翔太郎 (已結業)

今日終於試過.d麵質唔錯,豬肉都OK,湯真係幾清,不過冇令我要飲晒佢既衝動.其實水準已經比好多香港坊間既所謂既日式拉麵好好多.下次再試埋其他幾間.

今次係我第一次到日本拉麵橫丁,而我選擇翔太郎係因為轉單話翔太郎d麵比夠粗而湯比夠清.兩個人去叫左一個紫菜拉麵,叉燒拉麵同餃子. 叉燒拉麵好多叉燒,叉燒肥瘦適中,又軟好味.而麵方面就ok啦,粗就粗啦不過太soft啦.湯方面就唔錯,清清地,我鐘意.紫菜拉麵就有紫菜,蛋同叉燒.餃子就無乜特別.服務方面都唔錯,好熱情.環境好有日本feel.價錢就好坻,叉燒拉麵48,紫菜拉麵38.貴過味千拉麵少少,但質素好好多

翔太郎的醬油湯麵正宗好味.環境和潔淨俱佳.當日我坐corner 位,一班年青香港staff圍埋掛住傾偈,有點影響印象.另外佢地D staff唔識日文,招呼日本客時照講廣東話亦需改善一下,我覺得起碼送麵上桌時要識個麵個日文名啦!

翔太郎的招牌湯底只算是不過不失﹐(還是醬油湯底已經有點不合潮流﹖)但叉燒實在做得很不錯﹐肉味可以完全保留﹐唔會煮得過火。紫菜拉麵的紫菜亦有6~7塊﹐喜歡食紫菜的應該也會感到滿意。唯一較差的就是湯麵上的蛋﹐我食的一隻是涼的(整碗麵熱騰騰唯有那只蛋是熱度不足)﹐亦完全無味﹐我寧願不要一隻蛋﹐換多一塊叉燒﹐不知行不行﹖還有一點想提出的﹐我食過香港拉麵橫丁的4間當中﹐翔太郎的環境算是最好﹐坐得比較舒服。

是次再臨拉麵橫丁, 可能時間尚早吧, 幾間拉麵店只得山頭火有人排隊, 懶得去排, 選擇了翔太郎.選了紫菜拉麵, 湯底有點淡, 不吸引, 叉燒ok, 在餐牌上寫著這是最正宗的橫丁拉麵, 但似乎...侍應有點生手, 尤其是一位為我們埋單的那位小姐, 雖然沒留下太多的"貼士", 但也沒理由多謝也沒一句吧. 怪不得山頭火會如此好生意.