影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
今日同同事lunch去咗一间以快餐为主嘅餐厅，专为打工仔提供快捷嘅午餐选择。整体感觉~快靓正，上菜速度快，啱晒我哋呢啲时间宝贵嘅上班族！叉烧油鸡饭依个饭系标准嘅港式快餐组合，叉烧同油鸡份量ok，味道正正常常。叉烧肥瘦适中，油鸡皮滑肉嫩，配饭食啱啱好。无咩惊喜，但系稳阵嘅选择，唔会失望但都唔会有wow嘅感觉。鲜鱼汤蚝仔肉碎泡饭鱼汤正常，带出鲜鱼嘅鲜味，蚝仔同肉碎嘅配搭增加咗口感同层次，泡饭吸晒汤汁，每啖都满足。鱼汤真系唔错，饮完暖笠笠，啱晒秋天食。依间餐厅系打工仔嘅福音，上菜快，啱晒赶时间嘅人。碟头饭稳阵！下次有时间应该会再试其他菜式。
继续阅读
自从有次食过西式午餐后，已经放弃翠河既西餐，只系晚饭食鱼餐，有时叫蒸鱼有时叫姜葱鱼腩煲，都系唔错的。上星期个胃唔舒服又唔想食粥，就去食个late breakfast。以往会去商场另一间茶记的因为佢个沙嗲牛好正，件多士系丹麦酥多士。但唔知几时开始转咗用餐包或白面包，无多士供应了！即时downgrade晒个早餐，怪不得人气都下滑了。讲返翠河，今次个经典早餐竟然有件唔错既油多。牛油份量ok，烘得有多士金黄色绝不马虎，比起搬舖前有大进步。系旧舖时件多士干睁睁的，同白面包分别不大，我次次都要求加牛油，否则完全无意欲食佢。但而家件油多已经焕然一新，由可有可无的配角变成呢份早餐不可或缺的重要元素。总括嚟讲呢份经典A餐既质素对得住捧场客。但通粉个汤底仍有进步空间。
继续阅读
帮衬了年几，厨房啲野越来越难食，佢钟意比咩就咩，德国肠比太阳肠，问下换一句唔好意思唔换，黑椒鸡髀有茄汁未，鱼柳饭可以一碟满汁，服务不讲地方唔糸好光净可以以后不用帮衬了，可惜真可惜。
继续阅读