羲和雅苑

营业中

休息中

👎🏻#好污糟！！！#服務態度 麻麻！！！👎🏻首先入座前waitress已告知最岀名既——片皮鴨係冇哂 但唔緊要 因為當時真係好肚餓有野食就得～當日小編W並唔係peak hour去 餐廳只有3枱客人 但waitress久久都唔理會小編🤮荷香鮑汁雞粒燜飯🤮依個燜飯一上到枱 就見到一隻都幾大隻黑色既昆蟲係蒸籠到行 （當時睇唔清係咩嚟）唔知哪裏來既勇氣我照打開個蓋 一打開 大*獲 勁多隻走哂岀嚟 我立即嚇到傻個下我即刻望下依個家族係咩嚟 佢哋係“黑色大螞蟻🐜”（後來小編W問Mr. Google黑色大螞蟻岀現原因 「說明地方有很多細菌、雜物、蟲害，這才吸引了黑螞蟻來到捕食。」）待應見我嚇到花容失色 先慢條斯理 完全唔驚訝地 過嚟話換個份俾我哋 雖然後來有換個份俾我哋 但俾我既感覺都係放埋一邊再整返熱拎岀嚟咁🥲原諒小編當時真係咩心情都冇 所以冇影到相 但附上當日既單俾大家參考返🙇🏽‍♀️京式小籠包 個皮厚到啊媽都唔認得其中一粒小籠包嚟到時已爛 精粹流走哂 （大家可以睇下圖3係爛得幾誇張）其實小籠包只要皮唔夠薄都已經唔合格 唔洗哂時間評論啦byebye黑松露蠔仔煎蛋賣相煎得好老 但好彩食落去口感唔差黑

✨羲和馳名烤鴨烤鴨 三個切法分左三個部份 鴨皮 鴨胸肉 鴨腿肉鴨皮 酥脆 帶甘香 唔算好油膩鴨胸肉 皮厚肉少 一比一比例甚至有啲得皮冇肉感覺同食鴨皮冇乜分別 肉質唔嫩 但未算乾柴 有少少油膩感鴨腿肉 切薄片方式 肉比例相對較多但都係唔算多 肉質結實 唔會乾柴 都可以薄餅 濕潤 唔會過乾 帶啲韌性八寶盒 有唔少配料選擇 提供多種配搭冇新穎嘅 有傳統嘅 個人都係鐘意最傳統配搭整體黎講烤鴨係可以 肉比例多返啲會更好如果怕油膩嘅人未必會鐘意呢度嘅烤鴨✨羲和小肉餅類似係用酥皮包住薄薄肉醬去炸外脆內軟 食到有肉香 但食唔到有肉味道偏鹹 有啲油膩 只屬普通✨手工鮮肉煎鍋貼同坊間嘅鍋貼有啲唔同 偏瘦長形鍋貼 皮偏乾 肉餡唔算多 肉質較鬆 冇肉汁 麻麻地✨張氏獅子頭獅子頭 肉鮮 口感帶少少彈牙 質感唔會過實或過鬆調味醬汁濃稠 配一細細碗白飯送飯一流 整體相當唔錯✨黃扒魚肚南瓜羹香甜 味道唔錯魚肚爽滑 但size比之前縮水左唔少✨荷香鮑汁雞粒燜飯荷葉唔算香 飯粒分明 濕潤料唔算好多 味道偏濃✨仙桃牛奶布丁桃嘅造型幾有趣外層白朱古力包住牛奶布丁白朱古力 唔香 有少少偏甜牛奶布丁 奶味唔算濃 唔太甜 口感彈牙

係海港城又有海景的地方，周圍環境都好舒服，一點多去到，最後一張枱比2個人捷足先登，唯有等下一輪兩點半，想像不到的是，收費不菲既呢類型店係食時段，而且都幾多人食，所以提一提大家，最好預先book咗先，或者喺大家行街前去到攞位先！環境方面: 要求高咁講，有些少凌亂，我相信疫情下人手不足，有啲餐枱係正廚房門口，的確有啲影響服務方面: 落單的同事都好盡責去介紹片皮鴨的食法，非常好，都對每個客人有求必應，要影相，加水，我見到都好一流，只係門口的，感覺有少少面色，但各人感覺不同。😌食物方面: 全部都有好decent 嘅presentation, 本人對於片皮鴨的味道同滿足同預期一樣，爆炸糖片皮鴨好有趣，鐘唔鐘意就好個人😂不過鴨皮真係好脆！少肥！唯獨是對片皮鴨的第二食有少少失望 —> 豆腐炆鴨湯，好不幸地部份豆腐變酸了🙁，好在無肚痛，食材的新鮮程度/ 處理過程令人擔心

竟然walk-in食到羲和雅苑‪⸜( ˶'ᵕ'˶)⸝由佢開咗咁耐都一直好想試(ᐢ._.ᐢ;)՞ 今次機緣巧合地就walk-in食到lunch(◡‿◡ฺ✿)仲有得用海港城coupon添( ･ᴗ･̥̥̥ )蒜泥白肉🧄🥒🐷好食(՞•֊•՞)豬肉夾住啲蔬菜條🥒有口感層次🤭最重要係上面嘅蒜泥一定要放哂入口🧄🤭勁香(*´ο`*)羲和馳名烤鴨🦆半隻有三種唔同部位嘅鴨，仲有八寶盒同薄餅皮🤭三個部位分別係：鴨胸皮(配藍莓醬同爆炸糖)，鴨胸肉(配芥末醬)，鴨腿肉(配京葱青瓜甜醬,傳統食法😛另外仲可以配山楂條添😉隻鴨就咁食都好食🦆唔會有膻味👍🏻我個人就都係鍾意傳統食法(◡‿◡ฺ✿)不過久唔久試下新嘢都唔錯😋覺得配爆炸糖同藍莓醬都幾夾㗎(՞•֊•՞)另外仲嗌咗四季豆同羲和小肉餅🤭四季豆同平時出面食嘅唔同👍🏻呢度有用海鮮做配菜炒埋一齊👍🏻有魷魚，蝦乾😛好惹味‪⸜( ˶'ᵕ'˶)⸝羲和小肉餅就真係要慢慢食🤣係一舊會令你好飽嘅澱粉質😛應該係酥皮夾住肉碎捲埋一舊兼捲得好實在🤭食一啖都覺得好飽🤣不過上面有陳醋俾你擠落去一齊食就冇咁膩😋

之前嚟過幾次都覺得好食，今次真係超級恐怖。 12點吃午餐，understaff ，員工安排好混亂，一入到去個地下好污糟勁多垃圾。 真係好倒胃口，個女員工只得一句 ，等陣等陣等一陣，乜都係等陣。 畀錢都等咗15分鐘，碌完卡又唔攞卡過嚟，又要追又要等 。員工唔差嘅，嚴重understaff其實佢地都唔想。仲有佢個訂座電話好討厭，打咗幾日根本都冇人聽嘅。講返啲食物我唔知點解可以差到咁樣。 冇曬以前嘅水準。芥末沙律蝦球 $108👎四個咁大把，仲要超難食，個米餅淋，芥末沙律醬想浸死隻蝦咁款， 太多沙律醬，食到想嘔， 蝦又唔彈牙又唔新鮮 。青梅排骨$128👎上次食過好食所以再點，佢個排骨醃得好鹹，炸到勁乾，冇乜肉，而且最離譜係個醬，蜜糖咁杰，好似食糖咁。 我記得上次係有梅子嘅味道好出眾，今次食唔到。黑松露蝦球伊麵👎 午市套餐$158冇黑松露味，而且個伊麵浸到好淋，冇味㗎。 個午市套餐食呢個 完全冇質素 嘅伊麵 ，真係好唔抵， 可能自己屋企淥個麵都好食過佢。片皮鴨套餐追加咗半份 $258鸭係ok嘅，佢個爆炸糖淋曬，濕曬，一 pat pat， 感覺上popping candy 唔知開咗幾耐，放咗幾耐。

星期六的中午，一路行海傍，一路諗下陣間食乜，突然間醒起好耐無食羲和雅苑，所以就上去食。坐低睇下個餐牌，二人套餐好吸引，每一個系列都有好多款揀，咁我就揀咗飲紅酒啦，食呢個黃金魚扒啦，百年醬肉，一定唔可以少嘅就係鴨啦，宮保雞丁，荷葉飯啦仲有佢嘅雪糕。個百年醬肉好淋，並唔係硬掘掘嘅。個黃金魚扒入面魚扒係花膠嚟嘅，好厚身燘得又夠淋喎，南瓜金湯好甜，兩者配埋一齊非常好食。到烤鴨啦！一定係最好食㗎啦！我最鍾意佢個新式食法，新式食法就係鴨肉加啲山楂加藍莓醬或者爆炸糖夾埋，係口入面一齊爆炸酸酸甜甜，跟住嗰啲鴨有肉嘅香味鴨嘅鴨利加埋一齊喺個口度唔知點樣形容呀。佢有啲鴨皮另上嘅，又脆又唔油膩。宮保雞丁超乎我想像咁好食佢唔係太辣但係有好香嘅花椒味啦辣椒啦蒜頭啦，佢啲蒜頭都係特登醃個過酸酸哋咁樣，雞肉好嫩，夠晒彈牙，一定要再食。個荷葉飯份量大，兩個人食唔晒，但好香嘅魷魚絲味，蝦干味。今次食佢嘅甜品係朱古力蛋糕，都好好食。其呢間飯店都係我最愛的飯店。

今日諗住有海港城coupon 去左幫襯呢間食片皮鴨！首先黎左鵝肝（一啲油香都無，難食）跟住就上左雞煲翅（味道正常），期待已久既片皮鴨到，本身都見到唔錯，啲鴨肉有3款，啲料有好幾款，諗住開個蒸籠食啲薄餅⋯就見到有蟑螂Bb係個籠到爬出黎！我明白有圖有真相，可惜太驚訝無影到（特地影番張單比大家睇係取消左，減$300因為係voucher），但已經即刻叫個職員黎話有蟑螂，佢好似一早知咁，完全唔驚慌，話幫我地換個盤但已經想嘔就退左，我地事後都無要求啲咩賠償，佢地都無咩表示。我絕對無任何抹黑成份。只係希望大家如果睇到呢個post 慎重考慮去唔去。只怪自己運氣好差⋯揀左間咁既野，衰過大排檔。

小編來到尖沙咀一間北京烤鴨店「羲和雅苑」🥢餐廳裝修呈現古色古香風格，部份用餐位置更可望到180°維港海景，主打官府菜和高級粵菜，來到必吃人氣招牌的「片皮鴨三食」🦆🥰「羲和馳名烤鴨（半套）」包括三種不同部位的烤鴨片、八寶盒及薄餅皮🦆侍應先介紹招牌烤鴨三種食法，分別是1️⃣鴨胸皮配藍莓醬及爆炸糖🫐🍬鴨胸皮呈蜂巢狀，酥脆得入口即溶，爆炸糖在充滿油潤的鴨油的口腔中跳動💥突破了視覺和味覺的享受，玩味十足2️⃣鴨胸肉配芥末醬，醬汁酸甜解膩，而且有種中西合璧的感覺3️⃣鴨腿肉薄餅皮、甜醬及京葱等配料，感受傳統的食法😊 八寶盒配料包括佢藍莓醬、芥末醬，甜醬，洋蔥條，黃瓜條，蔥條、爆炸糖，山楂條，各種配搭各有風味😋「鮑汁海參扣鮑魚」✨絕對是經典的高級粵菜的代表，精心製作的鮑魚肉質柔嫩入味，鮑汁濃厚鮮味，淋在肥美的海參上，做到「有味使其出，無味使其入」✨配上小白飯，鮑汁滲入米飯之中，將所有熬出的精華散發出，做到「1+1>2」的食材配搭效果，吃貨們不能錯過😊「羲和小肉餅」以酥皮捲製而成，裡面一層一層的肉碎，外層炸得夠酥，味道較濃味、加上一點陳醋吃鮮膩和提鮮😍「張氏獅子頭」以醬油燜煮得軟熟，並吸收了豬肉和五花肉的

整體：中高級中菜。有抵食套餐，亦都可以散叫。整體食物質素幾好。食物：扁皮鴨八寶盒：八寶盒係8種唔同既配菜同醬汁。再配合三款扁皮鴨。唔同扁皮鴨點唔同既汁。幾有特色。侍應亦都會詳細講解食法。其中一種係厚炸鴨皮+爆炸糖，係好特別，亦都好食。荷葉炆雞飯：飯好有荷葉味，好香。夠熱而且份量多磯煮鮑魚：比較少味，磯煮但係少左昆普既清味。一般炸豆腐：好食。香炸得黎入面好似滑。但比較濟口，可能食幾舊會飽。乳鴿：一般，餐廳應該係用木燒出黎，唸住整分香入面。可惜變成拜神個種香味，有D怪。隻鴿都冇咩肉。一般。

星期六下午食lunch，見有得用海港城coupon就book黎試吓😋前菜叫咗個冰菜，味道唔錯個汁食得出係有調較過，酸酸地好似西式沙律咁，個菜十分新鮮好爽口！推介減肥及節食人士。荷葉飯，唔錯夠晒熱個飯幾有味，四個人分都可以分到一碗👍🏻蝦湯海皇泡飯，勁細碗又冇咩味，唔推介羲和小肉餅，好脆口，好似手肘餅包住啲肉咁，上面有條小管裏面係啲黑醋，可自行決定加唔加上去，幾貼心👍🏻小籠包，唔使叫，又唔熱又冇湯汁😨

美味扁皮鴨❤️其實lunch幾抵食$158有主食+小小菜（個菜就迷你既）+湯（都有幾款）+甜品（我地要曬楊枝甘露）仲可以加$258要半隻扁皮鴨！我見佢仲可以加$178要水煮魚個湯飯好味～ 無咩味精炒烏冬都好好味～ 牛肉都幾大塊！櫻花蝦炒飯就真心無咩特別啦….主要都係食扁皮鴨，佢個扁皮鴨有3個食法～ 最近調料個碟好比較脆同油既，所以係配藍莓醬同埋爆炸糖～ 真心好特別～ 第二碟既扁皮鴨係配黄芥末～ 第三碟既扁皮鴨就係配山渣條，同正常既蔥同埋青瓜+京都醬一齊食～ 咁多食法好特別好開心～仲可以望住佢即片落黎～炸香芋條都好好味～

約了一班朋友去吃了之後覺得非常失望店裏裝修非常有特色有香港及中國嘅風味服務員服務態度亦非常好可惜食物質量非常差水煮魚只有辣嘅味道完全沒有正常有嘅風味片皮鴨一早已經預訂原來期望亦非常高可惜壓嘅份量很少以及食嘅方法亦不如理想味道非常一般雖然好有創意但係始終不及傳統嘅味道好但是價錢比北京樓的還要貴非常不建議唯一可以賺嘅就係坐嘅環境非常適合朋友聚會但係千萬不要對食物有太高嘅期望總括來說食物嘅質素非常一般亦不會考慮再次光顧

其實係我第二次去羲和雅苑食飯，上一次食晚飯冇咩特別問題只係覺得嘢食偏油，但今次同同事三檯一齊去食午餐就出事啦。喺3檯入邊，我哋其中一檯5/6同事食完之後有屙嘔嘅症狀。🤮話說琴日去食嘅時候，一坐低我哋就已經發現啲碗碗碟碟好唔乾淨。有好多碗同埋碟都癡住咗一啲食物殘渣，或者好明顯有油漬。我哋都已經有同部長反映，問佢哋幫我哋換過啲碗碟。我哋用熱水再洗多一次。食午餐嘅時候，我哋叫咗扁皮鴨、鮑魚雞粒炒飯、金磚豆腐、娃娃菜、麻辣牛仔骨、蜜糖炸雞翼、同埋最後佢哋送咗甜品楊枝甘露俾我哋食。其實食嘅時候，都唔覺得有咩特別嘅意味但覺得所有嘢都非常之油膩，食咗少少都已經覺得好滯。大家食完晏，過咗一兩個鐘之後，就已經有兩位同事講話佢哋個肚唔舒服，要去廁所解決。我到傍晚時分開始覺得個肚諗住忍住，去到夜晚更加開始發冷，返到屋企就開始用又屙又嘔。捱到之後個朝早先可以爬去睇醫生，去到第二日都係只可以食流質食物同餅乾，繼續有我我問題。本來約朋友聚會都冇得去，超級掃興。🤕如果第時想來呢度食飯，強烈建議睇一睇啲碗碟乾唔乾淨同埋會唔會八寶盒裏面嘅生嘢有問題。絕對冇下次！👎🏼

海港城內的食店大多是環境不錯的。😎滿心歡喜可以吃一頓美味的中菜, 尤其是最期待的片皮鴨。5大1小, 樣樣都想試, 所以叫了9個送+1個甜品是誇張了少少, 不過想不到原來都係不外如是><失望1.巴蜀口水雞: 醬料味道正常, 一大堆醬好似鋪滿雞肉面層, 雞沒有雞味, 真的沒有😳巴蜀是否這種口味？2.正色蒜泥白玉 : 細細舊一片片, 還可以。個人更中意X仔的蒜泥白肉重口味3.張氏獅子頭: 食完我都想不起是什麼味道, 反正無特別🤷🏻‍♀️4.黑松露煙燻鵝肝 : 我最中意食鵝肝, 雖然比較簿簿一片, 不過都是香口, 又有油滋感。最出色應該是下面塊多士吧5.京式小籠包: 皮厚的小籠包, 不是難食, 只是不值一提!6.蒜茸粉絲娃娃菜: 家中能煮出的普通娃娃菜, 給小朋友送飯7.羲和小肉餅 : 不知所謂, 完全吃不出是什麼肉? 乾爭爭一舊分不清是肉還是什麼來的8.櫻花蝦海味蒸飯: 普通炒飯9.馳名烤鴨: 有師父即場切開烤鴨分件上,  店員會解釋那一部位可以配合什麼醬料食用為佳, 有多款醬料可以給不同口味選擇。 又有介紹那一部位口感是如何!! 不過吃下去沒有介紹的吸引, 不至於馳名吧10.

平日既6點幾walk-in仲有位，可以坐出面既露天位置，幸好當晚天氣唔算好涼，不過露天都會係吸煙區。坐係露天位啲茶壺係沒有坐熱爐仔，室內坐既客大就有，所以啲茶好快凍。一開始係會有一盞“地球”燈，幾靚，不過好快被收走，唔係就唔夠位放野食。（要打卡就要快！）一定要黎試既片皮鴨，我地3人行叫左半隻。店員都有介紹每一道鴨部位應該如何配搭，特別係雞胸皮配藍莓醬加爆炸糖，好特別既配搭。包住鴨腿肉既薄皮真係好薄，每一塊都有蒸籠紙隔住。蜜糖脆芋絲一開頭食有蜜糖拉絲效果，甜甜啲，幾好食。不過隔左一陣就可以凝固左，變得好硬，要好匙羹整碎先可以食到。建議呢個要極速快食！籠仔櫻花蝦蒸飯足料既蝦乾，魷魚，正常既蒸飯，味道上沒有特別大既驚喜。