影片
食家推介
🥢今次食咗呢间外表十分之普通嘅街坊茶餐厅🍴若果你单凭餐厅嘅外貌📍你应该未必会入去食🥣但系如果你好似我咁入去试过嘅话❤️你一定会再去帮衬佢👍..🥢餐厅装修普通🍮感觉上亦都系比较旧式❤️但系佢嘅特别之处喺佢哋挂喺墙上面嘅菜牌✍🏻有啲系人手用粉笔字写✍🏻但系大部份都系用毛笔字写✍🏻字体好靓👍感觉好似去咗美术馆一样💯绝对值得推介👍👍..✅姜葱霸王鸡 (例牌) $68 🥢+ $10 包埋例汤、白饭同埋热饮☕️姜葱爆得好香👍啲鸡亦都好滑👍..✅滑蛋虾仁 $64🥢+$10 包埋例汤、白饭同埋热饮☕️..虾🦐够大只👍而且唔系出边茶餐厅𠮶啲玻璃虾💯滑蛋易炒得啱啱好💯..🥢美景茶餐厅..服务质素 : ⭐️⭐️⭐️⭐️⭐️(有人情味)食物质素：⭐️⭐️⭐️⭐️⭐️(非一般茶餐厅咁简单❤有诚意)价钱方面：⭐️⭐️⭐️⭐️⭐️ (性价比高)..💰：$152 / 2人 (晚餐)..📍荃湾海盛路28号祈得尊新村一楼2号铺
继续阅读
荃湾西物价愈黎愈高想揾间价钱合理 又好食茶餐厅可以试下呢间一开始系被门前艺术字所吸引入去正正下午茶时间都8成满大热狗包系牛油法包 焗得脆身 但咬落又唔会硬配上大热狗肠同蔬菜好fresh 鱼柳滑蛋多士鱼柳香脆又湿润 唔会炸到干晒炒蛋够大份 已经炒到熟晒虽然无蛋汁 但又唔会太鞋牛油多士正常 都系热同脆嘅 衬埋去茶餐厅必叫既茶走饮落顺滑 唔会过甜 有茶味👍🏻下午茶餐都系三十几蚊包野饮 冻饮要加$3比去连续餐厅我更爱亲民茶餐厅
继续阅读
又到Lunch 时间,突然忽发其想了一间茶餐厅-美景茶餐厅。故跟同事到此间餐厅品尝一下。这儿是开放式厨房,座位都算多,但坐得不太舒服。入到来后,看了看餐牌,没什么想吃的。最终都叫了是日午餐-美极手切干牛河。牛河味道一般,不太够镬气,牛肉不太入味。对比起外面的茶记,这碟牛河好的是不太油。这个SET是跟一个餐汤,本人选了南瓜汤,汤没有南瓜味,太淡,粟米不甜。所以,整体来说,是很一般的用餐体验。或者,其他菜式可能会较吸引吧。
继续阅读
因为老婆是个星期六早、午有两个网上研讨，小弟就成为无所事事自人，啱啱好遇着一班单车友唔踩车，改为行山，啱晒啦！是次行程由大埔梧桐寨出发，2.5小时一直梯级上到大帽山，都几喺嘢，再行返出荃锦公路，搭返巴士落荃湾完结，头头尾尾连埋休息、食嘢，都行咗5.5个钟。行咗咁长途，仲要喺一班麻甩佬，点都要揾个合适点摊抖吓，其中一位老友喺荃湾返工，就带我哋嚟到「美景」叹下午茶。 餐厅晌祈德尊新邨入面嘅平台，位置确喺几隐秘，可以兜7仔旁后楼梯上，亦可以兜正门搭扶手电梯上平台。虽然叫茶餐厅，但门面已好有个性，有啲似日式西餐厅，绝对唔多似茶记。入到去，又如一般茶记咁有嘅卡位，但亦有啲少少格调嘅圆木枱配皮椅。除门面有啲似日式西餐厅风格外，里面有啲墙上餐牌都以啲日本书法字去写，究竟老细喺唔喺「哈日族」呢？ 老友提我，记得试佢哋啲包，因为所有面包都喺自家制，近门口位，仲摆咗好多面包出嚟，喺作零售之用。下午茶时段有啲咩拣呢？底面两页嘅下午茶餐餐牌，都有好多选择，少少哋嘅轻食，如多士、三文治、炸脾、西多……等等，大份量啲嘅就有拉面、米线、炒粉饭面碟头嘢……等等，最估唔到，甚至乎窝芙、梳乎理班戟都有，以茶记而言，真喺超强嘅下午茶选项。除选择多，定价亦相宜，怪唔之得不断有客人入嚟帮衬。 冰火菠萝油 $28 由于行山途中都食咗啲干粮，所以，嚟到食下午茶都喺过过口瘾，叹杯奶茶而已。菠萝油+奶茶喺心水选择，第一眼以为嚟错两个菠萝油俾我，查实就唔喺，师傅将个包一开二而已，所以，卖相已经好破格。 一开二好似多余咗㖞？疑惑点就喺呢样，但一拎上手谜底就解开晒，原来，切开一半，平底沾蛋浆煎香，好似整西多咁，故此，个包够热辣之余，底位仲多咗层脆口加蛋香感，非常过瘾。 而面头插上两件冰冻嘅「安佳」鲜牛油，真喺食出冰火感觉。点知喺「安佳」？无可能食得出咩品牌嘅牛油嘅，只喺店家专登贴埋出嚟啫。以前都食过好几次冰镇菠萝油呀，今次又遇到新玩法，可谓菠萝油新境界。 热奶茶 个菠萝油就好有惊喜喇，而呢度嘅热奶茶亦唔失礼，茶色深褐，入口茶底醇厚芳香，茶、奶两比例都恰到好处，口感顺滑，夹菠萝油，一流啦。 菠萝芝士咸牛肉炒蛋包 $36 友人就拣咗店家推介嘅呢款「菠萝包」，喺芝士+咸牛肉+炒蛋+菠萝包嘅组合，听起嚟都好劲咁啦。事实上，个包嚟到都好大堆头，馅料堆到满满，友人简单一句，个包丰富多料，味道甚具层次，夹甜包都掂㖞！ 炸鸡脾伴沙律 $36 另一位老友对炸脾情有独钟，上之踩完单车晌大埔下午茶，佢又喺拣炸鸡脾，但上次配薯条，今次个餐就伴「港式」杂果沙律，咩叫「港式」？咪罐头货啰，哈哈！不过，佢话只炸脾真喺几唔错，无炸过笼，外皮香脆，入口唔油腻，大只，啲肉又唔嚡，仲平过上次晌大埔食。 黑蒜猪骨浓汤博多拉面 $41 个名听落真好劲咁喇，但就最跌眼镜嘅一款下午茶餐，其实，卖相都唔失礼，大大碗，有日式叉烧、木耳丝、笋干、大冬菇（鎅埋花），但一向拉面中出现嘅溏心蛋就变咗煎太阳蛋，感觉变咗车仔面。本应黑蒜猪骨浓汤应该好稳阵，但友人就话正正喺个汤有问题，觉得个味道怪怪哋，但又唔知点形容。 整体嚟讲，我觉得店家做嘅食物几有诚意，亦花咗唔少心思，个拉面就唔知喺唔喺意外嘅失准。招呼方面，都OK啦，虽然落单有啲乱，但都及时修正返。
继续阅读
店舖位置感觉好 隐秘， 喺地下7仔旁边嘅电梯上转好多个弯先至上到去， 沿途感觉都好残旧。入到去 餐厅算都算新净 ，比想像中多人，下午茶系要搭枱+等枱。坐低睇到个餐牌感觉其实唔算特别平，每人叫咗一份，一个烧腩仔焗肉酱意粉、一个牛腩河。 首先呢个牛腩河，牛腩分量好足同埋有牛筋，河粉先系最惊喜系部分， 淋滑得嚟又有烟韧，同埋系完全唔断，比一般粉面店的还要好吃很多。 然后就系焗烧腩仔意粉，非常好食 ，烧肉个皮好脆 ，意粉上面嘅芝士都焗到好脆，· 意粉嘅汁且份量足够，但系烧腩仔同意粉两样嘢唔系好夹，但系两样嘢系好食嘅总结黎讲应该会再返吃
继续阅读