美而廉餐廳 (已結業)

話說上回此店在旺角結業時，已經很想一試，但一直都沒有機會。聽聞已在大角咀重開，是夜專程到此店一嚐美而廉的滋味。店內大部份食物都會包湯、多士和餐茶。餐湯有羅宋湯與海鮮湯選擇。是夜選了 羅宋湯，味道只是一般水準。跟餐的牛油多士，多士不是即烘，連微溫都欠奉。一口咬落塗有牛油部份，極具油淋淋的感覺！ 友人點了是日晚餐， 焗茄汁蝦球飯。焗飯不是如一般原焗盤奉客，是用碟上。蝦球是沾上蛋槳後走油，都算爽口但欠蝦味；飯只是普通炒飯一碟，可能店家所指的只是焗蝦球，因蝦球帶有用焗爐焗過的焦黑，但飯與醬汁真的沒法找到用焗爐焗過的痕跡和味道！小妹點了 鐵板黑椒牛柳絲炒麵。可能用上鬆肉粉吧，牛柳無牛肉味兼滑潺潺，芡汁又過份濃稠，全碟只有黑椒味同鹹味。 唯一可取是麵底有大量芽菜。 餐飲可選咖啡、茶或凍檸檬茶。想要茶走， 服務員提示改煉奶要加收三元。 即時有衝動想到附近超市看看煉奶是不是大幅漲價！心想奶茶都要用花奶同糖 , 為何改用煉奶要如轉特飲般受高規格款待？可幸是奶茶味道尚算及格。 咖啡味道勁淡兼超甜 。沒有咖啡糖供應，只下了小半包白沙糖，已經甜膩如此。 看來下次還是要先試味才決定應否加糖。就算是要將

羅宋湯，非常一般海鮮湯，但系入面無海鮮T骨牛，非常硬，差牛柳，無牛肉味，超差雜果賓治，ok啦呢一餐牛扒餐真系好差，我地中突燈來穩呢間餐廳，穩左半個鐘先穩到。

美而廉餐廳我可以話由細食到大, 由讀書帶同學仔去食, 拍拖同女朋友仔去食, 出黎做野同朋友仔去食, 可稱 "死忠fAns", 但十多年前結婚, 搬左第區住, 唔就腳, 就冇再去, 香港人就係咁, 但果份 '簡呈' 仍在我心深處 ...早幾晚收工, 同老婆楂車經過見倒, 又未食飯, 即刻停左響後街, 追尋昔日回憶 ...晚七點幾到, 唔洗等, 一坐低, 想叫鐵板餐, 老婆話晚餐同鐵板餐個餐牌跟本一樣, 但晚餐賣 $52, 而鐵板餐則 $79, 頭搭尾差成卅蚊, 咁佢話要晚餐算, 好, 我又跟; 同亞叔叫落單, 佢同鄰桌妹妹仔打緊牙較, 有 D唔好面口, 老婆仲話要轉黑椒汁 ... 點知欏到黎 ...1) 老婆果碟飯d 黑椒汁淋到寫晒, 搞到成檯都係, 侮氣! 2) 老婆果碟飯d 黑椒汁同飯都係凍既, 3) 老婆果杯凍咖啡係酸叔既, 唔怪得G飲左一啖就放低左 4) 而我果碟扒飯, 我淨係知勁鬆肉粉 + 勁味精, 唔好食 + 成晚勁灌水解味精 * 2) 同 3) 係我地食完出左門口開車走, 老婆先同我講, 佢話怕我同 d 伙記抄大獲, 仲話以後唔去 ... 嬲! * 總結: 失望

前几个月美而廉结业无去，搬到新店，要看看还有没有多年前的感觉，门面里面都是一家普通的茶餐厅，一点没有怀旧的感觉，真的可惜，换了是只有伙计的不亲切态度，定了最低的销费，和极差的食物质数。４点钟下午茶时间到达，只有４到５抬客人，伙计有３到４个，应该不会有压力，但他们的态度真的有问题，应理不理，还有卫生绝对要再学习，用手“拗”脚然后又拿食物。我没有像其他人叫扒，而是叫了一个茶餐厅最基本功夫的河粉，　　　鸡丝炒河粉　－　一看就知道有问题，颜色不够和不均匀，已经是炒河粉死穴，再近看一点，有很多河粉都没有炒散，一旧旧，鸡丝也干干的，（３０分）炒河粉炒得这样差，一点都不美。伙计的不亲切又不卫生，更加不“美”在大角嘴，要３３圆下午茶，真的一点而不“廉”。茶餐厅有最低销费，更加不“廉”或者考虑一下用“尾而敛（财）”可能有特破，吸引更多好奇的客人。

舊的結業前沒有去成功, 那麼便來試試新的吧!!新的座落於大角嘴, 少了在旺角那時候的方便!!但俗語有云, 舊的不去, 新的不來!! 到店時已差不多十時半, 因此店內沒有很多的客人店內的裝潢雖是全新的, 但舊有的感覺仍有保持!!一枱一櫈, 都很有懷舊Feel... 在現今百物騰貴的情況下, 這價格確實是有點經濟!!餐飲還可以選擇啤酒/ 檸樂/ 什果冰?! 什麼凍飲加$2元的, 看看人家... 菜蔬份量尚可, 但味道較淡!! 酸又沒有, 辣又不是...雖然麵包比較薄, 但烘烤得宜之餘, 味道還很不錯!遠遠都聞到這件蒜蓉多士有多吸引...比起大眾套餐的牛油餐包, 這有誠意多了! 多士香味, 是從這邊傳出來的吧...大大塊的T-bone, 足以蓋過了整個鐵板,試了友人一口, 腍腍的牛扒, 而且整個黑椒汁十分不錯,亦沒有太靭的感覺, 不錯! 份量充足, 煙肉沒有太硬或太燶的情況出現豬扒薄薄的, 肉質既硬且"鞋"牛扒雖未致於給梳打粉弄走了原先的牛肉味,但肉質跟味道也一般!!茶膽清, 但茶味不太重, 令到味道失色了一點!!

美而廉由旺角洗衣街搬遷至塘尾道新店, 跟朋友來到一嚐他們的鐵板餐進去後是茶餐廳格局, 坐位也算闊落, 亦夠光猛之於服務當然不能與西餐廳相比了, 不過那裡的伙計大叔反應亦夠爽快附送的蒜茸多士, 應該放置了一段時間, 不夠脆也不夠熱我同朋友都係order "紅湯" , 反而不錯, 材料都算十足另加五元可以轉紅豆冰, 不過奶香不夠, 好像加了太多水, 而且糖水好像落太多了, 變得偏甜, 反而紅豆夠冧, 不會硬實。下次還是叫回凍檸茶比較好鐵板餐的主角, 一向嗜牛的我order了黑椒牛柳帶子, 第一次吃如此厚的牛柳, 還擔心叫了五成熟會不會偏靭, 還好是鐵板夠熱可以鎖住肉汁, 令牛柳不會變"老", 夠juicy, 黑椒汁亦頗多, 之於帶子屬普通急凍貨色, 純粹點綴而已朋友上次吃過雜扒餐, 今次叫了巴西雞扒配蒜茸汁, 傳說這裡的雞扒比臉蛋還要大, 果然名不虛傳, 兩大塊雞扒, 朋友吃罷已飽上心口了。嚐了一口雞扒，煎得夠香口，下次可以試當連鎖快餐店以五十多六十元的價錢出售水準每況愈下的鐵板餐，這裡以六十多七十多元的價錢來說，的確是物超所值，絕對有下次P.S. 汁是由伙計淋上去的, 如果由自己落手會更

喺屋企樓下開左一間，終於得閒落一落去食番餐。叫左個午餐：鐵板蒜茸牛扒$68、白飯另加$5、轉凍檸樂另加$3。個餐有齊湯、多士。正常水準啦，唯一彈嘅係有一塊多士唔脆。牛扒黎啦！鐵板持續好耐都好熱，即使7成熟牛扒都爽口，內裡夠肉汁，可能就係因為塊板夠熱，令外層封住肉汁免得流失。唯一不足係可以再落多d汁，因為塊板持續熱左都幾耐，d汁都乾哂，食到最後無汁點呀！環境：人唔多，坐得幾舒服。食完坐喺度打食評都冇人趕我走。慳電膽燈光ok,已經比出面d扒房光猛。服務：d叔叔都係一貫水準，實而不華，簡單直接唔虛假，都唔明其他食家點解咁話d叔叔。你想要劉德華式服務咪去連鎖店囉。價錢：Ok.以今時今日食材同租金黎講，個價係正常。麥記都平均接近30蚊一齊，美心大家樂都四十幾蚊，喺度鋸個扒六、七十蚊我覺得合理。主於廉唔廉，見人見智啦！

我們試過了鉄鈑牛扒餐,口感食落超水準,肉質調理份量配合得非常之好,出品的生熟程度亦夠專業,眼見各部門,水吧.廚房,侍應,收銀員各職工都好專業, 下午68元,份量有7oz 的牛扒,果然是貨真價實.

老闆娘好人比我地入舖內等位, 唔使係街等又熱又大塵又多人(因為隔離係投注站).舖內冷氣充足午餐抵食, 改飲大啤只須加$15, 細加$7, 鮮奶利賓納加$2, 多選擇, 我鍾意!凍飲不用加錢, 夠大杯, 凍奶茶夠奶味

琴晚（30/4）晚上十點做完野行過大角咀果間美而廉餐廳，聽人講係老字號，就走入去食啦! 入到去，個地下好污穢，D紙巾、垃圾一地都係無人掃，個地地仲好油，感覺都幾唔衛生，因為已經好夜，我同朋友見肚餓，但又唔想食咁多野，最後只叫左一客晚餐，點知，個侍應阿叔聽到我地只叫一個餐木，就即刻話：有最低消費架!叫杯野飲lor! 我當時未為意最低消費既意思，又未諗到飲乜，咪話轉頭叫lor! 果時果位侍應阿叔聽到我地話轉頭叫，已經唔係幾好態度，我地無理佢，之後望到張單寫住，“每人最低消費＄14”，我就諗，我地只叫兩杯飲品就要＄28，而家叫個餐要＄52，點都過晒佢既要求啦!而且我都無野想飲，係叫都只係夾硬叫。跟住D麵包、餐湯開始送上來，佢地既服務真係幾差，好無禮貌，只張D食物拍一聲放落枱就走，本來我都諗住叫多樣野求其食左就算，無耐，又係果位侍應阿叔走過來問我地叫野飲未？我地唯有叫左杯熱飲，其實都無飲到，食埋D野就走左。當然，我地比錢既時候有問下收銀果位阿姐，“每人最低消費＄14”既意思，唔係每人比夠14蚊就可以？佢一聽我問，就話：你等等，我一陣話你知。佢既反應，似乎過去都有人咁問過，佢要慢慢收好我地比既錢

無錯！大家係無睇錯！食晚飯使等位！當然！就係要早少少去到，大約晚上六點到達，店內只有數枱客人，仲可以揀位坐！如果各位唔想大熱天時企係馬路邊等位，就可以考慮早少少食！新店最唔同嘅就係燈光，採用黃光，好似好柔和，但就無以前咁醒神！老闆事先張揚，講明坐位同餐具都用返之前的，所以坐落都唔會當係新餐廳，但又無以前嘅感覺，就好似無見一排唔同咗咁！坐落可以慢慢睇，慢慢揀，無以前咁趕，但上菜依然好快手！嚟到當然要食扒，叫咗豬扒餐同牛柳餐，兩個餐仲有意粉或白飯送添，因為本身個餐都好夠食，所以無要到首先餐湯羅未湯跟牛油多士，今次個多士就麻麻，好似放咗好耐，又凍又淋又唔金黃，湯就都係咁多料同好有蕃茄味豬扒餐加腸仔，鐵板好熱，跟洋葱汁，兩件豬扒，每件都有少少肥邊，香香脆脆，仲有大量薯條同雜菜粒執底，可惜鐵板熱到薯條都燶，豬扒肉質比較實，加上肥邊香口，正！牛柳餐，同樣有鐵板太熱嘅問題，但就薯條無燶到雜菜粒燶咗，配黑椒汁，牛柳剛熟，切開唔會血水，又唔會熟到咬唔開，份量合理，加埋炸蟹箝，正！餐飲選手檸樂，唔使加錢，仲可以揀什果冰，真係幾正，其他地方檸樂必然要加三幾蚊，當你食住熱辣辣嘅扒，再飲一啖凍檸樂真係絕配。難怪

有冇聽過美而廉餐廳?? 我就冇啦, 聽講佢係旺角好多年, 但我同家姐一次都未去過, 最近加租所以佢地被迫結業早兩日睇報紙佢地係大角咀塘尾道搵到舖位，可以繼續營業,仲將舊店o既枱櫈搬晒去新舖, 老伙計都一齊去新舖開工咁o岩尋晚只係得我家姐熙哥3丁友, 夜晚晚9點幾去搵o野食~醒起呢間o野,,,,美而廉,,,,,,聽個名以為佢係又平又正~9點幾都滿晒坐咁滯.....原來今日開張大吉~!冇餐牌, 只係見到呢張價錢牌~食飯唔知米貴o既我.......70幾蚊個扒覺得都唔係平喎,,,,,(心目中50幾蚊叫做平嘛~ cheap cow)諗住去奧海城食papper lunch o既我地......慳皮叫o左2個扒3個人吃~ 唔係熱辣辣o既湯,,,,,,飲忌廉湯o既我覺得ok啦, 羅宋湯明顯好水, 聽到隔離枱請笑話買唔到肉, 所以羅宋湯冇肉~ 我叫T-骨扒~! 細心睇下個價錢咭, 會見到每個扒可以選一樣餸.....雞翼一隻, 腸仔一條, 帶子一粒或者蟹拑一隻 (什扒除外)我要帶子.....我未試過食咁薄o既T-骨,,,,,,,,,不過肉質好正, 雖然有D過鹹 熙哥好識嘆,,,,,食西冷~價錢

前日美而廉新開張，其價廉物美嘅鐵板餐吸引左好多食客試下新店食物係未能夠維持水準。新店環境一貫平實作風，店員都係上左年齡嘅伯伯婆婆！所以今日決定去試試其實力，睇下同傳聞中有何差別！講食物水準之前想先講講其服務質素，其實我入店之前已經知識呢D老店大多數都好有性格，但估唔到可以咁差勁。事情係我地用餐時有D汁整倒係張枱上面，而我拎左佢地櫃上嘅＂兩張＂紙巾，用作清理張枱之用，隨後立即有個婆婆上前話我：＂紙巾唔可以拎架，要架五蚊一張！＂當時心諗，我有需要先拎姐，拎左兩張清理枱面姐，唔駛咁呀。而當時見佢冇再追討下去，我都冇講任何野。但到找數時，個位婆婆再三重復，紙巾係唔可以拎架，要五蚊一張，雖然最後佢冇收到我地紙巾錢，但係我真係想知道，兩張紙巾對一間餐廳係未真係咁重要，重要到要三反四次咁話個客；更想知道一間有美食嘅餐廳係未可以冇服務，更可以趕客；香港係美食之都，真係好希望餐廳提供美食之餘，未能提供好嘅服務都唔緊要（況且好多大排檔都冇服務可言），最緊要唔好令人食都食得唔開心。哈哈，茶餐廳一張紙巾收五蚊一張，真係第一次聽，咁貴我都唔想用，只係我冇帶紙巾去食飯，下次我一定去7字入返D幾包（唔駛五蚊包，抵）