美食坊茶餐廳 (已結業)

見到午餐Ａ是炸脾飯／意，就興高彩列入來幫襯。雖然還在病但照樣ＯＲＤＥＲ，十分鐘後，侍應告知炸脾已沽清，問轉雞扒ＯＫ？我不要就改吃Ｄ餐－炸菜雞翼烏冬。炸菜得少少﹑未發育的雞翼三隻，煎雞翼浸在湯中也變得沒味道，其中一隻的肉是硬的，不知放了多久！烏冬就不太滑。一點半左右聽到廚房喊Ｂ餐’剩一’．．．他們的廚房怎辦事的﹖又不是新開張（轉手後也有半年多吧），應該了解到店子什麼時候是旺場，每段時候有多少的人流吧？食物供不應求都有！？另外應該在食物大約得十份左右就通知店員，而不是我們開開心心等吃的時候，中途才知道沽清，我們打工仔的午餐時間只得一小時，很浪費時間呢。今餐不夠吃又不開心，要給喊臉喇～

屯門家附近好多食店，但好味的沒有那幾間，這間已是比較好點的了。如出街食，除了酒樓外，這裡已是不二之選了。早前又來這裡，叫了一個菜遠雲吞雞套餐。雞唔算太出色、沒有雞味，好在肉質唔會太韌及太肥、雲吞皮算幾薄、味道幾好，可以一試。奶茶味道偏奶味重，普普通通啦。這裡最出色是中湯、飲完唔會口喝、而且味道清甜好味，所以每次食套餐，都可以有一碗。

第一次黎呢到o個時都算唔錯今次黎呢到...水準簡直以光速急轉直下!!!!不知所謂!!!再次叫吞拿魚三文治上檯o既時候已經睇到唔係幾似樣夾o係中間o個塊生菜完全係一塊爛葉!!!!!!咁都俾得人食????再講下主角吞拿魚!少到幾乎冇!!!佔成件三文治30%都冇!!!美心好過佢好好好好好好好好好多!!俾$15食2塊白麵包+2塊爛葉!!!!十分不悅!!以後唔會再黎....永別!

裝修後這麼久，堂食也是第一次。在門口’立立’午餐款式後，見到有至愛的銀芽肉絲炒麵，二話不說就進來。點餐後很快就到，估計是預先制定了一陣子。獻汁多多味道剛好，至少與淨麵吃也吃出味道來；當中的材料份量出奇的多：肉絲﹑韭王及冬菇絲；麵餅雖然毫無彈力﹑扁扁的及不脆，但當撈麵吃也不錯。飲品再是凍檸茶少甜，出乎意料，味道不像上次外賣一樣的難飲，今日的是以前飲到的味道，即好好味。能夠飲到好好味的凍檸茶少甜是很難得的﹗還要在普通茶餐廳^^。難道午市和夜市的水吧人是不同的﹖服務班底是以前的阿姐們，加上有幾個新人，人手多自然是好事呀~

又係要返早o既日子冇辦法...趕時間...就腳黎呢到食個早餐先走人!隻眼見到乜就食乜一眼見到吞拿魚三文治唔理3721就order左~等左唔係好耐就有得食呢到o既吞拿魚三文治比較special唔止有吞拿魚同生菜..仲有蕃茄!所以件三文治厚厚的拎上手食o個時比較煩...因為裡面o既蕃茄片成日都想跌出黎咁要就位食...食飽飽出發!!!衝呀~

這裡於裝修過後一直也沒有來光顧過，估不到第一次吃就是買外賣。冒著寒風去大興邨整頭，上去之前來這裡買個飯帶上樓。攤了差不多一個小時才吃，飯是凍了但未致於吃不入口(加上肚餓呢...)；材料也是基本東西，不過不多；飯份量只有飯盒的三份二，很快就吃掉全個飯，完全不夠飽啊...加5元配了杯凍O茶少甜，十分難飲。

以前很喜歡來這裡食，因價錢平、以價錢來說食物都算出色，而且特價小菜餐有很多選擇。可惜在裝修後，地方是大了，人手也增加了(但服務沒有變好)、價錢也因此而三級跳，特價小菜餐選擇也減少了一半，雖然味道還可以，但以這價錢來比較，就唔多抵食了。今次叫了菠蘿肉片飯，茨汁太濃，菠蘿味完全給茨汁搶去了，肉片還算新鮮，但就韌了點，說真的，食得落口，但完全唔可以叫做好食。

店舖擴充後仍沒有幫襯過這間招牌在晚間會閃過不停的餐廳,藉著北上的關係,先在此來個早餐,在家居附近坐下來吃早餐,不是要北上的話也沒有太多機會。早餐選擇不算太多,在不想吃熱湯粉麵的早上,從"豐富早餐"中挑了牛油麵包+茄汁豆+豬柳漢堡+芝士腸這個組合。室溫的茄汁豆乃罐頭貨色,不作評價;芝士腸和豬柳漢堡也是來貨,味道也不會有什麼特別,不過兩款都煎(炸)得夠香,尤其是兩片豬柳為甚!牛油麵包只有半片,麵包應是來自附近的蕙蘭餅店,尚算柔軟,牛油份量ok但沒有牛油香,唯有用來夾著豬柳、茄汁豆同吃,這樣就比較好吃。凍奶茶份量足夠,只是茶味超淡,相信用車仔茶包沖的還較好飲,這杯絕對不符合標準,水吧師傅要再下點工夫了!所以少有地只喝了不足一半,看來有點浪費但也沒有辦法。質素尚有大量改進空間,唯有好處是可以清靜環境吃個早餐而已,下次還是另覓地點好了。

星期日大昏迷,訓醒又係brunch時間!食過N間外賣,今次又試新野。蠔油薯仔雞翼飯:用兩格飯盒,份量足夠!只可惜味道一般,雖然我鐘意薯仔,但呢盒真係薯仔多過雞翼,薯仔係煮得入味但真係好多lu;雞翼細細件但多碎骨,最壞一樣係解凍未徹底,有陣雪味.....咖喱牛筋腩飯:又係多薯仔之作,都算入味!咖喱一般lu,奶味較重。粟米斑腩飯:魚塊較薄,似魚柳多過斑腩,味道一般。金銀菜豬骨湯:顏色好深,菜乾多過白菜原故,望落去唔太吸引,麻麻地。總括黎講呢度水準麻麻,翻炒機會好低,試過算數。