翠河餐廳 (已結業)

一個沒有在家煮飯的晚上，就在這兒吃了一頓簡單的家常便飯。吃的是小菜套餐，從多達四、五十款小菜中揀了「花枝片蝦球炒蘭花」和「橙花香檳骨」。兩道菜算是中規中矩，味道正正常常，不會特別好，也不特別差，充當家常便飯，仍是過得去的。在餐飲與例湯兩者中選了例湯，是簡單的「西洋菜湯煲唐排」，勝在大碗，西洋菜也夠多，但味道太重，明顯下了「師傅」，就不大好了。

第一次食翠河，純粹系因為佢近朗豪坊又平過翠華。樓上雅座，樓下都雅座。大門似cafe多過茶餐廳，幾驚佢啲價錢都似cafe。10.30AM去到人吾多，好多位，樓下其實都有位嘅，見佢啲裝潢都似幾高級，但服務生叫我地上樓上，於是就上左一層樓梯上樓上。樓上比樓下光猛，所以感覺上冇咁高級哈哈。環境都幾乾淨嘅，比起一般茶餐廳佢衣間嘅設計似大快活美心個啲連鎖店。睇餐牌都系啲正路嘢，簡單啲講即系同其他隔離左右嘅茶餐廳大快活定大家樂一樣。入得黎茶餐廳都吾會預佢水準有幾高超環境有幾高貴啦，當然系「快平飽」吾該。啲卡位都好坐嘅，入座有兩杯暖水，冇生水味ok。望兩望就揀到食咩吾洗糾結，系要比個讚個餐牌嘅。點餐同上餐都快，價錢都合理。蕃茄濃湯通粉配煎蛋腸仔，蕃茄湯第一兩啖覺得吾多濃，不過愈食愈夠味，愈食愈好味！不過我吾鐘意佢衣種硬硬同細細粒嘅通粉，我鐘意食大粒嘅！雖然吾岩我食，不過我都食哂，一粒都冇留低。隻蛋煎到好香好正，其實本身我吾食煎蛋，吾小心叫錯左冇辦法，其實我吾鐘意蛋白蛋黃分開食。但佢一黎就放左系個湯入面令我冇咁抗拒，因為蕃茄味可以蓋過佢個味，然後我都食哂，所以其實佢系好味。條腸系一般腸嘅咸於是我食吾哂。

近日在旺角揾吃多早前喺康年中咗伏今日再接再厲去連鎖餐廳進攻,叫個咖哩牛筋腩飯有碗羅宋湯味道一般啦都唔會太有要求你估金記咩ｈａｈａ～咖哩牛筋腩飯＄５０嘩仲煙韌過我同老婆大佬我呢D老人家冇乜牙力架嘛咖哩味亦好普通用半佰價錢只換來填肚吧!!凍奶茶+$3都係好一般唉打工仔想揾餐好點的晏真係咁難嘛？好掛住老婆Ｄ手勢啊！！

平時去旺角睇醫生都會黎呢間,其實佢地D野好好味!又近睇醫生既地方,午餐雖然50蚊,但有扒有薯菜有湯有野飲,每次用餐都覺得令人難忘,而杯即磨咖啡亦好正!!!在旺角以呢個價錢食到如此高水準既野食的確難得!最推介係咖喱雞,照燒雞扒+薯菜,廚師應記一功!每次食午餐A都沒有失望的!每次都一碟砌得好靚,賣相正!不過佢班侍應服務認真要檢討,完全街市婆經營,幸好係佢有不少自由行生意,如果本地人相信無幾多人會翻叮!1.安排座位好亂,仲會公然在顧客面前大吵大鬧,好肉酸!2.坐低後因冷氣太勁唔比轉位,好死惡!3.聽到佢地耍D遊客,話炸脾要等半小時!炸咩呀?真係半個鐘隻脾仲食得?仲要落單唔同客講喎!4.有客問有無WIFI,回應係: 無呀!食飽好走喇!多人等位呀!今時今日咁既服務態度真係拍爛手掌,不過我仲會幫襯,係因為D野食得同價錢相宜,周邊無幾多間選擇,同埋廚師無罪既,但去食既朋友記得戴定耳筒,唔係會聽到佢地好似街市咁嘈架喇

連鎖的港式茶餐廳在香港愈開愈多，大部份的招牌樣式都很像，翠河茶餐廳是其中一間。這裡裝修企理，分上下兩層，人流不多所以不用等位。下層樓底高，上層有很多靠著窗口的沙發卡位，坐著可以看到外面的朗豪坊，所以不論坐下層或上層也是感覺挺開掦的。這天路過吃早餐，我點了一個忌廉雞湯火腿通粉配炒蛋和蒜香牛油多士，送熱飲。下單的那一秒我太天真了，還以為有雞在裡面，原來只是用罐頭忌廉雞湯做湯底。火腿通粉味道普通，炒蛋沒特別，蒜香牛油多士外脆內軟，還不錯。整體沒什麼特別：早餐選擇不多，服務員態度普通，食物一般，價錢也是一般。

翠華做茶餐廳做到上市認真厲害，想學翠華大有人在。翠河茶餐廳便是其中一位。翠河茶餐廳分店越開越多，最近在旺角翠華附近又多一間。翠河無論在定位、食物種類及格局都跟翠華差不多。因此以為翠河是翠華的姊妹店的食客大有人在。翠華出名，因此午市經常大排長龍特別是遊客。相反，翠河茶餐廳人流不多，這裹不用等位，不用Share枱，不會被吹趕埋單，因此對我這些本地食客更吸引，可以慢慢食過午餐。旺角的翠河有２層，地方寬敞，裝潢走年青Modern 做線。坐位已梳卡卡位為主，地方新淨，窗口多因此自然光射入，都坐得舒服午餐有只有２款選擇，有餐湯及餐飲，各＄５０。這裹的午餐比其它分店貴而且午餐選擇較少。當日選了黑椒牛柳配意粉，餐湯選了羅宋湯，加＄３轉凍飲，埋單＄５３羅宋湯味道一般，只有酸味，好浠黑椒牛柳配意粉牛柳有３片，有些部位太韌切唔開，有些太多筋食唔到，結果可以食的只有一半。幸好意粉份量足夠配上惹味的黑椒汁多，都夠飽。奶茶茶香奶順滑，味道都不錯總結：食物一般，中價茶餐廳價；環境及服務比翠華好。