翠苑甜品專家 (望隆街)

营业中

休息中

食完飯係餐廳附近散步個時見到呢間糖水鋪，9點幾見冇乜人又係中式糖水都冇乜興趣，但最近心底有少少想食芝麻糊，就試下啦~ 睇完餐牌發現主打係燉鮮奶，亦唔覺有純芝麻糊，於是揀左二合為一既組合。芝麻糊燉鮮奶 ($21)滑嘟嘟既燉鮮奶一舀落去就回彈左下，入口嫩滑有蛋香。 尤其鐘意面頭凝固成煉奶狀、較漿口個浸，就有如腸仔包條腸仔一樣咁珍貴。大約半個拳頭咁多既芝麻糊唔係開粉貨色，但無論芝麻糊定燉奶味道都唔算濃郁，勝在熱辣辣滑嘟嘟。大良燉鮮奶 ($21)傻豬先會叫既無餡版本如預期般味道單調又寡，食到一半已經食唔到落去。想問阿姐乞薑汁/薑糖，佢好老實咁話係工場整定哂，廚房只係加熱冇呢d野。 最後r左碗蕃薯糖水既薑糖水黎撈下，即時好食左幾百倍，亦唔會太甜。 所以推介既係蕃薯糖水，完。可能呢個時段冇乜人，阿姐態度都幾誠懇友善，大家有講有笑，整體而言都係一個愉快既用餐經驗。

中式糖水對我黎講係得滿記/滿記同滿記。因為我住哥區只得滿記， 再唔係就係樓下那些小店，用粉開的芝麻糊同煲得仲稀過呀媽煲的蕃薯糖水&西米露。晚上出得街甜品都食梳乎厘班cake 同心太軟啦！年初三跟去左一個廿年都未去過的親戚屋企拜年就係筲箕灣。未黎過就周圍行下，點知就見到lee 間糖水鋪。 門口兩個中年女人話今日有腰果糊。 聽到「腰果糊」我已經`叮 左一聲。真係第一次聽！原來得星期六日先有架。 即係唔試唔得啦！ 坐到落去，一睇餐牌都嚇一嚇，十幾蚊碗。樓下d 稀糖水一碗都$22up 而家新年加價都係每碗加$1 即腰果糊都係$19 。廿蚊有找，平民價，真心like!本身一粒腰果的味不濃但腰果糊真係有好濃腰果味， 感覺真材實料。而甜味又不重， 無搶左個腰果味。勁！ 係好味ge!另外再叫左個燉蛋同燉奶。自己都試整過燉蛋，好易老，明白係難整得好食。但佢算整得幾好。重點都係唔太甜，即唔會只食到個甜字。材料本真的味都出到。但如果比我揀我會揀燉奶，因為再滑d!下次識喇！ 食糖水食翠苑 😊👍🏻

天氣寒冷，想吃一些驅寒、性質溫和不燥的甜品，確實是養生之道。翠苑是老字號的傳統中式糖水店，看過餐牌，除了乜糊物糊、腐竹蛋糖水、燉蛋燉奶，尚有經典而又較罕有的「桑寄生紅棗連子蛋糖水」！店舖雖不算大，但通道位尚算寬闊，環境潔淨。價格方面，非常合理及大眾化！這天點選了經典的桑寄生紅棗蓮子蛋茶及薑汁湯丸。薑汁味雖淡，但黑芝麻湯丸不俗，黑芝麻味道香滑。桑寄生方面，先要讚的糖水有渣！再者糖水不會很甜，但味道卻濃，鷄蛋顏色染上深啡色，明顯已滲透桑寄生糖水的味道鷄蛋結實、香甜

一入去店員態度勁差諗住星期六先有嘅腰果糊一定好正 點知好一般, 一啲腰果味都冇芝麻糊燉奶超難食燉奶又老, 芝麻糊又冇芝麻味原本食完晚餐心情大好, 點知揀左間態度差又難食嘅糖水舖一定冇下次

服務態度差！飲糖水都要受氣，個個員工黑口黑面！叫外賣好似聽唔到咁，之後有另一個員工黎，佢就同佢講，睇下我要咩！明明同佢講左兩次，完全聽唔到咁，十分沒有禮貌，不會再食

服務態度極差，一入到去就安排座位俾我哋，坐低後見我哋人多，就話我哋阻住佢哋條路行，跟住又要我地分開枱坐，仲向我哋白眼，結果我哋冇食到就走左。咁嘅服務態度仲俾錢你賺？！No way!!!你估全香港剩係得你一間糖水鋪頭咩

一家人做完冬後，見時間尚早，所以在附近找了一間傳統中式糖水店食糖水，最後看到此店舖面積不大，但全店差不多滿座，估計食物質素應該差不多，所以順應店員說我們分枱坐下！於是我們便預備落單，但店員堅持要一張枱、一張枱咁落單，但落完單後又問全枱是否同一張單？又是她建議我們分枱坐，又問如此問題，落單時又叫我們不要講No.,要講糖水的全名，但她覆核時又講short form,我們不太明白，她就表現出不耐煩！落單已經花了不少時間！同枱有些熟客説，如果食食下糖水，想買外賣，也要在門口排隊！但當他們走後，店員立刻說這兩個人，又指指點點此店，又時常來食糖水？其實糖水質素尚可，但員工服務態度扣了不少分數！到付款時又出現問題！因為沒有清楚的落單記錄，要到每枱用計算機逐一計算，途中遇到有客人叫落單，她又說好亂，要重新計算，我們和想落單的客人也是受害者！今時今日仍用如此原始方式收款，真的浪費時間其實只需要落單時記下簡單資料及$，結賬時就簡單多了！

Openrice冇用餐經驗就冇得負評，好唔fair。更何況我係想食人哋都唔志在，一肚西北風，甜入心頭等候時間填120,因為佢話收舖前會有,當佢12點收舖囉翠苑未開張我已經喺度住，食佢嘅芝麻糊亦係我哋一家以前嘅習慣。有名氣後人龍漸長，老豆唔願排隊，我哋都好耐冇食...今日補完習應家人要求買湯丸。人龍唔短，排到去酒樓，但見咁耐冇食要排耐啲都冇計較。等咗5-10分鐘，排到我嘅時候店員話：「湯丸要等喎」佢冇提議我轉款，我都唔醒目冇追問要幾耐，應咗句：「ok, 會等」就企埋一邊等。我自問幾有禮貌，天寒地凍，我冇企舖入面等，企喺出面吹風。又再等咗5分鐘，我自知一開始冇問清楚等幾耐，所以都唔係催佢，只係問要等多幾耐，想心裏有數，亦因為店員冇收錢，同我零眼神交流，我怕佢漏單。點知，老闆娘一嚟就話：「湯丸等好耐架喎，你而家排就有排等」原來佢完全發現唔到我嘅存在。佢忙住招呼人我覺得都合理，但負責外賣嗰位店員亦冇呈清我係一早排咗隊落咗order ，更貼切咁講，佢根本冇幫我落單，碗湯丸恐怕都未落水。單多可能排梗隊？所以我問清楚啲：「我一早排咗頭，叫咗湯丸，咁大概仲有幾耐？」老闆娘：「收舖前實有」🙄🙄🙄🙄嘩🙄🙄

今日下午去左食糖水，總共叫左四樣甜品（楊枝甘露，香芋椰汁西米露以及腐竹雞蛋兩個）舖頭食物質素五錯，價錢都合理，但店員服務態度一般，向我們抱怨了幾句，希望會有改善。

每次黎東大街食飯，飯後例必心思思要黎翠苑食番碗糖水，呢個已經成為我既習慣，同埋內心既一個小小情意結。七點幾黎到，唔使等位😍呢度清一式係賣中式糖水，十零蚊有交易，價錢十分親民。今時今日出去食個甜品，好難有咁既價位。每次黎其實我一係食腰果糊，一係合桃糊。不過腰果糊就星期六日先有既，所以遇得正時間梗係食佢啦😚。見阿媽叫合桃同腰果兩溝，居然有咁既食法，一於唔執輸照跟，不過每碗要加兩蚊。個糊質地幾滑，稀杰度啱啱好，食到微微腰果同合桃香。雖然唔算好濃烈，但係又唔會太甜，食完真係好飽好滿足。呢個凍凍地既天氣，食番碗中式糖水真係暖笠笠，好滿足。Ps. 食完之後諗，如果我一個人叫合桃，一個叫腰果，自己兩溝咪可以慳番6蚊😂

食飽飯, 行叔去巴士站附近既呢間食傳統糖水既翠苑食糖水,試左星期六, 日先有既腰果糊,磨得好細緻，够杰，甜度適中,入口絲滑，不過冇咩腰果味羅!大良燉鮮奶, 奶味重, 又好滑, 正

想吃甜品，但又想吃得有益一點，就想起桑寄生茶。眾所周知，這個糖水是很滋陰養顏，紅棗補血，真是又平又有益，所以每次光顧我都必點。吃過這間甜品店的糖水數次，都覺得真材實料，熱度很足夠，甜度又剛好。不需5分鐘已經送到面前，先喝一口甜湯，清甜而且有濃濃的桑寄生和紅棗味道。蓮子香糯無比，吃得出是有特製過，沒有蓮芯的苦味，而且用冰糖水泡過；熟蛋的蛋白充滿桑寄生茶的香味，蛋黃則鬆化甘香。無論價錢還是味道上，我都真心推介這款養生糖水。

喳咋。傳統的。豆類多多。有人愛有人怕。我就愛，感覺豐富，紅豆補血，大腰豆有口感，眉豆有衣，薏米花生有咬口，芋香配合椰香！加入透明的西米！爽！但。。。。。有幾家店還有足料用心的喳咋，只要有我就去！哈！食物食物食物。有靈魂的！此家糖水店中色糖水齊全！整體不錯。人流多，會有點點趕客。不能和好友暢談久一點點。向好想。香港人辛勞工作後。和好友又聚到吃吃笑笑已是福，早點歸家休息，下回再聚！哈！足料滿足的。。。加入我食喳咋糖水店之一！朋友吃了芝麻湯丸，合桃糊，正常之作！價錢合理，老闆你好嘢

大伙兒食完飯，無論食得飽與唔飽都好，都會想食個甜品，因為，甜品係落入第二個胃😏。今時今日嘅香港興fusion，甜品都唔例外，呀婆性格嘅我，最鐘意食傳統嘅中式糖水，因為我唔鐘意食啲乾爭爭嘅pancake waffles 。養生糖水有好多，我特別鐘意食芝麻糊，再配上芝麻湯丸，double 芝麻口感，簡直100分💯講返翠苑嘅芝麻糊，佢嘅芝麻磨得好幼細，炒得好香，加石膏粉分量剛口，食落口唔會太杰亦唔會起沙，甜度岩岩好，口感既香又滑😋👍🏼加埋兩粒芝麻湯圓，簡直係雙重享受呀😍😍不過，係咁平民化嘅價錢下有高質嘅食物，自不然服務就會差啲，依度啲姐姐會露岀一副唔休做嘅樣，如果唔想受氣，記得落單果時要快，肯，準！💁🏻🙅🏻🙆🏻

今日入秋（冬？）以來最凍，又落雨，要食熱野暖下。芝麻糊好棉，唔會有一粒粒。唔會太甜 。有時食到既芝麻糊會好甜 食到一半已經唔想食。夠熱的，呢個天氣食好正。腐竹薏米都唔會太甜，不過冇咩腐竹，加左兩粒芝麻湯丸，4蚊一粒，湯丸夠大粒皮夠厚，有咬口。