翠樂庭餐廳

营业中

休息中

通常去Disneyland會玩全日，好少只去食晚餐。那天，我們六時前便到達，參觀一陣酒店環境，便往餐廳進晚餐。由於我喜歡食甜品，急不及待到甜品專櫃去看看，結果有我喜歡的朱古力噴泉，有藍梅蛋糕，仲有米奇頭雪糕，很開心。當天，仲有好多公仔陪我拍照，唯一美中不足是配合一個美麗的環境，但小朋友聲太多，如果要浪漫，一定不是好地點。但大伙兒進晚餐卻很開心。魚生和冷麵都很好食。熟食方便，意粉和咖哩也不錯。服務也很好，我一離開坐位，會有人協助收取餐碟。

琴晚我同女友去左呢間店食自助餐補祝情人節,呢間店超靚,好古典,隱隱散發出貴氣同莊嚴,好好,食物選擇勁多,有中式,西式,意式,印度式,日式,仲有好多魚生同凍海鮮,最估唔到係d印度菜同中式野食,出奇地好食,尤其係炒印度飯,佢真係用印度米,長身,口感不錯,加d咖喱加串羊肉串燒,真係好好食.d魚生都好新鮮,而且所有野都會不停refill,就算去到最後冇乜人,佢地都係咁refill,真係難得.另外呢間店有好多種甜品比你選擇,個人最鍾意芝士餅.味道不錯.呢間店o既最特別之處就係會有卡通人物出來同你影相,我地兩個就同左米奇美尼同布魯圖影左好多張相,佢地會自動行埋來,唔洗出去搵,而且d小二同d卡通人幾乎有求必應,一人加埋一都係$450到,值得一試.

食完前一天的垃圾,今日黎返自己住既酒店食,我地今次醒la,問帶位姐姐可唔可以入去睇完先睇下食唔食,之後果位十分有教養的靚女說當然可以la,我帶左你去睇下buffet你地覺得o唔ok先,睇完,我明白一分錢一分貨,靚好多,我地又唔想走黎走去,最後入座了,開餐了,第一樣見到,(可怕長腳蟹),但係我又好鐘意食,選擇了全碟最細的小蟹腳,之後返枱開餐,第一口,我已經知道我可以放心大吃一餐了,就開始大吃大渴了,燒牛肉燒得好靚,d main都做得幾好,甜品唔可以話好好,不過同作晚比就有9條街之遠,$418有buffet食,有公仔同你影相同你玩,我覺得已經好好了,大家也要明白,成本貴呀,現在在香港有咁既服務同中上既食物,對我已經很滿足了,這麼多食物,這麼多客人,可能未必能做到個個都會鐘意食,但對我黎講,這裡已經好好了,多謝他們,我今晚玩得好開心呀!這裡今晚有4位卡通人選,我最愛的跳跳虎同朱朱,米妮同米奇,哈哈,不停同佢地影相,各位既態度十分親切,哈哈,如果我再去迪士尼樂園玩我一定會入黎食................................

星期日去完disney park 睇完飄雪煙花去hotel一行11大人3小bb去食disney buffet全日置身世外桃源 心情一絕去到優靜 裝修又靚既hotel勁開心但入到餐廳已經見到D卡通人物 即刻醒神哂其實都冇諗住咁既格局d野食會好好味 本身又唔算肚餓所以都不抱厚望首先佢starter既選擇唔算太多D凍蝦+凍長腳蟹+凍螺 好新鮮, 魚生都ok之後d 喇沙好得, CURRY好得, 厚切CHIPS 好FRESH, 個肉醬意粉都好GOOD, 基本上HOT DISHES 都好好味, 另外, D DESERT整體都好大路野亦好有水準仲有...D STAFF非常之NICE, 係上DRINKS好似有D亂而安排同人物影相都有求必應...唔知係咪心情好...覺得DISNEY BUFFET好好味雖然加埋10%要成5舊水但我應該會再ENCORE

星期日一家人去食︰有長腳蟹，魚生，壽司，炒飯，薄餅，果盤，沙律，朱古力嘖泉(黑白)及甜品，款式很多，最好食系南梅撻，只有一輪，我食左7隻，其次是長腳蟹及生果，夠甜夠新鮮。不過這個價錢沒有生蠔及芝士龍蝦就差d啦，好彩都有吾少公仔影相。注意︰侍應收野超快，轉個頭冇左。

因為有上綱每位$100couple所以一行六人(老公公、女女、公公、婆婆、舅父和我)黎試下~星期日buffet 時間係6 點至 8 點，價錢折實$360六點準時去到 ...食物種類雖然唔係十分多但係食物水準相當好樣樣都好好味開放式廚房見廚師煮菜.另外食物 refill 快魚生新鮮 ... 尤其係長腳蟹(第一round鮮甜,第二round就no good 翡翠螺, 及中蝦 ok la~~羊架、牛扒、炸蝦卷都係推介唯一無咁好係甜品比較少，10款甜品、水果、朱古力噴泉...而雪糕竟然是軟雪糕但有機會都會再去食同埋現場有好多卡通人物走來走去同你玩，識員會自動幫你楂相機影相，又會攪氣氛，所以係個度食野氣氛好開心但女女見到卡通人物就哭好攪笑．．．．．

家中有小朋友生日, 成家來了滴滴尼食自助餐.約了6點的第一倫.第2倫係8點半的, 怕小朋友攰, 所以都係食6點.一去到, 下車入內, 發現原來係3樓; 落一層樓梯, 咦, 點解已係1樓?學四叔話齋, 真係幾 "有趣" 呢...或好似老夫子咁, "耐人尋味"!唔理啦; 快點坐下, 好快齊人, 出擊!!海鮮區有d 長腳蟹, 翡翠螺, 細的青口及中蝦; 係比較失望的一區,長腳蟹冇味, 唔太鮮味;翡翠螺其實係ok 的, 但太多沙了!!!成口都係!!!!青口及中蝦太普通,冇食到.壽司區好弱, 得張相咁多! 食了一片, ok 的.黑色的日式冷麵卻不錯.跟住個waiter 放下了碟牛肉, 一人一碟, 看似幾正, 味又如何?切一片, 看看, 4-5成熟, 擺入口, 嘩, 好正, 冇筋的, 好夠牛肉味, 一流!再出去逛逛, 見到個特別低矮的兒童區, 夠晒多junk food,有雞中翼, 迷你熱狗, 薯條, 肉醬意粉......即炒意粉及叻沙都係必食的;咖哩都很好, 也食了不少;條蒸魚好滑, 也食了幾舊.有點心, 口痕食了粒小籠包, 雖皮很厚, 但已比想像中好!其他食物全都試了少少, 沒有什麼印象特別深

八點多D到，入到去好糟，不過唔緊要啦，迪士尼開心D ar ma..食野：講真唔值四百lor...不過野食選擇都多，味道正常，無話好好食，亦無話好難食。但個燒牛排就不知所謂，佢比我個件生到得一兩成熟lor...我念唔係個個人都接受到，好似剛打獵完番來咁，超恐怖！ 甜品：好少選擇，失望、、、無咩特別好食，布丁好淡！得兩個cake、、、其它一杯杯個D甜品就過得去，但真係唔稱得上好食。另外白朱古力噴泉無咁悶，幾好。服務：-四百蚊來講，不知所謂。未去之前打去book 位，都幾有禮貌，心念去到服務都應該唔錯。點之，去到完全相反。食左兩個鐘，只係幫我地(6個人)加得三次水，有一次仲係我叫地先肯加(唔好意思，我地成家都係水桶，慣左食野飲好多水)。-張台(圓形的)，成台放滿晒野都無人清。我以前去食自助野，每次食完野再出去拎野食，返到台一定有人收左lor已經，但迪士尼真係唔會，我再食完再第二次返來，D野都仲係到。-點野飲個時，好似茶餐廳咁lor.....6個人點野飲，緊係有D亂ga la、、、個waitress、、、、呀，唔識形容。"Ji"都唔笑！-食到9點半(10點半先收)，出面無晒碟都無人refi

都多野食, 但係湊住小B就真係唔得閒食囉野食都ok 好味但無蠔 朱古力窩夫好好味 有四位Disney人物會同你玩如果生日, 之前個日訂蛋糕($90)-細細個, 當日仲會有Disney Char 同你唱歌, 同有生日帽添, 小朋友生日最岩去個度, 氣氛好好. 環境比較暗, 一定要落閃燈, 我用單鏡機加閃燈(打上天), 就唔係好夠光, 都係鬆郁懵.如果無相機, 可以響個樹買佢d相, 睇左靚先埋, 仲做埋鎖匙扣添. 當然係唔平啦. 家下有每位,減$100 coupon (download from disney website) , 都會再去. ^^

黎左迪士尼, 夜晚就book左係呢到食buffet. 主要原因唔係因為呢到有咩食物好食. 而係因為可以同有d卡通人物係咁 "遠" 住黎影相. 所以未去之前對佢哋既有d咩食, 好唔好食都無咩expectation. 反而我最關心既係有幾多隻公仔會駐場~~~我哋book左6點鐘嗰場, 諗住食完buffet之後仲有時間消化! 我哋好準時6點鐘去到, 唔係好多人好似我哋咁早到. 所以我哋一去到就已經好快咁被安排入座. 一入到去已經見到minnie同mickey喇~~~ 不過因為今日一早留左肚食野, 所以一去到已經十分肚餓, 所以都係食左先講~~~食物既種類唔多, 正常數量. 同出面百幾二百蚊嗰d自助餐差唔多款式. 除左款唔多之外, 其實佢每一款每一次既供應數量都唔多! 一d大熱既食物, 例如魚生... 就算佢新一盤全新既ling出黎可能幾張枱都已經可以清晒. 不過呢到職員既refill速度都好快. 或者係第二個角度諗, 咁樣食物係public area停留既時候較短亦都會衞生d既~~~ 反正一定食到....原先我諗住呢個咁小朋友既地方甜品會係主打... 所以當見到品既種類只有十款左右確實有少少

爸爸生日, 我們決定一家人到翠樂庭吃自助餐實情是被DISNEY人物吸引而來, 亦沒有奢望會很好吃.食物方面: 蟹腳,魚生新鮮好吃, 可惜沒有生蠔.熟食種類多, 味道也不錯甜品賣相吸引, 但略嫌有些淡.反而雪糕是最好味的.環境舒適, 有DISNEY人物增添不少歡樂氣氛,

冷盤 ~ 蟹腳、凍蝦、螺、西班牙火腿配哈蜜瓜都好好味 ; 魚生一般 ; 其他冷盤如壽司,沙律就無食到湯 ~ 人參燉湯(用料足,好清甜)熱盤 ~ 羊扒、豉油王大蝦都好好味,但由於本人好多款都無食(eg:粉、麵、飯、飽、pizza、牛扒、天婦羅.....),好難下評論甜品 ~ 軟雪糕( 軟雪糕機,自己DIY,好好玩)、朱古力噴泉、cheeze cake、麵包布丁.....都好好味,而且有好多種類選擇Mickey、Minnie、跳跳虎四圍走,多次與客人合照,氣氛好好,之後工作人員會把相片製作成鎖匙扣及相片以供客人選購

一週年紀念, 二人book了童話般的翠樂庭用餐, 時段為8:30pm.8:00pm在房間的露台看完煙花, 立即到翠樂庭門口排隊入座.地方很大, 食物種類多:冷盤 ~蟹腳(十分鹹)，蝦，螺, 青口, 魚生，壽司, 沙律, 西班牙火腿配哈蜜瓜(很match, 好好味)湯 ~人參湯(用料足, 湯濃), 出了1round後, 轉了魚湯(鮮甜, 好味) 熱盤 ~中式點心天婦羅: 炸漿薄, 蝦十分美味燒排骨, 意粉, pizza,麵檔: 即叫即整, 魚蛋彈牙, 好味意粉: 即叫即整, 蕃茄麵, 好酸甜品 ~軟雪糕: 軟雪糕機, 食幾多, 自己按朱古力噴泉, cheeze cake...: 一般mickey, minnie, 跳跳虎及小豬四圍走, 與客人合照, 工作人員製作成鎖匙扣及相片以供客人選購, 價錢$120-$150.service: 十分有禮, 很好.

今日黎左翠華庭度食野，真係好開心呀! 之前係openrice 度睇到各位多數都讚，今日一見，果然名不虛傳自助餐分兩輪，我地訂左8:30。8:25時已到達門口，大排長龍，雖然訂了位，但也有d心急。好彩員工一到8點半就即刻好有效率咁安排我地入去，可能我早成個禮拜訂位，所以比左個角落靚位比我地。先攞冷盤。海鮮冷盤主要有蟹，蝦，螺同埋青口。個人覺得最正係蟹同蝦，兩樣同樣新鮮，係有甜味果種。螺味道一般，但係size 超大。蟹腳真係好多人攞。由於裝蟹既盆好細，每次一出，三幾個人就已經攞曬。但真係要讚，就係refill 好密，真係轉個頭，又可以攞啦~其他魚生，沙律種類都屬普通，魚生有三文魚，吞拿魚等，都係密密refill 先應付到密密既人流。講下熱盤，熱盤都好好食呀~ 炸物方面，我欣賞佢既魚手指同埋天婦羅，魚手指既魚好滑，同埋佢炸到d魚同d皮係一齊既，唔會分開曬，真係好食。天婦羅有蝦，冬姑同矮瓜，蝦炸得好好食。仲有， 個人黎講都幾鐘意佢既煎鱸魚同埋羊扒。尤其係羊扒，質素簡直一流!環境方面，本來都覺得好好，點知臨走之前，發覺係牆角有一把用過同埋有茄汁的刀無收拾，有少少打左折扣......我覺得300

是日和大少到迪迪尼遊玩，之後到了想到已久的翠樂庭食晚餐。心中早預了食物質素種類一般：蟹腳好鹹，好似浸左一晚鹹水甘，值得一讚是佢開哂邊，食得好方便。螺好大隻，都鮮的，我食左半打。熱盤好正，大少起碼食左四碟，件煎鱸魚一級正，又厚又嫩。可惜好快俾人攞哂，轉左第二樣。唔知點解，有好多ＸＸ骨，如沙拉骨，燒排骨，京都骨之類，但其實我分唔到佢地有什麼分別（賣相／味道）。車仔檔隻蝦好大隻，帶子都爽，不過個菠菜麪好淋，淋到一夾就斷。我有去兒童餐到夾意粉，味道不錯。甜品本是我和大少的最愛，可惜。。。樓下餅店果Ｄ蛋糕好食過佢。款又少。可能我地太大個，Ｄ公仔等極都唔來我果一桌，結果沒有同ＭＩＮＮＩＥ拍照。來這兒就是要和公仔拍照麻，失望。