翟道翟

营业中

休息中

🇹🇭泰國菜係我其中我最鍾意食既菜，尼間係我回訪多次既泰國菜餐廳💰價錢親民之餘，味道都唔錯🔸泰式鮮蝦炒金邊粉每次食泰國菜必點❣️金邊粉份量非常足，口感煙煙韌韌，唔會炒到碎哂，味道酸酸甜甜偏濕潤，🦐蝦去左殼，食既時候好方便，而且好新鮮，咬落爽口彈牙，蝦既鮮味好濃郁🔸青咖哩椰汁雞配菜都好多，除左雞肉仲有豆角、圓茄子同紅椒，青咖喱醬汁香滑，🥥椰汁味偏重，唔會好辣🔸冬陰公蝦湯揀左細size，份量都夠四個人飲😆下邊有個火助住，個湯保持到熱辣辣，加左好多香料去煲，蝦好新鮮大隻，切開左一半食既時候好方便，蝦味好出，酸辣味岩岩好🔸炭燒沙嗲牛串燒出色👍🏻食到有炭火既味道，牛肉好唔會韌同燒到乾哂，配埋沙嗲醬正🔸蒜蓉包特登叫黎點青咖哩😋蒜蓉包都幾大塊，而且烘到好香脆🔸椰汁冰食親泰國野都會點🥥椰汁味香滑，味道唔太甜

係觀塘突然想食泰菜，搵左呢間小店又幾唔錯！夠晒特色又唔貴，仲好正宗泰式風味！。香芒炒牛柳$118一般泰菜無既菜式，又幾好食，牛柳嫩滑多汁，配埋香芒嘅酸甜，衝擊味蕾，口感層次豐富。。🥢香葉肉碎炒飯$82真係好好味！飯粒粒分明，炒得超級入味，濃香四溢嘅香葉滲落炒飯度，肉碎粒粒分明，夠晒辣。。🥢曼谷蠔仔炒蛋$108蛋香濃郁，蠔仔多汁，一咬落去仲會爆汁，咬落脆卜卜咁。。🥢龍眼冰$28好清涼解渴，仲有點點龍眼嘅香甜味。。🥢青檸可樂$28清新酸爽，夏天飲岩晒

是晚朋友帶咗我嚟Eastcore食泰國菜，到咗一間叫翟道翟的泰國餐廳，如果唔係某位港星，可能連呢個字都唔識讀🤣店內樓底高地方亦很大，有不少卡位，店員很快便安排入座，送上水同埋餐牌，睇下食咩先。⭐青咖哩椰汁牛朋友話想食辣嘅咖哩，聽講青咖哩係所有泰式咖哩中最辣嘅，所以我哋點左青咖哩牛，青咖哩好香椰汁味，牛肉片嫩滑，配料仲有唔少青豆角同泰式茄子，味道認真唔錯，但就唔算辣囉😋⭐曼谷蠔仔炒蛋第二樣上枱嘅係蠔仔炒蛋，個人鍾意食呢款餸，好多時去泰國餐廳都會叫😋賣相一圈一圈的好得意，入面有唔少蠔仔，仲有九層塔，咬落香口，下層墊了大量的芽菜，啱曬，今餐無叫菜，有咁多芽菜食平衡返😋⭐原隻炆豬手豬手係原煲上，一開蓋啲煙湧出黎好有效果😆豬手炆得軟腍入味，已經骨肉分離好易食🤣下層墊了啲菜心，吸了醬汁好正喎，仲有隻烚蛋添。⭐香芒炒牛柳最後仲有香芒炒牛肉，入面有唔少芒果塊，仲有三色椒，顏色望落好靚呢🥰用上黑椒炒，香口惹味，牛柳粒嫩滑甘香，呢味菜好睇又好食。⭐泰國絲苗白飯本來諗住叫個薄餅配咖哩，但見咁好餸都係叫白飯啦，泰國餐廳梗係用上泰國絲苗米啦😆好飽呀😆本身諗住食完再加芒果糯米飯做甜品，但真係食唔落了，留返下次啦。

原來翟道翟在觀塘有2家分店今日同事帶領之下 去吃了在一分店Eastcore的分店餐廳裝潢是濃濃泰國風🇹🇭佛像 掛畫 椰樹等 都令人置身於泰國座位寬闊 整體舒適餐牌菜式 種類繁多想食的泰國菜 基本應有盡有⋆_ᴛᴏᴛᴀʟ ᴏʀᴅᴇʀ__ ⋆ 🥩炭烤香茅牛柳炭烤牛柳 呈半生熟炭火味香濃的 但肉比較生有少少驚 🤏牛柳附上泰式醬 微辣微辣。🍝泰式鮮蝦炒金邊粉份量十足 味道偏向酸甜幾隻蝦仁 肉質彈牙金邊粉炒得去乾身 整體唔錯。🥛椰汁冰椰汁味 濃厚的。🥤青檸薏米水養生消暑 最緊要解渴

喺巧明街舊舖嗰時已經成日幫襯，因為又抵食又好食，搬咗嚟East core ,位置隔涉咗，所以都冇嚟過適逢今個月生日，八折優惠，所以就同屋企人嚟食生日飯服務都唔錯，只係員工比較少，開放式廚房，見到泰國籍廚師。食物味道不過不失，但比起舊舖火候好似爭啲同埋份量有啲少，應該唔會再回頭食四大四小叫咗10款食物味道基本上都好Hong Kong style 濕炒河係泰國河粉，但河粉比較少菠蘿炒飯，好大碟，好抵食豬頸肉好腍，好食串燒雞腎有啲硬海南雞好嚡馬拉盞通菜唔係泰國幼通菜，失色個豬肋骨裏便唔熟，見到係生肉，小朋友仲食咗🤦🏻‍♀️之後呢個取消咗舊舖個芒果糯米飯係好大碟好靚，而家變成一人芒果糯米飯杯，好似小家左

今日來到這間餐廳食下午茶，點了海南雞拼豬手飯和豬頸肉船麵，海南雞色澤灰白暗啞，感覺唔太新鮮，豬手肥膏比皮更厚，實在令人反胃，而且鞋口又無味，飯亦過硬，船麵雖然質素比飯好少少，但亦湯底太咸，食完之後飲晒杯野都無法解渴，感覺比普通茶記或連鎖餐廳所製作的更加不專業，難以想像是以買菜為主打的餐廳。當然，餐廳食物質素可能次次不同，不可以一次唔好食就徹底唔再俾機會。但是服務質素嘅差就是無可饒恕。當時4點50分，我們只是幫襯了50分鐘，食完嘢飲品飲到一半，現場除了我們仲有另外一台客，同樣飲品飲到一半，呢間餐廳嘅情況之下熄晒所有嘅燈，用這種方式想趕客，後來先知原來此店有落場的時間，但落場時間卻是5時至6時，當時一來未夠鐘，二來無提示自己會落場就用關燈逼人離開，最終我們在飲品都未飲完的情況下，被逼埋單離開，埋單時員工態度亦是十分差劣，實在令人失望。奉勸大家，如果想食餐安樂茶飯，唔想付出同收穫唔成正比的話，建議大家唔好幫襯。

翟道翟 (觀塘)觀塘觀塘道398-402號Eastcore 1樓2B號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：泰式香葉炒飯(牛) $82，暹羅紅咖喱燒鴨 $98泰式香葉炒飯(牛)：香葉炒飯可選雞、牛或豬，我選了牛肉。牛肉的質地非常嫩滑，有濃郁的肉味，數量亦很多，香葉令炒飯變得香噴噴，飯亦炒得恰到好處，而且辣到也足，適合愛食辣的朋友，加上脆口的青豆粒，帶來一種清爽的口感，拌咖喱汁食味道一流！😄😄😄暹羅紅咖喱燒鴨：紅咖喱辣度偏低，但味道濃郁，配料有小蕃茄、菠蘿和蘋果等水果，所以很香甜，口感清爽，食用後不會覺飽滯。燒鴨的肉質鮮嫩多汁，燒鴨皮搭配咖喱汁的調味後變得更加美味，水準非常不錯！👍👍👍

位於觀塘一家新開商場的泰國菜餐廳，地方寬敞，環境企理，富有泰國特色。食物新鮮烹調，上菜效率也很高。餐牌選擇甚多，味道正宗的地道菜，性價比高。小食：炭烤清邁香茅香腸香茅香腸外皮烤得脆彈，裡面充滿肉汁，口感有點像糯米腸，味道方面，有大量的辛香料、香茅、薑黃等，香氣十足。小食：炭烤沙嗲雞串燒兩串起，雞肉炭香味四溢，蘸上沙嗲醬，帶有花生香味。蔬菜：香辣鹹魚茸炒銀芽鹹魚茸鹹香辣，跟豆芽一起炒，脆口又下飯。飯麵：泰式鮮蝦炒金邊粉金邊粉份量大碟，麵條幼身，保持彈牙口感，還有幾隻鮮蝦。飯麵：泰式香葉炒飯香葉味道濃郁，很開胃；飯粒炒得惹味香口，有獲氣。

翟道翟 (觀塘).朋友介紹話觀塘有間叫翟道翟嘅泰菜，一search openrice有兩間🌝好彩問一問佢，話係近巴士站.▪️青咖喱牛肉另加薄餅▪️.個青咖喱好好食，貼近我地口味奶味較重，唔辣因為個汁夠惹味我地除左叫份薄餅之外仲叫左左個飯食！.▪️馬拉盞椰菜苗▪️.椰菜苗真係每次食泰國嘢必叫，可惜呢幾次食成日無佢 好彩今日有咋(⁎⁍̴̛ᴗ⁍̴̛⁎).▪️ 泰式蝦餅·燒雞腎▪️.蝦餅一份三件開半，有六件沾上泰式辣醬好香口即叫即炸！雞腎可算係我串燒最愛食嘅野，呢到燒得剛剛口，咬到邊微脆但個芯爽口！.個人覺得呢到價錢都好親民，比走出面泰國野都平20%！.📌 翟道翟 (觀塘)觀塘觀塘道398-402號Eastcore 1樓2B號舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

觀塘泰菜好推介🇹🇭1. 炭烤沙嗲拼盤 $108有豬牛雞三種肉 沙嗲汁幾濃 有花生香 啲肉都唔錯 唔會燒到太乾 唔會韌 又有啲燶邊 食落特別香口同惹味2. 清邁辣肉碎生菜包 $88超多肉碎 食落都有少少辣 仲有啲洋蔥粒 加落個生菜包一齊食十分惹味 一舊食完又一舊3. 泰式鮮蝦炒金邊粉 $92超大兜 份量十足 調味比較酸酸甜甜咁 金邊粉都炒得乾身 條條分明 仲有幾隻鮮蝦4. 椰汁冰 $28椰汁味都幾濃 5. 龍眼冰 $28好多粒龍眼係個底到 有龍眼嘅甜味 幾清新📍 翟道翟觀塘觀塘道398-402號Eastcore 1樓2B號舖

👩🏻以前成日去食「翟道翟」，而家喺觀塘市中心Eastcore都開咗分店，位置更加方便。✨黃咖喱牛腩 $118黃咖喱滿滿椰漿香氣，香甜易入口。牛腩煮到好腍好易咬，仲有濃濃嘅肉香。咖喱裏面仲有少量薯仔、青紅椒、洋蔥。✨蒜蓉包 $38特登嗌一份嚟餸黃咖喱～外脆內軟，有淡淡蒜香加砂糖甜味。✨芒果糯米飯 $42熱熱地嘅糯米配椰漿特別夾。除咗好甜好熟嘅芒果仲有芒果爆珠！✨泰風味爆炸雞軟骨 $92類似港式避風塘調味，雞軟骨爽脆香口，特別啱餸酒。✨椰青 $48

餐廳地方好夠大，座位坐得好舒服，燈光同音樂都係泰式既感覺，餐廳選擇亦都非常之多。食物整體既味道真係同泰國既差唔多!! 好味~豆醬炒椰菜苗 ❤ 辣椒用上紅同綠，食起黎咸辣味都岩岩好，椰菜苗入口實在爽甜，唔會好嚡口。青檸盲糟魚 ❤ 湯底酸鮮味濃，盲糟份量十足，大大條勁厚肉，而且配上勁多蒜粒，食起黎好開胃惹味。炭烤豬肉丸❤ 同 炭烤沙嗲雞❤ 一黎見已經見到炭火痕，燒得香口，特別係雞肉好軟嫩，豬肉丸亦唔會烤到好dry，最正既係佢地個沙嗲醬另上，中意濃味定淡味都可以自己選擇。

入翟道翟，觀塘的繁忙街角中一片寧靜的綠洲。裝潢簡約而不失雅緻，綠植點綴其間，營造出一種溫馨舒適的用餐環境。湿炒牛肉河粉，牛肉嫩滑多汁，河粉爽滑不膩，搭配特製醬料，每一口都是泰式的特色味道。香葉鹽烤烏頭魚，肉質緊實，香葉的清新與鹽烤的香氣完美融合，令人回味。香茅雞翼四隻，雞翅外皮金黃，香茅的香氣撲鼻，肉質鮮嫩多汁。椰汁冰，清新的椰香，冰涼的口感，甜而不膩，爲這頓美餐畫上完美的句號。在翟道翟，每一道菜都是對味覺的一次探索，讓人難忘。

【 🇹🇭翟道翟 】⋄⋄👨‍🍳正宗泰國師傅主理｜🎐觀塘繁忙中的寧靜｜😌環境舒適寬敞空間感十足｜｜🔥上菜效率快又夠熱｜😋食物質素高可以再Encore⋄⋄====—====—====—====—🔸炭烤沙嗲牛🐂(兩串) $38惹味香口，調味合適，不會太鹹，配上沙嗲醬一流，食完唔會口乾👅⋄🔸黃咖喱椰汁雞🐓 $92椰香撲鼻，椰香與咖喱有黃金比例，食材索哂啲咖喱汁，送白飯食簡直絕配👍🏻😍⋄🔸炭烤松阪豬頸肉🐖 $108一送上枱已經聞到香噴噴，炭烤程度岩岩好，唔會燒到過哂火而太硬，正😍⋄🔸原個菠蘿海鮮炒飯🦐 $118賣相非常吸睛，炒飯材料豐富，菠蘿酸甜開胃，一啖一啖就好快就食哂😜⋄🔸薄餅(8小件)🫓 $38上枱熱辣辣，睇落細細塊，但份量原來好夠，用黎點咖喱非常match😝====—====—====—====—.📌店名：翟道翟’📍地址：觀塘觀塘道398-402號Eastcore 1樓2B號舖

位子很大非常舒適入座率唔算太滿 六七成左右無需預約都有位置小食拼盤味道不錯 必嗌豬頸肉雖然大份 但肉質麻麻 有少少失望蟹肉炒飯味道不錯 份量都算大份其餘食物都不過不失食物以量取勝 環境適合傾偈一大班人聚會