翠河餐廳 (已結業)

見佢裝修唔錯啦,就算新正頭要俾多10%都入去試一試,食完覺得佢餐牌咩都有d,連火鍋都有,不過配料極有限同埋,只係個格局邑左人入去,如果以呢個食物水準,呢間茶餐廳絕對唔係我杯茶情願食返翠華,或者行去荃廣果邊,燉奶佬好食又抵食過呢間野好多.

翠河...好像是以前一匹出名的馬兒, 荃新天地一, 二期陸續開張, 萬寧也有兩間....對比隔離如心廣場, 晚上入去也怕, 除了兩間酒樓, 整個場也是吉吉的!上星期六早, 午一連來了兩次!早餐茄蛋治 + 熱鮮奶, $19 + $4, 沒有太大的驚喜, 只記得麵包薄薄的, 不太軟熟! 價錢並不平宜!沙嗲牛肉 + 煎蛋湯米 + 奶茶, $23, (老公的早餐), 相信有報紙...味道如何也不是問題, 更何妨這裡樓底高, 地方頗大, 坐得舒服最重要!午餐咸魚蒸肉餅飯 + 奶茶 + 例湯, $29, 肉餅味道可以, 份量也多!白汁石斑焗飯 + 檸水 + 例湯, $29, 石斑有兩大塊, 白汁份量略少, 不夠拌飯!有位女侍應略煩, 我們看餐牌時, 她又要"照讀"一遍餐牌上的午餐, 打開櫃子拿刀叉即撲過來問要些什麼, 吃剩飯又問一番, 地方雖大, 但客人沒有示意要求時...可以 "靜" 一點好嗎?

翠河既食物的確係好好味..而且份量十足價錢亦大眾化..所以開張試過之後我家都鍾意去翠河食晚飯但今晚我真係好憤怒好失望囉!!!!我哋叫咗個"鮑魚海皇豆腐煲"..咁佢拎黎之後我哋發現一塊鮑片都無喎..咁我哋只係問下點解呢個個名叫"鮑魚海皇豆腐煲"但係一塊鮑片都無既!??我哋好聲好氣問下佢啫..我哋根本唔係要佢比番啲鮑片我哋.!!!點知個伙計(應該係高級啲..因為係著住粉紅色衫)黑面囉..之後好悔氣咁話""即係你認為個煲唔啱無鮑片啦..係咪呀!?" 嘩~!!!!!咩態度呀!!!!唔係我認為喎.而係依家個煲真係無喎!!!係你哋個菜名呃人喎!!!!!......最嬲係個伙計拎咗碟菜去廚房幫我哋換嗰陣特登大大聲比說話我哋聼話"個客詐形呀..話無鮑片呀!"......嘩!!!!我得閒貪你嗰塊咁既所謂鮑片呀!!??使唔使咁呀....你唔換咪出聲囉..我哋都未嘈佢就係度串!!??好喇..換咗碟黎啦..佢衰到夾起啲蝦囉....都算喇....之後我daddy叫伙計比杯水啦...個伙計(另一個高級啲既粉紅色)串到扔杯水黎囉..啲水都倒瀉咗啲出黎搞到張枱濕咗一灘水...真係好差好差呀今晚既服務態度...所以我

約左朋友於荃新天地2期睇阿凡達，片長約三小時，6:30睇到成9:30，所以在等朋友時在翠河吃個小小tea！^^點了一個奶油豬+凍啡；奶油豬夠脆，但可惜唔夠熱，所以要扣分了，凍啡，奶多過啡，所以麻麻地！睇完戲後，同朋友二人再去食個晚飯，點了一客咖喱雞飯+熱檸茶，咖喱雞份量頗大，夠香，但唔夠辣，要自行加點辣椒油增加辣味(其實可能我食得辣啫)，雞件走過油/炸過？幾硬身，而咖喱雞配菜只有薯仔，少少失望。服務方面，不錯，特別晚餐時份，阿姐好nice！讚！餐廳地方很大，座得舒服，而且周圍都有電視，全方位都睇到，fit晒愛電視撈飯嘅我！

個人喜歡到荃灣搵食，除因對此小學時居住數年的舊地有熟悉感，也是因為由元朗搭西鐵出去特快。隨著如心廣場、荃新一二的開張，至少每月拜訪一次，這次就去了剛開不久的荃新二期。　就如過去的一期，初開的商場內很少店舖營業，食肆例有是開了不少；對於連鎖店的金水壽司、潮館興趣一般，只先到翠河餐廳裡吃個打底餐。幫襯過翠華數次，第一次到訪翠河，覺得為環境、餐單與價位都異常相似，到底是真的有淵源，還是後者抄襲前者呢?熟悉翠華的人會知，店內最美味誘人的食品為奶油豬，是日的選擇也正是它。　餐廳採電腦出單技術，落單後約5分鐘，新鮮微暖的奶油豬上檯。比起翠華的出品，這裡的豬仔包明顯有著更豐富的煉奶同牛油，看外表非常吸引；可惜，一吃下去包身遠不及翠華堅挺香脆，而且牛油也實在下得太狼了，令人感覺稍滯膩。雖然水準並不算差，但比起翠華它只算是二等豬!　由於下午茶時段去到6:30pm，豬仔包配上一杯香滑重奶的熱奶茶，也才$18，這方面則比翠華抵食的，經開也可一試。

2009年1月16日 ( 1 ) 蛇口一天遊 ( 翠河餐廳 ) 早餐今天相約親友往蛇口逛遊，首先，我們先到 ( 翠河餐廳 )早餐，選吃了兩個早餐，( A ) 奶油豬仔，熱奶茶，早餐售16元( B )豆豉鯪魚米粉、油包、腸、蛋、熱咖啡，早餐售22元。奶油豬仔，外脆內軟，好吃，豆豉鯪魚米粉，豆豉鯪魚是罐頭的那種，好吃，米粉只是一般，油包軟熟，香腸好味，蛋也是一般。熱奶茶與熱咖啡OK好飲了。

今天去行山，目的地是 ( 紅花嶺 )，首先去荃新天地2期吃早餐，目標是新餐廳( 翠河 )，這裡環境不錯，地方很大，座位超過100個以上，因晨早關係，人也不多，感覺很舒服。今天吃的早餐為豬柳漢堡、沙嗲牛肉公仔麵，餐飲凍好立克，早餐收費20元，凍飲加2元。另加半隻奶油豬仔收費5元，原本收27元，因是新開張關係有折頭優惠，只收26元，很抵吃。餐飲凍好立克，味道喝一般好立克一樣，但夠料對味。豬柳漢堡、沙嗲牛肉公仔麵，豬柳漢堡好味，沙嗲牛肉不酥不腍不韌，味道也不錯，公仔麵無過火，整體好吃。奶油豬仔，練奶及牛油足夠，不過沒有(翠華)般香脆，但也很好吃。