翠湖金閣

营业中

休息中

今日同班姊妹去POP CRON上面嘅翠湖金閣飲茶，全女班冇叫炒粉麵，專攻點心！除咗必叫嘅蝦餃燒賣，最驚喜係個千島醬薄餅，脆口得嚟帶酸甜醬香，好過癮！椒鹽魷魚蘇炸得金黃酥脆，魷魚彈牙唔韌，椒鹽香口唔會太鹹。雪山叉燒包絕對要encore！包皮鬆化，叉燒餡蜜汁滿瀉，面頭層酥皮脆到嗦嗦聲～ 蜆介鯪魚球就真材實料，鯪魚肉打得夠膠，蜆介醬鹹鮮惹味，配埋喼汁食簡直絕配！環境光猛乾淨，侍應阿姐手腳快又醒目。全女班食到嘻嘻哈哈，人均$150左右，抵食！

点心種類繁多，味道與賣相可以，與價錢十分相配。鍋仔炒饭、炸俩、燒賣、芝麻卷都十分推荐。但有一点必需指出，坐在大堂大电視前的枱，冷氣實在不足，邊吃邊流汗，胃囗大減。

真心難食 唔係講笑 首先碟乳豬一嚟到已經係凍 之後叫佢哋整返熱啲肉就硬到死 好難咬得開 碟咕嚕肉最好食就係菠蘿 啲肉都唔熱 最差就係碟皮蛋莧菜 啲菜好老 根本咬唔開 要用門牙鋸先勉強咬得開 碟脆皮雞一嚟到嘅賣相已經好差 隻雞都好普通 真心好失望 唯一好嘅服務態度

晚市套餐份量爆棚，龍蝦伊麵每啖蝦肉都彈牙到震，醬汁濃到黐住啲麵；煙燻雞一上枱就香到暈，皮脆，肉質嫩滑又多汁——呢種粗中有細嘅老派功夫，先正父親節壽宴有驚喜 同老竇慶生嗌咗壽包，一撕開個橙黃色外皮（係南瓜蓉整㗎！），蓮蓉包住鹹蛋黃好似熔岩咁爆出嚟，甜鹹交織嘅層次即刻KO全枱！比起普通壽包，呢個升級版無論意頭定味道都冇得輸，班長輩爭住打卡～ 街坊價錢 酒席質素比起市區酒樓，呢度價錢貼地但保持傳統水準： ✅ 海鮮即叫即做（龍蝦、斑絕對唔係雪藏貨）✅ 小炒鑊氣十足✅ 飲啖湯，成個胃即刻暖笠笠家庭節日飯局已經鎖定佢！如果未搵到更好味嘅代替品，以後大時大節就係呢間！ 由家庭聚會到擺酒，呢種唔玩花巧、專注食材原味嘅港式酒樓真係買少見少。食完唔該自己交枱，後面仲有大把街坊等緊開飯㗎🤣溫馨提示：晚市旺到爆，記得早啲訂位，對住街景開餐先夠地道！