美而廉餐廳 (已結業)

男友經常說這裡的扒餐好抵，趁假期搵日同細佬出試。但是次並沒有叫扒，反而要了一個快餐和一個下午茶餐。快餐是白汁粟米火腿雞皇飯，下午茶餐要了牛扒薯條，只是一般餐餐廳質素，沒太大驚喜，薯條仲炸得幾差添，又柴又乾，一點也不脆，塊扒又韌又冇肉味，唔掂！ 咁o既價錢咁o既質素，而且限住每人最低消費要$13，仲話美而廉，抱欺！請恕本人不敢苟同。

去完花墟本想去妹記食粥，可惜太晚了，3:15pm已收洗煲了。便決定到這久違的老店，下午茶餐很多選擇，有三文治、烏冬、奄列...等。便要了火腿奄列+羅宋湯+齋啡。羅宋湯：老火湯，濃味。HK$25.-一份茶餐，看似貴，但份量絕無欺場。題外話1：年輕時經常與友人在這餐聚頭，一般是月初，因剛發工資，便到這裡鋸扒^m^!另一個更豪的聚腳點是雅閣。題外話2：侍應們仍是那套齊整的白恤衫和西褲，加上那可愛的小BOW呔，而唯一改變是大家都步入中年了^m^!

呢間我細細個就已經同屋企人去,我最鍾意食佢既黑森林蛋糕,唔知點解特別好味,個樣好傳統,同出面個d唔同,一定要試呀!

今日響公司落街食晏，咁岩要去CitiCall度買我老板部老爺Viewcam的帶, 咁就去美而廉叫左個佢今日個快餐炒公仔麵黎食.速度係幾快, 同澳洲牛奶公司有得揮, 個蒜蓉多士係唔錯, 不過溫度熱一點就仲好.個炒公仔麵就一般, 周打魚湯就足料, 真係好好味......而且$26一個咁多野的餐, 真係好抵.同埋佢既裝修真係幾古老, 望望那些卡位就知.不過呢度的待應一般都係上了年紀的亞伯, 對服務就唔好要求咁多啦, 不過都可以接受既.

我覺得這裡價錢貴,要等很久才有野食，d野又唔係好食,我記得叫一個豬扒包套餐,要等成30分鐘才有。

美而廉d野大份夾好吃，茶餐廳黎講，佢d野真係好好食。而且旺角果間坐得都幾舒服，冷氣夠。通常到旺角，我都正係落美而廉食野。

我阿媽話呢間野係佢同老豆後生個時食到而家,坐得唔係咁舒服,但食物的而且確係好好味,Lunch set係三十零蚊一份,但size一定夠二個女仔or三個女仔食食物雖然係大家樂質素,但係size一定係大家樂的二倍重有佢的扒好大塊,好正,忌廉湯都好大size, 一個字-------------正啊!!!

落開深水步掃墨盒，行過見倒價錢唔貴又有位，加上連天大雨都唔想周圍搵食，所以就來幫襯了。呢度燈光幾暗，加埋直角片位，一片舊式本地西餐廳feel。選擇都不少，由鐵板雞、豬、牛、羊扒，到各式炒粉麵飯都有，當然少不了的是港式西餐必有的名汁，即紅汁、白汁、黑椒汁同蒜蓉汁啦！好唔好食就未知，梗有一款合口味的。叫了咸豬手餐，黑椒汁另上。紅湯一貫水準，重茄膏味；豬手份量不少，味道當然不能說是很好，但醮黑椒汁都不算太難吃。埋單六十幾，都算唔太貴，難怪吃飯時都有好多後生仔幫襯的。

講緊o既其實係深水步美而廉；餐廳裏面所見，大多數都係o岩o岩行完高登黃金，拿住一袋二袋戰利品o既人。小妹都唔例外，行完腦場，好順道咁就入o左o黎醫肚喇。叫o左一個$32特餐，揀羅宋湯同洋蔥豬扒意粉，另加一個$20吞拿魚三文治下午茶餐。羅宋湯同餐包總算及格；個洋蔥豬扒意非常大碟，不過味道欠奉。但係平平地純萃坐下嘆下冷氣，其實都唔會祈望D野會好好味lu，是但啦~~

唔貴，食過鐵板扒必飽。不過我同d friend 食完，坐係傾下計，傾到忘形，其中人叫了一聲，可能剛巧人多la，個類似老板娘既人就趕我地走wo。駛唔駛咁呀！

由阿爺到我地呢三代.食客皆絡繹不絕.首推肉醬意粉:免治牛肉粒好有質感.唔同其他舖頭o個D咁"梅".十足腐肉咁.秘製醬汁正到不得了.加埋芝士.焗到金黃色捧出黎.嘩.掂~其次為芙蓉蛋飯.隻蛋裡d料切得size適中.(好多叉燒粒.絕對唔係隔夜硬"叉"!!) 隻蛋半熟.蛋黃汁同甜鼓油撈埋個炒飯底..唔....!!阿爸話蒜蓉芝士焗青口都幾正.不過我未試過. Well. 食一個餐已經好飽. 知道自己食唔晒仲叫咁多? 咁浪費.好折墮咖喎~!雖然我咁強力推介.但係始終都係舊茶記.服務同衛生方面.請各位唔好期望咁高~

真係抵到爛!!!!!!廿幾蚊食到嘔~~~~~美就差d~我今日o係極度肚餓既時候入去~不嬲都有去架喇~~~不過今日就因為唔想o徒野先食晒佢.....冇錢既時候~可以去~~~~~