翠河餐廳 (已結業)

返工都喜歡去長沙灣翠河食早餐，價錢不算平，但座位舒服，侍應生好有友善👏👏今日點了肉丁麵，蒜蓉多士及炒蛋，加埋杯涷飲$35，食物各樣都幾好，特別喜愛佢哋嘅炒旦，真係幾好味😋，雖然價錢不算平，但勝在坐得舒服，食飽飽返工就真係勁正👍🏻😁

星期日陪小朋友瞓醒晏覺，諗住喺附近hea食個下午茶，求其一間連鎖茶餐廳，諗住衰極有個譜掛，點知伏到爆！叫咗個焗豬扒飯、豉油王雞肶紅豆冰。等嘅時間都不斷聽到其他枱投訴水bar出野慢、炒意粉d意粉仲係半生嘅痴埋一舊未煮開，心諗都伏伏地，但已order唯有搏一搏。杯紅豆冰嚟到，望落已經係唔奶唔水嘅物體，隱約見到杯底有啲紅豆，為免「以貌取人」，都試飲下先啦，點知真係入唔到口，基本上係糖水一杯，同個阿姐講，阿姐話一係加啲紅豆，我哋唔覺得加咗紅豆杯野會連味都變埋，於是要求換過杯凍檸茶算啦，應該穩陣d卦，阿姐不情不願咁拎去換，又補充話水bar係新手 （咁所以呢？) 然後仲同其他阿姐研究應該加啲乜乜物物落去......個焗豬扒飯好快就黎到，味道其實唔算好差，不過睇得出一早已經煮好再翻熱咁，裏面啲西芹、甘筍已經又淋又黑，都唔係幾敢食。豉油王雞肶就非洲雞咁嘅賣相。總結一句都係 伏。

翠河係我食得最多早餐的餐廳 因為早餐供應時間係至中午12點!！簡直為我而設放假緊係訓到自然醒架嘛早餐款式算多，麵餐、英式早餐、麵包餐、三文治餐都有！我好多時都會叫 E餐- 意大利蕃茄薯仔濃湯，湯底有不少茄肉，食到陣陣茄味，特別開胃，加埋蒜香多士&北海道牛乳炒滑蛋，每次食完都好飽飽！