影片
以上资料只供参考，请与餐厅确认详情
因为之前来过，对食物质素有信心，所以母亲节选择来这里庆祝。本来一直无问题，但临尾要离开、也开始叫老人家去定洗手间准备离开之际，突然一位女工作人员抢去结帐那张单（因为平时都是客人自己取去柜台埋单），之后很大声地、带着鄙视的语气地赶我们离开。首先，订枱时，前台未有讲明确实时间多久要交枱。当然我们知道要交枱，所以我们也在差不多下一轮时间前准备离开。第二，如果要通知客人够钟交枱，是可以有基本的礼貌，客人也会明白。母亲节庆祝也好，平常聚餐也好，都不只在于饱腹，是家人朋友欢聚的重要时光。餐饮业本身带着一个非常重要的使命，是这段重要时光中的推波者，工作人员不应该只着眼于流程。因为一小撮不尊重自己工作的前线人员影响别人整餐饭相聚的回忆，也浪费了厨师们苦苦经营的心血，着实不值得。
继续阅读
两个人去食晚饭，全场爆满。啲伙记一直忙住执枱、搬椅，系好忙我明白，但无理由要客人受无礼对待。全程无任何招呼可言，招手当睇唔到，临尾好声好气问一句：「靓女请问有咩糖水？」，阿姐极厌弃地边行开边讲：「每样俾碗你，食完好走！我地好多人等位！」我哋坐埋枱唔够一个钟，叫左三样𩠌都未食完，凭乜嘢咁唔客气赶人走？！我家阵唔系无帮衬声大大，啲龙虾唔新鲜发霉、碟菜有线头我都无出过声。埋左单后同经理反映员工态度差，然后经理极晦气地讲一声唔好意思，然后就话好忙，问我想点，根本由上而下个格都系咁衰，投诉都嘥气。再来都嫌自己贱格，发誓永无下次。
继续阅读
当旺区好多食店晚饭时段已返唔倒枱，呢度仍然可以，头轮完左门口真有一堆人等第二轮，呢d就叫实力，我嚟过几次，系真抵食，味道亦不错，性价比高应该系生存之道，选择亦多，有烧味有小炒有海鲜，饭后送甜品，系南瓜露同绿豆沙，少甜好啱食，绿豆沙仲有臭草香，冇hea做，虽然分两段，但可以留位，出餐神速，上枱仲系热辣辣，服务亲切密密手快快快手，好正嘅用餐体验，值得推介。
继续阅读
天后木星街翠湖饭店六月初应朋友约来吃晚饭，一入门见到座无虚席，好彩朋友预先订座。饭店装修简洁，打开菜牌有好多选择，丰俭由人。猪膶鸡煲上枱，猪膶配合红葱头和青葱，香气扑面而来，鸡肉嫩滑。小炒王真系冇叫错，有大大只的虾干、香脆的腰果、咸鱼仔和鱿鱼须，整体配搭出色。蛏子王大大只，鲜味十足👍👍👍最后仲有砵仔焗鱼肠，呢个怀旧菜，依家一般酒楼饭店都唔做，成本低但功夫太多。 一啖入口，鱼肠和鱼膶的甘香充满口腔，加上童年回忆，非笔墨能形容。饭店送糖水，有南瓜西米露和绿豆沙供选择。下次会再嚟，试吓其他小菜。
继续阅读
今日好大风，有雨。安全为上，两个人就近近地喺附近饮茶做lunch。11:30入座。入座率有50%。今日冇特价。所有嘢以正价计算。问职员可唔可以唔搭枱。佢话公司规矩，如果多客就一定要搭枱。冇问题，就可以入咗喇。当然我哋今日冇乜客就唔使搭枱啦。我哋叫咗一笼烧卖，一笼虾饺，一笼金钱肚，一笼咸水角，同埋一笼棉花鸡。烧卖：一笼有四件，猪肉弹牙，多肉汁。虾饺：一笼有四件，虾肉爽口。大大粒。金钱肚：一笼有大概五件金钱肚+2嚿白萝卜。金钱肚唔会好韧，有香料嘅味道。咸水角：一笼有三件，唔会黐牙，味道正常。棉花鸡：一笼大概有四件大大嚿嘅棉花加两件鸡脾肉同一旧细细既冬菇. 棉花够林吸晒鸡汁嘅精华。好味。埋单$198。备注：我惯咗食点心好多时都点潮式辣椒油。但呢间系剩系得豆瓣酱。如果有潮式辣椒油就好喇。
继续阅读
您可能会有兴趣的...