翠景餐廳 (已結業)

上星期同老婆行過，橫掂約咗人未夠鐘，於是入去食個下午茶，我叫咗最鍾意既雞脾沙律，老婆就叫咗份西多士，雞脾沙律寫要15分鐘，諗住慢工出細貨啦，點知先食沙律好似全部都係蛋黃整咁，又無里味道……放棄改食雞脾，點知一咬落去差d牙都崩埋，佢層皮好似有脆漿包住嚟炸一樣，硬到離哂譜，點肉又乾身無肉汁，連凍飲$38，早知食大XX無咁嬲，而我老婆果份西多士就普通過普通，連凍飲$31，喺土瓜灣區咁既價錢已經偏高，加上食品又唔掂……好難會再幫親

今天來到土瓜灣一間小店，餐廳只開星期一至日的早上七點至下午六點，從前曾在附近居住，假日很愛他們的冇味精午餐，及近廿款選擇的下午茶set。翠景是一間連只得五款選擇set lunch餐牌，也令我有「選擇困難症」的美味小店，像是今天假日午餐的ABCDE餐，全都是單看菜名已很美味之選，很難選擇啊！二人進餐，選了洋蔥薯仔牛肉餅及蜜桃咕嚕肉飯， 大家share。洋蔥薯仔牛肉餅配豉油汁：洋蔥及薯仔切絲混在碎牛肉中煎成漢堡扒餅，很特別、很好吃。洋蔥及薯仔絲的不同Texture， 令牛肉餅增添了層次感和口感，多了蔬菜，吃下來就更健康。 對餐廳來說，在原材料成本上，便宜多的蔬菜絲大大減低了整個牛肉餅的成本，簡直是 win-win!蜜桃咕嚕肉飯：沒像其他食店的咕嚕肉般，只見青椒洋蔥不見肉，一小平碗已有接近10件咕嚕肉。咕嚕肉的醬汁調教得恰到好處；個人尤喜愛罐頭蜜桃的味道，簡直是佐飯佳品。專程來吃，絕對是值回票價！

首先要讚嘅係服務：一入門，收銀嘅婆婆大叫「歡迎光臨！隨便坐」，甫坐下，侍應就遞上餐牌，明確告知現有下午茶同午餐提供。由於腳傷要戒口，侍應亦不嫌其煩地幫忙問廚房將煎蛋及出前一丁可否轉為其他食物。埋單時當然也聽到收銀婆婆有中氣嘅「多謝」☺️。老實講，以前我會認為呢種服務先係正常，但現實係買少見少…😞食物方面：豬扒香腸通粉 配熱檸水（$34）豬扒被斬為三塊，方便食用，食落覺得豬扒適量醃過同炸過，外表香口之餘仍保持肉質柔軟，冇炸過龍。香腸略煎香，通粉有紋比一般茶記厚身，湯睇落淡但原來夠味（曾試過有些餐廳個湯底淡如水）檸水有三片正常厚度檸檬，正常冇苦澀。作為茶記常客，呢次走入身邊唔起眼嘅街坊小店，除咗服務良好、富人情味，簡單一個下午茶，亦食得出誠意。

又到帶小狗去沖涼的星期六LU所以黎到土瓜灣了，每次都係翠華食，今日就試下第二間食店啦行過這間小店，店舖細細的，就入去試下啦下午茶時間就叫個下午茶食下啦翠景漢堡餐~~~個漢堡好好食架，肉汁非常的豐富，包包又熱熱的，芝士半溶，好味呢！即叫即整，熱辣辣薯條係最愛的粗薯條YUMMY，又係即叫即炸，正店內座位比較迫，但食物好，當然會再來的

開茶餐廳 做街坊生意 但成間鋪既人一D禮貌都冇 個朝一打開門 就見到收銀位既婆婆 我禮貌上對佢微笑講早晨 佢就好奇怪咁望實我 不過都冇所謂啦唔係咩大問題因為我本身唔中意坐架位 我就坐中間既木台啦 點知阿姐 你一個人做坐過去啦！ 我個下真係wt the **** 但費時煩 咪搬去架位囉 之後D人入黎咪又係一個人坐中間D位 我後面就係收銀 個位婆婆每次有人走個陣都 笑晒口講多謝晒 到我埋單 佢望都唔望我一眼 找錢仲大大力 好似發脾氣咁我完全唔明 好似我得罪左佢地咁 成間野當我係FREAK咁我從未試過有咁差既experience 我一直都好中意茶餐廳 因為好有hk style之外仲好有人情味 無論係唔係熟客都好NICE好親切 點都唔會好似依度咁冇禮囉！！！

早一陣子差不多整條北帝街的茶記都吃勻了，昨日又再度encore「輝香園」，吃那些ABCDE餐也吃到有點悶。其實之前一直已打算到土瓜灣區內口碑不俗的「譽麵坊」嚐嚐那出名的南乳雞球米線，可惜每次經過都未開門。今日天氣不穩，下著大雨，打著雨傘朝「譽麵坊」方向步行，打算再碰碰運氣，結果都是一樣......此時才為意「譽麵坊」旁邊有一間裝修較新淨的「翠景餐廳」，反正未試過此店，於是便步進「翠景」吃一個快早。此店樓面蠻細，座位不多，但給人光猛整潔之感。早餐款式選擇選多，除了通粉、公仔麵之類外，更有西多士、三文治等較西式的食物提供。我最後還是點了鮮牛肉拼炸魚片通粉，跟一杯即磨咖啡($22)。先來的熱咖啡，雖說是即磨，但卻聞不到咖啡香，喝了一口，雖沒有最怕的酸澀味，但咖啡味道十分之單薄，沒有餘韻。雖不致於難喝，但以即磨來說就真是十分失敗......鮮牛肉拼炸魚片通粉，牛肉的而且確是選用了新鮮牛，所以肉質嫩滑有牛味，而炸魚片亦十分彈牙，四邊外皮亦有脆口感覺，味道很不錯。湯底雖有點淡，反而較合我心意，但最教我感到出奇的是那較長身，有坑紋，呈「J」形狀的通粉，有咬口，第一次吃到，感覺不錯。雖然這個早餐的整體

做街坊生意，同客人關係要保持友好！！好好地講句每位最底消費十蚊 都唔曉！！兇巴巴講句唔洗交租呀！！！咁既態度，地方細，價錢比同區其他貴，食物一般！大把其他餐廳選擇 ，唔會再幫襯！！！

常說土記的茶廳是有如七仔一般，"梗有一間响左近"。在譚公道近大街的一面，又給小弟發現有這間叫"翠景"的。橫豎未試過，就找了個早上，來吃份A餐....最近喝東西的興趣又回歸到奶茶裡去。要了杯熱喝的，茶澀味甚重，實在喝不下去。不禁開始有些擔心食物的水平了....烘多士好吃的關鍵除了要夠香脆之外，牛油要多當然亦是重要元素。這裡的兩者皆做不到，結論是很明顯的了；煎蛋的賣相樣子很像大家樂一類連鎖店的出品，那工整的形狀令人懷疑是用上呈環狀的"煎蛋容器"來弄的。自己一向都不愛這類那麼樣板工式的煎蛋的，邊位不帶焦脆，蛋黃又偏向少汁。試問這怎會好吃 ?所謂的蕃茄肉碎通粉更令人大搖其頭 ---- 蕃茄只是聊聊一小撮像浮游生物般漂在湯上，肉碎也都是真正"碎濕濕"的份量極少。老實說，光看這個賣相，已知可擺開一旁....跟上次試吃在北帝街的"鴻滿"相比，差別是相當的大。不過尋吃的精神，乃在於一定要心存"好又一餐，唔好又一餐"的心理準備了....

今天和朋友來到土瓜灣探完朋友後,大家之後各有節目,但大家也是一樣很肚餓的,所以打算食一個quick lunch,剛好經過翠景餐廳有一個小卡位在近門口位,就是這樣,我和朋友便首次來這一間翠景試試了.入到餐廳座下來,看見menu也覺得這餐廳都有很多不同美食喎. 在考慮食什麼的時候,朋友很快便選擇"瑞士汁雞翼撈丁",聽起來也很吸引,真的沒有考慮,立即向職員說"唔該兩個".不用五分鐘,兩碟"瑞士汁雞翼撈丁"已送到. 不知什麼,當職員送上來的時候,我第一種感覺便覺得,這碟瑞士汁雞翼撈丁也不包飲品,價錢是$26,為何也會這麼細碟呢? 唉,算啦,我們也趕著下一場節目,細細碟,快一點吃完吧! 由於趕著下一場,我也是吃得很快,不過快還快,也有認真地品種食物,可惜食物不太熱,而且雞翼和麵有點鹹,真的不像瑞士汁,所以吃完後馬上在袋子裏抽出水出來來解一解口腔的鹹味.不過不失啦. 起碼配合到我們就是食物很快送上.所以這一餐,我們在這餐廳只逗留20分鐘便趕上下一場了.