華真係落左好多心機做好佢，令到食物質素喺每間分店既分別唔會太大！$30既早餐絕對唔算貴，不過亦都唔平。當連鎖式快餐同埋家庭式經營既茶記都收緊$27-8蚊一個早餐既時候，呢一兩蚊絕對值得比。咁樣亦都解釋左點解佢食早餐食到十一點幾

因為媽媽要到沙田交費，所以，我們便往沙田吃午飯！我們一入去，便叫了：菠菜雲吞麵及麻辣雞米線！誰知：ｄ食物好難吃！菠菜雲吞麵－菠菜雲吞好吃，但ｄ麵就好淋！麻辣雞米線－雞片好鞋，但米線則好爽！服務不過不失，佢地都主動叫你們小心地滑！題外話：門口個王冠燈飾閃閃下好得意！但問題是王冠跟翠華有什麼關係？

原本諗住難得今日返晏d唔駛趕頭趕命，於是在沙田翠華坐低食個靚早餐，結果食到一肚氣！(一向對翠華感覺麻麻，但想食唯一麵家又裝修，太興又鬼咁多人，惟一俾次機會佢！)但原來賤格就是賤格不值得俾任何機會！一來裡面大把位但要你排隊，排咩呢？難得在我前面的妙齡少女甚好脾氣，我這個大肚師奶忍得辛苦！好了歐陸早餐來了成三十五蚊，豬扒冇味，(有冇醃過架你？)茄汁豆凍，熱鮮奶唔熱，竟然連牛油都是酸的(我真係未試過食過壞既牛油，你呢？)！！為食鬼如我，你睇我嬲到食食下唔食要打咁大篇野發泄，如果以後有人約我去翠華，立即反面！一個服務差食物差冇heart掠水的餐廳，憑咩做香港名牌？！

在博洛尼亞等到肚都扁, 轉到這間新開的分店。由待應帶位, 9點半後有半邊餐廳的座位沒有開放。餐牌精美, 座位略嫌狹小, 地板污積多開始殘舊。先點菜遠深海斑魚飯$72、厚切吉列豬排蕃茄湯意大利麵$58、脆嘩奶油豬$16, 後加熱奶茶$17及青檸梳巴(忘記名字), 可惜是日沒有青檸梳巴。菜遠深海斑魚飯: 飯軟, 魚沒有味, 只靠芡汁, 菜芯爽口厚切吉列豬排蕃茄湯意大利麵: 湯濃內有蕃茄茸, 豬排外脆內軟, 帶點肥膏, 意大利麵軟硬適中脆嘩奶油豬: 外脆內軟, 奶醬剛剛好熱奶茶: 奶茶軟滑, 茶濃份量剛好, 也吃到飽。

好耐冇打過食評..但今次食得火火地唔打唔得話說今日同個朋友0黎食野,其實幾欣賞佢識整條欄安排顧客等候入座,等位情況好順暢我0地唔坐搭台位,所以等多一陣,入到去卡位...梳化有飯粒....台上面又有0的飯粒...不過算,..少事唔介意搵野食先最重要叫位侍應寫單,嗌左個焗豬扒飯,同想嗌個下午茶餐,但佢話未夠鐘,我問佢幾點係下午茶,佢話兩點半我望望錶,2:30 PM,仲有一分鐘,咁度度個時鐘時間都唔同,我0地話唔緊要,我0地等我同我朋友講,可能仲有幾十秒呢跟住個侍應過左幾十秒就話落得啦咁我0地嗌左兩杯特飲,加$4可以轉成做餐飲之後就到食物出場依個係我朋友想食所以嗌,飯0既份量唔多,豬扒都幾大塊,切開幾件但味道連大家樂0既水準都好食過佢$51大元常餐係豬仔包加炒蛋,同肉醬意粉份量又係唔多,$38小插曲: 我朋友問一個侍應拎茄汁,佢拎左支得返幾滴0既茄汁過0黎,跟住我0地叫侍應換過支,佢仲好似好疑惑咁望支茄汁唔通我0地咁勁可以一次過食哂妳支茄汁咩... (當然,我都覺得我朋友當時0既態度唔係太好)朋友口痕,再叫多個菠蘿油依個味道唔錯,我0地叫唔跟餐$18 其實整體上食物味道真係不過不失,價錢又唔

翠華 一睇個名就係貴野 但放起沙田區 其實唔算好貴今次當同事開年飯食食左個個名大約叫馬來西亞海鮮炒麵咁上下的東西我會話本來應該幾好食不過鋪太多客要快時就犧牲左質素結果靚料好配搭但是旦煮不過不失吧值得一提我影相時未上的香檳奶茶包裝靚 名又靚但其實只是普通的冰鎮奶茶水準黎講 太興比較好加五蚊好唔值

對翠華既形象係, 位於港島, 名人茶餐廳, 同埋貴! 就只有好久以前去過既一次, 今日翠華竟然喺沙田開分店, 既然就腳, 無理由唔再試一次.剛開張時非常之誇張, 假期早午晚都排晒長龍, 梗係唔排啦! 趁今日放假又早起, 落去食早餐就最適合不過, 之不過原來閒時都咁多人食, 成日都覺得乜啲人番工番咁晏既咩? 乜啲人唔使番工既咩? 點都要等...好就好在唔使等好耐囉!早餐款式選擇唔多, 唔似茶餐廳咁可以轉來轉去, 唔只味道唔轉得, 連面都唔可以轉做米粉或通粉, 另款式顯得更少! 唯一轉得既就係個蛋同個包! 豬仔包定牛油餐包, 炒蛋定煎蛋?! 我就揀咗個早餐: 炒蛋, 豬仔包, 沙嗲牛肉面, 熱奶茶, 算係叫最接近我平時食嫁喇...現在的炒蛋基乎可以話係同一個style, 說真的,沒有什麼特別. 豬仔包味道更加無特別啦. 係細啲囉! 初初以為豬仔包係硬的,個外皮係脆的, 點知原來係軟的, 唔似得法式面包咁外皮一咬落去會跌碎. 沙嗲牛肉面, 個味都幾濃, 份量都幾多, 我一個人食唔晒, 而且早餐食面真係有啲唔習慣呢~熱奶茶有茶味, 夠滑! 個杯仲好精緻. , 翠華早餐話貴又唔係十分貴,係款式