美都餐廳小廚 (已結業)

剛巧經過元朗, 又不想等位, 就來到美都用餐。由於我太肚餓的關係, 一見到餐牌上的'泰式豬頸肉炒菠菜麵'這麼特別, 便二話不說選了它。泰式豬頸肉炒菠菜麵豬頸肉有點肉味, 口感亦見彈牙, 絕對合格。炒菠菜麵雖然是沒有菠菜味的, 但做到Al Dente的效果, 確實不錯! 最令我失望的是它的醬汁, 我不知道廚師用了甚麼醬汁來炒這個麵, 但這醬汁是很甜的, 味道很奇怪, 我感覺我在吃甜品一樣!!!這次的經驗教訓了我, 想清楚才好決定吃甚麼。

一直都有間中幫襯開呢間，因為我住開元朗，呢間開得比較晏，去到12點。人又唔多，坐得ok 舒服，都系深夜醫肚好選擇。提一提果時已經11點半後，換左早餐餐牌。今晚叫左個豆腐班腩煲，食開呢間所以無特別望餐牌價錢，印象中大概五十左右。個便服哥哥兼收銀應該系老細，下單寫左$55蚊。比想像中貴，但心諗可能系自己記錯便無深究。個煲味道質素尚可。偏鹹一點，是這間特色。結帳之後，出左門口望一望個門口向街個大餐牌。原來標價系$45蚊。入返到問個收銀價錢，他表示是舊價，跟住邊行去拿張店內餐牌望(我無望到)，接住話系$50，佢先承認收多5元再退錢。當時我信佢記錯，但事後諗返，即便改左價錢，做生意加左價，至少有責任要改埋門口個大餐牌，呢點不能接受。結論系，究竟會唔會佢又第二次「搞錯」，個餐真系$45蚊，真系無從考究。

好一陣子沒來美都吃早餐了，是關這裏早上經常大排長龍，實在沒什麽心機等位。是日本打算去麥記，但排隊由樓上排到落樓梯，放棄了。行過美都見沒太多人，等了約五分鐘有位了。餐牌很多選擇，而且可以轉換，幾自由喎。是日只有兩個人，就叫兩份餐吧。漢堡扒煎蛋牛油餐包配五香肉丁公仔麵，餐飲要了熱檸檬茶。漢堡扒味道像極Jones牌的，沒什麽特別，蛋要了反蛋，煎得幾香口。五香肉丁一般罐頭貨式，幾多。公仔麵餐牌上寫著是出前一丁，吃一口，果然沒説謊，好味。檸茶個紅茶底好香，靚茶葉正。另一份叫西多士配雲吞麵，餐飲要了熱奶茶。西多剛炸起，好熱，夾著花生醬，好好味。雲吞麵忘了影相就ko了……雲吞有三粒，大大粒，麵也是要了丁麵，幾好味。熱奶茶好正，幼滑，杯子也是熱的，正。侍應態度ok，只是坐位有點迫，卡坐撘枱，食物放到很混亂。題外，看到對面撘枱的人叫了豆豉鯪魚米，有兩條，好似好好食咁，有機會要試試。

下午去買外賣，叫了一個午餐，見佢門囗個牌寫有湯，咖啡或茶.咁我就叫左湯，見落單嗰無再問我飲咩，我就以為個餐要了湯就唔會再有餐茶.直到個伙記拎外賣出黎時，講左句“呢個人唔飲野呀?“我先知道個餐係有餐茶，都唔緊要，咪當自己睇漏眼叫少左...本來都諗住算點知同我落單嗰個(即係收銀，我估係老細掛)，一聽到佢個伙記咁講，即刻同個伙記打哂眼色咁，好似叫佢唔好咁大聲之類.我真係覺得佢好核突囉一杯茶，值幾多錢，駛唔駛做到咁核突呀!！

很晚才回到元朗，肚子餓可惜附近的餐廳早已關門，第一時間想起美都，我記得此店是開至深夜的。叫了晚餐一個。基本上這裏的晚餐每次也一樣，只是頭盤的沙律配撘不同而已，晚餐的主菜可以自由地轉汁同扒。蘿宋湯，一般，唔稱得上好飲不過幾多料。炸帶子沙律，叫做係排得幾靚。兩顆炸帶子再配上薯仔鷄蛋雜果沙律，炸帶子無乜特別，沙律好味。幾新鮮無出水，我個人很喜歡薯仔沙律。主菜，本來是黑椒鷄扒飯比我轉了做蒜蓉汁豬扒。新煎起的豬扒熱喇喇，有肉汁，不是那些一早煎定乾巴巴的街邊貨。配飯的話是鷄蛋炒底的，而配意粉則會茄汁炒底，沒有過鹹或油，還有少許翠玉瓜和薯角作為配菜，很不錯。甜品一般是啫喱，是晚賣光了，送來了一杯甜紅豆，估計是做紅豆冰的。甜甜的加點花奶又幾好味喎，哈哈。餐飲要了凍利賓納，好大杯！有氣利賓納不是每間茶餐廳都有，而且凍飲不用加錢，啱哂夏天天時暑熱。成個餐都係四十幾蚊，食飽飽好滿足。不過這裏的冷氣太強了，要記得帶外套來。另外，茶餐廳本身我亦不期望有咩服務，只要唔好黑面同落錯單就ok了。

夜晚晚返到落元朗，究竟去邊度醫肚好呢？選擇性地行到阜財街一帶，愈夜愈旺市，不愁沒有餐館~記得以前元朗有很多茶記都叫做什麼都的，如金都~美都~銀都等..現在好像都關了，好景不常掛？唯有這美都撐到今時今日~看看有什麼好吃的？見到有個用阿膠力膠牌寫上晚餐二字，都幾吸引！有餐湯~麵包~小食~主菜~甜品和餐飲，都只是$43，超值！但只有一款選擇，咁另外那個點什麼好呢？心思思想吃焗飯，小菜亦不錯，見到旁邊”喳喳聲”的鐵板餐又想食~哎呀~妹子的選擇恐懼症又發作喇！就將計就計將選擇權交比小毛，咪幾好囉，男生特別喜歡主導麻~是日晚餐：羅宋湯或忌廉湯，我倆都揀白湯配上牛油餐包，可惜是日餐包竟然買晒，阿姐唯有轉做白麵包，幸好，是烘底，好過齋吃白麵包~內邊牛油只塗上一邊，還要用放大鏡先看到，不過心裡都會預左~食少點牛油當健康點，況且妹子都不太愛牛油。小食︰芝士焗帶子，幾有驚喜，旁邊用上吱花薯蓉，白汁味比較偏重，面頭有少許芝士焗至微焦效果，好吃^^令到妹子有點不夠喉添~想加添加添~薯蓉亦不過粉，應該溝了不少牛油呢~主菜：燒汁雞扒配飯，雞扒普通又不是炸得太過份，都嫩口~配菜有翠玉瓜中和下都唔錯既。剛好有一碗倒模飯

每次出元朗都為jor搵地方食飯而煩惱而且當日係母親節,更難搵位係街左逛右逛,最後俾我見到lei間餐廳門口有個餐牌寫$28一個飯,加$4有冷熱飲品其實我覺得係偏貴,但男朋友話ok平,而我已經行到好餓就求其入去食la母親節要等位,預jor我地問人要等幾耐,佢話我地係第4個咁我地兩個坐係到睇下電影慢慢等la點知有兩父女一入lei話兩位,轉個頭就有位坐我地出去搵個人講下la,點知佢話"人地搭枱ka,你地搭唔搭ar?"心諗"我地一入lei個陣你又唔問介唔介意搭枱?"不過我都唔會搭枱ka la,所以費時同佢嘈點知再過多一陣有枱個時佢走去鋪頭出面叫人入去坐人地係9號非,我係4號lor!!!之後我男朋友同另外有個人都走去問"點解佢遲過我地lei但係有位先ar?"佢就笑笑口話"哎呀我以為你地走jor ar,下一張到你"阿姐,我坐jor係門口wor,你以為我走jor!?真係未試過未食野就對間餐廳超多不滿lor好la,有位坐,叫人lei執枱都唔知個人想點,拿住塊布掃sai d垃圾落我到lor!!!!真係勁嬲ar我落order,叫個waiter俾杯水我遲遲都未有,去催佢佢竟然話"冇杯ar,d杯洗唔切"....

當夜晚想剧扒, 很多時都會想起美都扒餐 $50 一個, 羅宋湯好足料, 餐包有微暖夠軟熟,扒的份旺通常都好多, 今晚的牛扒就有三大塊, 嫩滑又有少少脆板, 唔錯!扒的配菜有薯餅同埋炸蕃薯, I like it!!!最後的奶茶夠滑, 奶味香茶味濃, 是一杯好的茶餐廳奶茶!另外車仔麵都好抵食, $21 一餸, $23 兩餸,配料是絕對不馬虎, 不過係麵湯稍稍咸了點~

懷著興奮的心情因為今天要去山頂玩首先先來美都吃早餐好久沒來了想來想去就叫了1個雞翼公仔麵另外1個5香肉丁公仔麵公仔麵寫明了是出前1丁的可是吃下去很明顯就不是出前1丁的味道來的雞翼麵是沒有味道的5香肉丁則還好而凍菜蜜沒有甚麼味道就只有水味飲了3分1也沒有掃興的早餐

星期日中午和朋友午膳,周圍都很FULL,見這間剛巧有位,又沒吃過,就入內試試吧。不過,下次有機會我也不想再試了雖說不是很差,但沒有讓人再試的意願,-_-更別說衝動了。事沿﹕坐下前侍應要清理前一位食客的碗筷,抹枱....她很利落地把桌面的垃圾撥落地面....簡直比大排檔還糟糕﹗之後,兩人叫了2個午餐,1個中湯,一個白湯。主菜OK,我叫那個是中湯--溝水,不知為何混濁,白潺潺,當然沒甚麼味道,加上室內冷氣異常利害,先是冷死人,繼而熱的食物,尤其那個湯,端上來已經涼了....吃得差不多後,侍應收去碗子等餐具,當時我們還未喝飲品,還有完整的一杯,侍應竟然說我們那張枱要埋單.....其實她不說,我也打算一吃完就走,因為實在太凍,太趕客了.....但你也不用這樣吧﹗總之就是食物一般,客觀環境(裝修)OK,衛生環境差,態度不佳,只因地點好,大家有吃飯的需求,才有那些客量.....價錢也一般。

想吃味精就去美都！夜晚叫左一魚一菜一雞加例湯，除了平平無奇的蒸魚外，沒有一味不是狂撒味精！連羅宋湯都飲得出有化學調味料，欺人太甚！太過分！難怪隔離何X記同埋新個間野永遠都排長龍，美都從未見人龍！！！放心，我以后都不會再入去貼錢買難受！！！！！

個人不喜逗留元朗搵食，連續有3篇元朗食評算是難得了。答應到千色附近的恆香寶城買餅買撻，才獨個來這間新式茶西餐廳，全店卡位是它一大特點。拜訪這等餐廳，有蛋有多士的常餐($28)不用說是我唯一考慮：　熱奶茶-以捷榮咖啡杯上的奶茶，茶味不順，口感亦粗糙不堪，飲到底是極大量的茶渣。這很明顯不是一杯傳統的茶記絲襪奶茶，非常令人失望。厚多士-滿有魅力的名詞，但原來不是傳統的厚香麵包，而是鬆泡泡的近似蛋糕鬆包。很一般。腸仔煎雙蛋-吃得太多火腿奄列，今次改要腸仔蛋：腸仔用上廚師腸煎到剛好，煎蛋亦飽滿生熟度適中，是難得的誠意之作，也是整餐最滿意的一項。叉燒湯意-叉燒不香味道沒層次，但比起湯意已算不錯了：意粉浸得軟稔毫無口感可言，再加上公仔麵湯包調味的湯底，我很勉強吞了三口，就全碗放棄了。 說自己選擇錯誤嗎，可另外的牛肉通粉選擇也不見得吸引。　吃到尾聲，阿姐突然上了一碟粟米班腩飯在我面前。我對面可是空無一人的啊?阿姐：「呵，食客一陣就到!」五分鐘後一位女生果然出現。但場內不是沒有別的位子，我還是想不通這古怪安排?　最後，雖然同名，它可與油麻地懷舊美都毫無關係。個人還是愛舊式茶記多許多!

中秋節晚狂歡至早上...由咖啡灣坐小巴落元朗...還未到7點,大榮華未有耐開門...唯有隨便找間茶餐廳食早餐平時少去美都,只試過一,兩次晚餐...印象一般五香肉丁通粉+雙蛋+多士...肉丁好肥,雞蛋煎到好熟好熟,最怕吃種蛋,連蛋白都是韌的...救命>.< 多士超劣,我隱約聞到有點酸味 $22...又是一次無回頭

曾在這兒吃到超值且高質素的鐵板餐　前兩天剛巧經過　所以再次光顧這次點了鑊仔牛柳鐵板餐套餐包括了餐湯，餐包，飲料和甜品我選了白湯　　好像是太多味精了餐包剛加熱好　熱呼呼的算是可以吧飲料選了什果冰（＋＄３）　雖然是沒剩多少氣的汽水　　但總比糖水好　　冰沒放太多什果是罐頭的　放了半杯牛柳和上次點的牛仔肉好像差不多　　很腍但不是沒質感亦有牛味（我吃不出雪藏味）甜品是提子味ｊｅｌｌｙ＋煉奶　杯子內面附著一只小蚊．．．雖然”配件”質素不算高　　但主菜絕對是超值的吃扒餐不就是為了那件扒嗎？只要扒好吃　　”抵食”管它幾角子成本的ｊｅｌｌｙ分量多少？另外　　此店的炸排骨亦是一絕肉”腍”之餘略帶”煙ｕｎ”　　有”ｃｈｉｕ”頭　在外頭從未遇過這麼好的質感

之前睇U-Magazine話呢間餐廳既鐵板餐好抵(呢間餐廳被列為top 10),$45包鐵板,飲品,沙律,湯,餐包,啫哩....咁就好遠咁由將軍澳入到元朗食la......但.....成個餐黎到,得鐵板,餐包,湯,同個啫哩(個啫喱仲要同雜誌影出黎幅相少三分二),仲要無埋個沙律!!!第一個反應好似被人欺騙左咁.....我個fd都覺得係....不過....算.....下次都唔好為左抵而浪費時間~~