翔龍拉麵小籠包 (已搬遷) 新店位置

請假看醫生，吃過午餐就乖乖上班去吧...媽媽說想試新餐館，見這兒沒人排隊便進去吧...這時..是早上11時多揭揭餐牌，選擇不算少的，看完前菜至甜品都要花點時間。兩人點了拍黃瓜，素菜餃，排骨兩面黃和香蕉高力豆沙，侍應細心問甜品是否後上，製作時間大約15分鐘，那我們就選了後上吧。等候食物期間，侍應都殷勤添水。先來的拍黃瓜，媽媽說基本上是沒有拍的，但醬汁味也夠濃的，而且黃瓜爽脆新鮮，吃得過的一味再來的素菜餃，一客有四件，配上黑醋。餃內包有白菜和冬菇，食味過於清淡....調味方面可以加重一點。要提提的是餃子邊已變白和硬，感覺就是餃皮放久了不新鮮呢...但當時只是十二時多...這個餃嗎...不推介然後是一大碟的排骨兩面黃，跟想像中完全是兩回事。我還以為是乾身的兩面黃和"鼎泰豐版"的排骨呢，是我妄想了呢這兒的版本是肥厚豬扒加重獻汁的炸麵...豬扒有六大件，肉質還算幼嫩，也一定吃得飽~配菜有小白菜，冬菇，芽菜和筍。炸麵就是普通貨色啦，整體不算差，但不會再吃的一味囉。吃罷...我便示意侍應上甜品，女侍應竟拿來餐牌給我我跟她說我們已點了甜品，她便把我們桌上的東西收起，再拿甜品用的碟和叉子給我們，這時是1

呢間舖頭起初唔敢入, 因為望見門口o的蟹粉系列都幾鬼貴, 所以諗入面o的野食應該唔平........再望下個餐牌, 其實又係差不多價錢, 所以最後都係入左去食~!入到去枱與枱之間距離比較窄, 成日都整到隔離枱o的野, 真係勁唔好意思......跟住叫左以下食物:呢個魚係凍食, 好味!!!呢個我覺得味道剛好! 不過o的年糕比較實左少少~個南瓜好好味! 但o的蝦就比較咸......呢個真係正~! 入面好多汁, 超好味!!!呢個係$18一個, 食左入口完全覺得無咩特別, 分分鐘普通o個o的重好食, 入面一o的汁都無, 比較乾.......我覺得唔值得食呢個!食完晒, 兩個人食左$218, 都還可以! 佢o地o的服務態度我覺得好好~!

今天到了星期五,同屋企人晚上外出吃飯,放鬆! 去了愉城的翔龍小籠包 見到其他食評話要等一小時,今次我第一次去不用等太久。叫了醉雞、炒飯、拔詩、雪菜粉皮醉雞:雞肉口感滑，雞酒好好吃 炒飯:炒的飯不油，不會熱氣雪菜粉皮:粉皮彈口、吃落去口感不錯拔詩:口感甜

食過一次不錯,就再去食 DINNER 7:30PM, 拎左飛,好多人排 SO 行一陣愉城, D STAFF 又時不時拎D野食俾等既人試食, 讚~~ORDERED 三絲湯年糕(清淡), 葱油餅(香口但唔油, RECOMMEND),,酸辣湯拉面 (RECOMMEND), 水煮魚(夠辣, GOOD), 翔龍炒飯, 高力豆沙

今日心情低落, 好想去食小籠包, 上個月食过一次..好想再食~再食都依然覺得好味~~ 小籠包皮薄, 有肉汁~ 好味道~~ 上海炒年糕香軟又唔太多油 ..比起好多上海鋪都好味...好过肥趣拉面 lor.. XD叉子反正就係有D 切到好碎既野..放入個包到食..每次食呢個餸都會食哂D 包, 但淨低好多碎碎..今次都唔例外..今次呢個係栗米+肉碎+菜甫+唔知乜野其他..同上次個松子雞比較, 今次呢個略咸..服務我今日好肚餓, 一入去就即刻先ORDER 一客小籠包..到正式落單果陣...個經理黎落單..我同佢講, 話我頭先已經落左一籠包, 麻煩你跟跟..如果無就幫我落返..點知..到上菜時..竟然比左兩籠我... 即刻叫上菜個女仔同我CUT 咁一個..好彩到埋單果陣都只係計一籠, 如果唔係又要等改單..又煩一輪...果個經理真係抵..鬧 !!! 埋單共 13x..ok 喇...好飽架...仲想再食~

星期二放工約左家姐行街,經過呢間新開上海菜就入去試下!等左一陣間先有位,,啲位都坐得几舒服!但係播啲純音樂有啲唔match囉!!!!服務員几nice 值得一讚!我們叫左:1. 小籠包: 皮簿多汁juicy juicy,啲湯汁熱辣辣流出嚟,一個字<<<<<<<正>>>>>>>>,食左先發覺唔記得影相2. 油泡雞件: 雞件略為細件,,容易入口,不會太油利,,ok !!!!3. 翔籠炒反: 比想像中差,,完全無味道,好淡,啲反勁硬!4.葱油餅: 好香葱味,不會太油利,配豆漿一流!

我個朋友在附近上班，上星期已到來試過擔擔麵, 都幾好評, 仲話平時午餐時段要排15分鐘。於是, 今日我12:40到達現場,已餘數張枱, 不消15分鐘, 人龍果然是開始見到。一坐下, 就聽到附近張張枱都叫 "小籠包", 我急不及待不叫其他食物, 馬上先點了這碟點心,其餘等朋友到來 。我們點了翔龍炒飯 (是本店推介), 四季豆、豆沙鍋餅, 順便追埋叫了20分鐘的小籠包, 侍應說是即叫即蒸, 要排隊, 所以有心來吃的朋友請早落單, 我們足足等了30分鐘先至有得吃 , 果然是好好的推介, 熱騰騰很香, 內裡多肉汁夠簡單, 皮簿絶對掂, 不配醋及薑都好好吃 。而炒四季豆都好入味,軟硬度啱啱好。 當大家給予好評就發現甜品有問題,涷之餘皮堅韌, 完全沒 "脆", 淡而無味...真是好失敗 ! 故這碟甜品真的很失望 至於炒飯, 不過不失, 味道的確唔錯, 但略嫌多油, 食清後隻碟可以照鏡。 但有興趣的不妨試, 附近叫餸的朋友好多係"常客", 唔會介紹錯。

見到OR第一篇食評再加埋知道呢度夜晚飯水蛇春咁長,所以用左佢三點九Last Call@ 午市前食個Tea~小籠包唔算好大,但係夠汁同埋料夠鮮......唔係一式一貨,之後叫左個比較濃味既蔥爆牛肉拉麵,驚訝既係濃油赤醬對路之餘,牛肉係冇咩梳打味,而且都ok大碗......其實佢既茶都幾ok,有花香味=)

好吃的小籠包是皮薄多汁，筷子一夾而皮不破的才是上品。近日知道愉城開了間食上海野既，一早起身同媽媽過去吃早餐，兩籠小籠包，我同媽媽各一籠，一籠四粒，小籠包味道很好，皮薄多汁，肉汁鮮甜， 餡料調節適中，雖然吃小籠包時，薑絲和黑醋缺一不可，但我最愛原汁原味。上湯拉麵，師傅即叫即拉，可以望見，條條一樣幼。香蕉高力豆沙，香蕉過熟，糖霜多D就好，外形球，入口則軟，味道幾好。店內以12生肖裝飾，光猛而簡潔。

我是個為食既人，凡是知道有新店都有興趣去試，加上小籠包係我喜愛的食物之一，所以這間翔龍開業，就急不及待去吃。跟市面上很多的小籠包店一樣，客人可透過玻璃看到師傅即場拉麵和包小籠包，我認為是很好的事，一方面可給予客人信心，另一方面師傅也會更落力去做，互惠互利。小籠包是必吃了吧！這兒的小籠包，皮仍算是薄，夾起不易穿，肉汁唔少，但就沒有去到爆汁的程度。肉餡是較弱的，先不論味道鮮不鮮，口感很不實在，我很怕這類的餡。另有雪菜肉絲炒年糕，口感唔夠煙韌，雪菜冇厘味道，年糕自然也淡口，配角的肉絲也提升不了層次，是很平凡的一道菜。牛肉飯是即叫即做，熱燙燙的，外皮香脆，不過就唔夠九龍城清真牛肉館的咁多肉汁，不會一咬就肉汁四射。餡料的牛肉，肉質是鬆化，加上混入了菜甫，口感不錯，吃得過的。煎韭菜鍋貼，外皮底部脆口，肉餡味道唔差，但係完全沒有韭菜在內，估計是來錯了。此時已吃得很飽，無謂再要求更換了。稱之為拉麵店，也沒理由不吃拉麵，隨便的選了雲吞湯拉麵。雲吞可以用皮薄餡靚去形容，拉麵也是滑滑的，而且不會碎濕濕，比起早前在上上吃過的，好十倍以上。總的說，食物可以接受既，同埋附近沒有同類的競爭對手，如果能保持水準，相信

親戚來搵老爸食飯，我提議去新開的翔龍小籠包，因為京川滬岩老爸食，而且新開有張九折coupon。此店新開無得訂位，打過去問，六點開始入座，我地則約左食七點。當我地六點幾去到，大檯已經去到14號。原以為唔駛等好耐，但竟然最後等左差唔多兩個鐘！正當親戚剛到，我地決定去第二間既時候，就有位了。奇怪既係有幾張明明本來係大檯，但唔知因為咩原因，佢將張大檯變兩張細檯，所以大檯真係等左超耐…其實部長算係幾識做，係等既兩小時之內，部長出左黎三次派野飲野食，分別係豆漿、炸豬扒（切件）、紅棗茶。算係同自己賣下廣告之餘都等食客無咁燥。坐底之後真係腳仔軟，也快速的叫了幾款餸。前菜先來一客四喜烤夫，呢一味係我地家鄉成日食的，四喜應該分別是烤夫、冬菇、筍、眉豆，呢度煮得幾好味，烤夫微甜盡吸汁，好味。上海粗炒過油，而且不入味。無論肉絲、冬菇、椰菜都不夠味。這樣的上海粗炒絕對是不合格。翔龍小籠包是期待的，每間京川滬試小籠同拉麵絕對可試到師傅功力。同依家好多新派的京川滬一樣，大玻璃可以看到師傅即時手藝是指定動作，但眼見拉麵師傅都是後生仔，老師傅只得一人，信心真的不大，所以也沒叫拉麵。小籠包一籠四隻，皮句得好薄，頂口摺位有

上海人一見阿拉上海菜開新店自然馬上光顧，六點入座店內已是半滿，半小時後店外已變成真正的“長龍”。四人點了兩冷盤：燻魚：色澤不夠深，正宗上海燻魚是赤紅色的，肉質很硬。 蔥油海蟄頭：沒什麼味道，也不見有蔥油，淡淡的。 一熱菜：千層肉：本人愛吃肉原想叫蒜泥白肉見有此道菜便試下，一吃 就後悔莫及，又甜又不是真千層，只是一片片機切的豬肉鋪在梅菜上，梅菜還有點沙。 三樣點心：蔥油餅算是整頓飯里最好吃的，有層次，蔥下得頗多，咸些更好，小籠包發揮正常水平，多汁皮薄，沒驚喜，而蒸素菜餃也不錯，餡里有菜、粉絲、木耳等。 另叫了有機豆漿：偏甜。 順便提下服務很細心，見我們掉了紙巾在地上，馬上遞上新的，加茶也很勤快。 這家“翔龍”店除了會不出意料的變成“長龍”店以外（香港人貪新鮮），沒讓我感覺有什麼特好吃的，一如市面上的食店已公式化了，不會難吃得叫人入不了口，但也做不到讓人想一吃再吃，看來地方菜還得回當地吃才最地道！

我今日午餐就係食E間上海野,質素就OK LA1.小龍包就好好,非常薄的皮,D湯汁就好好味2.擔擔麵,我叫左小辣,都OK3.宋楚魚X,第一次黎就好鹹同個經理講左要換第二次黎一般

同朋友去愉景新城行街，行完諗住食完先返屋企，初初諗左好耐唔知食咩好，跟住行過見到一間餐廳剛剛開張，所以就入去試下。坐左一陣後，跟餐廳就好快full house了跟住我地就開始點野食，我地點左小籠包，紅油抄手，翔龍炒飯同豬耳。首先，小籠包真係皮薄多汁，真係好好食！之後個紅油抄手夠大粒同個汁甜甜辣辣咁，仲有D蒜頭碎好惹味！仲有樣野都幾細心，就係D蔥花用隻匙羹裝起，自己可以選擇加唔加落去，唔錯唔錯！哈哈，我覺得加左好食D ~~XD之後仲有個翔龍炒飯，個炒飯有蝦粒菜粒，食落都幾香口！都值得一叫！最後就係個豬耳，雖然唔係D咩特別既菜，但我都覺得整得唔錯，因為之前o係其它地方食過，我覺得卥得唔夠味，但呢一間就好夠味！好好食！仲有值得一讚D人既服務都唔錯，雖然客人多，但佢地都不停為你添茶，仲都幾有禮貌^^今餐我同我朋友都食得好滿意！我地兩個人食左$ 174，即係每人$100都唔洗！