翠河餐廳 (已結業)

今日約咗朋友係Mikiki的「翠河」Tea，下午茶分別有休閑及悠閑兩種不同類型，再細分輕量級同重量級，我擇左悠閑重量級的瑞士汁乾炒牛河，瑞士汁甜甜哋，牛肉都幾多，但炒河粉就睇到廚房師傅功力唔夠，真有點失望😞…查看更多

我11點去到，坐43号，落單我舉左手成5分鐘都無人理，只好行出去搵人落，我帶到個侍應行到反位落單。之後一值等，結果我等左成個鐘。我問個收銀，先知無落到，佢仲要同我講再等下啦，仲叫我吾好一個人霸住張台，去第二度坐，我都未回應就叫其他客坐落我個位度。我真係無言，店大欺客。用差呢個字都係對差的最大侮辱…查看更多

星期日，今次大小姐在東啟德踢⚽️，我就在新蒲崗搵早餐食。翠河門外大量咪錶位，但亦大量車。等十零分鐘才有位泊。夠胆的話泊街邊唔駛等，坐窗口位都足以望到自己架車。選了早餐B：沙嗲牛肉米粉、炒蛋+火腿、蒜蓉牛油多士半件、凍檸茶少冰。埋單$33+$3=$36。米粉是傳統米粉，不是即食/銀絲米粉類，有點鞋口。牛肉夠味，份量一般。多士好香，讚！炒蛋熱到燙口，港式茶記中罕見，讚x2！檸茶標準啦，不算勁濃茶味，但沒偏甜偏淡。總括：對得住呢$36！…查看更多

買早餐的時候，不清楚奶油豬原來分正餐價錢同跟早餐價錢，收銀員問都冇問就落左正餐價錢24蚊，但系我有跟三個早餐，如果平時我買加奶油豬正常其實系5蚊一件出左張單問點解甘貴，比收銀個啊姐指責翻我轉頭話我冇講系半件。大佬，我邊會有你甘清楚，正常你見我有早餐，系咪應該問一句系咪要跟餐果個半件奶油豬啊？雖然後來d經理同部長出黎圓場，但系個收銀員態度真系非常差。如果我冇睇單，真系唔知原來收多左我甘多咯。總體食物都抵食，但系不是愉快的經歷。…查看更多

放工又要諗下食咩好 今日唔想食西餐 於是去左翠河叫餸食飯餐牌上選擇比較多 有差不多有三十款選擇 但我地得兩個人 最後我地叫左三個餸加兩個白飯外賣1）紅棗雲耳北菇蒸滑雞 $58雞比較鞋 而且又多骨 無咩肉 仲要等左20分鐘先有 一般般2）西檸軟雞 $55店員好細心將西檸同炸好既雞分開上 雞嘅份量比較多 而且比較脆 好食3）西蘭花炒蝦球花枝片$67要食返少少菜平衡下 我最鍾意食西蘭花 而且份量好多 味道不錯不過外賣冇得有優惠 而家有好多餐廳外賣都有八折或九折 如果翠河都有的話 相信會更加多人會叫外賣…查看更多

和朋友來這邊吃飯，叫了豬手和煲仔飯，味道不同，配上白飯，猶如家的感覺，餐廳裝修簡單，價錢中等，和朋友有說有笑的，分享生活點滴，這裏還有其他的選擇，蒸魚炒菜都是例子。…查看更多

位於mikiki嘅翠河餐廳不嬲都有好多人食，今次我同朋友第一次黎，唸住炒幾個菜食飯，點知都有驚喜。我地叫左一份啫啫雞煲，梅菜蒸鯇魚，同埋一份時菜。啫啫雞煲真係勁多雞同埋好入味😋😋😋，佢入面啲豬膶都煮得好爽口同幾滑，雞都十分鮮嫩😍😍😍。鯇魚就真係都幾大份，蒸得岩岩好，唔會好老，梅菜都好足，用料都幾大方🤤🤤🤤。時菜係生菜或者菜心，只係$19蚊，佢嘅份量雖然唔多但係真係好抵食🤣🤣🤣…查看更多

今晚喺新蒲崗做完運動 一大班朋友好肚餓搵嘢食，去咗mikiki商場 新開嘅翠河餐廳 食晚飯呢度地方寬敞，新裝修光鮮企理座位夠大，大部分都係卡座 我哋咁多人當然坐圓枱！這裏主打大排檔 鑊氣港式小炒！ 我哋點咗正常經典小菜：椒鹽鮮魷和西檸雞香脆可口 冇油膩感，鮮魷爽 西檸醬汁夠酸甜西蘭花炒蝦球西蘭花清新爽口，蝦球彈牙啖啖肉芝士會大蝦伊麵芝士味濃 大蝦鮮兼炮友非常入味豉汁涼瓜炆倉魚倉魚煎香再用豆豉汁炆，非常惹味餸飯佳品翠河是香港連鎖茶餐廳，不要 對環境和服務太苛求 ，抵食夾大件適合大夥兒聚餐！唯獨是 可能新裝修 抽氣系統未完善，室內殘留一股油煙味！…查看更多

終於有翠河，叫了我最喜歡的咖哩雞及鮮茄蛋海鮮湯飯，加碟油菜。先來一碟咖哩雞，在一大碗咖哩汁內有兩大件雞及薯仔，而碟飯明顯好少，唔多夠送飯。鮮茄蛋海鮮湯飯，飯及湯多，海鮮有只兩粒蝦球，一件魚塊，魷魚及蟹柳就碎上。感覺有點欠誠意。味道上可以啦，由於新店，環境好好，侍應態度有待改善。…查看更多

今日lunch 去幫襯mikiki地下間翠河，叫左個魚香茄子炆米，成碟野只搵到4舊茄子，會唔會少左d？真係好失望。我同事叫左豆腐火腩飯，落漏左單，都係得幾舊豆腐同燒肉。$46 一個餐，響新蒲崗應該有其他更好的選擇。…查看更多

呢間野服務差，落單成日錯，一係就個廚房唔知做咩事有兩次早上返工，俾佢搞到遲到，趕時間絕不建議去果到食，一次叫個早餐，唔個廚房做乜鬼，搞到成間餐啲客冇野食，等成幾個字，一次又係叫個早餐，等左幾個字得杯奶茶，點知睇張單原來淨係落左杯熱奶茶，跟住聽聽下隔離枱又廚房出錯食物，叫個餐蛋麵變腿蛋麵，跟住又聽到凍檸水變熱檸水，短短半小時呢樣錯果樣錯，有時又聽到啲侍應同經理博咀，真係嘔血，以後絕不幫襯…查看更多

食過2次，之前都是繁忙時間，而且茶餐廳，本身都不打算有何服務可言，但今次真係過份。話說差不多2:00去到，眼見張張枱都有1、2個客，平時不用攞飛仔的茶餐廳伙記都會問下我幾多位喇，但呢間的伙記見我企係度，豎埋4隻手指都當睇我唔到，好，咁我見有人走就去坐喇。 之後我揀下午茶餐，我望完個電話1:59，叫個伙記黎，佢話未夠鐘，又話入唔到單。平時啲伙記就算差5分鐘都會幫人寫左單先，夠鐘就去落單喇，仲要我同佢講叫佢寫完單就夠鐘喇，佢攞個電話出黎想話未夠鐘，俾我見到剛剛跳去2:00。呢間翠河係俾個空杯你自己倒水，佢地杯又唔俾我，要我自己攞。全場不繁忙，成7、8個樓面都唔個做咩。之後發現幫我落單果個原來落場喇，哦⋯⋯原來係我阻人收工，作為客人真係唔好意思.....以後我會去隔離排隊都唔阻人收工喇！…查看更多

挺喜歡翠河，因為價錢不貴，食品又夠地道茶餐廳風味。而且，奶茶、咖啡、鴛鴦都好飲。但是，就在我的生活圈裏，都沒有翠河。今天在Mikiki等Honey下午茶，看到從前Panash的位置，改了做翠河，太好了！看看餐牌，下午茶餐非常相宜。Honey叫了豬扒包 / 瑞士雞翼：豬扒包：豬扒剛剛炸起，外脆肉嫩。而且，豬扒肉很厚，肉夠爽，有南乳香味。豬仔包也剛剛烘起，外脆，配番茄和沙律醬，好開胃！瑞士雞翼：夠入味，但是又不會太鹹，好味！我就叫了瑞士汁乾炒牛河：這個，有點失望！可能是下午茶餐，牛河一早已炒起，所以上桌的時候，河粉不是一條條分明的，而是一嚿嚿黏在一起。也可能是一大堆炒，河粉有點｢鞋｣，也不夠熱。但總的來說，食品不錯。而且，座位坐得寬闊，服務員態度也好。唯獨，餐廳的抽風系統需要改善。一入店，已經嗅到油煙味；吃完走出到餐廳，滿頭滿身油煙味，有點美中不足。…查看更多