翠河餐廳 (已結業)

今日约咗朋友系Mikiki的「翠河」Tea，下午茶分别有休闲及悠闲两种不同类型，再细分轻量级同重量级，我择左悠闲重量级的瑞士汁干炒牛河，瑞士汁甜甜哋，牛肉都几多，但炒河粉就睇到厨房师傅功力唔够，真有点失望😞…查看更多

我11点去到，坐43号，落单我举左手成5分钟都无人理，只好行出去揾人落，我带到个侍应行到反位落单。之后一值等，结果我等左成个钟。我问个收银，先知无落到，佢仲要同我讲再等下啦，仲叫我吾好一个人霸住张台，去第二度坐，我都未回应就叫其他客坐落我个位度。我真系无言，店大欺客。用差呢个字都系对差的最大侮辱…查看更多

星期日，今次大小姐在东启德踢⚽️，我就在新蒲岗揾早餐食。翠河门外大量咪表位，但亦大量车。等十零分钟才有位泊。够胆的话泊街边唔驶等，坐窗口位都足以望到自己架车。选了早餐B：沙嗲牛肉米粉、炒蛋+火腿、蒜蓉牛油多士半件、冻柠茶少冰。埋单$33+$3=$36。米粉是传统米粉，不是即食/银丝米粉类，有点鞋口。牛肉够味，份量一般。多士好香，赞！炒蛋热到烫口，港式茶记中罕见，赞x2！柠茶标准啦，不算劲浓茶味，但没偏甜偏淡。总括：对得住呢$36！…查看更多

买早餐的时候，不清楚奶油猪原来分正餐价钱同跟早餐价钱，收银员问都冇问就落左正餐价钱24蚊，但系我有跟三个早餐，如果平时我买加奶油猪正常其实系5蚊一件出左张单问点解甘贵，比收银个啊姐指责翻我转头话我冇讲系半件。大佬，我边会有你甘清楚，正常你见我有早餐，系咪应该问一句系咪要跟餐果个半件奶油猪啊？虽然后来d经理同部长出黎圆场，但系个收银员态度真系非常差。如果我冇睇单，真系唔知原来收多左我甘多咯。总体食物都抵食，但系不是愉快的经历。…查看更多

放工又要谂下食咩好 今日唔想食西餐 于是去左翠河叫𩠌食饭餐牌上选择比较多 有差不多有三十款选择 但我地得两个人 最后我地叫左三个𩠌加两个白饭外卖1）红枣云耳北菇蒸滑鸡 $58鸡比较鞋 而且又多骨 无咩肉 仲要等左20分钟先有 一般般2）西柠软鸡 $55店员好细心将西柠同炸好既鸡分开上 鸡嘅份量比较多 而且比较脆 好食3）西兰花炒虾球花枝片$67要食返少少菜平衡下 我最钟意食西兰花 而且份量好多 味道不错不过外卖冇得有优惠 而家有好多餐厅外卖都有八折或九折 如果翠河都有的话 相信会更加多人会叫外卖…查看更多