翠苑甜品專家 (望隆街)

营业中

休息中

今日去完石澳番筲箕灣,見天氣凍凍地就走去食糖水,首先我叫左個薑汁燉奶,真係好滑,但嫌薑汁唔夠,不過都總算唔錯嫁啦....食完一碗唔夠喉,之後再order多一碗合桃糊燉奶,都係啦,合桃糊太少啦,似食淨燉奶多d,不過十幾蚊,唔好太多要求,最後我真係好鍾意佢ge滑,食完好有滿足感

食完飯, 食返個甜品, 正~~杏仁糊 + 清心丸 腐竹薏米 + 清心丸兩個都好食, 不過杏仁糊唔夠香, 水咗啲, 不過, 咁平已經係好好嘅選擇

** 此 食 肆 的 第 十 個 笑 **尋晚(22-11-2008Sat)同家人男友打完邊爐後,唔知做咩家人係都要迫我同男友去行街,o係莫無頭緒時,同男友跟o左二哥o架車返筲箕灣,泊好車後,二哥二嫂話去食甜品.啊,咁去啦,佢o地帶我o地o黎呢間,二嫂推介桑寄生蓮子蛋茶,我話唔要蛋,好滯,佢話可以唔要蛋o架嘛,啊,好啦,就呢樣啦.男友要芝麻糊,姪女要綠豆沙,冇凍o既,同二哥share食,二嫂都係要桑寄生蓮子蛋茶走蛋.到o黎喇,我o個碗有兩粒紅棗,好多蓮子,飲落唔太甜,蓮子極鬆化,好正.我眼見線豆沙都有好多料,應該唔錯o既,但我冇問其他o野好唔好味.埋單$38.00

夏天食凍的,現在天氣凍食熱都一樣咁好味!這燉奶係芝麻湯圓之外,是眾多出品中的最愛> W <此店的東西給我的感覺係好老式,好屋企的味道,不錯.$13蚊我通常食兩碗先夠喉XD

家人買了紅豆沙和喳咋回來,我選擇了紅豆沙紅豆沙好足料,而且係熱到要等佢凍的,十分適合凍的天氣味道同平時食開的有微妙的不同,感覺比較香口同有口感在呂仔記同潤記等比較之下,呢間的糖水毫不遜色,而且價錢較便宜可以接受有機會一定要再試多幾款

食了『味精』雲吞及水餃後，好口渴呀！主人與奴隸獸途經此店，於是食碗糖水解解渴吧！1. 腰果露（HK$10）：只在星期六、日才有供應。此糖水出色之處，有腰果清香的味道，夠滑，不會太『杰』，亦不會太甜。 2. 桑寄生紅棗蓮子茶（HK$10）：蓮子鬆化，只是桑寄生茶有點兒濁。獲得糖水的滋潤，舒服哂！

出面唔係道道都有桑寄生蓮子茶, 有時都會專登走去食. 但上次男友食個蕃薯糖水太多蕃薯, 變無咩水, 好dry!

因為見到食評, 所以去一嘗美味的合桃露.但沒有想像的那麼好味, 感覺上, 類似用來打芡的粉用得太多(類似粘米粉果d?), 減輕了合挑露原有的口感.不過, 十蚊豌來講, 都不過不失.

今日第一次試. 叫了補腎合桃糊. 味道濃淡都洽到好處. 吃後的感覺很好.

(19/7)燉鮮奶，個人偏好此款甜品，勝在吃其嫩滑、清香、不過甜的味道，此店的白是熱辣辣的，但嫩滑方面未及義順或澳洲牛奶公司，而奶香略差一籌，但亦算是中上。

食完晚飯，立刻便想到甜品，原來想去的那間因已關門，便拉隊來這裡。之前在北角那間食過，就看看這裡的水準吧！本來想叫合桃糊燉鮮奶，但因幾飽，退而求其次便選擇了合桃糊。合桃糊- 合桃味算幾夠，又夠香滑，但感覺還是稀了點，但拾元一碗，還想要求太高，係唔係有點過份呢？

既然權發不送糖水，咱們「自行解決」吧。飲飽食醉，原想到KC 兄推介的滿意甜品的，怎料...難道沒鱔稿便不能生存？幾經波折，去了眼利才女G 往權發途中瞄到的甜品舖。吃的是合桃燉奶（右下）：合桃露「擠」了個「海豚樣」在燉奶面，哭笑不得；合桃露很少，不消三羹便舀光；燉奶很企身，但口感像蛋白布甸多些。但以廉食/ 粗食計，當然相當不俗。沒問其他食友的甜品如何，也後悔不能替每款甜品留個「倩影」。（註：腰果露只在週六、日才有，蠻失望的）

在權發飲飽食醉後,拉大隊去樓下"翠苑"來個甜品結尾.$10兜甜品真係好平,於是柴娃娃點個桑寄生蓮子茶,味道也算幾好.點為之幾好?唔知,對呢味野無特別去開個題研究.桑寄生甘涼,蓮子粒粒飽滿結實,就係實左一點點.其他人的甜品,無抽到水,睇佢地表情,應該唔會太差.雖然賣到咁平,用料依然足,無當客人係"Robert".當愛,已成習慣.仲會否有無高低潮起伏?

25/3星期六晚，o係呂仔記食完垃圾之後，過左黎翠苑食糖水，我叫左至愛的白果腐竹，腐竹煲到溶晒，男友食左綠豆沙，好棉，清清地，唔會好求其。眼見都幾好生意。

同食友們行完山又食埋泰菜，在東大街附近買糖水給太座吃。見這間新分店未試過，又試下，就要了碗桑寄生蓮子茶及綠豆沙。桑寄生都幾香，味道當然比不上源記，但已不錯。蓮子絕對不夠鬆化，有幾粒咬起來還「嗦嗦」聲的，吃剩了不少；綠豆沙海帶及臭草落到足，不太甜，都不錯。18蚊，又真係幾平的。