影片
返工都喜欢去长沙湾翠河食早餐，价钱不算平，但座位舒服，侍应生好有友善👏👏今日点了肉丁面，蒜蓉多士及炒蛋，加埋杯涷饮$35，食物各样都几好，特别喜爱佢哋嘅炒旦，真系几好味😋，虽然价钱不算平，但胜在坐得舒服，食饱饱返工就真系劲正👍🏻😁
继续阅读
星期日陪小朋友瞓醒晏觉，谂住喺附近hea食个下午茶，求其一间连锁茶餐厅，谂住衰极有个谱挂，点知伏到爆！叫咗个焗猪扒饭、豉油王鸡肶红豆冰。等嘅时间都不断听到其他枱投诉水bar出野慢、炒意粉d意粉仲系半生嘅痴埋一旧未煮开，心谂都伏伏地，但已order唯有搏一搏。杯红豆冰嚟到，望落已经系唔奶唔水嘅物体，隐约见到杯底有啲红豆，为免「以貌取人」，都试饮下先啦，点知真系入唔到口，基本上系糖水一杯，同个阿姐讲，阿姐话一系加啲红豆，我哋唔觉得加咗红豆杯野会连味都变埋，于是要求换过杯冻柠茶算啦，应该稳阵d卦，阿姐不情不愿咁拎去换，又补充话水bar系新手 （咁所以呢？) 然后仲同其他阿姐研究应该加啲乜乜物物落去......个焗猪扒饭好快就黎到，味道其实唔算好差，不过睇得出一早已经煮好再翻热咁，里面啲西芹、甘笋已经又淋又黑，都唔系几敢食。豉油王鸡肶就非洲鸡咁嘅卖相。总结一句都系 伏。
继续阅读
翠河系我食得最多早餐的餐厅 因为早餐供应时间系至中午12点!！简直为我而设放假紧系训到自然醒架嘛早餐款式算多，面餐、英式早餐、面包餐、三文治餐都有！我好多时都会叫 E餐- 意大利蕃茄薯仔浓汤，汤底有不少茄肉，食到阵阵茄味，特别开胃，加埋蒜香多士&北海道牛乳炒滑蛋，每次食完都好饱饱！
继续阅读