美食天堂 古香雞 (已結業)

古香雞拼豆腐蛋飯賣相十分吸引的足料雙拼飯，古香雞是必吃的，其實係白切雞，雞好滑，配自家醃製酸菜及薑蓉送飯一流，個人特別喜好鹵蛋鹵豆腐，夠哂入味又唔會太咸，豆腐鹵完仲好滑!招牌肉碎腌麵配枸杞及第湯加金沙花肉表面鋪滿肉碎及炸蒜，麵質彈牙！配上咸咸味道的肉碎及蒜粒非常夾！原以為麵會有點乾身，但經攪拌後原來加了少許香油更加香口，吃一口麵再配上一啖熱辣辣嘅枸杞及第湯，會覺得食落好舒服，湯入面枸杞葉味和豬潤都帶有一陣甘苦味道，令人愈食愈開胃，金沙花肉上層肥肉夠香口彈牙，下層瘦肉夠鬆軟，雙重口感非常可口入味!鹵鵝肉拼大腸大腸肥瘦適中，鵝肉夠彈性，兩者既鹵水味都非常入味，底部更配有豆腐，鹵水鵝肉配上酸汁，更不會食落覺得太膩!

我在九龍灣的工廠區，晚上很多食肆都已經收舖，和朋友路過這間餐廳，看見店舖光猛，開放式廚房，我和朋友都對餐廳的衛生很要求，見到廚房乾淨整潔，所以決定入去一試。招牌笋干燒肉腌麵分量足夠，偏鹹，配料包括燒肉的分量十足。枸杞及第湯有豬膶，菜等配料，味道適中。古香雞拼鹵鵝肉飯分量十足，食完很飽，雞味適中，不會太鹹，雞肉非常嫩滑。古香雞飯雞香嫩滑，多飯，配料十足。👍🏼👍🏼👍🏼整體而言，不過不失，價錢合理。　

今日黎到九⿓灣揾好朋友食晏，食晏時間周圍都多人，朋友帶路去工廠區食飯，因為我鐘意食雞，所以就帶我黎哩度，整體裝修都不錯啵😍💓💓古香雞飯，配上鹵水豆腐，高菜，嗰樣有啲似白切雞？原來係選用左十多種食材，煲成高湯，再浸住隻雞，先可以保持雞肉既嫩滑，雞味濃郁⭐️⭐️❤️招牌肉碎腌麵配枸杞及第湯，呢個麵好爽口，配埋肉碎食口感一流，枸杞湯材料豐富，味道清甜😉滷水鵝肉拼豬耳飯，鵝肉份量好多，半肥瘦好好食喔，豬耳切得好薄身，好爽口

九龍灣多嘢食就應該係人都知而今次去搵朋友就順便試埋呢間美食天堂 古香雞嘅舖頭—————————————我哋嗌左招牌肉碎腌麵配枸杞及第湯（$45）、滷水鵝肉拼肉卷飯（$58）、一隻雞髀（$18）同埋三隻雞翼（$28）首先講下嗰個招牌肉碎腌麵先啦，算係一個有好多肉碎同埋蔥花嘅撈麵，啲麵都算幾彈牙唔會太乾，mix埋啲肉碎味道都幾唔錯😋😋而且個湯比我想像中多餡料，豬潤同埋豬肚份量都幾多，值得一試另一個就係滷水鵝肉拼肉卷飯，我覺得幅圖嘅肉卷好吸引，所以就嗌咗黎試吓，點知原來係切好咗嘅，我覺得呢個肉卷都算幾好，肉質好滑幾好口感⭐️⭐️而滷水鵝肉就比我想像中多骨，如果可以我少番啲骨嘅話就好最後就講埋雞髀同埋雞翼啦，我覺得最抵讚嘅一個點就係佢雞髀係已經切好咗嘅👍👍所以唔使一定要一個人食一隻，可以大家share嚟食，同埋個雞髀好入味好Juicy，同雞翼一樣

一進店便看到廚窗內的廚房，掛上了鹵水鵝😋😋點鵝，當然少不了😈😈店員推介，客家腌麵配枸杞及弟湯~枸杞及弟湯一喝下感覺超正，濃濃的豬潤香味，都落到湯裡去了，可添碗嗎？🤣🤣而客家腌麵就很惹味，炸蒜及豬肉碎，配上彈牙爽口的蛋麵，簡單但好吃👍古香雞拼鹵肉卷飯: 鹵肉卷很特別，像魚蛋又像肉，味道亦好味道，不錯鹵鵝肉拼大腸: 驚喜啊🙈🙈大腸很入味，而且份量也不少，又不會像橡筋咬不下，好吃👌而鵝肉就真的看到也開心，是一整隻鵝肶啊🙈🙈超值啊🙈🙈底部還有鹵水豆腐，必吃🙈🙈

今日同仔仔去九龍灣睇戲加玩，諗住食飽先行動，有係九龍灣返工的朋友介紹話古香雞d野唔錯介紹我去，咁我同仔出名為食就去食啦！入到店仲早未夠11點，仔仔睇到餐牌有奶醬多，就即order 奶醬多配豬扒公仔麵，加凍好立克。而我就等5分鐘有lunch 了先叫。我叫左呢到出名的《招牌肉碎腌麵+配枸杞及第湯》，我聽師父講佢地用新鮮豬肉來豬肉碎，所以d 豬肉特別有鮮味，而個湯就每日新鮮煲，好順喉飲完個人好舒服。我係麵到加配了鹵肉卷和鹵豬耳， 個肉卷都幾彈牙，而個豬耳就好爽個鹵水汁岩岩好唔太咸。我另外仲叫左鹵鵝肉拼大腸， 送來時真係好有驚喜，有鵝肶食， d 鵝鹵得剛好，唔會太淋， d 大腸吸哂所有鹵水汁，在底下仲有幾舊鹵水豆腐，正呀！。朋友果然冇介紹錯。

星期六約了要返工的朋友去行街掃貨，先去接放工，去了對面的飯堂食午餐，朋友話一定要試個枸杞湯。餐廳主要食清遠走地雞及滷味，有滷味飯餐及麵食等，店員說除了肉卷外，全部豬肉的材料都是新鮮貨，無用雪豬，現金豬價高企，用新鮮豬的舖頭真係買少見少。枸杞及第湯全部都是用新鮮的材料，豬潤煮至腍滑，還有肉片及豬肚等，整個湯鮮甜無比，女士最啱補血。古香雞拼金沙花肉飯用了清遠雞，雞皮爽口油脂少，雞肉嫩滑而且去了骨，入口啖啖雞肉，腩肉就油脂較多，但入口甘香，肉質鬆化，滷得入味。招牌肉碎腌麵配鹵大腸、鹵豆腐用了雲吞麵的麵餅，麵質爽口，加上肉碎及炸蒜等調味，味道不錯。滷豆腐入味又滑，豬腸乾淨又腍。